Category Archives

70 Articles
Filmi “Hacker” i bazuar në histori të vërtetë lanson trailer-in

Filmi “Hacker” i bazuar në histori të vërtetë lanson trailer-in

Sony Pictures këtë javë ka publikuar trailer-in e filmit me të ri Hacker, i cili është i bazuar në një histori të vërtetë dhe pritet të jetë në dispozicion, për ta blerë në DVD dhe formatin digjital për shkarkim, nga data 4 prill 2017 e tutje.

Shihe me poshtë trailer-in për të kuptuar më mirë se çfarë pritet të shohim nga ky film, një histori e një hakeri emigrant ukrainas, emigrant ky që lëviz në Kanada dhe përfshihet në një organizatë kriminale online. /ameble

Në ngjarjen MWC 2016 prezantohet projektori Android ZTE Spro Plus

Në ngjarjen MWC 2016 prezantohet projektori Android ZTE Spro Plus

Kompania ZTE gjatë javës ka prezantuar mini projektorin e tyre të ri Android, i cili vjen në formën Spro Plus, është i pajisur me ekran më prekje, si dhe karakteristika të reja të projektimit vizual.

ZTE Spro Plus

Spro Plus posedon ekranin 4 inç AMOLED me prekje (touchscreen), ofron rezolucion 2K dhe vjen me bateri të fuqishme 12.100 mAH. Në dispozicion do të jenë dy versione njëri me vetëm Wi-Fi, si dhe një tjetër me Wi-Fi dhe 4G LTE.

Projektori Android nga LTE posedon aftësi të projektimit në një imazh deri në 18 inç nga largësia 2.4 m dhe do të jetë në dispozicion për shitje gjatë muajve të verës të këtij viti.

Më shumë detaje rreth këtij mini projektori i gjeni këtu. /ameble

BBC lanson BBC Store

BBC lanson BBC Store

BBC ka lansuar shërbimin online të tyre BBC Store, ku mund të blihen dhe shkarkohen shfaqjet televizive. Ky shërbim posedon shumë shfaqje televizive klasike dhe gjithashtu disa nga më të fundit, duke përfshirë edhe Doctor Who, etj.

BBC Store

Çmimet për një episod të vetme fillojnë nga 1.89£ kurse seritë nga 7.99£, edhe pse kompania ka futur pako ku mund të blini shembull, të tri seritë e Sherlock-ut për 20.99£.

Gjatë blerjes mund të zgjidhni në kualitetin SD ose HD ku pastaj mund të shkarkohen në kompjuter, kurse sa i përket pajisjeve mobile si smartphone dhe tablet BBC ende nuk ka lansuar ndonjë aplikacion që mundëson shkarkimin e këtyre shfaqjeve televizive. Për më shumë detaje kliko këtu. /ameble

Apple TV i ri lansohet javën e ardhshme

Apple TV i ri lansohet javën e ardhshme

Drejtor Ekzekutiv i Apple-it Tim Cook ka konfirmuar se Apple TV i ri do të lansohet javën e ardhshme, lajmi u bë i ditur në një intervistë të tij të fundit dhënë për The Wall Street Journal.

Apple TV mund të porositet nga e Hëna, 26 Tetor, gjithashtu shpërndarja tek klientët fillon javën e ardhshme.

Apple TV i ri

Apple TV vjen me një sërë karakteristikash të reja, një më kryesorja është aftësia e hapjes së aplikacioneve dhe lojërave, gjithashtu do të ketë Siri Remote që u mundëson të kontrolloni TV-në nëpërmes zërit.

Në shitje do të jenë dy versione, njëri me hapësirë për të dhëna 32GB që do të shitet për 149$ (ose 131€), tjetri me 64GB që do të shitet për 199$ (ose 175€). /ameble

Sony prezanton dy kamera të reja dhe të fuqishme Cyber-shot

Sony prezanton dy kamera të reja dhe të fuqishme Cyber-shot

Sony ka prezantuar dy kamera të reja në serinë e tyre Cyber-shot, të cilat posedojnë karakteristika të fuqishme dhe një dizajn kompakt që lehtë mund të bartet në xhepin tuaj.

Të dy modelet HX90V dhe WX500 janë të pajisura me sensor Exmor R CMOS 18.2-megapikselë, zmadhuesin optik 30x me lentet ZEISS dhe procesorin BIONZ X. Sony në këto modele ka përfshirë ekranin LCD që sillet 180 shkallë, duke e bërë të mundur që të kapen fotografi selfie me cilësi të lartë. Kamerat gjithashtu përmbajnë butonat fizik, unazën e kontrolleve dhe GPS-in.

Kamera kompakte Hi-Zoom HX90V posedon çmimin 430$ ndërsa ajo ultra-kompakte WX600 330$. Modeli më i shtrenjtë posedon OLED-in elektronik viewfinder, ku Sony thotë se nuk është parë ndonjëherë në këto kamera të vogla.

Të dy kamerat e reja Cyber-shot do të jetë në dispozicion nga muaji qershor nëpërmes shitësve të autorizuar të Sony-t. /ameble

Samsung lanson 5 monitor të ri të lakuar

Samsung lanson 5 monitor të ri të lakuar

Samsung ka njoftuar për lansimin e 5 monitorëve të ri të lakuar, të cilët vijnë me madhësi që fillojnë prej 23.5-inç deri në 31.5.

Samsung monitor

Modeli Samsung SE501c vjen në dy madhësi të ndryshme të ekranit, njëri me 23.5-inç kurse tjetri 27-inç, ndërsa modeli SE591C vjen me madhësi të ekranit 27-inç. Dy modelet tjera vijnë në serinë e Samsung SE590C dhe janë me madhësi prej 31.5 inç, me shkallë kontrasti 5000:1. Modeli i fundit është Samsung SE790C i cili është 29-inç dhe shkallë kontrasti 3000:1.

Informatat në lidhje me çmimin e këtyre modeleve ende nuk dihen, por mbetet të publikohen në ditët në vijim. /ameble

LG dhe Sony në CES 2015 pritet të prezantojnë TV me rezolucione 8K

LG dhe Sony në CES 2015 pritet të prezantojnë TV me rezolucione 8K

Consumer Electronics Show (CES) fillon javën e ardhshme, dhe sipas një raporti të fundit, të dy LG dhe Sony pritet të prezantojnë modele të reja të televizioneve 8K. Vitin e kaluar në ngjarjen CES 2014 kemi parë një sërë televizionesh të reja 4K, kurse tani të dy kompanitë pritet të lansojn ato edhe më të reja me rezolucion 8K.

LG 8K TVs

 

LG do të njoftoj për serinë e re Art Slim TV, për të cilat është thënë se dimensionet e tyre do të jenë midis 7.5 dhe 8.2mm të trashë dhe se do të vijnë në një varg të madhësive të ekranit duke përfshirë modelet 55-inç dhe 65-inç.

Me futjen e televizioneve të reja 8K, ne lirishtë mund të presim zbritjen e çmimeve për modelet 4K. Për çmimet si dhe karakteristikat e modeleve të reja pritet t’i shohim javën që vjen. /ameble

Versioni i ri i LG WebOS TV 2.0 vjen në CES 2015

Versioni i ri i LG WebOS TV 2.0 vjen në CES 2015

LG WebOSLG ka njoftuar se do të prezantoj platformën e tyre për televizione webOS TV 2.0 në ngjarjen CES 2015 të muajit Janar. Sipas LG-së softueri i ri është dizajnuar për të përmirësuar karakteristikat kryesore të webOS-it në pajisjet e tyre ekzistuese.

LG WebOS 2.0 do të vijë me një serë veçorish të reja, dhe kompania ka njoftuar se ka shitur në total prej 8 milionë pajisje me webOS të aktivizuar. Më shumë detaje rreth kësaj do të kemi në muajin Janar kur do të dal ky softuer zyrtarisht. /ameble

Televizionet LG me teknologjinë e pikave kuantike lansohen në CES 2015

Televizionet LG me teknologjinë e pikave kuantike lansohen në CES 2015

LG ka njoftuar se do të lansoj një seri të re të televizioneve 4K Ultra HD në ngjarjen CES 2015 të muajit janar. Këto televizione të reja do të vijnë me teknologjinë e tyre të re quantum dot (QD). Quantum dot apo pikat kuantike janë nanokristale të bëra nga materiale gjysmëpërçuese që janë mjaftë të vogla për të shfaqur veti mekanike kuantike.

LG 4K Ultra HD

Sipas LG-së, kjo teknologji ofron ngjyra të përmirësuara krahasuar me TV-të e LCD-ve tradicionale, gjithashtu posedojnë përmirësime edhe në ndriçim. “Ngjyrat e gjalla si dhe teknologjia kuantike sjell TV-të LCD në një gjeneratë të re, kur është fjala për cilësinë e fotografisë,” ka thënë In-Kyu Lee, zëvendës president i lartë në kompaninë LG Electronics Home Entertainment.

Më shumë detaje rreth serisë së re të televisioneve Ultra HD të kësaj kompanie do të marrim në prezantimin zyrtar në CES 2015, që mbahet në mes të 6 dhe 9 janarit. /ameble

Google Glass zyrtarisht ndalohet të përdoret në kinemat e SHBA-ve

Google Glass zyrtarisht ndalohet të përdoret në kinemat e SHBA-ve

Një nga të mirat që ka Google Glass është se incizon video shumë lehtë. Kjo është perfekte nëse incizon në ndonjë organizim familjar apo edhe kur je ne pushime, mirëpo jo nëpër kinema apo teatro.

Motion Picture Association of American (MPAA) dhe National Association of Theater Owners (NATO) kanë njoftuar për “tolerancë zero” apo politikë të re ndaj Google Glass dhe pajisjeve tjera të incizimit që janë të kësaj forme nëpër kinema apo ngjarje të ngjashme.

NATO ka thënë se pas vërejtjes në qoftë se nuk do të hiqen Google Glass, do të kërkohet që të largohen nga kino apo teatri. Por në qoftë se menaxherët në teatër dyshojnë së është incizuar atëherë mund të thirret në zbatimin e ligjit. Incizimi i filmave nëpër kinema apo teatro është e ndaluar të bëhet me smartphone, kështu që pse Google Glass të lejohet? Vendim ishte i pritshem, e që shumë shpejtë mund të vendoset edhe nëper vende tjera të botes. /ameble

Ricoh lanson video kamerën e re 360-shkallë “Theta M15”

Ricoh lanson video kamerën e re 360-shkallë “Theta M15”

Sot ekzistojnë kamera të shumta që kanë mundësinë e fotografimit dhe incizimit të videove në lëvizje, por nëse kërkoni një të vogël e cila përshtatet për xhep, me siguri se mund t’ju interesoj Theta M15 e cila së fundmi është lansuar nga Ricoh. Çfarë e bën këtë kamerë të ndryshme nga kamerat e tjera është se kjo është e vogël dhe e hollë.

Posedon një koncept interesant që ndoshta mund të jetë e preferueshme për një grup përdoruesish. Theta M15 vjen me memorie internet 4GB, ISO range 100-1600 për foto, kurse 100-400 për video dhe shpejtësi e shkrepjes 1/8000 për sekondë. Posedon mundësinë e incizimit të videove në 360-shkallë.

Ricoh Theta M15 në shitje do të dal nga 14 Nëntori fillimisht në Japoni dhe në Angli, dhe çmimi i saj do të jetë rreth 435$, që do të thotë se është pak e shtrenjtë për karakteristikat që ka. Nuk janë dhënë detaje për disponueshmerinë e saj në vendet tjera. /ameble

Amazon njofton për Fire TV Stick

Amazon njofton për Fire TV Stick

Amazon fire-tv-stickAmazon sot në mëngjes ka bërë një njoftim të papritur duke lansuar kështu pajisjen Fire TV Stick, dhe kështu ka hyrë zyrtarisht në botën e mediave streaming.

Si duket Fire TV, e cila nga Amazon u prezantua në fillim të këtij viti, ka qenë sukses i kompanisë dhe për ketë arsye ajo tani po lanson pasardhësin e quajtur Fire TV Stick. Përderisa Fire TV padyshim ka pasur për qëllim të marr klientët e tillë nga Apple TV dhe Roku, Fire TV Stick është projektuar të bëhet konkurrent i drejtpërdrejt i Chromecast dhe Roku Streaming Stick.

Fire TV Stick vjen me procesor nga Broadcom, memorie interne 8GB, 1GB RAM, dual-band dhe dual-antenë Wi-Fi për 802.11 a/b/g/n, Bluetooth 3.0, dhe përkrah rezolucion nga 720p dhe 1080p në 60fps.

Fire TV Stick lidhet në portin HDMI në TV, dhe ofron qasje në filma, shfaqje televizive, muzikë, fotografi, aplikacione dhe lojra. Kjo përfshinë muzikë dhe video shërbimet e njohura si Netflix, Prime Instant Video, Hulu Plus, WatchESPN, NBA Game Time, Twitch, Showtime Anytime, Prime Music, Spotify, Pandora, Vevo, Plex, A&E, PBS, PBS KIDS, Watch Disney Channel, and YouTube

Para-porositë për ketë pajisje tashmë kanë filluar dhe pritet të shpërndahen nga 19 Nëntori. Çmimi i saj me pakicë do të jetë 39$. /ameble