Tag Archives

2 Articles
Gjirafa.com mundëson orarin e filmave dhe pamjet drejtpërdrejt për DokuFest 2014

Gjirafa.com mundëson orarin e filmave dhe pamjet drejtpërdrejt për DokuFest 2014

Gjirafa.com, makina e parë kërkimore shqip, për të gjithë të interesuarit e DOKUFEST 2014, ofron orarin e filmave, lajmet si dhe postimet nga mediat sociale që kanë të bëjnë me dokufest 2014, nëpermes faqes www.gjirafa.com/doku, si dhe DokuKam, live kamerën nga qendra e DokuFest ne Prizren.

Për të parë orarin e filmave te DokuFest mjafton të shkoni ne gjirafa.com/doku, nuk është e domosdoshme të jeni te regjistruar, kjo faqe thjeshtë është e hapur për të gjithë, ndërsa për përdoruesit qe kanë regjistrim, orarin mund ta gjejnë duke kërkuar me fjalët kyçe “dokufest” apo “doku”. Kjo faqe duket sikurse në pamjen vijuese.

Gjirafa dokufest

Përveq versionit për desktop, faqja është e dizajnuar edhe për versionin mobil, ku në orar janë të shfaqur filmat sipas orës dhe kinemasë. Kjo pamje duket si vijon:

Gjirafa dokufest1

Për të parë grupin e filmave që do të shfaqen brenda një periudhe të caktuar kohore, p.sh. brenda një orë, ju duhet te kaloni miun kompjuterik në pjesën ku janë shfaqur filmat, me ç’rast zmadhohet pamja duke shfaqur listën e filmave, ndërsa kur klikon në njërin prej filmave, atëherë hapet dritarja ku tregohen te gjitha informatat kryesore të atij filmi, kjo është ilustruar në pamjen vijuese.

Gjirafa dokufest2

Përheq orarit te filmave, dhe lajmeve në lidhje me dokufest, përdoruesit do të kenë mundësi të përcjellin postimet nga mediat sociale në lidhje me DokuFest, si Tweeter apo Instagram.

Gjirafa dokufest3

E fundit por jo me pak e rëndësishme është edhe DokuKam, kamera e cila ju përcjellë atmosferën drejtpërdrejt nga qendra e DokuFest ne Prizren./ www.gjirafa.com /ameble.com

DokuKam

 

 

DOKU:TECH në kuadër të Dokufestit të sivjetmë

DOKU:TECH në kuadër të Dokufestit të sivjetmë

IPKO Foundation në bashkëpunim me Share Foundation dhe Dokufest kanë shpalosur sot detaje nga DOKU:TECH, projekti më i ri që do sjellë teknologjinë e internetin gjatë Dokufestit. DOKU:TECH është kampi katër ditor dedikuar teknologjisë dhe internetit që do organizohet gjatë festivalit Dokufest në Prizren.

DOKU:TECH eksploron dhe sfidon implikimet sociale të innovacioneve teknologjike përmes konektimit, përmbajtjes, transparencës dhe sigurisë. I vendosur në qytetin e bukur të Prizrenit, në Kosovë, kjo ngjarje do të sjellë në një vend folës, observues, hulumtues, dhe ndërtues me reputacion nga e gjithë bota për të folur për njohuritë e hapura, sigurinë digjitale, privatësinë, ndërrmarrësinë sociale, dhe biznesin. Ngjarja do u ofrojë mundësinë të gjithë pjesëmarrësve që në një mënyrë unike dhe inspiruese të dëgjojnë dhe sfidojnë folësit gjatë evenimenteve dhe të marrin pjesë në diskutimet plot gjallëri përgjatë programit.

Dokutech

Veton Nurkollari shprehi gëzimin e tij që një iniciativë e këtij lloji gjen vend në DokuFest 2014.

“DOKU:TECH është një rrjedhë interesante se si po zhvillohen programet paralele në DokuFest dhe ka qenë e natyrshme që një iniciativë ku do të diskutohet dhe flitet për teknologjitë e reja të gjej vend në një festival të filmit. Shumica e asaj se cfarë do të flitet në konferencë në një mënyrë apo tjetër ka lidhje me film dhe si e përdorin teknologjinë filmëbërësit sot. Shpresojnë që kjo iniciativë të jetë tradicionale dhe të vazhdojë të rritet në vitet e ardhshme”, tha Nurkollari.

DOKU:TECH do jetë vend edhe për të mësuar. Gjatë punëtorive që do organizohen në katër ditë, pjesëmarrësve do u ofrohen mundësi për të mësuar aftësi të reja se si të mbrohen në ambientin digjital, si të krijojnë blogjet personale, si të themelojnë kompaninë e tyre apo edhe si të prodhojnë birrën. / KultPlus /ameble