Apple ka filluar të dërgoj ftesa për një ngjarje tjetër të tyre qysh nga dita e djeshme. Ngjarje e madhe e kësaj kompanie është caktuar të mbahet më 16 Tetor në kampin e kompanisë në Kaliforni. Ngjarja do të filloj në ora 10:00 PT e cila tek ne i bie 19:00.
Në ftesë është e shkruar një porosi që thotë “It’s been way too long” (Ka qenë një rrugë shumë e gjatë)! Si zakonisht, kjo kompani gjithmonë mundohet ti mbaj gjërat në fshehtësi maksimale, edhe pse ne i kemi disa thashetheme që janë përfolur dhe mund t’i përmendim shkurtimisht.
Ka shumë gjasa që të lansohen modele të reja të tabletit iPad, për arsye se Apple në ngjarjen e fundit nuk ka pasur një të tillë. Nga iPad-et e ri pritet të futet sensori për gjurmë të gishtit TouchID që fillimisht u fut në iPhone 5S. Gjithashtu pritet të vij edhe një pasues i Mac Mini, disa modele të reja MacBook, dhe data e fillimit të sistemit të ri operativ Mac OS X Yosemite. Apple gjithashtu mund të prezantoj planet e tyre për Beats Electronics, kompaninë për muzikë të Dr.Dre-së të cilën e kishin blerë me herët.
Pra këto janë disa nga pajisjet që Apple mund ti prezantoj në ketë ngjarje të organizuar. /ameble
