Category Archives

14 Articles
Microsoft përfitoj më së shumti nga iOS 8 dhe OS X Yosemite!

Microsoft përfitoj më së shumti nga iOS 8 dhe OS X Yosemite!

Dje kompania Apple prezantoj dy përditësime të mëdha në sistemet e saj për smartphone dhe Desktop, iOS 8 dhe OS X Yosemite. Sipas prezantimit të dy sistemet ofrojnë disa tipare të reja dhe më e rëndësishmja integrimin më të ngushtë me njëra-tjetrën. Megjithatë, pas krejt atyre që janë publikuar dje në ketë ngjarje, një fitore e madhe ishte edhe për ekipin e Microsoft Bing-ut.

Bing nga tani është parazgjedhur si makina kryesore për kërkim në Spotlight, ajo nga tani kërkon përbrenda sistemit të softuerëve iOS 8 dhe OS X Yosemite. Google ende mban kompetencat në versionet e mëparshme të softuerit të Apple që ende janë në dispozicion të publikut. Pra, çfarë do të thotë kjo për ju?

Nëse kërkoni për diçka në Spotlight si, Yosemite për shembull, ajo do të shfaq rezultatet e Bing-ut në vend të Google-it.

OS X spotlight

“Vitin e kaluar Bing u bë makina e kërkimit si e përcaktuar (default) për Siri-n, kurse tani e njëjta do të kryej edhe funksionin kryesor në gjeneratën e ardhshme të iOS-it dhe OS X-it,” ka deklaruar Microsoft në një prononcim të tyre. “Ne jemi të ngazëllyer në zgjerimin e platformës Bing duke ndihmuar kështu përdoruesit në iOS dhe Mac që të gjejnë atë që ata kanë nevojë për të kryer ndonjë punë.” /ameble

Apple prezanton iOS 8, posedon Homekit dhe Healthkit

Apple prezanton iOS 8, posedon Homekit dhe Healthkit

Siç edhe pritej, pas prezantimit të Mac OS X Yosemite kompania Apple ka prezantuar edhe versionin e ri të iOS-it, iOS 8, në ngjarjen WWDC 2014.

Shumë thashetheme që janë përfolur kanë dal të jenë të vërteta, që nga integrimi i Shazam-it, aplikacionit për shëndet e deri tek Smart Home. Ky përditësim nga tani është në dispozicion për zhvilluesit në versionin testues beta kurse lansimi përfundimtar për publikun vjen në vjeshtë.

Lista zyrtare e pajisjeve që do të përditësohen në versionin e ri iOS 8 janë si në vijim:

  • iPhone 4S
  • iPhone  5
  • iPhone 5S
  • iPhone 5C
  • iPad 2
  • iPad me ekran retinë
  • iPad Air
  • dhe të dy iPads Mini.

iOS 8

Me HomeKit, automatizimi në shtëpi mund të çiftëzohet me iPhone në mënyrë që të kontrolloni gjërat me pajisjen tuaj iOS. Çiftëzimi i sigurt do të thotë se vetëm me iPhone-in tuaj ju mund të hapni derën kryesore në shtëpi apo derën e garazhit.

Që kur iOS 7 ishte shfaqur si një përditësim i madh nga versioni i mëparshëm iOS 6, tani me dallim nga iOS 8 nuk duket të ketë ndonjë pamje të ndryshme nga ndërfaqja e përdoruesit. Prezantuesi i këtij versioni Federighi ka treguar disa tipare tjera të reja në ketë version.

Mesazhet kanë marrë një përditësim në tastierë, që e kanë quajtur Quick Type. Është një version me i zgjeruar me auto-korrektues, që gjithashtu parashikon fjalën që jeni duke shkruar. Ky opsion ka qenë prezent në pajisjet Android që një kohë të gjatë, dhe për përdoruesit e Android-it nuk është diçka e re.

Apple iOS tastatura

Nëse dëshironi të kaloni në komunikim me personal, nga tani mund të incizoni një mesazh me audio ose video duke përdorur butonin e mikrofonit, i cili më pastaj shfaqet në ekran të personit kontaktues, ngjashëm si tek aplikacioni Whatsapp. Në ndërkohë, nga tani gjithashtu ju mund të tregoni vendndodhjen tuaj me njerëz tjerë gjatë bisedës, edhe kjo ka qenë tek aplikacioni Whatsapp dhe Viber.

iOS 8 gjithashtu nga tani përfshin lajmërimet interaktive (Notifications). Nëse pranoni një tekst mesazh ose ndonjë lajmërim tjetër, mund të tërhiqni poshtë dhe përgjigjeni drejtpërdrejt, ky opsion funksionon edhe kur ekrani është i mbyllur. Edhe kjo ka qenë dhe është në platformën Android.

Një përditësim tjetër i ri në Mail nga tani do t’ju mundësoj të shënoni (mark) email-at e palexuar, bëni flag, ose edhe fshihni me një klik të vetëm. Ndërkohë, gjatë kompozimit të një email-i, ju mund të ulni mesazhin poshtë dhe të ktheheni në Inbox për të marrë informacione, si dhe e kundërta.

Aplikacioni i shumë përfolur Healthbook në të vërtetë është quajtur HealthKit, është një aplikacion i pavarur për shëndetësi i cili u mundëson të monitoroni të dhënat shëndetësore.

Apple healthkit

Përdoruesit nga tani do të kenë nga 5GB hapësirë ​​të lirë në iCloud, për të pasur më shumë hapësirë shembull. deri në 20GB duhen të paguhen nga 99 cent në muaj ose 200GB për 3.99 $ në muaj.

Përditësimi i Siri-t tani përfshijnë integrimin e Shazam-it, i cili i mundëson Siri-t të identifikoj muzikën që dëgjohet rreth jush dhe ofron mundësin e blerjes së këngëve nëpërmjet iTunes.

Këto pra ishin shumica e të rejave në versionin e ri iOS 8, për me shumë detaje mund të gjeni në ueb-faqen e Apple-it këtu. /ameble

Prezantohet Apple Mac OS X Yosemite

Prezantohet Apple Mac OS X Yosemite

Apple në ngjarjen e saj WWDC 2014 të nisur dje me 2 Qershor, ka prezantuar versionin e ri të sistemit operativ Mac OS X, të quajtur Yosemite. Craig Federighi, zëvendës president i lartë për inxhinieri softuerike në Apple, ka bërë shaka me prezantimin e emrit  të këtij versioni, duke përmendur paraprakisht emra qesharak.

Apple Mac OS X Yosemite

Zhvilluesit do të kenë qasje në ketë version menjëherë nga dita e prezantimit, ndërsa për publikun do të jetë në dispozicion diku në 3 mujorin e tretë të këtij viti. Ashtu siç ka ndodhur edhe në versionin e mëparshëm të Mavericks, edhe ky do të jetë përmirësim pa pagesë (free upgrade).

Federighi gjatë prezantimit ka filluar fjalimin duke thënë se sistemi operativ i ri përfshin një dizajn të rifreskuar dhe disa tipare të reja.

Një nga tiparet e mëdha është Continuity, i cili mundëson që AirDrop të funksionoj në mes të iOS-it dhe Mac-it. “Ta zëmë se jeni duke shkruar një e-mail në smartphone-in tuaj dhe përderisa lëvizni afër Mac-it, ai do të vërejë ketë dhe menjëherë do t’ju drejtoj tek doku,” tha Federighi. “Pastaj vetëm klikoni dhe të njëjtin mesazh/e-mail do ta keni në Mac-in tuaj.”

Ky funksionon edhe në të kundërtën, gjithashtu. Nëse jeni duke punuar në një dokument në Mac, një ikonë e vogël do t’ju shfaqet në iPad p.sh. Vetëm shtypeni nga lart, dhe vazhdoni të punoni me tablet.

Më pastaj Apple, mundësinë e kërkimin Spotlight e ka përqendruar në mes, si shërbim kryesor në Yosemite, ngjashëm siç është Google Now që shfaqet në mes të desktop-it dhe që mundëson që çdo përdorues të kërkoj shpejtë për aplikacione, dokumente dhe gjësende tjera.

Një nga karakteristikat tjera të OS X 10.10 Yosemite është aftësia për të pranuar thirrje nga pajisjet iOS, dhe madje edhe të thërrasim nga pajisja Mac. iOS tani është përafruar me shumë me pajisjen Mac, kështu që nëse telefoni juaj është në dhomën tjetër duke u mbushur, ju mund t’i përgjigjeni një thirrje nëpërmes Mac-ut, pa lëvizur fare. Gjithashtu, mund të thirrni numra nga ueb-faqja e internetit dhe telefononi direkt nga shfletuesi.

iCloud gjithashtu tani posedon një përditësim. Kompania ka prezantuar shërbimin e tyre të ri iCloud Drive që integron të gjithë folder-at e futur në një llogari të iCloud-it në Finder. Dhe kështu, kompania thotë se të gjithë ato të dhëna në iCloud Drive do të mund të sinkronizohen me të gjithë kompjuterat Mac dhe Windows PC.

Shfletuesit Safari gjithashtu i është bërë një riorganizim, duke falënderuar një përpiluesi të ri të JavaScript tani ky shfletues pritet të punoj më shpejt. Nga shfletuesi Safari largohet “Favorites”, dhe vjen një kolonë me Bookmarks si parazgjedhje. Dhe në fund krejt opsioni Spotlight për kërkim, gjithashtu është integruar në shfletuesin Safari. /ameble

Ngjarja “WWDC 2014” shfaqet drejtpërdrejt

Ngjarja “WWDC 2014” shfaqet drejtpërdrejt

WWDC 2014Apple javën e kaluar kishte njoftuar së konferenca e tyre për zhvillues WWDC 2014 do të jenë në dispozicion për pajisjet iOS, në ueb-faqen e tyre dhe televizionet Apple.

Apple WWDC 2014 fillon sot me fjalimin kryesor të kompanisë, ku fjalën do ta marr krye-shefi i Apple-it, Tim Cook, dhe do të mbahet në Qendrën Moscone të San Francisco-s.

Nga kjo ngjarje po presim një numër risish të reja nga Apple, e cila do të përfshijë versionin e fundit të OS-it për smartphone, Apple iOS 8, gjithashtu do të dëgjojmë më shumë detaje në lidhje me lançimin e ardhshëm të softuerit për desktop, OS X 10.10.

Nuk është e qartë ende nëse do të shohim ndonjë pajisje të re në këtë ngjarje pa marrë parasysh thashethemeve që janë dëgjuar më herët. iPhone 6 ose Apple iWatch siç është spekuluar nuk pritet të shohim deri në muajin Shtator.

Ngjarjen drejtpërdrejt të Apple-it, WWDC 2014 mund ta shikoni nga ora jonë lokale 19:00, nëpërmes ueb-faqes së Apple-it duke klikuar këtu. /ameble

Konfirmohet ngjarja drejtpërdrejt e Apple WWDC 2014

Konfirmohet ngjarja drejtpërdrejt e Apple WWDC 2014

WWDC 2014Kanë mbetur vetëm edhe disa ditë nga konferenca botërore e zhvilluesve të Apple-it, që pritet të mbahet në San Francisko. Konferenca në ditën e parë fillon me fjalime nga drejtuesit e lartë të Apple-it, të cilët pritet të bëjnë njoftimet lidhur me softuerët. Kjo kompani zakonisht para organizimeve të saj nuk zbulon detaje për publikun as nuk tregon nëse ngjarja pritet të shfaqet drejtpërdrejt online ne internet. Lajmi i mirë është se kësaj herë ka konfirmuar se kjo ngjarje vjetore do të shfaqet drejtpërdrejt!

Pra, të gjithë ata që nuk kanë mundësi të përcjellin ngjarjen nga afër, atë mund ta bëjnë nëpërmes ueb-faqes së Apple-it me 2 Qershor.

Se çfarë mund të pritet nga kjo ngjarje, pak ditë me parë kemi publikuar listën e atyre çfarë pritet nga kompania. Gjithashtu kompania do të njoftoj edhe për marrëveshjen e tyre me Beats. /ameble

WWDC 2014: çfarë duhet të presim nga ky event?

WWDC 2014: çfarë duhet të presim nga ky event?

Apple WWDC 2014

Siç e dini, WWDC është një event i dedikuar zhvilluesve të Apple-it, kështu që përqendrohet më shumë në anën software se sa në prezantimin e produkteve të reja të kompanisë. Por shpesh herë ka patur edhe përjashtime. Ajo që është e sigurtë, është prezantimi i iOS 8. Atëherë, çfarë duhet të presim nga eventi i ardhshëm WWDC 2014? Në këtë artikull do të mundohemi të përmbledhim të gjitha parashikimet.

iOS 8

Apple gjithmonë ka preferuar të mos e rëndojë shumë sistemin operativ, për të tërhequr edhe përdoruesit më pak ekspertë, sepse nuk dëshiron të humbasë thjeshtësinë e përdorimit të iOS, gjë që e ka karakterizuar gjithmonë. Kështu që edhe iOS 8 do të jetë sa më i thjeshtë, do të shtohen sigurisht disa funksione të reja dhe do të përmirësohen aplikacionet aktuale, por nuk do të pasurohen edhe aq shumë për t’i dhënë mundësinë çdokujt që të shfrytëzojë funksionet që ofrojnë aplikacionet e shumta në App Store. Grafikisht, nuk duhet të ketë ndonjë ndryshim të madh në krahasim me iOS 7.

ios8-healthbook-preview-textedit

Mac OS X 10.10 

Duke qënë një konferencë e dedikuar zhvilluesve, është pothuajse e sigurt që do të flitet edhe për sistemin e ri operativ për Mac. Flitet se OS X 10.10 do të ketë një ridizenjim grafik dhe do të jetë më i lehtë. Paraqitja e këtij sistemi operativ mund të jetë e lidhur edhe me një model të ri Macbook që do të shfaq në aksion OS X 10.10.

Mac OS X 10.10

MacBook Air

Për sa i përket linjës Mac, ekziston një mundësi e mirë që të shohim një model të ri MacBook Air me një dizajn më të hollë dhe Retina Display 12 inch. Mund të ketë një përditësim edhe të Mac Mini, ndërsa nuk do të ketë asgjë të re për sa i përket linjës iMac gjatë këtij eventi.

Mac Book Air 1

iWatch

I shumëpërfoluri iWatch vështirë se do të prezantohet gjatë WWDC 2014, është më e mundur që të prezantohet në shtator së bashku me iPhone 6. Megjithatë, mendojmë se Apple me këtë rast do të lëshojë një toolkit të veçantë për zhvilluesit që mund t’i drejtojë drejt zhvillimit të e aplikacioneve për këtë pajisje, në mënyrë që në shtator iWatch të jetë një smartwatch i plotë dhe funksional.

iwatch

 

Apple TV

Ka disa muaj që flitet për një model të ri Apple TV, me një harduer të përditësuar me CPU 64 bit dhe interes të madh drejt lojërave, por nuk mund ta dimë me siguri nëse Apple do të vendosë të prezantojë modelin e ri gjatë WWDC 2014, por mund ta themi me siguri që është shumë shpejt për një TV Apple.

Apple TV

Si përfundim, WWDC 2014 do të jetë shumë i pasur, po presim me padurim t’i zbulojmë ato, dhe kushedi nëse Apple do na rezervojë ndonjë surprizë. Më 2 Qershor do të zbulojmë sëbashku me ju nëse do të vërtetohen apo jo parashikimet tona. /iPhoneAlbania

A thua Apple ka mbetur pa ide!?

A thua Apple ka mbetur pa ide!?

Disa reagime kundrejt versionit të ri të platformës iOS 7 janë shfaqur menjëherë pas prezantimit të tij në WWDC 2013, një prej tyre është se Apple mund të ketë bërë kopjimin e dizajnit nga platformat tjera, veçanërisht Android-it si dhe Windows Phone 8.

iOS7 vs Android

Apple në ketë version të ri ka zhvendosur poshtë ekranin mbyllës (lock screen) të tij, në një mënyrë të thjeshtë duke e lënë mesazhin e vjetër “slide to unlock” por që duket e njëjtë me platformën Android. Pastaj lart në këndin e djathtë mund të kontrolloni jetën e baterisë. Data dhe koha janë të vendosura në mes të ekranit në mënyrë të ngjashëm si në platformën Android, dhe me font deri diku të ngjashëm.

iOS7 vs Android1

Ekrani Multitasking gjithashtu duket se ka marrë disa ngjashmëri nga Android-i vetëm se këtu është kthyer ne horizontal, që me tepër i ngjason platformës Windows Phone 8.

iOS7 vs Android2

Sa i përket aplikacionit për muzikë, Apple gjithmonë ka pasur këtë pamje të Player-it, por butonat e tij tani që është ndryshuar në dizajn të ri në ndërfaqe të sheshtë (flat), duken më shumë si aplikacioni Google Music.

iOS7 vs Android3

Apple iOS 7 ka bërë ndryshime edhe në qendrën e kontrollit, ku ofron qasje të shpejtë në menytë kontrolluese, si ndriçimin e ekranit, Aeroplan Mode, WiFi, Bluetooth dhe shumë tjera, kjo është shumë e ngjashëm si tek paneli i settings-ave nga platforma Android që ishte futur në versionin Jelly Bean.

iOS7 vs Android4

Më herët, Google kishte deklaruar për përdoruesit e tyre se shumë shpejt do të sjellë versionin e shfletimit  me ekran të plotë nëpërmes Chrome-it për pajisje mobile, të cilin përfundimisht e bëri në përditësimin e fundit. Tani edhe Apple ka njoftuar se do të prezantoj shfletimin më ekran të plotë për shfletuesin Safari.

Pra, ngjashmëritë nuk ndalen këtu, veçanërisht në qoftë se ne fillojmë të flasim në lidhje me karakteristikat e funksionet aktuale. iOS 7 ende është si Beta version për testim, dhe disa nga këto mund të ndryshohen, dhe nëse ndodh mbetet të shihet. |ameble|

Apple iOS 7, detajet e plota

Apple iOS 7, detajet e plota

Apple ditën e djeshme gjatë ngjarjes WWDC 2013 ka prezantuar versionin e ri të platformës mobile, Apple iOS 7, i cili do të shfaqet gjatë vjeshtës në pajisjet, iPhone, iPad dhe iPod Touch. Ky version vjen me një dizajn krejtësisht të ri dhe një sërë veçorish të reja.

Apple iOS7 (1)

Udhëheqësi kryesor i Apple-it ka thënë se versioni Apple iOS 7 është “ndryshimi më i madh për iOS që nga futja në treg e iPhone-ve, ai përmban një skemë më ngjyra të reja, dhe një tejdukshmëri tjetër ku Apple thotë se të krijon një ndjenjë të thellë dhe vitalitet në vete. Apple iOS 7 përmban një ndërfaqe të ri-dizajnuar, ikonat në IOS 7 tani kanë një pamje tjetër, përmban ngjyra më të ndritshme, plus të gjitha aplikacionet kanë një vështrim dhe ndjenjë të re.

Ngjashëm me dizajnin e ri Apple iOS 7 përfshinë ndryshime edhe në qendrën e kontrollit, ku ofron qasje të shpejtë në menytë kontrolluese, si ndriçimin e ekranit, Aeroplan Mode, WiFi, Bluetooth dhe shumë tjera, gjithashtu mund të luani dhe pauzoni muzikën gjatë dëgjimit.

Apple iOS7 (2)

Pjesa për njoftimi (notification) në ketë version vjen gjithashtu me një vështrim të ri dhe tipare të reja, këtu Apple ka prezantuar më në fund versionin e plotë Multitasking që do të funksionoj me të gjitha aplikacionet për pajisjet iPhone, iPad apo iPod Touch. Multitasking tani ju mundëson të kaloni direkt në mes aplikacioneve, pa pasur nevojë të dilni dhe ktheheni prapë në to, tani duke shtypur dy herë butonin Home, në ekran do t’ju jepet pamja e çdo aplikacioni që është i hapur, dhe nga aty ju mund të kaloni nga një aplikacion në tjetrin.

Apple iOS7 (3)

Një tjetër tipar i madh i ri i futur në ketë version është ai të cilin Apple e quan planet inteligjente të përditësuara, aplikacionet tuaja tani do të përditësohen automatikisht në sfond, kjo do të ndodhë vetëm gjatë kohës e duhur, për shembull në momentin kur jeni duke përdorur pajisjen.

Në anën tjetër aplikacioni i kamerës për Apple iOS 7 ka marrë gjithashtu një dizajn të ri dhe veçori të reja, ajo tani vjen me një seri të re e ndërtuar në filtra të cilat mund të caktohet në momentin kur bëni foto, kështu që nuk ka nevojë për ndryshim të fotos pas fotografimit.

Apple gjithashtu ka shtuar funksionin AirDrop për iOS 7, nga tani ju do të mund ti ndani fotot, dokumentet, dhe çdo gjë tjetër që dëshironi me shokët tuaj nëpërmes WiFi, atë mund të bëni edhe me shumë njerëz brenda një dhomë.

Apple iOS7 (4)

Shfletuesi i versionit iOS 7 gjithashtu ka pamje të re, me tabs të ri, dhe integrim më të thellë me Twitter, hapësira e leximit gjithashtu është përditësuar, plus Apple do të filloj shërbimin iCloud Keychain, i cili do t’ju mundësoj të ruani të gjitha fjalëkalimet tuaja të faqeve të internetit të ndryshme për të gjitha pajisjet iOS dhe Mac.

Një aplikacion i ri që do të nisë në Apple iOS 7 është edhe iTunes Radio, që do të jetë një shërbim për muzikë streaming pa pagesë i ngjashëm me Spotify.

Apple Siri ka një vështrim të ri, dhe vjen me disa veçori të reja duke përfshirë integrimin me Bing, Wikipedia, Twitter, Apple App Store etj.

Apple iOS7 (5)

Në fund krejt, kompania Apple për versionin e ri Apple iOS 7 ka njoftuar se do të filloj gjatë vjeshtës, momentalisht për testim iOS 7 Beta 1 e kanë lëshuar vetëm për zhvilluesit, spekulohet se do të filloj gjatë muajit Shtator kur mund të lansohet edhe smartphone-i iPhone 5S. |ameble|

Apple njofton për OS X Mavericks në WWDC 2013

Apple njofton për OS X Mavericks në WWDC 2013

Apple OS X MavericksApple sot në ngjarjen WWDC 2013 ka njoftuar për sistemin operativ të ri Apple OS X Mavericks i cili sjellë një numër karakteristikash të reja.

Ky sistem përfshin një funksion të ri në kuadër të shërbimit të saj finder që ju mundëson ti gruponi dritare të shumta duke përdorur “tabs”, si dhe me një funksion tjetër të ngjashëm të quajtur “tags” që mundëson lehtë ti gruponi gjërat brenda opsionit finder.

Karakteristika të tjera të reja brenda Mavericks përfshijnë aftësinë për të përdorur ekrane të shumta që paraqesin aplikacione të ndryshme për çdo ekran pa ndikuar në tjetrin. Ky sistem gjithashtu ju mundëson të lidheni me TV Apple duke transformuar HDTV tuaj në një ekran ekstra të plotë.

Apple ka shtuar edhe një numër të karakteristikave të dobishme për të shpëtuar jetën e baterisë brenda sistemit duke reduktuar përdorimin e procesorit me rreth 72 %, si dhe duke përdorur memorien e ngjeshur në memorie të lirë.

Apple OS X Mavericks posedon gjithashtu shfletuesin e ri Safari me karakteristika të shumta të reja me aplikacionet e saj.

Apple për versionin e më hershem Mountain Lion ka shitur 28 milionë kopje që nga lansimi i tij, dhe do të jetë interesante për të parë se si do të shkoj ky tani, që zyrtarisht nis ka fundi i këtij viti. |ameble|

Drejtpërdrejt: Apple WWDC 2013

Drejtpërdrejt: Apple WWDC 2013

WWDC 2013 drejtperdrejt1Kanë mbetur vetëm edhe disa orë para së ngjarja WWDC 2013 të filloj zyrtarisht, ajo do të shfaqet sot drejtpërdrejt për pajisjet Apple nëpërmes Apple TV. Kompania gjithashtu ka paraqitur edhe një link për sinjal të drejtpërdrejt ku shfaqen ngjarjet për pajisjet Apple.

Ngjarja pritet të filloj në orën 10:00 (Los Angelos) kurse 19:00 në kohën tonë lokale.

Apple gjithashtu ka lëshuar edhe një aplikacion për iOS të dobishëm për ketë ngjarje, që ju mundëson lehtë të shfletoni kohën, vendet, përshkrimet për seancat, laboratorë, dhe ngjarje të veçanta, në qoftë se dëshironi të dini me shumë atëherë mund ta shkarkoni këtu.

Kurse rreth asaj se çfarë pritet nga kjo ngjarja këtu kemi paraqitur një pasqyrë të shkurt. |ameble|

Çfarë mund të presim nga Apple WWDC 2013

Çfarë mund të presim nga Apple WWDC 2013

Shkurtesa e përdorur shpesh për Konferencën Botërore për Zhvillues nga Apple (WWDC- World Wide Developers Conference ) është një konferencë vjetore e mbajtur nga Apple që tregon produktet e reja dhe të ardhshme nga kjo kompani.

Ngjarja WWDC e parë u mbajt në Kaliforni në vitin 1983 dhe nga atëherë janë prezantuar dhe njoftuar për produkte të tilla si: Mac OS X, Mac Pro, MobileMe, iPhone dhe shumë tjera. Uebfaqja zyrtare e WWDC-së është: http://developer.apple.com/wwdc/. Ngjarja tani mbahet në San Fransico dhe fillon më 10 Qershor.

WWDC 2013

Më poshtë kemi paraqitur 5 gjëra që mund ti presim nga kompania Apple për ketë vit.

iOS 7

Në ketë ngjarja pritet lansimi i versionit të ardhshëm të platformës iOS nga Apple që gjithashtu është konfirmuar nga udhëheqësi i Apple-it Tim Cook. Më parë kemi dëgjuar se Jony Ive nga Apple është duke punuar në ketë version dhe se do të ketë një ridizajnim të plotë të ri me ndërfaqe të rrafshët, ketë e ka konfirmuar gjithashtu edhe Tim Cook duke thënë se Jony Ive është me të vërtetë çelësi kyç për platformën e re nga Apple. Në anën tjetër kompania Apple ende nuk kanë ndarë asnjë informacion për atë se çfarë do të përfshihet në Apple iOS 7.

Versioni tjetër për OS X 10.9

Apple gjithashtu pritet të njoftojë për versionin e ardhshëm të sistemit operativ për desktop, Mac OS X 10.9. Raportet kanë treguar se sistemi i ri nuk do të ketë ndryshime të mëdha, por që do të shtohen disa funksionalitete të reja. Kërkuesi (The Finder) pritet të marrë tag-et dhe tabat në shfletim. Shfletuesi Safari gjithashtu pritet të jetë i riorganizuar, i cili do të jetë me stabil për disa faqe të internetit me opsionet chat dhe lojëra. Siri, përveç në iOS si aplikacion i shpejt, është raportuar gjithashtu se mund të vijë edhe në sistemin operativ si dhe shumë funksione tjera.

Mjetet për Zhvillues

Apple gjithashtu pritet të lëshojë një përditësim për Xcode, për ti mbajtur kështu zhvilluesit të lumtur. Mjetet e reja për zhvillues pritet të jenë të optimizuara për muti-monitor mode me ekran të plotë, që pritet të mbërrijë me OS X 10.9.

Shërbimi iRadio

Është thënë se kompania Apple është duke punuar në një shërbim të ri për muzikë streaming, dhe me sa duket ky shërbim do të quhet iRadio. Apple tashmë ka nënshkruar marrëveshje me Warner Music dhe tani kompania pritet të lansoj ketë shërbim për muzikë streaming në Konferencën e tyre Botërore për Zhvillues (WWDC 2013). Ende nuk kemi ndonjë hollësi se si shërbimi Apple iRadio do të funksionoj.

Rifreskimi MacBook Air/MacBook Pro

Analisti Ming-Chi Kuo nga KGI kishte parashikuar një rifreskim e Retina MacBook Pro dhe serisë MacBook Air në ngjarjen WWDC, informacionet nga SKU kanë rrjedhur gjithashtu se lansimi i modeleve të reja të MacBook Air me madhësi të ekraneve 11 inç dhe 13 inç do të shfaqen me procesorë të ndryshëm dhe me opsione për hapësirë të brendshme të diskut. Gjithashtu është raportuar se modelet Macbook Air mund të vijnë me procesor Intel të gjeneratës së katërt Haswell dhe me mbështetje Gigabit Wi-Fi 802.11ac.

Pra për këto dhe shumë tjera qëndroni me ne. |ameble|

Apple iRadio do të lansohet në ngjarjen WWDC 2013

Apple iRadio do të lansohet në ngjarjen WWDC 2013

Apple iRadioËshtë thënë se kompania Apple është duke punuar në një shërbim të ri për muzikë streaming, dhe me sa duket ky shërbim do të quhet iRadio. Shërbimi është vonuar për shkak se Apple-it i është dashur ende kohë për të arritur marrëveshje me disa nga kompanitë e incizimeve.

Sipas një raporti të fundit nga CNET, Apple tashmë ka nënshkruar marrëveshje me Warner Music dhe tani kompania pritet të lansoj ketë shërbim për muzikë streaming në Konferencën e tyre Botërore për Zhvillues (WWDC 2013).

Ende nuk kemi ndonjë hollësi se si shërbimi Apple iRadio do të funksionoj, mirëpo Apple tani ka nënshkruar marrëveshje me sa duket shumicën e kompanive të mëdha që bëjnë incizime, që do të thotë se shërbimi pritet të filloj shumë shpejt. |ameble|