Tag Archives

4 Articles
Qualcomm dhe Ericsson testojnë shpejtësinë LTE Cat10

Qualcomm dhe Ericsson testojnë shpejtësinë LTE Cat10

Qualcomm logoQualcomm dhe Ericsson kanë lajmëruar së bashku se kanë testuar me sukses shpejtësinë LTE Cat10 450 Mbps në pajisjet më të fundit.

Kjo shpejtësi e jashtëzakonshme u arrit duke përdorur teknologjinë LTE e gjeneratës së pestë të Qualcomm me një modem Qualcomm Gobi 9×45 dhe teknologjinë Envelope Tracker të gjeneratës së dytë. Ky kombinim suportoi një lidhje Interneti me shpejtësi shkarkimi 450 Mbps dhe shpejtësi ngarkimi prej 100 Mbps.

Modemi i ri funksionon me sinjale të ndryshme në frekuenca të ndryshme për të rritur shpejtësinë e lidhjes së Internetit. Ky modem gjithashtu është 30% më i vogël se gjenerata e kaluar.

Në këtë testim, Ericsson siguroi sistemet dhe rrjetin e testimit. Ky rrjet ishte i vogël dhe kryesisht lokal, që do të thotë se testi u krye në distanca të shkurtra dhe nuk tregon se sa e suksesshme do të jetë kjo teknologji në jetën e përditshme.

Për krahasim, deri tani teknologjia më e avancuar ishte LTE Cat6 me shpejtësi 300 Mbps, por teknologjia që përdoret nga smartphonet sot është LTE Cat4 me shpejtësi 150 Mbps, që edhe pse është një shpejtësi marramendëse, nuk është veçse një e treta e shpejtësisë që ofron LTE Cat10.

Testimet nga Qualcomm dhe Ericsson vazhdojnë dhe mendohet që teknologjia do të dalë në treg në 2015, mundësisht me procesorët e gjeneratës së rradhës nga Qualcomm./ameble

Operatori Vala vjen me 4G (LTE)

Operatori Vala vjen me 4G (LTE)

Posta dhe Telekomi i Kosovës ka nënshkruar sot kontratën për implementimin e teknologjisë 4G (LTE), me dy kompani prestigjioze, Alcatel Lucent dhe Nokia Solutions Networks.

Vala 4g

Me implementimin e kësaj teknologjie, më moderne në rajon, do të avancohen shërbimet e komunikimit të të dhënave, duke plotësuar kërkesat e konsumatorëve për internet më të shpejtë, shikimin e videove dhe muzikës në paisjet e tyre mobile dhe shumë avancime të tjera.

Teknologjia 4G (LTE) do tu  mundësojë konsumatorëve të Vala shpejtësi komunikimi të të dhënave deri në 100 Mbps, apo 5 herë më të madhe se shpejtësia aktuale në teknologjinë 3G dhe së paku 50 herë më të madhe se shpejtësia aktuale në teknologjinë EDGE/GPRS.

Implementimi do të nis menjëherë dhe shërbimet e teknologjisë 3G do të ofrohen për konsumatorët e Vala-s duke filluar nga muaji shtator dhe ato 4G LTE nga fundi i këtij viti; fillimisht në qendrat urbane për të vazhduar më tej me mbulimin e  85% të vendbanimeve të Kosovës deri në gjysmën e pare të vitit 2015.

Investimet e tilla si ky sot do të rrisin edhe më shumë interesimin e konsumatorëve për shërbimet tona. Ky është moment historik për zhvillimin e operatorit mobil VALA, pasiqë do të jemi ndër operatorët e parë në rajon që po sjellim shërbimin 4G për gjithë konsumatorët.

“Orientimi strategjik i kompanisë me biznes planin aktual është që nga një operator i fokusuar tek të hyrat nga zëri të kalojmë në një operator për ofrimin  e shërbimeve për transferim të shpejt të të dhënave, këtë po fillojmë ta realizojmë sot,” pohon Kryeshefi i PTK, Ejup Qerimi.

“Një falënderim i veçant për arritjen e këtij suksesi u takon punonjësve të PTK të cilët e kanë planifikuar deri në detaje këtë projekt madhor i cili që nga sot hap një dritare të re të zhvillimit të VALA-s”, tha kryeshefi i PTK SH.A.

Kompanitë nënshkruese të këtij projekti Alcatel Lucent/Cacttus dhe Nokia Solutions Networks, zotohen se implementimin e këtij projekti do ta bëjnë në kohë rekorde dhe se nuk do të ketë asnjë vonesë, ndërsa me këtë projekt konsumatorëve të VALA do tu sjellin shërbime ultra-broadband. /ameble

Evropa aprovon përdorimin 3G dhe 4G në aeroplanët

Evropa aprovon përdorimin 3G dhe 4G në aeroplanët

wifi on the plainEvropianët së shpejti do të jenë në gjendje të qasen në Facebook edhe gjatë fluturimeve me aeroplan.

Agjensioni për Siguri i Aviacionit të Evropës këtë javë njoftoi për planet për të lejuar përdorimin e pajisjeve personale elektronike gjatë të gjitha fazave të fluturimit. Për këtë arsye, Komisioni Evropian ka thënë se do të lejojë përdorimin e spektrit për 3G dhe 4G gjatë fluturimeve.

Evropa thotë se në përgjigje të kërkesës së pasagjerëve dhe linjave ajrore, tani do të lejohet për të zhvilluar si dhe për të vendosur shërbimet të Internetit gjatë gjithë fluturimit.

WiFi gjatë fluturimit është shërbimi të cilin amerikanët kanë ofruar disa vite më parë. Nëse BE-ja Airlines vendosë për të ofruar shërbime broadband 3G dhe 4G, udhëtarët evropianë do të kenë mundësi për të qasur në email, rrjetet sociale dhe shfletojnë faqet e internetit edhe gjatë fluturimeve. |ameble| 

LG kalon shitjen e 10 milion smartphone-ve LTE

LG kalon shitjen e 10 milion smartphone-ve LTE

LG ka njoftuar se kanë arritur të shes mbi 10 milionë pajisje smartphone LTE përreth globit, që është fryt i punës së tyre. Duket se kompania e Koresë së Jugut LG ka vënë përpara rrugën e tyre në tregjet 4G, ku në këto pajisje kanë mbështjellë një kombinim të harduerit më të mirë si dhe teknologjisë së avancuar 4G LTE.

Dr.Jong-seok Park, President dhe shefi ekzekutiv i kompanisë LG Mobile Communications, tha: “Kemi shtyrë përpara me plotë agresivitet teknologjinë 4G LTE që nevojat e konsumatorëve të jenë të kënaqshme. Duke vendosur veten si një lojtar të madh në industri, ne do të vazhdojmë të zgjerojmë punën tonë në tregun global LTE me një seri të gjerë të pajisjeve, smartphone LTE të cilësisë së lartë.”

Për pjesën tjetër të vitit 2013, LG në departamentin LTE patjetër së do të përfshijë serinë Optimus F që synon përdoruesit të cilët janë duke kaluar nga rrjetet 3G në ato 4G LTE. |ameble|  [divider top=”0″]