Tag Archives

9 Articles
Adobe Photoshop edhe në Chromebook

Adobe Photoshop edhe në Chromebook

Photoshop GooglechromeGoogle dhe Adobe po sjellin softuerin Photoshop në laptopa Chromebook.

Kompanitë të hënën kanë njoftuar se kanë filluar me lansimin e Adobe Creative Cloud në pajisjet Google Chromebook me versionin stream të Photoshop-it, kurse produktet tjera vijnë së shpejti. Aktualisht në versionin testues (beta) kjo mundësi fillimisht do të jetë në dispozicion vetëm për Amerikë Veriore me cak klientët e Adobe Education të cilët janë të abonuar apo abonohen në Creative Cloud.

Versioni Streaming i Photoshop-it është dizajnuar të funksionoj direkt nga sistemi Cloud në Chromebook. Gjithmonë do të jetë i përditësuar dhe i integruar plotësisht me Google Drive, kështu që nuk do të ketë ndonjë telashe për shkarkimin dhe ngarkimin të të dhënave.

Versioni i ri i Photoshop-it për Chromebook vjen menjëherë pasi që javën e kaluar Adobe kishte prezantuar produktet Adobe Photoshop Elements 13 dhe Adobe Premiere Elements 13, që posedojnë mundësi shumë më shumë se sa versionet profesionale. /ameble

Acer së shpejti lanson Chromebook CB5

Acer së shpejti lanson Chromebook CB5

Një model i ri nga Acer Chromebook CB5 pritet të lansohet së shpejti, me të cilin Acer është përkushtuar për të ofruar një jetëgjatësi të baterisë deri në 13 orë.

Edhe pse ende nuk është zyrtarizuar Acer Chromebook CB5, tashmë janë paraqitur disa nga specifika kryesore të tij duke përfshi një ekran 13.3 inç me prekje, procesori 4-bërthamor Nvidia ARM Cortex-A15, përkrahja për WiFi 802.11ac, USB porta 3.0 dhe porta HDMI.

Për të parë se si duket dizajni i Acer Chromebook CB5, shikojeni videon e më poshtme.

Momentalisht nuk ka informata për datën e prezantimit të pajisjes si dhe nuk ka informata për çmimin e tij. /ameble

Prezantohen 2 laptop Chromebook nga Lenovo, modelet N20 dhe N20p

Prezantohen 2 laptop Chromebook nga Lenovo, modelet N20 dhe N20p

Lenovo ka prezantuar dy laptop të ri Chromebook që pritet të fillojnë shitjen nga muaji i ardhshëm, duke përfshirë modelet N20 dhe N20p, dy prej të cilëve do të vijnë me procesor Intel Celeron. Modeli N20 posedon formë klasike kurse N20p përmban formën “multimode” që mund të mbështetet dhe qëndroj normal si të gjithë laptopat tjerë.

Lenovo N20 Chromebook

Të dy modelet Chromebook diagonalen e ekranit e kanë 11.6-inç me rezolucion 1366 x 768 pikselë, veçse modeli N20p është me ekran multitouch. Pajisjet mund të konfigurohet me deri 4GB RAM, hapësirën e brendshme për ruajtje 16GB, lidhjet Bluetooth 4.02, Wi-Fi 802.11 a/c, dy porte USB 2.0, HDMI-out dhe një port SD/MMC 2 in 1.

Lenovo ka thënë se N20 Chromebook (foto me lartë) do të bëjë debutimin në muajin Korrik dhe do të fillojë me çmim 279 $. Kurse N20p Chromebook (foto me poshtë), i cila përmban ekranin e lartpërmendur me prekje dhe funksionin multimode, do të shitet me pakicë për 329 $, nga muaji Gusht. /ameble

Lenovo N20p Chromebook

Toshiba lanson për treg laptopin e parë Chromebook

Toshiba lanson për treg laptopin e parë Chromebook

Toshiba në fillim të këtij viti kishte filluar të hyj në treg edhe me sistemin operativ Chromebook, duke prezantuar kështu laptopin e tyre të parë në CES. Nga tani Toshiba Chromebook gjendet në dispozicion për shitje për vetëm 299 $ (214 €).

Pavarësisht kostos së ulët, Toshiba Chromebook vjen me ekranin më të madh që janë Chrome OS, duke ofruar kështu 13.3-inç me rezolucion 1366 x 768 pikselë. Në brendësi të tij është i pajisur me procesor Intel Celeron 2955U Haswell, 2GB RAM, 16GB diskun SSD dhe baterinë për të cilën kompania thotë së zgjatë deri në nëntë orë. Ky laptop gjithashtu vjen me dalje HDMI, WiFi, Bluetooth, lexues të kartelave SD dhe me Webcam të integruar.

Ketë pajisje mund ta porosisni nga dita e sotme nëpërmes Amazon-it për 279,99 $. /ameble

Acer Chromebook C720P i ri (touchscreen) për vetëm 299$

Acer Chromebook C720P i ri (touchscreen) për vetëm 299$

Acer të martën ka njoftuar për modelin e ri të laptopit Chromebook C720P me prekje (touchscreen), i cili do të jetë në dispozicion në fillim të muajit të ardhshëm me një çmim të ulet prej 299 $.

Acer C720P me prekje

Chromebook C720P posedon ekran LED HD 11.6 inç back-lit me rezolucion 1366 × 768, diskun SSD 32GB, vlerësohet se e mban baterinë 7.5 orë. Është i pajisur gjithashtu me procesorë Intel Celeron 2955U (i bazuar në çipin e ri Intel Haswell), memorien 2GB DDR3 dhe përkrahë rrjetin WiFi 802.11 a/b/g/n.

Ashtu si Chromebook Pixel i Google-it, ky model me prekje premton përvojë mbresëlënësen, duke i mundësuar përdoruesit të klikojnë, rrisin, zvogëlojnë përmes sistemit operativ të Google-it, ky është pra modeli i parë i tillë me prekje që ofrohet me çmim të lirë. Acer nuk ka dhënë ndonjë datë të saktë për shitje, por pritet të dal para festave të fundvitit. |ameble|

Acer lanson Chromebook për 200 $

Acer lanson Chromebook për 200 $

Acer sot kishte lansuar pajisjen Chromebook C720-2848 e cila do të ketë çmimin vetëm 200 $. Chromebook C720-2848 është 11.6 inç me rezolucion të plotë HD 1366 x 768 pikësela dhe ka të integruar Solid State Disk-un 16 GB, 2 GB RAM, ueb kamerën  me rezolucion të plotë, WiFi, USB 2.0 dhe 3.0 si dhe portën HDMI.

Acer-Chromebook-C720-2848

Me blerjen e këtij modeli nga Acer, po ashtu ofrohet falas edhe 100 GB hapësirë në Google Drive për dy vite të para duke mundësuar edhe qasjen e plotë në Google Play Music. |ameble|

Video Praktike: Acer Chromebook C710

Video Praktike: Acer Chromebook C710

[youtube id=”-CKRgDiCcuo#!” width=”600″ height=”350″]

Pajisjet me “Chrome”

Pajisjet Chrome janë një llojë i ri i kompjuterëve me qëllimin e vetëm për t’ju mundësuar njerëzve të kenë qasje më të shpejt në ueb (internet). Nëse jeni prej atyre që bëni gjithçka “online”, atëherë Chrome është sistemi që ju duhet, dhe ju mundëson të shijoni më mirë bukurinë e ueb-it.

Çfarë e bënë sistemin Chrome të ndryshëm?

Disa gjëra që duhet ti kemi parasysh, nëse konsideroni se a është pajisja Chrome e duhur për ju:

E tërë puna juaj është e bazuar tek shfletuesi i Internetit. Dërgo E-mail, rregullo fotot, krijo dokumente, ju mund ti bëni të gjitha këto gjëra përmes këtij shfletuesi, duke ju falënderuar mijëra aplikacioneve që janë pjesë e këtij shfletuesi. Instalimi i këtyre aplikacioneve nuk është aspak i vështirë.

Të gjitha të dhënat e juaja ruhen në ueb

Gjithçka: aplikacionet, dokumentet, fotografitë dhe të gjitha të dhënat e juaja ruhen në ueb, në mënyrë që ju të keni qasje në to nga ku do dhe kur do.

Kompjuteri i bazuar në sistemin operativ Chrome nuk ka nevojë për fuqi të madhe të procesorit, sepse ai është shumë i shpejtë. Startimi i shpejtë pas ndezjes, procesimi i shpejtë i të dhënave, janë disa nga ato që e karakterizojnë sistemin operativ Chrome.

Acer Chromebook C710

Të kemi një kompjuter laptop me sistem operativ Chrome është një koncept i ri për ne, ky sistem është i ri dhe është duke tentuar që të shtrijë shërbimet e tij në mbarë botën. Prandaj sot për ju prezantojmë për herë të parë një video praktike të laptop-it të bazuar në Chrome, Acer C710.

Disa nga karakteristika kryesore të Acer Chromebook C710:

  • Sistemi Operativ: Google Chrome
  • Përmasat: 11.6
  • Pesha: 1.45kg
  • Ekrani: Intel HD, 1366×768, 128MB
  • Bateria: 6 shtresore
  • Procesori: 1.1 GHz Dual-core Intel Celeron Processor 847
  • RAM: 2GB
  • Hapësira e brendshme e diskut: 320GB, 5,400rpm
  • Kamera: VGA të perparme
  • Rrjeti: Wi-Fi 802.11a/b/g/n dhe LAN
  • Portet: HDMI; USB 2.0; VGA , Card Reader |ameble|
Google lanson pajisjen Google Chromebook Pixel

Google lanson pajisjen Google Chromebook Pixel

Ditën e djeshme (e Enjte) Google ka lansuar zyrtarisht pajisjen Google Chromebook Pixel, dhe nga tani e tutje është në dispozicion për blerje në dyqanin online Google Play. Për fat të keq qasja në Google Play nga vendi ynë është e kufizuar.

Ndryshe nga pajisjet tjera Chromebook nuk ka për qellim kërkimin e përdoruesve me buxhet të ulët, ky është një Chromebook i fuqizuar mirë dhe që do të kushtojë 1300$.

Në bazë të videos me poshtë Chromebook Pixel duken goxha mahnitës. Pajisja është projektuar shumë mirë dhe posedon specifika të larta. Chromebook Pixel në brendësi ka procesorin Intel Core i5 (Dual Core 1.8GHz), me grafikë të integruar Intel HD 4000, 4GB RAM, 32GB memorie të brendshme, tastierën Shkod, dhe fokus të kthjelltë, ekranin 12.85 inç me prekje dhe rezolucion 2560X1700 (239 PPI), e mbrojtur me Gorilla Glass 2. Në anën tjetër nëse mendoni se 32GB nuk është e mjaftueshme, atëherë falas për 3 vjet vjen edhe 1TB hapësirë për të dhëna në Google Drive. |ameble|

[youtube id=”j-XTpdDDXiU” width=”600″ height=”350″]

Acer përgatit gjeneratën e dytë të Chromebook për Tetor

Acer përgatit gjeneratën e dytë të Chromebook për Tetor

Sipas informacioneve të fundit Acer është duke u përgatitur për lirimin e gjeneratës të dytë të Chromebook nga mesi i tetorit, dhe shpreson që pajisja do të jetë në gjendje të zëvendësoi linjën e prodhimeve netbook, e cila pritet të dal së shpejti nga tregu. Acer dhe Samsung, të cilët pak kohë më parë kanë paralajmëruar gjeneratën e tyre të dytë të Chromebook-ut, janë dy lojtarët kryesorë në treg që në mënyrë agresive promovojnë produktet Chromebook.

Burimet thonë se tableti Surface nga Microsoft është pjesë e arsyes që nxiti Acer-in t’i kthehet më me agresivitet shtytjes së gjeneratës së dytë të produktit të Chromebook, edhe pse për gjeneratën e parë nuk mund të thuhet se ka qenë veçanërisht e suksesshme. Chromebook 11.6 inç nga Acer ka hyrë tashmë në prodhim masiv dhe pritet të arrijë në 200.000 njësi mujore. Përveç Samsung dhe Acer, Lenovo është poashtu në përgatitje të gjeneratës së dytë të kompjuterëve Chromebook. |ameble| |digitimes| [divider top=”0″]