Tag Archives

5 Articles
Vlerësim: Motorola Moto G

Vlerësim: Motorola Moto G

Motorola Moto G Front

Është e vërtet që Moto G është një telefon i prodhuar ekskluzivisht nga Motorola, por është e qartë që kompania e cila e zotëronte këtë të fundit, pra Google ka ndërhyrë në krijimin e kësaj pajisje, në mënyre që kjo të jetë sa më e përkryer.

Nëse e analizojmë këtë smartphone në aspektin material, pa tjetër që kjo pajisje tejkalon të gjithë konkurrentet me çmimin modest që ka ofruar pajisja Moto G.

Motorola Moto G vjen në dy modele: Modeli me një SIM kartelë dhe modeli Dual-SIM  (XT1033)  që përkrah dy SIM kartela.

Përparësitë:

  • Procesori 4-bërthamor 1.2 GHz
  • Përformanca e shkëlqyer
  • Ekrani fantastik
  • Dizajni
  • Bateria
  • Çmimi i volitshëm

Mangësitë:

  • Kamera mesatarisht e mirë
  • Ska mundësi për SD-Kartë

Hardueri dhe Dizajni

Qe në shikim të parë të Moto G-së shohim një telefon me një dizajn dhe dimensione tërheqëse pothuajse për çdo person. Një prapavijë të lakuar në anën fundore të tij, që në pjesën e sipërme arrin trashësinë 11.6 mm duke përfunduar në pjesën fundore me trashësi 6mm.  Çfarë do të thotë kjo, është se kombinimi i dimensioneve të tilla dhe materialit e bënë që ky telefon të mos peshoj më shumë se 143 gram dhe kështu të jetë mjaft i lehtë për tu mbajtur në dorë.

Fakti se Moto G është i tillë në dimensione dhe peshë, na kujton dëshirën e madhe për të zotëruar një telefon të mençur që është i lehtë për tu mbajtur dhe tamam i përshtatshëm në madhësi për tu futur në gjep apo mbajtur në dorë.

Pa marrë parasysh që materiali i Moto G-së është shumica material plastike, kualiteti i ndërtimit të tij të bën të ndjesh se ky smartphone është aq mirë i ndërtuar dhe asgjë nuk i mungon.

Ekrani dhe Zëri

Motorola Moto G ka një ekran të madhësisë 4.5 inç të llojit IPS LCD Capacitiv Touchscreen me mbrojtje Corning Gorilla Glass 3, 16M ngjyra me rezolucion (720 x 1280 pikselë) dhe densitet të pikselëve në vlerë prej 326p gjë që mundëson kualitet mëse të mjaftueshëm për të hapur çdo lojë apo aplikacion që gjendet në dyqanin Online Google Play.

Duke e konsideruar këtë pajisje si të rangut më të lartë se mesatar, mund të themi se ekrani i Motorola Moto G është mjaft i fortë, dhe mjaft i përshtatshëm për sytë.

Në anën tjetër, prodhimi i zërit nga ky smartphone është i mjaftueshëm duke marrë parasysh destinimin e tij. Altoparlanti në Moto G është i vendosur në anën e majtë të kamerës së pasme dhe mikrofoni i tij është i vendosur në pjesën fundore të anës së përparme. Në rast të thirrjeve telefonike, zëri dëgjohet dhe përçohet shumë mirë. Po ashtu gjatë lëshimit të muzikës zëri është mjaft i dëgjueshëm dhe i pastër.

Kamera

Moto G përbëhet prej dy kamerave, kamerës frontale dhe kamerës së pasme. Kamera frontale ka kapacitet prej 1.3 megapikselë dhe mundësi për komunikim me skype, Google Hangouts apo aplikacione të tjera. Kamera e pasme e Moto G-së ka kapacitet prej 5 megapikselë për fotografi dhe kualitetin 720p@30fps HDR për incizime, nën këtë kamerë gjendet Led Flash për ndriçim. Gjatë testimit të kësaj kamere kemi parë që kualiteti i fotografive dhe incizimet e nxjerra janë solide.

Motorola Moto G nëpërmjet softuerit të integruar ofron opsione të ndryshme të efekteve të fotografisë gjatë fotografimit të cilat mund të përzgjidhen drejt për së drejti. Për të aktivizuar këto opsione duhet të tërheqim gishtin nga pjesa e sipërme e ekranit apo nga ana e majtë e ekranit nëse jemi në pozitën Landscape.

Hapësira

Motorola Moto G për dallim nga shumica e smartphone-ve, por njëjtë me Google Nexus 4 dhe 5 nuk ka mundësi për zgjerim të hapësirës nëpërmes SD kartelës.

Hapësira e integruar e Moto G-së është e madhësisë 8 GB apo 16 GB varësisht nga versioni që zgjedhim ta blejmë. 3 GB e kësaj hapësire automatikisht e zënë nga sistemi operativ ndërsa 5 GB mbeten pjesa e lirë për instalimin e aplikacioneve dhe ruajtjen e të dhënave të tjera për versionin 8GB dhe 13GB për versionin 16GB.

Softueri

Në fillim të ndezjes së Moto G-së na shfaqet pamja mahnitëse e pa censuruar e Google Android 4.3 me logon e Motorolës, që në fakt është pjesa që shfaq “Mirëseardhjen”.  Koleksioni i shërbimeve të Google-it është mese i mjaftueshëm saqë mund të duket ndonjëherë se është edhe i ngarkuar për syrin, nga gjithë ato ikona të aplikacioneve që i shohim të  instaluara në ndërfaqe (user interface). Një përparësi tjetër që konsiderohet ndër më të rëndësishmet është shkathtësia në punën e këtij smartphone-i. Definitivisht  Moto G “fluturon” gjersa operojmë dhe është e vështirë që të vërejmë ndonjë lloj ngadalësimi apo bllokimi të momentit.

Gjithashtu, ky smartphone, vjen me dy aplikacione te Motorolës të para-instaluara ne të.

Aplikacioni Migrate që ndihmon në shkëmbimin dhe transferimin e përmbajtjes tonë nga një smartphone në tjetrin, dhe aplikacionin Assist që ndihmon në ndërlidhjen e aplikacioneve që kanë të integruara modulin e njoftimeve siç janë momentet e arritjes së një e-maili të ri, mesazhi, thirrje të humbur, konfigurimin e alarmit, etj.

Përformanca dhe bateria

Motorola Moto G ka një funksionalitet dhe përformancë të shkëlqyer duke përfshirë po ashtu edhe hapjen dhe funksionalitetin e aplikacioneve të instaluara pa asnjë problem. Përformanca e arritur vjen nga procesori 4-bërthamor 1.2 GHz i llojit Cortex-A7 me GPU Adreno 305. Po ashtu edhe shfletimi në internet (web browser) është shumë i kënaqshëm dhe këtu nuk ka ndonjë vërejtje. Një gjë që është shumë me rëndësi kur jemi tek përformanca është fakti se është pikërisht procesori 4-bërthamor dhe çmimi i këtij telefoni është ajo çfarë e ka bërë këtë pajisje të suksesshme në treg.

Bateria e Motorola Moto G është e fuqisë 2070 mAh dhe është e montuar përbrenda në pjesën e pasme. Gjatë testimeve të baterisë, nëse e përdorim telefonin në kapacitet modest, bateria e tij mund të qëndrojë deri në 2 ditë.

Përfundim

Është me rëndësi të përmendim faktin se smartphone Motorola Moto G që kur u lansua për herë të parë në fund të Nëntorit 2013, kjo pajisje ka arritur që të kryesoj në listën e produkteve më të shitura në dyqanet e Amazon-it nëpër botë. Arsyeja e këtij suksesi është shumë e thjeshtë.

Për ne, në Ameble që kemi testuar këtë smartphone në detaje, lirshëm mund të themi se “Moto G ka gjithçka që na nevojitet për çmimin që na përshtatet”. Shtrohet pyetja: A me ble Motorola Moto G? Për çmimin prej 169 € për versionin 8GB dhe çmimi 199 € për versionin 16GB për një smartphone 4-bërthamor (brand name) dhe tejet funksional, Po, ia vlenë.

Ky model në Amazon.de gjendet për 169 € për versionin 8GB dhe çmimi 199 € për versionin 16GB, tek ne shitet nga 230 e me lartë.

Për krahasim me ndonjë model tjetër, mund ta bëni nëpër mes modulit tonë Krahasime. \ameble

Moto G-së si surprizë i shfaqet përditësimi Android 4.4.2 Kitkat

Moto G-së si surprizë i shfaqet përditësimi Android 4.4.2 Kitkat

Moto G 1Motorola ka njoftuar se smartphone-i Moto G ka filluar të pranoj versionin Android 4.4.2 Kitkat. Kjo kompani në lançimin e këtij modeli kishte garantuar se ky smartphone do të marrë përditësimin Android 4.4 Kitkat nga muaji Janar, por si duket ketë e kanë bërë si surprizë para festave të fundvitit për adhuruesit e Motorola-s.

Punit Soni, nënkryetar për menaxhimin e produkteve në Motorola Mobility, e ka konfirmuar lajmin në një blog dhe gjithashtu kishte deklaruar se smartphone-i Moto G mund të blihen nëpërmjet dyqanit online të kompanisë dhe Amazon-it në SHBA që vie bashkë me versionin e ri të Android-it.

Motorola shpjegon së përditësimi  këtu sjell karakteristika të reja dhe disa përmirësime. Disa nga karakteristika të reja në të përfshijnë zgjerime të tilla si statusi me stil ndryshe dhe navigimi në fusha të caktuara, ngjyra të reja, opsioni tek thirrjet e zgjeruar, mënyra e re për editimin e fotove etj.

Kompania gjithashtu ka shtuar menyren për printim të fotove apo  përmbajtje të tjera nga Google Docs, Gmail nëpërmjet lidhjeve Wi-Fi, Bluetooth dhe opsioneve tjera. Moto G përfshinë edhe versionin e ri Google Hangouts që përkrahë mesazhet dhe MMS. |ameble|

Përshtypjet e para për kamerën e Motorola Moto G

Përshtypjet e para për kamerën e Motorola Moto G

moto-g-india-android-44-635.jpgPak ditë më parë Motorola ka publikuar smartphone-in Moto G dhe u duk sikur një ëndërr që u bë realitet sidomos për ata që nuk duan të shpenzojnë shumë në një smartphone.

Edhe pse akoma nuk është bërë një vlerësim i plotë për këtë pajisje, sipas burimeve të ndryshme Moto G është një smartphone qe ia vlenë duke marre parasysh specifikat harduerike të tij, përformancen, brendin dhe çmimin prej vetëm 169 Euro.

Nëpër internet kanë filluar të qarkullojnë fotografi dhe artikuj të ndryshëm me vlerësimin rreth kamerës së Motorola Moto G dhe siç duket përshtypjet e para për kamerën e këtij të fundit janë shumë të mira. Duke marre parasysh faktin që kjo kamerë është 5 megapikselë kualiteti i fotografive që kjo pajisje nxjerr është tepër i mirë në krahasim me pajisje të tjera që kanë kamere 5 megapikselë.

Më poshtë mund të shihni disa nga fotot që janë produkt i Smartphone Motorola Moto G. |ameble|

Drejtpërdrejt: Motorola Moto G

Drejtpërdrejt: Motorola Moto G

Pas shumë thashethemeve, Motorola dhe Google me në fund janë të gatshëm të prezantojnë smartphone-in Moto G, ku ngjarja ishte përcaktuar për sot më 13 Nëntor në Sao Paulo të Brazilit.

Ne kemi pranuar E-mail-in me të cilën jepen informata për përcjelljen drejtpërdrejt të kësaj ngjarje. Ngjarja fillon nga ora 15:00 sipas kohës tonë dhe mund ta ndiqni në linkun e më poshtëm.

[youtube id=”QN-zIbFk2JM#t” width=”600″ height=”350″]

Moto G pritet të jetë një model me kosto të ulët krahasuar me modelin e më hershëm Moto X. Ky model pritet të ketë këto specifika: ekranin 4.5  apo 4.7 inç me ekran 720×1280 pikselë, një procesorë 1.2 GHz apo 1.5 GHz 4-bërthamor i llojit Snapdragon, kamera e kësaj pajisje pritet të jetë 5 apo 8 megapikselë. |ameble|

Motorola Moto G të lansohet me 13 Nëntor

Motorola Moto G të lansohet me 13 Nëntor

Javën e kaluar kanë rrjedhur disa pamje dhe disa specifika të smartphone-it të ardhshëm nga Motorola, d.m.th Moto G, kurse tani siç duket Google do të prezantoj ketë model më datën 13 Nëntor.

Kompania Google tani ka lansuar uebfaqen e re për ketë model Motorola Moto G dhe në të ka vendosur datën 13 Nëntor që mund të jetë data e lansimit. Siç duket Motorola do të shfaq ketë ngjarje, drejtpërdrejt për shkak se ka vendosur një buton që thotë “nënshkruajë për njoftim drejtpërdrejt online” për Moto G.

Motorola Moto G

Motorola Moto G është thënë të vijë me ekran HD 4.5 inç me rezolucion 1280 X 720 pikselë në 329 ppi, procesori i tij pritet të jetë Qualcomm Snapdragon 4-bërthamor 1.2GHz.

Karakteristikat e tjera të Moto G përfshijnë platformën Android 4.3 Jelly Bean, 2 kamera ajo frontale do të jetë 1.3 megapikselë kurse ajo e pasme do të jetë 5 megapikselë, lidhjet HSPA+, Bluetooth 4.0, WiFi dhe fuqia e baterisë do të jetë 1950 mAh. |ameble|