Category Archives

111 Articles
Gjirafa50, tani vjen me 24000 produkte të reja

Gjirafa50, tani vjen me 24000 produkte të reja

Tani të gjithë e dimë që Gjirafa50 është platformë e shitjes online e krijuar nga vet Gjirafa.

Gjirafa50 është dyqani online rajonal i specializuar për shitjen e produkteve më të kërkuara të teknologjisë, fillimisht ishte nisur me top 50 produktet më të kërkuara. Pas top 50 produkteve Gjirafa50 tani vjen me e-commerce, me 24000 produkte te reja me të cilën bëhet edhe dyqani online me i madhi për teknologji në rajon.

www.gjirafa50.com

24,000 produkte teknologjike të reja i gjeni vetëm në https://gjirafa50.comDyqani online më i madh per teknologji në Kosovë dhe rajon.

Posted by Gjirafa50 on Monday, April 3, 2017

Faqja është ende ne përpunim gjirafa50.com , por nga sot edhe ju mund t’i shihni dhe njoftoheni me 24000 produktet e reja për teknologji si Laptop , smartphone, kamera, TV dhe shumë aksesor dhe solucione për smart home. /ameble

Gjirafa mundëson: Gjej punë! Shpejtë dhe thjeshtë

Gjirafa mundëson: Gjej punë! Shpejtë dhe thjeshtë

Gjirafa.com ju ofron një mundësi të re dhe shumë më efektive për të gjetur një vend pune në Kosovë edhe në Shqipëri.

Në gjirafa.com tashmë janë të publikuara me qindra  konkurse pune për pozita të ndryshme. Me një procedurë të thjeshtë kërkimi dhe me ndihmën e filterave ju mund të bëheni pjesë e këtyre konkurseve duke kontaktuar direkt me kompanitë që kërkojnë kandidatë për punë.

Nëse në këto konkurse ju nuk gjeni një punë që i përshtatet profilit dhe profesionit atëherë krijoni një rezyme dhe puna ju gjen juve ! Gjirafa.com ju mundëson që ju vetë të krijoni dhe publikoni rezymenë tuaj online duke ju sjell shumë më afër punëdhënësve potencial. Kjo formë e gjetjes së punës përdoret masivisht dhe me shumë sukses në botë, ndërkaq Gjirafa.com e sjell për herë të parë në gjuhën shqipe. Shumë kompani serioze në Kosovë dhe Shqipëri tashmë përdorin këtë shërbim të gjirafa.com gjatë rekrutimit të stafit të ri.

Krijimi i rezymesë është falas dhe ju mund të aplikoni më shumë se një herë. Për çdo paqartësi, keni stafin e Gjirafës të gatshëm t’iu asistoj në secilin hap të krijimit të rezymesë. Krejt çka duhet të bëni është të hyni në faqen gjirafa.com të klikoni në ‘Kërko Punë’ dhe të zgjedhni opsionin ‘Krijo Rezymenë’. Procedurën e mëtejme e keni të paraqitur grafikisht këtu:

Gjirafa.com është makina e parë dhe më e përparuar kërkimore në gjuhën shqipe, e cila i ofron përdoruesve të saj gjetjen e informatave shqip nga i tërë interneti. Përdoruesit kanë mundësi të kërkojnë në më shumë se 160 milion ueb faqe shqip si dhe të kenë qasje në më shumë se 10.000 lajme ditore nga të gjitha portalet në gjuhën shqipe. Gjirafa.com ndër të tjera ofron edhe oraret e autobusëve në Kosovë, Maqedoni dhe Shqipëri, si dhe parashikimin e motit për qytetet kryesore.

Gjejnë gabime në Youtube, shpërblehen nga Google (Video)

Gjejnë gabime në Youtube, shpërblehen nga Google (Video)

Një grup studentësh të cilët përbëhen prej 4 programerëve të ndryshëm, bënë të mundur që të gjejnë gabime të ndryshme në rrjetet gjigante teknologjike.

Kësaj radhe është Leutrim Berisha ai i cili se fundi gjeti gabime në faqen e Youtube e më pas mori shpërblim, (mjete financiare) nga gjiganti Google.

Por kjo nuk është e gjitha, ky i ri kosovar ka arritur që tashmë të futet edhe në Hall of Fame tek kompania Google, transmeton Klan Kosova.

Zyrtare: Gjirafa.com merr $2 milion për zhvillimin e shërbimeve në Internet për Shqipëri, Kosovë dhe Maqedoni

Zyrtare: Gjirafa.com merr $2 milion për zhvillimin e shërbimeve në Internet për Shqipëri, Kosovë dhe Maqedoni

Shqip gjirafa.comKompania Gjirafa, produkt kryesor i së cilës është makina kërkimore në gjuhën shqipe Gjirafa.com dhe Rockaway Capital (VC), bënë të njohur për publikun investimin 2 milion dollarësh për te zhvilluar shërbimet e bazuara ne Interneti për shqipfolësit në Balkan, dhe në mbarë botën.

Raundi i investimeve i udhëhequr nga “Rockaway Capital” me seli në San Francisko dhe Pragë, ka për qëllim rritjen e ekonomisë së internetit në Ballkan, nëpërmjet Gjirafa.com, duke e bërë atë lider rajonal të kërkimit, e-commerce dhe reklamave online.

“Investimi është më shumë se sa një bast per potencialin shpërthyes te ekonominë se Balkanit, i cili do të na ndihmojë të pershpejtojmë këtë rritje duke i ofruar rajonit shërbime online te cilat kurrë më parë nuk janë parë”, tha themeluesi dhe Drejtori Ekzekutiv i Gjirafa, Mërgim Cahani. Z. Cahani ne vitin 2014 se bashku me dy bashkëthemeluesit, Dr. Ercan Canhasi dhe Diogjen Elshani lansuan ‘Gjirafa’ në akceleratiorin e Pragës, StartupYard, dhe e ndërtuan kompaninë e kërkimeve që të ketë një rritje marramendëse prej 650% qe nga fundi i 2014-ës. Vetëm në 10 javët e fundit Gjirafa ka regjistruar mbi 10 milion kërkime dhe më shumë se 1 milion vizitorë.

“Jemi shumë të lumtur për potencialin e rritjes së e-commerce dhe reklamimit online në Kosovë dhe Shqipëri”, tha partneri investues i Rockaway Capital, Dusan Zabrodsky, i cili udhëhoqi raundin e investimeve. “Gjirafa është pozicionuar në qendër të inovacioneve në rajon, dhe ne po shohim mundësi të jashtëzakonshme që ata të ecin para dhe përfitojnë nga modernizimi i shpejtë që po ndodh tani. Kjo kompani ka mundësi të bëjë për Kosovën dhe Shqipërinë atë që Yahoo bëri për SHBA në vitet 90-ta, të ndërtojë një ekonomi të vërtetë Interneti. Ky është një moment tërësisht unik”.

Ky investim është ne vazhdën e investimeve qe Rockaway realizoi në tregun evropian të e-commerce viteve te fundit, si dhe investimeve të mëhershme në Gjirafa, përfshi investitorët nga SHBA Esther Dyson, Ondrej Bartos (partner në Credo Ventures) dhe Philip Staehelin, partner menaxhues në Roland Berger.

Investimi i Rockaway në Gjirafa, do të përdoret për të zgjeruar infrastrukturën e kërkimeve online,          e-commerce dhe reklamave online që janë të mangëta në rajonin qe po sheh rritjen më të shpejt të natalitetit në Evropë. Marrëveshja përfshin po ashtu zotimin e konsiderueshëm të resurseve nga Rockaway në partneritet me Gjirafa.com për sjelljen e risive të tjera për audiencën dhe bizneset shqipfolëse, duke përshpejtuar zhvillimin e ekonomise së internetit në rajon.

Gjirafa planifikon të avansojë platformën e reklamave online për Shqipëri dhe Kosovë (Gjirafa AdNetëork), dhe të ofroj shërbime të e-commerce. Edhe pse rajoni ende varet nga metodat e vjetra të pagesave, përdorimi i smartfonëve përbënë rreth 50% të trafikut të internetit.

Deri me tani Kosova dhe Shqipëria kishin ngelur prapa pjesës tjetër të Evropës sa i përket rritjes online, por  kohëve të fundit janë bërë hapa të mëdha. Sot kemi një penetrim të intenetit prej 85%, si rrjedhojë e investimeve europiane dhe kthimit të diasporës.  Duke pasur parasysh edhe moshën mastatare të re të popullësisë, Gjirafa planifikon të përfitojë nga adoptimi i shpejt i teknologjisë së telefonave të mençur, duke sjellë për herë të parë shumicën e ekonomisë online në rajon.

Momentalisht Gjirafa është duke kërkuar talentë dhe profesionistë që t’i bashkohen ekipit në Tiranë dhe Prishtinë. Për më shumë informata kliko këtu.

Kompania Gjirafa.com nga Kosova, faktor i rëndësishëm për rritjen e ekonomisë digjitale në Ballkan

Kompania Gjirafa.com nga Kosova, faktor i rëndësishëm për rritjen e ekonomisë digjitale në Ballkan

Ishte viti 2014, kur dëgjuam për Gjirafën, Gjirafa po vjen, një diçka e re po vjen Shqip! Fillimisht ishim të habitur se çfarë mund të jetë ajo. Një kompani e re kosovare e cila në fakt do të jetë një makinë kërkimore që kupton vetëm shqip. Uauu!! Ishte një diçka e re, një ide inovative e cila do të sjellë informata relevante që do të jenë lehtësisht të shfrytëzueshme nga më se 12 milionë shqipfolës nga e mbarë bota.

Në Maj te vitit 2014, për herë të parë bëhet një intervistë publike për StartupYard, me ç’ rast  themeluesi i Gjirafa-s Mërgim Cahani, ka shpjeguar në detaje të plota, planet për makinën e parë kërkimore shqip Gjirafa.com. Në një pjesë të intervistës, Mërgimi tha “Ne nuk jemi Google. Ne kemi diçka që Google nuk ka. Gjirafa ka qasje në të dhëna lokale, e kupton tregun dhe ka zhvilluar teknologji për kërkim të plotë të tekstit në gjuhën shqipe. Kjo është diçka që askush tjetër nuk e ka bërë ndonjëherë, përfshirë dhe Google. Gjuha Shqipe qëndron e vetme si gjuhë, pa të afërm”.

Në muajin Korrik të vitit 2014, Gjirafa.com ka lansuar versionin Beta të saj, duke ofruar qasje ekskluzive vetëm për ata të cilët janë regjistruar apo regjistrohen për qasje të hershme. Ftesat e para për të testuar dhe përdorur Gjirafa.com janë dërguar, ku ndër përdoruesit e parë dhe ekskluziv ishte edhe ameble. Përshtypjet tona të para ishin mbresëlënëse, si nga pamja e faqes ashtu edhe nga efektiviteti i kërkimit.

Më 9 Tetor 2014, në ora 15:00 në Sheshin 21 në Prishtinë, është zyrtarizuar hapja e Gjirafa.com për të gjithë shqiptarët. Gjirafa, Inc., – Dega në Kosovë, është kompani e avancuar e teknologjisë, produkt kryesorë i së cilës është makina kërkimore në Gjuhën Shqipe, Gjirafa.com.

Gjirafa Team

Gjirafa, Inc., është korporate e themeluar në SHBA-së, nga Mergim Cahani, CEO dhe dy bashkëthemeluesit, Ercan Canhasi dhe Diogjen Elshani.

Gjirafa Invest2Se, Gjirafa është duke u bërë një faktor i rëndësishëm për rritjen e ekonomisë digjitale në Ballkan, tregon edhe fakti i mbështetjes dhe përkrahjes së vazhdueshme të kompanive ndërkombëtare në rritjen e më tejme të Gjirafës. Këtë e laboron edhe artikulli në një ndër portalet prestigjioze të teknologjisë techcrunch.com.

Respektivisht, Gjirafa do të përfiton dy milionë dollarë për raundin e “Serive A” të udhëhequr nga firma prestigjioze Rockaway Capital me bazë në San Francisko dhe Pragë.

Financimi ka për qëllim për të zhvilluar ekonominë e internetit në Ballkan, duke digjitalizuar dhe indeksuar informacionet në Shqipëri e Kosovë. Well done guys! /ameble.com

Loja retro e fshehur në Gjirafa.com

Loja retro e fshehur në Gjirafa.com

Të gjithë jemi të njohur me lojën retro 8-bitsh Galaxy Atack, ku tani kjo lojë shfaqet edhe në gjirafa.com. Ajo paraqitet kur ju hyni në ndonjë faqe gabim që nuk ekziston (404).

Gjirafa Loja

Loja e fshehtë në domain-in e gjirafa.com paraqitet vetëm nëse gaboni adresën, dhe pastaj mund të luani me tastet majtas/djathtas dhe space. Mund të themi që është një lojë e thjeshtë por që të bën pak a shumë të varur.

Një opsion që i mungon është ruajtja e pikëve ku shpresojmë që në të ardhmen do t’i ruaj edhe pikët e lojtarëve dhe të listoj rënkimet, natyrisht për ata përdorues që janë të regjistruar në gjirafa.com.

Provoni tani www.gjirafa.com/loja dhe postoni rezultatet me screenshoot. /ameble.com

Çka kanë kërkuar Shqiptarët gjatë vitit 2015?

Çka kanë kërkuar Shqiptarët gjatë vitit 2015?

Kerkimet 2015 (1)Gjirafa.com është makina e parë dhe më e përparuar kërkimore në Gjuhën Shqipe, ku përdoruesit mund të kërkojnë më shumë se 110,000,000 faqe Shqip nga tërë Interneti.

Këtë vit për herë të parë Gjirafa.com ka publikuar top dhjetë kërkimet më të shpeshta që janë bërë gjatë vitit 2015 nga përdoruesit Shqiptarë, të ndara në këto kategori:
‘Personat më të kërkuar’ ‘Lajmet’ ‘Veturat’ ‘Celularët’ ‘Linjat e Autobusëve’.

Kjo listë mund të jetë një statistikë e mirë se për çka interesohen më shumë përdoruesit Shqiptarë.

Top 10 personat më të kërkuar gjatë vitit 2015, në Gjirafa.com

  • Xherdan Shaqiri
  • Era Istrefi
  • Rita Ora
  • Adnan Jonuzaj
  • Hashim Thaçi
  • Naim Frashëri
  • Cristiano Ronaldo
  • Dafina Zeqiri
  • Ismail Kadare
  • Lorik Cana

Top 10 Lajmet më të klikuara

  • Harrohet “Fondi i punësimit”
  • Vrasje në Prizren
  • Zgjedhjet në Tiranë
  • Përgjimi i telefonit
  • Të rinjtë që po garojnë për çmimin në Nasa
  • Ikja drejt Hungarisë
  • Vrasje në Tiranë
  • Neymar shënon gol që thyen ligjet e fizikës
  • Djegia e flamurit të Shqipërisë e Kosovës i kushton shtrenjtë klubit serb
  • Përleshje masive në Shkup

Top 10 Veturat

  • VW/ Golf 4
  • Mercedes
  • Bmw
  • VW/ Golf 3
  • VW/ Golf 2
  • Audi
  • Audi A4
  • VW/ Golf 5
  • Passat
  • Opel Corsa

Top 10 Celularët

  • iPhone 6
  • iPhone 5
  • iPhone 5s
  • Samsung Galaxy S4
  • iPhone 4
  • iPhone 4s
  • HTC
  • Nokia
  • Samsung Galaxy S5
  • LG G3

Top 10 Linjat e Autobusëve

  • Prizren – Prishtinë
  • Prishtinë – Prizren
  • Prishtinë – Tiranë
  • Gjakovë – Prizren
  • Gjilan – Ferizaj
  • Tiranë – Pejë
  • Korçë – Tiranë
  • Sarandë – Tiranë
  • Ferizaj – Durrës
  • Shkup – Tetovë
Gjirafa prezanton shërbimin e ri për reklamim online “AdNetwork”

Gjirafa prezanton shërbimin e ri për reklamim online “AdNetwork”

Sot me datë 15 Dhjetor, në Prishtinë u mbajt punëtoria “Marketingu Digjital”, organizuar nga makina kërkimore në gjuhën shqipe Gjirafa, ku ndër të tjera u prezantua shërbimi i tyre i radhës për reklamim në Internet i quajtur Gjirafa® AdNetwork℠.

Gjirafa AdNetwork është një platformë e reklamimit online në Internet e cila ju mundëson të targetoni reklamën tuaj, duke u bazuar në hapësirë gjeografike apo të drejtoni reklamën tuaj tek konsumatorët në bazë të preferencave të tyre, për shembull, të dashamirësit e sportit, apo edhe më saktë, tek tifozët e një klubi. Përparësia tjetër e kësaj platforme është se nga një vend mund të krijoni reklamën ndërsa reklama e juaj do të shfaqet në portale të ndryshme të Internetit në Kosovë, Shqipëri, Maqedoni si dhe shumë portale tjera shqip nga e mbarë bota.

Ngjarjen e hapi krye-shefi i kompanisë njëherit edhe themelues i saj, z. Mergim Cahani duke shpjeguar rëndësinë e Internetit në raport me televizionin apo format tradicionale të reklamimit, si dhe rëndësinë e marketingut digjital sot.

Gjirafa AdNetwork Prezantimi

Prezantimi u pasua nga Jeta Zagragja, udhëheqëse e zhvillimit të biznesit, e cila fillimisht pasqyroi trendët globale të marketingut digjital deri të ato lokale, duke u ndalur ne tregues të marketingut në Kosovë. Ndër të tjera u ndal të efikasiteti i lartë i reklamimit digjital i bazuar në targetim sipas fjalëve kyçe, në raport me vendosjen e banereve statik të portaleve online.

Rezultati i krejt kësaj është të paguash vetëm për reklama të cilat shihen nga përdorues që kanë interesim apo kanë lidhje me reklamën tuaj.

Kompanive pjesëmarrëse iu dhurua gjithashtu 100 € bilanc në Gjirafa AdNetwork, në mënyrë që të njihen nga afër me përparësitë e reklamimit online në Internet. Për më shumë detaje nga kjo platformë mund të gjeni në linkun http://client.gjirafa.com/home/landing. /ameble

Studentët e Inxhinierisë Elektrike zhvillojnë një aplikacion unik për Facebook, RateMyFriends

Studentët e Inxhinierisë Elektrike zhvillojnë një aplikacion unik për Facebook, RateMyFriends

Studentët e Universitetin të Prishtinës, Fakultetit të Inxhinierisë Elektrike kanë krijuar një aplikacion jo të zakonshëm për rrjetin më të popullarizuar social, Facebook. Studentët Hekuran Kastrati dhe Ilir Osmanaj në temën e tyre të Baçelorit kanë zhvilluar një aplikacion “RateMyFriends”, që tregon se cilët janë miqtë më të mirë në Facebook, duke saktësuar se sa herë të kanë bërë like, koment dhe share.

foto

Profesori i studentëve Blerim Rexha ka treguar për Indeksonline se si është zhvilluar aplikacioni.
Ai ka thënë se është aplikacion unik që është punuar nga studentët e Universitetit të Prishtinës.

“Aplikacioni është unik që nuk e ka askush në botë. Aplikacioni tregon se cilët janë shokët më të mirë dhe cilët jo të mirë. Tregon se cilët shokë nuk kanë bërë asnjëherë like, koment dhe share. Ta gjeneron një raport dhe mund ta shohësh se sa e ke shkallën e miqësisë në Facebook me miqtë e tu”, ka thënë Rexha për Indeksonline.

Aplikacionin RateMyFriends mund ta shkarkoni duke klikuar shkarko aplikacionin për Android.

Është aplikacioni unik dhe origjinal që e kanë zhvilluar për platformën Android, studentët Hekuran Kastrati dhe Ilir Osmanaj në kuadër të temës së tyre të baçelorit në fakultetin tonë. Ky është zgjerim i aplikacionit të realizuar më herët nga studenti Valon Xhafa. Aplikacioni RateMyFriends mbledhë listën e shokëve duke përdor teknikën e “Web scraping” dhe pastaj duke përdorur Facebook API mbledhë numrin e aktiviteteve si: Comment, Like, Tag, dhe Share.

Nga anketa që kemi bërë më herët me shumicën nga ju, kemi marrë përgjigje të qartë lidhur me preferencat e komunitetit lidhur me aktivitetet në Facebook. Kështu kemi zhvilluar një algoritëm për të përcaktuar sa më saktë shkallen e miqësisë në Facebook. Për disa sekonda mund të shihni se cili është miku juaj më i mirë në Facebook, por edhe ti shihni cili nuk iu ka bërë asnjë Like!

Ne nuk mbajnë përgjegjësi nëse pas kësaj fjaloseni me miqtë tuaj. Të gjitha këto të arritura i kemi përmbledh në një punim shkencor, që po presim të publikohet në fillim të dhjetorit. Falënderoj kolegët Korab Rrmoku, Vehbi Neziri dhe Kadri Sylejmani për ndihmën e tyre të pakursyer. I përgëzoj Ilirin dhe Hekuranin për përkushtimin e tyre gjatë zhvillimit të aplikacionit. Ju lumtë!”/Indeksonline/

IPKO lanson pakot Super Duo me çmime të zbritura të internetit dhe TV digjital

IPKO lanson pakot Super Duo me çmime të zbritura të internetit dhe TV digjital

Duke filluar nga sot, dhjetëra mijëra familje kosovare do të mund të përfitojnë nga çmimet shumë më të përballueshme të pakove të internetit dhe TV digjital, të cilat në raste të veçanta janë ulur deri në 30 për qind.

IPKO Super DUO

SuperDUO është ofertë e re promovuese nga IPKO, e cila vjen me çmimet e zbritura të pakos DUO Familjare HD, DUO Premium, dhe DUO Premium HD, dhe ua mundëson përdoruesve të kalojnë nga DUO familjare në DUO Premium për më pak se 5 euro në muaj.

Me ofertën e re, çmimi i pakos DUO Familjare HD tani është 23,50 euro në muaj, DUO Premium vjen në 24.90 euro në muaj dhe DUO Premium HD tani është ofruar për 27.50 në muaj.

Çmimet e reja të zbritura do të zbatohen për të gjithë abonentët me kontratë prej 12 muajsh, por përdoruesit mund ta marrin pakon e tyre të zgjedhur edhe në baza mujore.

Oferta promovuese me çmimet e zbritura të pakove DUO ka një kohëzgjatje të kufizuar, dhe është pjesë e befasive të shumta, të cilat IPKO i ka përgatitur për përdoruesit e saj.

Përmirësimet e fundit në pakon Premium kanë parë një pasurim të konsiderueshëm me ofrimin edhe të Video On Demand, DigiGold, TVim, Catchup TV, dhe 7 kanalet e Discovery, pa asnjë pagesë shtesë për përdoruesit, të cilët tashmë kanë ekskluzivisht gjithë filmat e fundit, ngjarjet më të mëdha sportive, dokumentarët dhe kanalet e vendore dhe ndërkombëtare të lajmeve, duke përfshirë edhe kanalet në cilësinë HD.

Televizioni digjital IPKO mbetet oferta më tërheqëse për tregun e Kosovës, sa i përket fotografisë, zërit, numrit dhe cilësisë e kanaleve, përmbajtjes ekskluzive, sinjalit, dhe risitë që sjell për të gjithë shikuesit.

Si të votohet në garën e NASA-s për ekipin nga Kosova #Natev?

Si të votohet në garën e NASA-s për ekipin nga Kosova #Natev?

Ekipi Natev nga Kosova është në garë të ngushtë për vendin e parë në garën prestigjioze të NASA-së. Se kush fiton varet nga Vota e secilit prej nesh! Projekti i tyre u përzgjodh nga juria e NASA-s nga 950 projekte të 133 shteteve të ndryshme. Votimi po vazhdon, kanë mbetur edhe disa orë nga shpallja e fituesit të NASA Space Apps Challenge People’s Choice Award.

Si të votohet për garën e NASA-s për ekipin nga Kosova?

Hapeni ueb-faqen ku votohet në linkun:  https://2015.spaceappschallenge.org/award/#peopleschoice

Vazhdoni poshtë të ekipi kosovar me emrin NATEV EXPLORER:

NAtev

 

Kliko tek butoni VOTE NOW, dhe nëse nuk jeni të kyçur në njërën nga llogarit e paraqitura, KYÇU:

mund te votoni

 

Pasi të jeni kyçur në llogarinë tuaj në Facebook, Gmail apo tjera, vota juaj numërohet dhe u paraqitet mesazhi i më poshtëm:

Voted 2 times

 

Krejt në fund ju lutem mos harroni ta bëni SHARE po me të njëjtën llogari qe jeni kyçur.

Faleminderit!

Vala bën diferencën, mbulon me 3G dhe 4G Kosovën

Vala bën diferencën, mbulon me 3G dhe 4G Kosovën

Vala ka zyrtarizuar projektin 3G dhe 4G, duke mbuluar gjithë Kosovën me internet të shpejtë. Projekti ka kushtuar gati 35 milionë euro. Gjithashtu, sot është lansuar pakoja për të rinjtë “N’Trip” me një çmim prej 2.99 euro, ku përfshihen dhe 2 gigabajt internet, bisedë të pakufizuar dhe 500 SMS.

Vala me 4G

Operatori publik VALA lansoi sot projektin e internetit të shpejtë 3G dhe 4G, duke mbuluar shumicën e territorit të Kosovës, me një projekt që i ka kushtuar kompanisë rreth 35 milionë euro.

Ky projekt bën diferencën, pasi VALA ka instaluar teknologjitë më të reja në vend dhe me numër shumë herë më të lartë se operatorët konkurrentë, çka garanton cilësi dhe shpejtësi në internet.

Projektin e shpalli të përfunduar Drejtori Menaxhues Agron Mustafa, i cili tha se i kanë gati një numër të pakufizuar të sim-kartelave për përdoruresit e internetit.

“Që nga sot të gjithë ata që duan të shfrytëzojnë internetin e shpejtë 3G dhe 4G kanë në dispozicion sasi ta palimituara të simkartelave. Ky është një projekt që bën diferencën për shkak se kemi investuar teknologjitë më të reja krahasuar dhe me vendet më të zhvilluara. Projekti 3G dhe 4G i ofrohet pothuajse gjithë popullatës së Kosovës”, tha Agron Mustafa, Drejtor Menaxhues në PTK.

VALA ka instaluar në territorin e vendit gjithsejt 125 stacione antentash që do të ofrojnë internet 4G, ndërsa vetëm në Prishtinë janë 25 stacione. Me internet 4G është mbuluar 75 përqind e popullatës së vendit, derisa me internet 3G është i mbuluar gati 90 përqind e territorit të vendit, të cilët mund të furnizohen me internet nga 231 stacione të antenave.

“Është një mbulueshmëri e paparë deri më tani. Presim vetëm që organi rregullator, ARKEP të japë në shfrytëzim brezin frekuencor për të cilin i kemi të buxhetuara paratë prej vitesh. Presim që ARKP të veprojë shpejt në mënyrë që të ofrojmë shërbim sa më të mirë”, bëri të ditur Mustafa.

Nga ana e tij, zëvendëpresidenti i Alkatel Lucent për Evropën Qendrore dhe Jugore, konfirmoi se PTK/Vala është plotësisht e gatshme që t’u ofrojë të gjithë konsumatorëve të saj 3G dhe 4G.

“Mund të konfirmoj se teknololgjia më e avancuar tashmë është e instaluar në VALA, tekonolgji kjo që përkrah fuqishëm shërbimet 3G dhe 4G. Jemi të krahasueshëm me teknologjinë e operatorëve në vendet si SHBA dhe Gjermani, etj”, deklaroi Roberto Loiola, zëvendëspresident i Alcatel-Lucent.

VALA promvoi gjithashtu edhe një pako për të rinj, e cila quhet N’trip dhe që kushton vetëm 2.99 euro. Me këtë çmim mund të bisedohet pakufi brenda rrjetit dhe janë në dispozicion 500 sms dhe 2 gigabajt internet.

Ndërsa me çmim prej 4.99 euro ofrohet dyfishi i tyre, bisedë e pakufizuar, 1000 sms dhe 3 gigabajt internet 3G dhe 4g.

“Ky është një çmim modest dhe i pranushëm për të rinjtë tanë’, pohoi Drejtori Menaxhues i PTK-së, Agron Mustafa.

Kjo teknologji e rikonfirmon VALA-n edhe një herë si lider jo vetëm në tregun e Kosovës, por në të gjitha hapësirat shqiptare, pasi është operatori i parë që lanson 4G. /ameble