Muajin e kaluar, janë shfaqur disa pamje koncept të cilat pretendonin se si do të duket tableti Samsung Galaxy Tab S3, kurse tani vijnë thashetheme se tableti në fjalë mund të lansohet në javët e ardhshme.
Sipas një raporti të ri nga një blloger rus Eldar Murtazin, Samsung pritet të organizoj një ngjarje me datë 1 Shtator, për lansimin e Galaxy Tab S3.
Ia vlen të përmendet se rusi Eldar Murtazin ka një rekord sa i përket thashethemeve kur vjen puna për informacione the thashetheme rreth pajisjeve të reja. Edhe pse një mundësi mund të jetë që të shohim një tablet të ri nga Samsung në ngjarjen IFA 2016 në Berlin.
Samsung Galaxy Tab S3 pritet të vijë me ekran 8-inç dhe rezolucion 1536×2048 pikselë dhe procesorin 1.8GHz Snapdragon 652. Karakteristika të tjera që janë përfolur përfshijnë 3GB RAM, 32GB hapësirë të brendshme e shoqëruar me një slot microSD, kamerën 8MP për foto dhe video, 2MP atë frontale, baterinë 4000 mAh si dhe posedon versionin Android Marshmallow.
Për të gjitha këto se a janë të verteta apo jo pritet të shohim në javët e ardhshme. /ameble
