Gramos Sfishta

Aplikacioni i javës: Wallpapers nga Google

Aplikacioni i javës: Wallpapers nga Google

A jeni të pasionuar në ndryshimin e shpeshtë të prapavijës së ekranit tuaj?

Aplikacioni jonë i javës këtë radhë është Wallpapers nga Google.

Ky aplikacion ju lejon që ta zbukuroni prapavijën e smartphonit tuaj me një koleksion të madh të fotografive, duke lejuar që të zgjedhni nga fotografitë tuaja personale e deri tek ato nga Google Earth.

Një mundësi shumë e mirë është edhe vendosja e shumë fotografive tek kategoria “Favorites” dhe çdo mëngjes do ta filloni me njërën nga ato fotografi në prapavijë.

Për ata që e dëshirojnë këtë aplikacion mund ta shkarkojnë direkt nga Play Store përmes linkut këtu./ameble

Si të instalojmë Whatsapp në iPad

Si të instalojmë Whatsapp në iPad

A ke një iPad dhe dëshiron të instalosh Whatsapp në të?

Nëse po, atëherë këtu ju shfaqim se si të instaloni Whatsapp në iPad.

1.Merrni .ipa skedarin (fajllin).

Para se të fillojmë ajo çfarë duhet të bëjmë është të instalojmë skedarin e aplikacionit i cili përdor formatin .ipa. Këtë nuk mund ta bëjmë direkt në iPad, për këtë arsye do ta bëjmë në mënyrën e vjetër, do ta shkarkojmë atë në Mac. Hapeni Finder dhe shkoni në dosjen e muzikës – se ku është e vendosur kjo, varet nga versioni i OS. Mund ta bëni thjesht duke shtypur Go në menynë lartë. Shtypeni Home e pastaj iTunes pastaj iTunes Media e më pas Mobile Applications ose drejt nga iTunesMobile Applications. Aty do t’i gjeni të gjithë .ipa skedarët që keni shkarkuar. Gjejeni skedarin Whatsapp dhe zhvendoseni në desktop.

Finder> Home > Music > iTunes > iTunes Media >Mobile Applications > WhatsApp.ipa

 2.Shkarkoni dhe startoni iFunbox

Lidheni iPadin me Mac. Përveç iTunes do të na nevojtiet edhe një tjetër program, që të i menaxhojmë skedarët në iPad. Ky është iFunbox i cili mund të shkarkohet këtu. Shkarkojeni dhe startojeni.

  1. Hapeni iFunbox dhe klikoni Install App
  2. Duhet ta shihni Whatsapp.ipa këtu. Hapeni
  3. Aplikacioni Whatsapp do të instalohet në iPad.

3.Instaloni Whatsapp në iPhone

Tani, duhet të instaloni Whatsapp në iPhone ashtu siç e keni bërë gjithmonë, duhet të jetë një instalim i ri, nëse e keni të instaluar më herët ndoshta duhet ta shlyeni dhe ta instaloni përsëri. Hapeni, dhe regjistrohuni me numrin që dëshironi ta përdorni në iPad. Si zakonisht do ju vijë kodi për verifikim.

Kur ta përfundoni lidheni iPhonin tuaj me Mac. Shkoni në User Applications nën hyrjen për iPhone klikoni dy herë te Whatsapp dhe më pas kopjoni dosjet Libary dhe Documents në desktop. Kjo përmban të dhënat e regjistrimit.

User Applications > WhatsApp > kopjo Library dhe Documents në desktop

4.Kopjimi i të dhënave të regjistrimit

Gati përfunduam. Largoni iPhonin dhe lidheni përsëri Ipadin me Mac dhe hapeni iFunbox, shkoni tek User Applications nën hyrjen për iPad dhe pastaj në Whatsapp. Documents dhe Library që ndodhen këtu i zëvendësojmë me ato që ndodhen në desktop pra të dhënat që i kemi dhënë në iPhone i kopjojmë në iPad.

Mbylleni Whatsapp në iPad dhe hapeni përsëri në mënyrë që ta largojmë mesazhin që thotë që aplikacioni nuk punon.

Do të keni mundësi që shumë mirë ta përdorni Whatsapp në iPad nëse i bëni të gjithë këta hapa me kujdes.

 

iPhone 8 vjen me ekran të lakuar

iPhone 8 vjen me ekran të lakuar

Apple ka bërë një porosi të madhe të ekranëve të lakuar OLED nga Samsung, bazuar në shumë raporte që burojnë nga zinxhiri aziatik i furnizimit të Apple. Porosia  po nxit thashethemet që modeli i ardhshëm iPhone 8 do të ketë ekran të lakuar.

Në mes tjerash Nikkei Asian Review ka raportuar:

“Apple ka porositur 70 milion njësi të paneleve OLED nga Samsung këtë vit, përderisa Samsung po përgatit që të shesë në total deri 95 milion njësi për Apple në këtë vit, në rast se kërkesat i kalojnë pritshmëritë”

DigiTimes, i cili ka një rekord sa i përket thashethemeve për iPhone, të enjten theksoi raporte tjera nga mediet aziatike:

“Raportohet që Apple ka nënshkruar një kontratë dy vjeçare me Samsung Display për furnizim me panele OLED në vlerë prej 9 miliardë $,”

Nuk është e qartë nëse ekranet do të jenë të lakuar për të mbështetur funksione të reja, ashtu sikur pajisjet Galaxy të Samsung janë, apo ekrani i lakuar do të jetë për arsye estetike. iPhone 7 plus e ka një lakim të vogël të ekranit, por nuk ka ndonjë funksion.

Edhe Wall Street Journal, në vitin 2016 po ashtu ka raportuar se Apple po i shqyrton ekranet e lakuara. Megjithatë, kohëve të fundit, thashethemet kanë sugjeruar se Apple do të vazhdoj me ekranet e rrafshëta.

Apple pritet që t’i prezantoj tri pajisje të reja më vonë gjatë këtij viti, viti i dhjetë i lansimit të iPhone. Një pajisje me ekran të madh mund të ketë një emër special si iPhone 8, iPhone X ose iPhone Edition. Dy pajisje tjera më të vogla priten së bashku me të si përditësime të produkteve tradicionale. Këto pajisje pritet të kenë ekran të rrafshët, bazuar në DigiTimes./ameble

 

Vertu Constellation – Smartphoni 6000$

Vertu Constellation – Smartphoni 6000$

Ne jetojmë në botën ku shumica e smartphonëve kushtojnë mes 200 deri 800$. Ka një zgjedhje të madhe të modeleve në mes të këtyre çmimeve, nga ZTE e Motorola e deri tek top markat si Samsung dhe iPhone i Apple. Por ka një botë përtej kësaj me smartphone të veçantë dhe shumë të shtrenjtë dhe luksoz, i fundit që i bashkohet kësaj bote është Vertu Constellation, smartphone i vitit 2017. Ai është smartphone pa shumë fantazi por edhe që ofron shërbime dhe strukturë “jashtëtokësore”. Constellation është diçka që sjellë kundërshtime, si shumë gjëra të botës së milionerëve.

Vertu ka qenë në këtv botë shumë gjatë, fillimisht e krijuar si divizion i Nokias, dhe janë shitur disa herë, kjo e fundit është shitja tek biznesmeni turk Hakan Uzan. Pra Vertu është një kompani e vogël që merret me paisjet e vogla elektronike, dhe e fundit është Constellation i vitit 2017, që i takon klasës së mesme të smartphonëve.

Klasa e mesme e smartphonëve tek Vertu nënkupton një çmim fillestar prej 6000$

Vërtetë shumë për një smartphone, edhe pse është i punuar me dorë dhe prodhuesi garanton siguri të lartë të të dhënave.

Disa karakteristika të tij janë:

  • ekran AMOLED 5.5″ i mbrojtur me kristale safiri
  • Kamera 12MP
  • Android 6.0
  • Procesor Snapdragon
Rikthehet Galaxy Note 7! Përditësuar

Rikthehet Galaxy Note 7! Përditësuar

Ka kohë që është raportuar se Samsung do të risjell Samsung Galaxy Note 7 në treg, si smartphone të rinovuar.

Në fillim Samsung e kishte mohuar një mundësi të tillë, por më vonë ata e konfirmuan këtë dhe tani janë shfaqur pamjet e para të Galaxy Note 7 të rinovuar në Vietnam.

Pa dyshim, smartphoni duket krejtësisht i njëjtë në pamjen e jashtme, me një numër të modelit SM-N935. Ashtu si edhe kishin parashikuar thashethëmet, ai vjen me një bateri pak më të vogël prej 3,200 mAh në vend të 3,500 mAh sa kishte origjinali. Ai vjen me Android 7.0  me firmware dhe kernel të punuar në Shkurt të 2017.

Nga fotot duket që ato janë bërë dje me 07 prill 2017. Risjellja e pashmangshme në treg e Galaxy Note 7 tashmë po troket në derë, edhe pse sipas burimeve ky smartphone nuk do të jetë në treg në SHBA, Kanadë dhe Indi, dhe ende nuk ka informata për çmimin. 

Nga perspektiva financiare, kjo ka shumë kuptim për Samsung që të provoj të rishes miliona njësi të Galaxy Note 7 të tërhequra nga tregu. Është e kuptueshme që ata kanë bërë testime ekstreme sigurie para se të i risjellin në treg, por përsëri për shumë kjo duket e pasigurt. Nëse vetëm një nga këto njësi merr flakë, ashtu siç mund të ndoshë me smartphonat, zyrtarët e  Samsung do të kenë një kokëdhimbje të madhe, përsëri.

A mendoni se ja vlen për të rrezikuar? A do të blenit një Note 7 të rinovuar? /ameble.com

Cortana në Xbox One: Këto janë komandat më të mira me zë

Cortana në Xbox One: Këto janë komandat më të mira me zë

Nëse ende nuk e keni përdorur Coratanan në Xbox One, Microsift do të dëshironte që ta provoni.

Si pjesë e Xbox One creators update, asistuesi virtual i  Microsoft ka pranuar një përditësim, dhe mbështet disa gjëra të reja siç janë reminders ( lajmërimet) dhe alarmi. Sidoqoftë disa komanda të zërit janë më të mira se të tjerat në Xbox One, dhe nëse e keni përdorur Cortanan në kompjuter duhet të dini se disa komanda ende nuk janë të gatshme për konzolën Xbox One.

Më poshtë është një listë e komandave më të mira të zërit për Cortana në Xbox One. Për të i aktivizuar ato duhet të keni një mikrofon ose një Kinect, dhe secilën komandë duhet ta filloni me “Hey Cortana”. Për listën e plotë të komandave, duke përfshirë edhe ato që ndoshta nuk ju duhen në Xbox One vizitojeni faqen e Microsoft.

Komandat më të mira për Cortana në Xbox One

”Play [loja]” – Fillon Lojën.

”Go home” – Kthehet në ekranin kryesor ”home screen”.

”Friends,” “Notifications,” “Messages,” “Achievements”– e hapë atë kategori.

”Invite [emri i shokut] to the party” – Nuk keni nevojë për emrin e saktë, Cortana do të e gjejë emrin që përshtatet më së miri.

”Leave the party”

”Send message to [emri]” – Cortana pastaj do të ju pyes se çfarë t’i thoni.

”Record that” – Do të ruaj 30 sekondat e fundit që luajtët në  lojë.

”Take a screenshot”

”Start a broadcast” – Fillon trasmetimin në Beam. (Nuk mund të hynni në trasmetim në Twitch me zë.)

”Remind me to [detyra]” – Cortana do të ju ofroj për të vendosur kohë dhe datën, dhe pastaj do të ju njoftoj për të në kohë edhe në paisjet tjera ku e përdorni Cortanan.

”What’s the weather this weekend?” ose “What’s the weather in [vendi] on [data]?” Cortana ju shfaq motin

”Pause” ose ”Play” – Përdoreni këtë për të kontrolluar muzikën në prapavijë.

”Videos of [termi i kërkimit]” – Shkurtesë e përdorshme për t’i shikuar videot nga Youtube në shfletuesin Edge.

”Use a code” – Për të paguar artikuj në Store.

Këto janë komandat më të mira ndërsa ka komanda që thuhet se punojnë në Cortana në Xbox One por në fakt nuk punojnë, në disa prej tyre Cortana ju thotë që t’i provoni pas përditësimeve të reja.

Keni kujdes me VPN

Keni kujdes me VPN

Një raport i ri i publikuar thekson se në internet së bashku me rritjen e numrit të përdoruesve të VPN është rritur edhe numri i “scamerëve” të cilët ofrojnë shërbime të rrejshme VPN.

Bazuar në Motherboard, webfaqja për teknologji në pronësi të Vice, një gjë e tillë po ndodhë edhe me “MySafeVPN” që pretendon që është themeluar nga Plex që po dërgon email te shumë njerëz duke i ofruar qasje në këtë VPN. Sidoqoftë zyrtartëe e Plex e kanë mohuar se kanë lidhje me këtë VPN. në fakt në një rast ku një përdorues ka vendosur të përdor këtë VPN më vonë ka zbuluar se ai as që ofron një shërbim të tillë.

Kuptohet, edhe këta scammer janë të njëjtë me të tjerët në internet të cilët dërgojnë email ose bëjnë telefonata duke pretenduar se bëjnë zgjidhjen e problemeve të ndryshme të kompjuterëve dhe smartphonëve ose ofrojnë shërbime që në fakt nuk ekzistojnë.

Nëse jeni shumë të shqetësuar rreth sigurisë së historisë së shfletuesit tuaj të internetit, ka shumë shërbime VPN të cilat janë legale. në të njëjtën kohë, duhet të keni shumë kujdes nga këto lloj njoftimesh që mund të i pranoni në email.

Microsoft lanson Sprinkles, një kamera aplikacion për iOS

Microsoft lanson Sprinkles, një kamera aplikacion për iOS

Microsoft po hyn në konkurrencën e kamerave për argëtim, me një aplikacion për iOS të quajtur Sprinkles, që tashmë është shfaqur tek kategoria “new apps we love” në App Store. Në thelb ky aplikacion ka si synim të rinjtë duke i ofruar dekorime të ndryshme të fotove për rrjete sociale, siç janë stickers, emoji dhe përshkrime në foto, por përdor edhe intelegjencën artificiale të Microsoft për të dalluar fytyrën, moshën, dhe emocionet gjthashtu dallon ngjashmëritë me VIP dhe ju sugjeron përshkrime.

Këto mjete janë të integruara në këtë aplikacion për kamerë dhe editim të fotove dhe me këtë Microsoft synon që të tërheq vëmendje sikurse Snapchat me efektet e tij të famshme.

Aplikacioni i ri thekson teknikat e njohjes së fytyrës në mënyrë që saktësisht të vendos dekorimet si kapela, mustaqet si dhe për tv ditur moshën e subjektit si dhe ngjashmëritë me VIP.Aplikacioni përdor njohjen e objektit për të dalluar se çka ka në foto dhe dallon nëse jeni duke buzëqeshur, dhe më pas ju sugjeron përshkrime adekuate.

Gjithashtu mund të sugjeroj përshkrime bazuar në vendin ku ndodheni dhe orën se kur është bërë foto.

Mund të zgjedhni nga sugjerimet e ndryshme siç janë përshkrimet, mosha e të tjera, ose mundeni që vet ta dekoroni foton.

Kuptohet që foton mund ta ruani ose ta shpërndani në rrjetet sociale ose me shokët tuaj.

Në të vërtetë kjo nuk është hera e parë që Microsoft lanson aplikacione të fotove në iOS, sidoqoftë Sprinkles është aplikacioni i parë i Microsoft që ka si synim të rinjtë

Aplikacionin mund ta shkarkoni këtu./ameble

 

6 mënyra të lehta për ta mbajtur smartphonin tuaj android të sigurt

6 mënyra të lehta për ta mbajtur smartphonin tuaj android të sigurt

Jo, ju nuk jeni mosbesues. Nga hajdutët e xhepave e deri tek malwaret. Smartphoni juaj është gjithmonë nën rrethim. Sulmuesit dinak ndryshojnë vazhdimisht taktikat me shpresë se do të marrin kontrollin mbi smartphonët tuaj.

Duhet ta bëjmë të qartë që nuk ka mënyrë të pagabueshme të mbrojtjes së androididit tuaj nga vjedhësit apo hakerët. Në të vërtetë nëse ndonjë hajdut i sofistikuar sulmon smartphonin tuaj atëherë duhet vetëm të të urojmë fat.

Megjithatë ka disa mënyra për ta mbajtur androidin tuaj të sigurt nga sulmet më të zakonshme, me një përpjekje shumë të vogël.

Lexoni 6 mënyra të lehta për të mbajtur smartphonin tuaj android të sigurt:

1. Mbylleni smartphonin (nëse nuk e ke bërë deri tani)

Kjo duket si një këshillë absurde, por shumë persona që dëshirojnë të kenë qasje në smartphonat e të tjerëve i largohen smartphonëve me fjalëkalime ngase nuk duan të lodhen me ta. Kodi PIN ose fjalëkalimi mund të jetë bezdisës për ne por është një mjet sigurie. Imagjinoni sikur e harroni smartphonin në ulëset e një taksie, çfarë do të bënit?

Për këtë arsye hyni në Settings > Security > Screen Lock dhe vendosni një PIN ose nëse keni telefon me fingerprint kjo është edhe më e sigurt.

2. Dije vendndodhjen dhe fshij të dhënat në smartphone nga larg

Në rregull, e keni bërë hapin e parë me PIN ose fingerprint, por çka nëse e humb smartphonin? Për fat të mirë mund ta përdorni Android Device Manager për ta ditur se ku ndodhet smartphoni juaj apo edhe për të i fshirë të dhënat nëse është e nevojshme por vetëm nëse e keni të aktivizuar këtë mundësi.

Shkoni në Settings > Google > Security dhe aktivizoni dy opsionet që ndodhen aty.

Në këtë mënyrë edhe nëse smartphoni ju humb, ju mund të dini vendndodhjen dhe të i fshini të dhënat nga kompjuteri juaj përmes llogarisë në Google.

3. Deaktivizoni “unknown sources”

Deri tani kemi shkruar për mundësinë e humbjes së telefonit, tani do të flasim për sulmet me malware ose spyware përmes aplikacioneve.

Google bën të pamundurën që aplikacionet në Play Store të jenë të sigurta, por nuk mund të ju mbroj nga aplikacionet që instaloni nga burime të tjera.

 

Për fat të mirë android e ka një opsion që ndalon instalimin e aplikacioneve nga burimet e tjera përpos Play Store. Shkoni tek Settings > Security> dhe deaktivizoni “unknow sources”. Ju mund ta aktivizoni këtë opsion kurdo që dëshironi të instaloni një aplikacion nga burime tjera, por mos harroni ta deaktivizoni pastaj.

4. Lejoni androidin të kontrolloj dhe verifikoj aplikacionet tuaja

Edhe pse Google i kontrollon aplikacionet në Play Store ende ekziston mundësia që një aplikacion i infektuar të depërtojë pa u vërejtur, Me opsionin për kontroll dhe verifikim të aplikacioneve android bënë herë pas here kontrollimin e aplikacioneve tuaja në smartphone nëse janë të infektuara.

Shkoni në Settings > Google > Security > Verify Apps dhe më pas aktivizoni opsionin “scan device for security threads”. Pasi ta aktivizoni këtë android do të bëjë kontrollimin e herë pas hershme të aplikacioneve.

5. Përditsojeni smartphonin

Hakerët vazhdimisht ndryshojnë strategjitë për të sulmuar smartphonët, përderisa ata e bëjnë këtë Google vazhdimisht sjellë përditësime sigurie.

Për këtë arsye është e domosdoshme që të bëni përditsimet që vijnë.

Smartphoni juaj duhet të iu njoftojë kur ka përditësime ose mund të kontrolloni vetë duke shkuar në Settings > About Phone > System Updates.

6. Aktivizoni “Safe Browesing” në Google Chrome

Aplikacionet e infektuara nuk janë të vetmet rreziqe që smartphoni juaj ka. Interneti është i mbushur me webfaqe të infektuara që kanë si qëllim të vjedhin informatat e juaja personale përmes sulmeve që njien si “phishing”, ose përmes shkarkimit të aplikacioneve të dëmshme në smartphonin tuaj.

Lajmi i mirë është që Google Chrome e ka një opsion të quajtur “Safe Browesing” i cili ju lajmëron nvse një webfaqe që ju vizitoni është e dëmshme dhe iu jep mundësinë të ktheheni mbrapa para se të hyni në at webfaqe.

Për ta aktivizuar këtë opsion së pari hyni në Google Chrome e më pas shkoni tek ikona me tre pika në anën e djathtë lartë. Nga aty shko në Settings > Privacy dhe  aktivizone “Safe Browesing”./ameble.com

A është Sony Xperia XZ Premium më i mirë se  Samsung Galaxy S8

A është Sony Xperia XZ Premium më i mirë se Samsung Galaxy S8

Interneti këto ditë është i mbushur me lajme të shumta rreth smartphonit më të ri të samsung, pra për samsung galaxy S8. Nga shumë njerëz ai konsiderohet si smartphoni më i mirë në treg. Por disa sikur kanë harruar një telefon tjetër! Bëhet fjalë për sony xperia xz premium, telefon I prezantuar pak para galaxy S8.

Në fakt të dy këta smartphona janë shumë të mirë dhe kanë karakteristika shumë të ngjashme, të dy kanë procesor snapdragon 835, 4GB Ram dhe 64 GB Rom, si dhe mundësi zgjerimi të memories me SD deri në 256 GB. Të dy janë të çertifikuar me IP68 që janë rezistent ndaj pluhurit dhe ujit në thellësi prej 1.5 metër deri në 30 minuta.

Të dy smartphonët punojnë me android Nougat, S8 ka versionin 7.0 ndërsa xperia xz ultra 7.1.

Kamera

Por ka disa karakteristika që e bëjnë xperia xz ultra më të mirë se galaxy S8. Nëse i krahasojmë kamerat xperia xz ultra ka kamerë 19MP ndërsa S8 12MP ndërsa ajo frontale te xperia xz ultra është 13MP kurse te S8 8MP.

Ekrani

Ekrani i galaxy S8 është super amoled që cilësohet si ekrani më i mirë në qarkullim dhe ka rezolucion prej 1440 x 2960 piksels dhe 5.8 inq ndërsa xperia xz ultra ka ekran IPS LCD por rezolucioni është më I lartë se I galaxy S8, xperia xz premium ka rezolucion prej 3840 x 2160 dhe 5.46 inq.

Çmimi

Galaxy S8 do të dal në treg me 21 pril ndërsa xperia xz premium me 1 qershor ndërsa çmimi I galaxy S8 pritet të jetë 800 euro derisa I xperia xz ultra 750 euro.

Secili ka preferencat e veta dhe samsung ka më shumë adhurues por siq shihet nga këto karakteristika sony këtë rradhë ka mposhtur samsungun./ameble.com

Tesla kalon Ford-in

Tesla kalon Ford-in

Tesla tashmë është më e madhe se Ford, kompania amerikane që prodhon vetura elektrike por jo vetëm, të Hënën në bursa e ka tejkaluar Ford-in, kompaninë tjetër amerikane që prodhon vetura.

Çmimi i një aksioni të Tesla-s të Hënën ka shkuar në 292$ dhe kështu vlera e Tesla-s ka shkuar në 47.777 miliardë $, që e tejkalon Ford-in (44,70 miliardë $). Kjo lëvizje ndodh edhe për shkak të shitjeve të ulëta të Ford-it në muajin Mars.

Shitjet e Tesla-s vazhdimisht po rriten në modelet e tyre model S dhe model X ndërsa model 3 ishte porositur nga më shumë se 200 mijë njerëz në më pakë se 3 javë kur ai ishte prezantuar vitin e kaluar, ndërsa tesla pritet të fillojë dërgimit e tyre tek pronarët këtë vit.\ameble.com

Tesla vs Ford

Si mbushet smartphoni juaj me spyware

Si mbushet smartphoni juaj me spyware

Secili që ka smartphone e ka edhe frikën në vete që mos po përgjohet nga ndokush përmes smartphonit.

Fillimisht duhet të themi që askush nuk mund të përgjoj telefonin përmes IP adresës, nëse ju dilni në një shetitje në mëngjes me smartphonin tuaj, derisa të ktheheni në shtëpi ai do të ndyshoj disa herë IP adresën, kjo tregon që ai nuk mund të përgjohet nga IP adresa.

Spyware instalohet në telefonin tuaj, përmes aplikacioneve  të ndyshëm që duken krejtësishtr në rregull, rasi i fundit i zbuluar është malware i quajtur Godless.

Ka edhe aplikacione që bartin spyware e që nuk pretendojnë të jenë asgjë tjetër vetëm se gjurmues të lokacionit përmes sistemit GPS, aplikacione që mund të i shkarkoni nga Play Store.

Përse Google nuk i largon ato nga Play Store? Sepse ato kanë synime legale, nëse punëdhënësi juaj ju jep një telefon në përdorim ai dëshiron që të di se ku ndodhet telefoni gjatë orarit të punës ose është normale që edhe prindërit të dijnë vendndodhjen e fëmijëve të tyre. /ameble.com