Shefi ekzekutiv i Microsoft, Satya Nadella tregoi sot se çfarë aplikacionesh ka instaluar në pajisjen e tij iPhone. Po, ai zotëron një iPhone, por shprehet se nuk është smartphone që e përdor çdo ditë.
Nadella, pasi e quajti pajisjen me shaka “iPhone Pro” për shkak të aplikacioneve Microsoft që ka në faqen kryesore të pajisjes, tregoi se çfarë aplikacionesh ka instaluar.
Shefi ekzekutiv i Microsoft ka në katërshen e programeve më të përdorura tre aplikacione Microsoft, që përfshijnë Bing, Outlook dhe OneNote. Disa nga aplikacionet e tjera përfshijnë paketën Office, OneDrive dhe lojën Snap Attack nga studioja e lojërave Microsoft Studios.
Megjithëse ai tregoi iPhone-n për një kohë të gjatë, ai gjithashtu tregoi smartphone-n Microsoft Lumia
dhe u shpreh se ky ishte telefoni i tij i përditshëm. Asnjë nuk e dyshon që kjo është e vërtetë, por kjo gjithashtu do të thotë se dikush ka harxhuar kohë për të përgatitur pajisjen Apple për demonistrimin e kryer gjatë konferencës Microsoft Future Decoded. /ameble
