Category Archives

272 Articles
Samsung thuhet se do të lansoj Galaxy Tab S3 më datë 1 Shtator

Samsung thuhet se do të lansoj Galaxy Tab S3 më datë 1 Shtator

Muajin e kaluar, janë shfaqur disa pamje koncept të cilat pretendonin se si do të duket tableti Samsung Galaxy Tab S3, kurse tani vijnë thashetheme se tableti në fjalë mund të lansohet në javët e ardhshme.

Samsung Galaxy Tab S3

Sipas një raporti të ri nga një blloger rus Eldar Murtazin, Samsung pritet të organizoj një ngjarje me datë 1 Shtator, për lansimin e Galaxy Tab S3.

Ia vlen të përmendet se rusi Eldar Murtazin ka një rekord sa i përket thashethemeve kur vjen puna për informacione the thashetheme rreth pajisjeve të reja. Edhe pse një mundësi mund të jetë që të shohim një tablet të ri nga Samsung në ngjarjen IFA 2016 në Berlin.

Samsung Galaxy Tab S3 pritet të vijë me ekran 8-inç dhe rezolucion 1536×2048 pikselë dhe procesorin 1.8GHz Snapdragon 652. Karakteristika të tjera që janë përfolur përfshijnë 3GB RAM, 32GB hapësirë të brendshme e shoqëruar me një slot microSD, kamerën 8MP për foto dhe video, 2MP atë frontale, baterinë 4000 mAh si dhe posedon versionin Android Marshmallow.

Për të gjitha këto se a janë të verteta apo jo pritet të shohim në javët e ardhshme. /ameble

PS4 Neo ndoshta do të lansohet me 13 Tetor

PS4 Neo ndoshta do të lansohet me 13 Tetor

Muajin e kaluar Sony kishte konfirmuar thashethemet që spekulohej se është duke punuar në një version të modernizuar të konsoles PS4 e që do të quhet PS4 Neo. Për fat të keq, përveç konfirmimit, kompania nuk kishte dhënë asnjë detaj tjetër në lidhje me të.

Si duket tani kemi një datë të mundshme të lansimit. Sipas një listimi të fundit që është shfaqur në Amazon të Spanjës, PS4 Neo është parë e listuar nga ri-shitësit më përshkrimin së do të dalë në treg me 13 Tetor. Listimi është fshirë menjëherë për shkak se është publikuar para kohe ose informacioni ka qenë i gabuar. Megjithatë kjo është e tëra për deri me tani, si një datë e mundshme sa i përket lansimit.

PlayStation-Neo

Muaj Tetor pra mund të jetë interesant. Kompania Sony sipas disa raporteve nuk do të marr pjesë në konferencë shtypi në ngjarjen vjetore Gamescom 2016, pra mund të jetë së është duke planifikuar për ndonjë konferencë të vetën ose konsola do të lansohet pa ndonjë organizim të posaçëm. /ameble

Surface Book 2 pritet të lansohet shumë shpejt, vjen me ekran 4K dhe USB-C

Surface Book 2 pritet të lansohet shumë shpejt, vjen me ekran 4K dhe USB-C

Thashethemet janë se Microsoft është duke u përgatitur për lansimin e një version të ri të fuqishëm të laptopit të tyre Surface Book, i cili do të vijë i pajisur me ekran Ultra HD 4K dhe portën USB-C.

Surface-Book-2

Surface Book 2 pritet të lansohet zyrtarisht diku gjatë gjysmës së dytë të vitit 2016 dhe është dizajnuar të konkurroj me Apple MacBook Pro, i cili gjithashtu do të vijë me dizajn të ri dhe harduer të modernizuar që pritet të lansohet në konferencën Apple WWDC 2016.

Thashethemet janë se Surface Book 2 mund të jetë i pajisur me gjeneratën e procesorëve Intel i5 dhe i7 që janë koduar si Kaby Lake. Disa burime të afërta me zhvilluesit e këtyre laptopve thonë se Surface Book 2 mund të jetë në dispozicion nga fillimi i muajit të ardhshëm që do të jetë i pajisur me një port USB-C dhe mund të vijë me çmim rreth  1500 $, edhe pse asgjë nuk është konfirmuar ende. /ameble

HTC 10 mini përgatitet për Shtator, vjen me karakteristika të fuqishme

HTC 10 mini përgatitet për Shtator, vjen me karakteristika të fuqishme

HTC 10Smartphone-it HTC 10 i kanë mbetur vetëm edhe pak ditë para debutimit të tij zyrtar, por kompania thuhet të ketë diçka tjetër interesante gjatë këtij viti. Një raport i ri thotë se mund të vij edhe një model tjetër “HTC 10 mini” me kornizë të vogël dhe harduer më të mirë.

Thashetheme vijnë nga Android-News, një uebfaqe austriake që pretendon të ketë qasje në informata të brendshme të HTC-së. Ata vënë në dukje se HTC 10 mini do të nisë në muajin Shtator, i cili do të ketë një ekran 4.7-inç, 4GB RAM dhe procesorin Snapdragon 823. Kompania në ketë model thuhet se mund të ulë rezolucionin nga Quad HD në 1080p ose 720p për ekranin e modelit 10 mini.

Detaje tjera me siguri se do të kemi në ditët apo javët e ardhshme, gjithashtu do të njoftohemi më kohë. /ameble

Versioni Android i ardhshëm ndoshta “Android Nutella”

Versioni Android i ardhshëm ndoshta “Android Nutella”

Versioni i ardhshëm Android N tani është zyrtarisht në dispozicion për test. Google ka informuar se versioni i ri i Android-it është në dispozicion për përdoruesit që duan ta provojnë nëpërmes Developer Preview.

Ende nuk e dimë se çfarë emri përfundimtar do të ketë ky version, thashethemet thonë se mund të quhet edhe Nutella. Sidoqoftë, Google si duket është duke punuar që ky version të vijë me shumë karakteristika, ndryshe nga versionet e kaluara.

Android Nutella

Android N përfshinë një funksion të ri multitasking, pjesën e njoftimeve të ri-dizajnuar dhe përmirësime të baterisë. Një e re tjëter është mundësia e ndarjes së ekranit me përkrahje multitasking, opsion ky që mundëson përdorimin e dy aplikacione në të njëjtën kohë, të ndarë në ekran për gjysmë dhe punon në të dy pajisjet tablet dhe smartphone.

Ky version testues do të jetë në dispozicion për pajisjet Nexus 6P, Nexus 5X, Nexus 6, Pixel C, Nexus 9, Nexus Player dhe smartphone-in Android One të quajtur General Mobile 4G.

Ka edhe plotë ndryshime që pritet të bëhen në ketë version e që mund t’i gjeni në Android N Developer Preview. /ameble

Huawei P9 vjen me 6 Prill

Huawei P9 vjen me 6 Prill

Smartphone-i Huawei P9 është përfolur të vij në pranverë, ku tani saktësisht e dimë datën e prezantimit zyrtar të këtij smarphone-i. Një ftesë që është shpërndarë tregon se ky model i smartphone-it do të debutojë muajin e ardhshëm në një ngjarje të veçantë në Londër.

Huawei P9 lansimi

Ftesa, e cila eshte publikuar nga ueb-faqja Hungarian Tech2, zbulon planet e kësaj ngjarje të Huawei-it të Mërkurën me 6 Prill. Në të gjithashtu është përfshirë tagline “change the way you see the world” dhe më lartë janë simbolet “#oo.” Kjo mund të jetë si referencë që është përfolur për kamerën e dyfishtë të smartphone-it, 12-megapikselë të cilat janë të vendosura njëra afër tjetrës dhe mund të ofrojnë mënyra të reja për incizim të videove dhe fotove.

camera Huawei P9

P9 pritet të vij me ekran 5.2 inç 1080p, procesorin Kirin 950 Huawei, baterinë 3900mAh, 3GB RAM dhe 32GB hapësirën e brendshme për ruajtje.

Për këto dhe për të gjitha karakteristikat tjera pritet t’i shohim ditën e lansimit. /ameble

iPhone 7 do të jetë edhe më i hollë

iPhone 7 do të jetë edhe më i hollë

Smartphone i ardhshëm i Apple-it, iPhone 7, do të sjellë një dizajn të ri që do të jetë mbresëlënës, 1mm më i hollë se sa iPhone 6S. Pajisja pritet të vijë pa portën e kufjeve, por mund të vijë me altoparlantë stereo ngjashëm si në iPad Pro.

iPhone 7 koncept

Me 1mm më i hollë se iPhone 6S, iPhone 7 dimensionet e tij pritet ti ketë vetëm 6.1mm, e që e do të jetë iPhone-i më i hollë deri më sot – dhe një nga smartphone-t me të hollë në treg në përgjithësi. Rivali i tij kryesor, Samsung Galaxy S7 posedon dimensione 7.9mm – 1.1mm më shumë se ai i vitit të kaluar Galaxy S6.

Macotakara për modelin e ardhshëm të iPhone-it aq të hollë thotë se Apple e sjellë duke e hequr portën për kufje të smartphone-it. Përdoruesit në vend të kësaj duhet të llogarisin në kufje me Bluetooth apo me lidhje të dritës.

Pjesa tjetër e dimensioneve, lartësia dhe gjerësia pritet të mbesin të njëjta. /ameble

Apple Siri do të vijë edhe në pajisjet Mac me versionin OS X 10.12

Apple Siri do të vijë edhe në pajisjet Mac me versionin OS X 10.12

iMACApple Siri aktualisht është në dispozicion për pajisjet iPhone dhe iPad, kurse tani sipas një raporti të fundit po flitet se Siri do të vijë edhe për Mac në sistemin OS X. Kompania Apple do ta shtojë shërbimin Siri për Mac gjatë këtij viti, respektivisht kur t’i vijë radha lansimit të ardhshëm të versionit OS X, që do të jetë OS X 10.12.

Sipas Mark Gurman nga portali 9 to 5 Mac, Siri do të vendoset në Menynë e Mac-ut ngjashëm sikur Spotlight dhe do të jetë me zë aktiv.

Kompania Apple, versionin
pritet të lansoj në ngjarjen e rregullt të tyre për zhvillues (Worldwide Developer Conference) e që pritet të mbahet në muajin Qershor, kurse softueri i sistemit do të dal në Shtator ose Tetor të këtij viti. /ameble

HTC One ngacmon me një imazh për smartphone-in e ardhshëm M10

HTC One ngacmon me një imazh për smartphone-in e ardhshëm M10

Ndryshe nga kompanitë Samsung dhe LG, HTC nuk ka mbajtur një paraqitje zyrtare në Kongresin Botëror të pajisjeve Mobile 2016 (MWC 2016), për të prezantuar smartphone-in e tyre të fundit, modelin e përfolur HTC One M10. Megjithatë, është dëgjuar se kompania taivaneze së shpejti pritet të planifikojë një ngjarje të tillë dedikuar këtij smartphone-i.

HTC në llogarinë e tyre në Twitter ka postuar zyrtarisht ketë imazh, ku në një mënyrë ngacmuese ka paraqitur pajisjen e tyre të ardhshme, HTC One M10. Imazhi është shpërndarë me një hashtag të shkruar “#powerof10” ku çartë nënkupton së është fjala për smartphone-in HTC One M10. Në ketë imazh gjithashtu është paraqitur një kornizë metalike që do të thotë se ky model do të vijë me një dizajn premium. Nuk janë dhënë tjera detaje sa i përket lansimit apo karakteristikave.

Thashethemet thonë se ky smartphone do të vijë me ekran qHD 5.1-inç dhe procesorë Qualcomm Snapdragon 820. Karakteristika të tjera që janë përfolur përfshijnë 4GB RAM, hapësirën për të dhëna 32GB me mundësi zgjerimi, kamerën 12MP me stabilizim optik të imazhit dhe posedon versionin e fundit Android 6.0 Marshmallow.

Por, të dhënat zyrtare pritet ti shohim ditën e lansimit, që do të jetë shumë shpejt. /ameble

Foxconn thuhet se do të blej kompaninë Sharp për 6.24 miliard $

Foxconn thuhet se do të blej kompaninë Sharp për 6.24 miliard $

Foxconn puntoretMë herët është përfolur se kompania Foxconn është e interesuar në blerjen e kompanisë Sharp, gjithashtu është thënë se u ka ofruar një shumë prej 5.3 miliard dollarësh. Kjo rezulton në atë se thashethemet kanë qenë pjesërisht të vërteta, sepse tani është raportuar edhe nga Wall Street Journal, nga persona që janë të lidhur ngushtë me kompaninë dhe me këtë çështje. Atyre u është thënë se bordi i kompanisë Sharp ka miratuar propozimin.

Po themi pjesërisht e vërtetë, sepse si duket shuma e ofruar është shumë më e lartë se siç ishte raportuar me herët. Sipas këtij raporti, Foxconn është thënë t’i ketë ofruar rreth 6.24 miliard dollarë për të blerë kompaninë.

Se a do të ndodh në të vërtet apo kur do të zyrtarizohet kjo blerje, mbetet të shihet. /ameble

Shitjet e Xbox One kanë arritur numrin 18 milionë

Shitjet e Xbox One kanë arritur numrin 18 milionë

Kompania Microsoft ka vendos t’i mbaj të fshehura detajet e shitjeve të saj për konsolën Xbox One, edhe pse sipas Mary Jo Foley nga ZDNet, Microsoft deri me sot ka shitur 18 milionë njësi të kësaj konsole.

Microsoft xbox one

Lajmi për ketë numër të shitjeve është publikuar gjatë kësaj javë në Windows Weekly, edhe pse ky është një numër jozyrtar dhe nuk është konfirmuar nga Microsoft.

Në anën tjetër, Microsoft ka njoftuar javën e kaluar se tani kanë më shumë se 200 milionë pajisje aktive me Windows 10, ku kjo shifër përfshin gjithashtu edhe pajisjet Xbox. Në llogaritje, nga 200 milionë pajisje është vlerësuar se 180 milionë janë kompjuterë, 18 milionë janë Xbox One dhe 1 milion pajisje me Windows Phone.

Në fund nëse kjo shifër është e saktë, atëherë Microsoft del së është ende prapa kompanisë Sony me konsolën PlayStation 4, e cila më 3 janar 2016 ka njoftuar se kanë shitur 35.9 milionë konsola të PS4 që nga lansimi. /ameble

Huawei vitin e ardhshëm shpreson të hyj edhe në tregun e SHBA-ve

Huawei vitin e ardhshëm shpreson të hyj edhe në tregun e SHBA-ve

Huawei tani është një nga lojtarët kyç në industrinë e smartphone-ve, gjithashtu është shitësi i tretë më i madh në botë pas Samsung-ut dhe Apple-it.

Huawei Mate 8

Sipas një raporti nga WSJ, kompania kineze nga viti i ardhshëm do të hyj në tregun amerikan me smartphone-et e fundit Mate 8 dhe Honor 5X.

Pra është hera e parë që Huawei do të lansoj smartphone në tregun e SHBA-ve, gjithashtu është thënë se kompania do të bëj një prezantim në lidhje me hyrjen e tyre në tregun e SHBA-ve, muajin e ardhshëm në ngjarjen CES në Las Vegas.

Në ngjarjen CES raporti i WSJ më tej përmend se kompania kineze do të shfaqë modelin e ri të smartphone-it Mate 8, ku gjithashtu pritet të zbulojë detaje rreth disponueshmërisë dhe çmimit të këtij modeli. Krahas dy smartphone-ve të lartpërmendur, raporti më tej përmend se Huawei do të prezantoj edhe një smartwatch për tregun e SHBA-ve.

Huawei së fundmi kishte lansuar Mate 8, ku edhe është në dispozicion për shitje në Kinë. /ameble