Tag Archives

3 Articles
Prezantimi i delegacionit të ICK-së nga Kosovo në panairin CeBIT

Prezantimi i delegacionit të ICK-së nga Kosovo në panairin CeBIT

Mbështetja e bizneseve të reja të bazuara në teknologji dhe inovacion përmes këshillëdhënies së ofruar nga inkubatori i Innovation Centre Kosovo, grantet e dhëna në bashkëpunim me partnerë janë disa nga informatat e prezantuara nga delegacioni i ICK-së që po qendron në CeBIT – panairin më të madh botëror të teknologjisë që mbahet në Hanover të Gjermanisë.

Innovation Centre Kosovo në CeBIT përfaqësohet nga Safet Rama menaxher i inkubatorit të qendrës i cili shoqërohet nga Ermal Sadiku nga Zag Apps dhe Mërgim Cahani i iziSurvey, të dy këto ekipe janë pjesë e inkubatorit të Innovation Centre Kosovo (ICK).

“Këtu në shtandin e ICK-së kemi mjaft materiale promovuese për punë që ne bëjmë si qendër e inovacionit, për shërbime që iu ofrojmë ekipeve dhe normalisht kemi edhe informata mbi atë se për çka janë të specializuara ekipet e inkubatorit”, tha Rama duke falenderuar Shoqatën për Teknologji të Informacionit dhe të Komunikimit të Kosovës (STIKK) që e ka mundësuar qëndrimin e delegacionit të ICK-së në CeBIT 2014. /ICK /ameble

CeBIT hap dyert për vizitorë

CeBIT hap dyert për vizitorë

Angel M and CameronNgjarja me e madhe për Teknologji në Europë CeBIT është hapur zyrtarisht në qytetin gjerman të Hanoverit.

Kancelarja gjermane Angela Merkel të dielën në mbrëmje ka marr pjesë në hapjen e kësaj ngjarje duke theksuar rëndësinë e realizimit dhe rregullave të përbashkëta evropiane për mbrojtjen e të dhënave. “Kjo duhet të jetë një temë e bisedimeve intensive me partnerët tanë amerikanë,” tha ajo në fjalën e saj të hapjes.
Që nga Qershori 2013, të dhëna kanë rrjedhur nga ish-kontraktori i NSA Edward Snowden i cili ka shpjeguar që në shkallën masive Agjencia për Siguri Kombëtare e Shteteve të Bashkuara  (NSA) dhe ajo Britanike (GCHQ) kanë mbledhur të dhëna të telefonisë dhe internetit nga qytetarët, duke spiunuar kështu edhe telefonin celular të kancelarës Merkel. Këto raportime kanë shkaktuar një debat global për mbrojtjen e privatësisë në internet.

Në anën tjetër kryeministri britanik David Cameron nuk ka përmendur çështjen e të dhënat gjatë fjalës së tij të hapjes. Britania është vendi partner zyrtar në ngjarjen CeBIT që zgjatë pesë ditë, e cila këtë vit është përqendruar në temën “datability”, që do të thotë aftësinë e përdorimit të shpejt dhe me përgjegjësi të sasive të mëdha të të dhënave, ka thënë ai.

Si pjesë e hapjes, David Cameron u përqendrua gjithashtu në mënyrat se si Gjermania dhe Britania mund të kombinojnë ekspertizën e tyre për të bashkëpunuar për ide të reja dhe inovacione. Ai njoftoi për një projekt të përbashkët britaniko-gjerman për të zhvilluar një rrjet të ri celular më të shpejtë i cili do të mundësonte një film të plotë dhe të gjatë për tu shkarkuar nga interneti për pak sekonda.

Rrjeti i ardhshëm i gjeneratës së pestë apo 5G, gjithashtu do të jetë një bashkëpunim në mes Universitetit Dresden të Gjermanisë, Universitetit Mbretëror të Britanisë në Londër dhe Universitetit Surrey.

Nga Cameron janë përmendur edhe disa fusha tjera të bashkëpunimit mes shteteve evropiane. /ameble

CeBIT 2014, perspektiva të reja për bizneset e IT-së

CeBIT 2014, perspektiva të reja për bizneset e IT-së

CEBIT 2014 gatiNgjarja CeBIT paraqet një prezantim të plotë të produkteve të reja rreth Teknologjisë së Informacionit, e cila gjithashtu bashkon kompanitë të mëdha të cilat ketë panair e shohin si një vend të mirë për të publikuar të rejat e tyre. Ky panair masiv më i madhi në Evropë për Teknologji mbahet në Hannover Messe të Gjermanisë nga 10-14 Mars 2014.

Në CeBIT marrin pjesë mbi 4000 ekspozues nga 70 vende të botës, dhe më shumë se 137700 vizitorë nga 120 vende të botës. Qindra kompani të teknologjisë në botë do të shfaqin produktet e tyre të fundit, duke përfshirë IBM, Microsoft, Intel, HP, Toshiba, Samsung si dhe shumë të tjerë.

Edhe kësaj herë, viti i pestë me radhë STIKK (Shoqata për Teknologji të Informacionit dhe të komunikimit të Kosovës) do të marrë pjesë në ketë panair, aty do të jetë me qëllim të promovimit të Kosovës si një destinacion i përshtatshëm për eksport të shërbimeve. STIKK do të jetë së bashku me AdaptivIT, Harrisia, ICK (IziSurvey dhe ZagApps). Gjate këtyre pese ditëve, kompanitë anëtare të STIKK do të kenë mundësi të takohen me partnerë/investitorë potencial, të promovojnë kompanitë si dhe sektorin e TIK të Kosovës si një destinacion potencial për eksportin e shërbimeve.

Pjesëmarrjen e STIKK-ut dhe të kompanive anëtare këtë vit e kanë përkrahur: SPARK-u, GIZ, Ministria e Punëve të Jashtme Norvegjeze si dhe APIK-u (Agjencioni për Promovim të Investimeve në Kosovë). /ameble