Acer Liquid S2

Edhe pse IFA është afër, Acer ka vendosur të prezantoj linjën e tyre të re duke filluar me smartphone-in Acer Liquid S2.

Smartphone është një pajisje me ekran 6 inç dhe rezolucion 1920 X 1080 pikselë, kamerën në anën e pasme me 13 megapikselë e shoqëruar me atë frontale 2 megapikselë, blicin LED, procesorin 4-bërthamor 2.2Ghz, 2GB RAM si dhe hapësira e brendshme për ruajtjen e të dhënave 16GB. Do të jetë në treg në dy ngjyra në të zezë dhe të kuqe.

E veçanta e këtij modeli është se incizon në rezolucion të lartë 4K.

Liquid S2 vjen me platformën Android 4.2.2 dhe me disa funksione të reja të aplikacioneve, duke përfshirë Acer Float UI, Acer Data Traffic Manager dhe Acer Print.

Acer Liquid S2 do të jetë në dispozicion nga fundi i Tetorit  dhe çmimi i tij ende nuk është zbuluar. |ameble|