Category Archives

8 Articles
Lëshohet përditësimi i ri për Samsung Gear S2

Lëshohet përditësimi i ri për Samsung Gear S2

Samsung Gear S2Samsung ka lëshuar një përditësim të ri të softuerit për smartwatch-in e tyre të fundit, Samsung Gear S2, përditësimi ky që sjell një sërë veçorish të reja për orën.

Përditësimi i fundit për Gear S2 është në madhësi rreth 61.1MB. Përveç pamjes disa nga karakteristikat tjera të reja të përfshira në përditësim janë My Photo watch face, automatic sleep tracking, përditësim në S Voice etj.

Përditësimi nga tani duhet të jetë në dispozicion, për të gjithë. /ameble

Samsung Gear S2 prezantohet në një video të re

Samsung Gear S2 prezantohet në një video të re

Samsung sapo ka lansuar një video të re për orën e tyre Samsung Gear S2, video është quajtur “Dial In”, ku mund ta shihni më poshtë.

https://youtu.be/cyOe3d43v08

Gear S2 është raportuar të ketë një fillim të mirë, sepse është pritur mirë në Korenë e Jugut dhe Kinë.

Gear S2 vjen me ekran të rrumbullakët, është Samsung smartwatch i parë i cili posedon një ekran të tillë dhe vjen me rezolucion 360×360 pikselë, përmban një rreth (bezel) që mund të navigohet me pajisjen.

Karakteristikat tjera përfshijnë procesorin 2-bërthamor 1GHz dhe 4GB RAM, pajisja vjen në dy versione, standard dhe një model klasik që përdorë sistemin e Samsung-ut, Tizen OS. /ameble

Apple dëshiron që Apple Watch të blihet online e jo të pritet në radhë

Apple dëshiron që Apple Watch të blihet online e jo të pritet në radhë

Apple WatchZëvendës-kryetarja për shitje në Apple, Angela Ahrendts, u ka dërguar një letër të gjithë stafit të kompanisë, me të cilën Apple dëshiron që njerëzit të blejnë pajisjen Apple Watch dhe të tjera online, në vend se të shkojnë fizikisht në dyqane.

Sipas shkresës, Apple do që njerëzit të përdorin aplikacionin AppStore dhe gjithashtu dyqanin online për të blerë Apple Watch dhe MacBook-un e ri të kompanisë.

“Ditët e pritjes në radhë për një produkt, janë e kaluara e klientëve tanë. Aplikacioni AppleStore dhe dyqani ynë online e bëjnë blerjen shumë më të lehtë për Apple Watch dhe MacBook-un e ri. Njerëzit do ta din saktësisht se ku dhe kur do të arrij produkti i tyre. Ky është një ndryshim i rëndësishëm dhe që të arrihet kjo ne kemi nevojë për ndihmën tuaj. Tregoni klientëve tuaj se kemi më shumë në dispozicion online dhe tregoni atyre se sa lehtë është për tu porositur.”

Apple para-porositë për Watch do të filloj t’i pranoj nga kjo e premte kurse pajisjet do të dalin në shitje nga 24 prilli. /ameble

Vector Smartwatch i ri e mban baterinë 30 ditë

Vector Smartwatch i ri e mban baterinë 30 ditë

Apple Watch është thënë ta mbajë baterinë rreth 18 orë, gjithashtu edhe orët e tjera kanë jetë të ngjashëm të baterisë. Tani një kompani krejt tjetër pritet të lansoj një orë të mençur për të cilën thuhet së jetën e baterisë pritet ta ketë 30 ditë, pra ai është Vector Smartwatch.

Vector Smartwatch

Vector Smartwatch përveç që do të ketë jetë të baterisë deri në 30 ditë, pajisja pritet të funksionoj me smartphone Android, iOS dhe Windows-Phone.

Sipas tyre do të jenë tri versione të ndryshme të Vector Smartwatch, kurse çmimet për këta smartwatch të ri do të fillojnë nga 199$. Më shumë detaje në lidhje me këto ora, mund të gjeni këtu. /ameble

Samsung prodhuesi numër një i Smartwatch-ve

Samsung prodhuesi numër një i Smartwatch-ve

Samsung dhe disa kompanitë tjera që një kohë posedojnë në shitje ora të mençura (smartwatch), por me lansimin e fundit të Apple Watch shihet më shumë interes në kësi lloj ora.

Sipas një raporti të fundit nga Statista, Samsung është prodhuesi numër një i smartwatch-ve me rreth 1.2 milionë njësi të shitura. Në vendin e dytë është Pebble me 700.000 njësi të shitura dhe në vendin e tretë është Fitbit me 600.000, më pas vjen Sony, Lenovo dhe LG, ku mund të shihen në tabelën e më poshtme.

Samsung Leads The Smartwatch Market

Apple Watch i ri do të dal në shitje nga 24 prilli dhe sipas parashikimeve kompania pritet të shesë një numër të madh të tyre në muajt e parë. /ameble

Zbulohen çmimet e Apple Watch

Zbulohen çmimet e Apple Watch

Apple WatchPas disa muajsh pritje, Apple Watch më në fund do të mbërrij më 24 prill, me çmime që variojnë nga 349$ deri në 10.000$. Kompania më para-porosi do të fillojë nga data 10 prill, në të cilën blerësit do të kenë mundësi t’i shohin produktet në dyqane të Apple-it.

Siç është prezantuar edhe dje, Apple Watch vjen në tri versione: Watch, Sport dhe Edition. Apple Watch Sport do të fillojë me çmim prej 349$ për versionin 39mm dhe 399$ me 42mm. Blerësit mund të zgjedhin nga pesë opsione me ngjyra të ndryshme. Ato të rangut të mesëm fillojnë nga 549$, por sipas modelit që zgjidhni do të shiten deri në 1099$. Apple do të ofroj zgjedhje prej tre rripave të ndryshëm.

Ora e mençur e Apple-it nëpër dyqane online do të arrij më 10 prill në Australi, Kanada, Kinë, Francë, Gjermani, Hong Kong, Japoni, Britani të Madhe, dhe SHBA, dhe do të vazhdoj kështu edhe vende tjera edhe pse Cook nuk ka dhënë data të sakta. /ameble

Smartwatch i ardhshëm i Oppo-së me bateri që rimbushet brenda disa minutave

Smartwatch i ardhshëm i Oppo-së me bateri që rimbushet brenda disa minutave

Shumë kompani kohëve të fundit janë përqendruar në pajisje smartwatch, sigurisht për atë se kjo do të përdoret shumë në të ardhmen. Pajisje të tilla deri me tani kemi parë nga Samsung, Sony, LG, Motorola, Huawei, kurse tani nëse mund t’ju besojmë raporteve, kompania Oppo është ajo që pritet të nxjerr një orë të mençur (smartwatch).

Oppo Smartwatch

Por, çfarë mund të sjellë Oppo që të tjerët nuk e kanë bërë? Sipas thashethemeve, smartwatch i ardhshëm i Oppo-së është thënë të paraqitet me një teknologji të re që mundëson rimbushjen e plotë të baterisë së orës, për vetëm pesë minuta. Nëse kjo del të jetë e vërtetë atëherë është shumë mbresëlënëse dhe kështu do të mund t’i bindë konsumatorët të cilët nuk kanë qenë të interesuar deri më tani për të blerë një orë të tillë.

Nuk është hera e parë që Oppo ka arritur shpejtimin për rimbushje të baterisë. Më herët në pajisjet Find 7 dhe Oppo N3, kompania ka shfrytëzuar teknologjinë e tyre të shpejtë VOOC e cila ka përshpejtuar kohën për të rimbushur këto pajisje, dhe sipas kësaj ka shans që kompani ka arritur të adaptoj edhe më shumë ketë teknologji të cilën mund ta përdor në smartwatch të tyre.

Nuk është dhënë asnjë detaj apo spekulim se kur pritet që kompania Oppo të njoftoj për smartwatch-in e tyre. /ameble

LG njofton për orën e mençur LG Watch Urbane

LG njofton për orën e mençur LG Watch Urbane

Përveç Moto 360 dhe LG G Watch R, shumica e orëve të mençura Android kanë një dizajn jo edhe aq të pashëm, LG tanimë ka njoftuar për një smartwatch më një dizajn të mrekullueshëm, dhe e ka emëruar LG Watch Urbane.

LG Watch Urbane është dizajnuar duke kombinuar dizajnin klasik të orëve me teknologjinë moderne të sotme ku sipas fotove të shfaqura kjo orë duket mbresëlënëse. LG Watch Urbane i ri përmban të njëjtin ekran P-OLED 1.3 inç që gjithashtu ishte në orën G Watch R. Kjo orë e re nga LG është në dispozicion në dy ngjyra të ndryshme, çelik inox i lëmuar dhe ngjyrë ari. Të dy modelet vijnë me rrip të thurur nga lëkura që është dizajnuar për t’i dhënë orës një pamje klasike.

Ekrani 1.3 inç në ketë orë ka rezolucion 320 x 320 pikselë më 245ppi, kurse pajisja është e pajisur me procesor 4-bërthamor Qualcomm Snapdragon 400, 1.2GHz dhe gjithashtu vjen me 512MB RAM.

Karakteristikat tjera përfshijnë 4GB memorie e brendshme, baterinë 410mAh dhe është vlerësuar të jetë rezistent ndaj pluhurit dhe ujit me standardin IP67. Posedon sensor të ngjashëm me LG G Watch R, që përfshijnë 9-Axis (Gyro/Accelerometer/Compass/Barometer/PPG (Heart Rate Sensor)).

LG nuk kanë dhënë asnjë informacion për datën e lansimit ose çmimin e kësaj ore, mirëpo më shumë gjasë do të prezantohet në MWC 2015. /ameble