Tag Archives

2 Articles
Microsoft Office Mobile në dispozicion për Android

Microsoft Office Mobile në dispozicion për Android

Office 365 androidMicrosoft Office Mobile nga tani është në dispozicion për përdoruesit e Android-it, për ata që janë të abonuar në Office 365. Lajmi pason pas njoftimit të Office Mobile për iOS, i cili u publikua muajin e kaluar.

Pasi të keni shkarkuar aplikacionin nga dyqani online Google Play, nevojitet të kyçeni me llogarinë e Microsoft-it në mënyrë që të aprovohet se keni një abonim ekzistues në Office 365, e që për momentin kjo nuk ekziston tek ne sepse Office 365 është në dispozicion vetëm për banorët e SHBA.

Sido që të jetë me kyçje në Office 365 ju lejohet të krijoni dhe ndryshoni dokumentet Word dhe Excel, si dhe të shikoni dhe të ndryshoni dokumentet në  PowerPoint, gjithashtu posedon mbështetje të plotë për animacionet, SmartArt dhe shumë tjera. Të gjitha dokumentet mund të ruhen direkt në një llogarinë SkyDrive të Microsoft dhe dokumentet e fundit do të listohen në fillim sipas renditjes.

Microsoft ka thënë se do të nisë ketë opsion edhe në vendet të tjera të botës gjatë javëve të ardhshme. Versioni pa pagesë për testim për 30 ditë për Office 365 është në dispozicion për këdo që dëshiron të instalon në pajisjet Android. |ameble|

Microsoft Office Mobile tani edhe në pajisjet iOS

Microsoft Office Mobile tani edhe në pajisjet iOS

Pas shumë muajsh thashetheme, Microsoft sot ka lansuar zyrtarisht aplikacionin Office Mobile për iPhone. Nga tani është në dispozicion për shkarkim nepërmes iTunes për përdoruesit që posedojnë llogari në Office 365 dhe përkrah pajisjet iPhone 4, 4S, 5 madje edhe iPod Touch me versionin e fundit iOS 6.1. Për iPad nuk është në dispozicion.

[youtube id=”pHg0ZEY4NXA” width=”600″ height=”350″]

Aplikacioni i mundëson përdoruesve të lexojnë dhe të editojnë dokumente si Word, Excel, PowerPoint. Dokumentet Word dhe Excel mund të krijohen nga iPhone-i, kurse PowerPoint vetëm mund të shikohet ose editohet. Dokumentet mund të ruhen edhe në llogarinë tuaj SkyDrive, kështu që nuk ka vend për shqetësim për sa i përket qasjes së dokumenteve nga kompjuteri desktop apo pajisjet tjera.

Office Mobile mund të instalohet në pesë pajisje mobile Apple bashkë me abonim të Microsoft-it, por kjo nuk llogaritet në pajisjet Windows, të cilat kanë qasje në shërbimet pa pagesë.  |ameble|