Tag Archives

6 Articles
Edhe Kosova shperblehet ne CEBIT 2013

Edhe Kosova shperblehet ne CEBIT 2013

Ndërmarrësi i suksesshëm nga Kosova, Kushtrim Xhakli që njihet për pasionin e tij me inovacionin dhe tregjet e reja, dhe si themelues i Fast Europe Ventures (kompani në Lituani), anëtarë i bordit të IPKO Foundation, Referues pranë akesleratorit të mirënjohur evropian HackFWD, dhe bashkë-themelues i kompanisë Changers.com (kompani në Gjermani), ka shpërndarë me krenarin lajmin se kjo e fundit është shpallur fitues në garën e dytë vjetore të organizuar Code_n.

Changers.com, një kompani innovative që prodhon pajisje kualitative shpesh të krahasuara me prodhimet e Apple, të cilat nën energjinë solare mbushin smartphone dhe tablet dhe konvertojnë sasinë e kursyer të CO2 në “Changers Credit”, që mund të shfryttëzohet për të blerë produlte e shërbime, ka marr çmimin e parë në kategorinë e startups në garën Code_n, për të cilin kanë aplikuar mbi 250 kompani nga 35 shtete të ndryshme, dhe vetëm 50 finalist janë ftuar për të prezantuar në stendën e CODE_n në CeBIT. “Përzgjedhja e fituesve ka qenë shumë e vështirë” u shpreh Ulrich Dietz, CEO i GFT dhe inicues i CODE_n. “Shumë prej finalistëve kanë zënë vëmendjen tonë përmes biznes modeleve të shkëlqyera dhe qasjen e tyre në tranzicionin e energjisë”.

Changers.com ka fituar edhe një shpërblim tjetër nga CODE_n, përkatësisht çmimin për Crowdfounding. Kjo nënkupton që investitorë privat me një llogari bankare në Gjermani mund të blejnë aksione të kompanisë duke filluar nga vlera prej 250 Euro. Në total, ka gjasa që kompania të fitojë deri në 250,000 Euro capital investues.

Kushtrim Xhakli pavarësisht se aktiv me biznese të ndryshme në Evropë, ka qenë një prej shtyllave kryesore të projektit për Diplomaci Digjitale të Kosovës, të cilin e ka shpalosur Ministria e Punëve të Jashtme nën përkrahjen e partnerëve British Council, Ambasadës Norvegjeze dhe IPKO Foundation, dhe përmes të cilit kanë rezultuar ngjarje si AppCamp Kosovo, WikiAcademy Kosovo, etj.

Kosova në CeBIT 2013

Kosova në CeBIT 2013

Ndërsa ky ishte një prej sukseseve më të rëndësishme që vjen nga CeBIT, atje prezent ishin edhe disa kompani dhe organizata ga Kosova, si Adaptivit, ION Coders, Shoqata për Teknologji të Informacionit dhe të Komunikimit dhe Agjencioni për Promovim të Investmeve (IPAK). Prezencën e tyre e mundësuan GIZ, Spark, Ambasada Norvegjeze, Innovation Centre Kosovo dhe Ministria e Punëve të Jashtme. |digjitale| |ameble| [divider top=”0″]

Fujitsu “LIFEBOOK E-Series” u lansua në CeBIT 2013

Fujitsu “LIFEBOOK E-Series” u lansua në CeBIT 2013

[CeBIT 2013] Fujitsu Lifebook ka lansuar serien e laptopëve “LIFEBOOK E-Series” në ngjarjen CeBIT që po mbahet në Gjermani. Formacion i ri vjen në tri shije: E733 përmban ekran 13 inç më rezolucion 1366X768, E743 më 14inç dhe rezolucion 1600X900 si dhe e fundit 15.6 inç ekranin me definicion të lartë 1366X768.

Seria E është ndërtuar duke përdorur të njëjtën pllakë amë për tri modelet, kjo është arsyeja pse të gjitha portat janë të vendosura në vende të ngjashme për të gjitha versionet. Tipar kryesor i këtyre pajisjeve është pjesa modulare, ku mund të vendosni DVD drive-in, baterinë ekstra, disk drive-in apo edhe një projektorë i dizajnuar për ketë model (shih fotot), ky projektor sigurisht është i përshtatshëm për udhëtarët biznesmen që kanë nevojë për të kryer prezantime përderisa gjënden për rrugë. |ameble| 

[divider top=”0″]

Teknologjia Wadi filtron ujin me energji diellore

Teknologjia Wadi filtron ujin me energji diellore

[CeBIT 2013] Për njerëzit që jetojnë në vendet industriale dhe të zhvilluar, qasja në ujë të pastër nuk është problem për shkak të kujdesit mirëpo një numër i madh i njerëzve në këtë planet nuk e gëzojnë atë lloj pastërtie, rrjedhimisht, sipas water.org, janë mbi 3.4 milion njerëz të cilët çdo vit marrin sëmundje që lidhen me ujin. Sot në CeBIT, kompania Helioz, ka prezantuar pajisjen inovative Wadi që mundëson filtrimin e ujit nga energjia diellore. Wadi kushton më pak se 10 dollarë. (shiko videon e më poshtme të bëra nga ubergizmo).

[youtube id=”T7AIinNbC9M” width=”600″ height=”350″]

Themeluesi apo shefi ekzekutiv i kompanisë Martin Wesian ka thënë për ubergizmo, se dikur diarreja një sëmundje që lidhet me ujin, ka vrarë fëmijë më shumë se sëmundja e malaries, fruthit apo edhe sidës, dhe mund të themi se kjo vegël sado e vogël mund të ketë një ndikim të madh në jetën e njeriut.

Kompania aktualisht është në kërkim për financimin e tyre për të prodhuar dhe shpërndarë ato në vendet më të varfra të botës. |ameble| [divider top=”0″]

CeBIT fillon nesër

CeBIT fillon nesër

[CeBIT 2013] Panairi tregtar më i madh në Evropë për teknologji, CeBIT 2013 fillon nesër nga data 5 dhe zgjatë 4 ditë (deri me 9 mars) në një qendër të madhe ekspozuese gjermane në Hannover. Ajo organizohet nga Deutsche Messe AG.

Tema kryesore për këtë vit është “Shareconomy” duke përdorur bazën e aplikacioneve cloud, shërbimeve për të ndarë njohuritë si dhe për të rritur komunikimin mes bizneseve.

Qindra kompani të teknologjisë në botë do të shfaqin produktet e tyre të fundit në ketë panair, duke përfshirë Intel, HP, Toshiba, Samsung si dhe shumë të tjerë. Gjithashtu kompanitë kosovare si Adaptivit, RROTA dhe IonCoders se bashku me STIKK dhe Agjencionin për Promovim te Investimeve te Kosovës-APIK do të marrin pjesë si ekspozues në ketë panair. |ameble| [divider top=”0″]

Promovimi i sektorit ne panairet ndërkombëtare

Promovimi i sektorit ne panairet ndërkombëtare

[CeBIT 2013] Në kuadër të angazhimeve të shumta për promovimin e industrisë të TIK, STIKK mundësoi serish pjesëmarrjen e kompanive kosovare ne panairin me të madh të teknologjisë së informacionit dhe telekomunikimit, CeBIT që do të mbahet në Hanover nga 5 deri më 9 Mars 2013.

CeBIT çdo vit tubon rreth 4000 pjesëmarrës nga 100 shtete, me një hapësirë ekspozimi prej 72.000m2, e që mesatarisht vizitohet nga 133.700 vizitorë nga më shumë se 130 shtete. Edhe kësaj radhe Moto e STIKK do te jete “Kosovo Your Outsourcing Destination”. Me këtë rast STIKK do të promovojnë Kosovën si një destinacion të përshtatshëm për kontraktimin e punëve në këtë sektor. Ne këtë aktivitet STIKK ka marr mbështete nga SIPPO, GIZ dhe MPJ’se(Ministria e Punëve te Jashtme).

Kompanitë  Adaptivit, RROTA dhe IonCoders , janë kompani kosovare të cilat se bashku me STIKK dhe Agjencionin për Promovim te Investimeve te Kosovës-APIK do të marrin pjesë si ekspozues në panairin CeBIT 2013. Në Sallën 6, Stenda F32. |stikk| |ameble| [divider top=”0″]

Wacom po hynë në tregun e tabletëve

Wacom po hynë në tregun e tabletëve

[CeBIT 2013] Mbeturinat nga Kongresi Botëror i Celularëve në Barcelonë kanë filluar të pastrohen, kurse tani ne po bëhem gati se çfarë do të ofroj ngjarja tjetër e madhe që është CeBIT, që mbahet nga 5 – 9 Mars në Hannover të Gjermanisë. Muajt e fundit, ne kemi futur ngjarjet e rregullta botërore në programin tonë kalendarik, dhe do ti përcjellim vazhdimisht.

Sido që të jetë tani do të flasim për një lajm nga kompania Wacom?

Prodhuesi i vjetër i tabletëve digitizer për punë grafike ka vendosur të përdorë Facebook-un si zgjedhje për të raportuar për të rejat e tyre, një postim ngacmues nga ta shkruan se do të nxjerrin një tabletë për shtije gjatë verës, që do të ketë për cak pjesën profesionale, me aftësitë e ekranit multi-touch dhe HD. A do të prezantohet ky tabletë gjatë ngjarjes CeBIT apo do të lihet për me vonë nuk janë dhënë informata. Përveç kësaj, Wacom nuk dha detaje me shumë, duke përfshirë llojin e sistemit operativ, apo karakteristikat tjera.

Unë personalisht kam përdor pajisje të Wacom-it, janë t‘mrekullueshëm, mirëpo pres që modeli i ardhshëm të përqendrohet më shumë në karakteristika për grafikë, dizajn, vizatim dhe jo si t‘gjithë tabletët e fundit që nuk kanë ndonjë risi të madhe përveç dizajnit. |ameble| [divider top=”0″]