Tag Archives

2 Articles
Alfabeti Shqip debuton edhe në Android

Alfabeti Shqip debuton edhe në Android

by skolgeci 0 Comments

A2Pas debutimit të suksesshëm të Alfabetit Shqip për iOS dhe kërkesave të vazhdueshme prej përdoruesëve për ta pasur në dispozicion aplikacionin edukativ edhe në Android, Trigonom sot ka lansuar Alfabetin në Shqip edhe për këtë platformë.

Alfabeti Shqip është një aplikacion interaktiv dhe edukativ që iu ndihmon fëmijëve të mësojnë alfabetin e gjuhës shqipe dhe të përparojnë hap pas hapi prej shkronje në shkronjë – duke dëgjuar zërin dhe duke parë ilustrimin dhe shkronjën përkatëse. Paralelisht, ky proces shoqërohet edhe me muzikë dhe me efekte argëtuese.

Pas debutimit në iOS për iPhone dhe iPad, Alfabeti Shqip është shkarkuar mbi 20,000 herë anembanë botës dhe është bërë mjaft i njohur në mesin e fëmijëve, kurse kohë më parë Trigonom ka lansuar edhe një verzion të këtij aplikacioni për Alfabetin Gjerman me parim të ngjashëm por me fokusim të mësimi i Gjuhës Gjermane, ndërkaq shumë shpejt pritet edhe debutimi i versionit në Gjuhën Angleze.

Për ta shkarkuar Alfabetin për Android klikoni këtu: https://play.google.com/store/apps/details?id=al.trigonom.alfabeti&hl=en

Lansohet Alfabeti Shqip për iPad dhe iPhone

Lansohet Alfabeti Shqip për iPad dhe iPhone

by maliu 0 Comments

Mësimi i alfabetit të gjuhës amë shqipe nuk duhet të jetë i vështirë dhe monoton, mbi të gjitha duke pasur parasysh praninë e teknologjisë në jetën e përditshme.

Alfabeti Shqip

Nëse ju keni një iPad apo iPhone atëherë fëmijët tuaj do të kenë rastin të mësojnë alfabetin në një mënyrë të re dhe interaktive me ndihmën e ilustrimeve dhe narracionit atraktiv, falë aplikacionit më të ri nga Trigonom. 36 shkronjat e Gjuhës Shqipe vijnë në jetë në këtë aplikacion në katër forma të ndryshme të lojërave, ku e para fillon me hapat gradual të mësimit të alfabetit duke dëgjuar zërin, ilustrimin dhe shkronjën përkatëse, kurse çdo gjë paralelisht përcillet me muzikë dhe efekte argëtuese.

Gjersa avancon fëmiu, ai fiton yje duke marrë në këtë formë edhe një lloj vlerësimi dhe duke i hapur rrugën vetës drejt shkronjave të reja dhe sfidave të reja, prej nivelit në nivel. “Kemi punuar për muaj të tërë për të sjell një produkt kualitativ në tregun e aplikacioneve të edukimit, duke theksuar më shumë faktin se mund të ketë kualitet edhe nga shqiptarët, dhe duke pasur parasysh edhe rëndësinë e alfabetit në gjuhën shqipe për fëmijët që jetojnë në diasporë por edhe për fëmijët që marrin hapat e parë drejtë shkollës” u shpreh Mentor Paçarada, Themelues i Trigonom në lidhje me lançimin e produktit Alfabeti Shqip. 

Në pjesët tjera të aplikacionit janë edhe mundësitë shtesë për argëtim si shkrimi i shkronjave në dërrasën e zezë me ngjyra të ndryshme, vendosja e shkronjës së madhe tek shkronja e vogël, mbajtja në mend e shkronjës që shihet dhe zbulimi i ilustrimit përkatës, si dhe treni me shkronja. Aplikacioni mund të shkarkohet falas në AppStore ndërsa veçohet me funksionalitetet të blerjes në të.

Ky është një prej produkteve të radhës të kompanisë Trigonom në industrinë e edukimit, ku rëndësi të madhe kanë edhe konsumatorët në diasporë të cilët shpesheherë nuk mund t’iu mësojnë fëmijëve të tyre gjuhën shqipe për shkak të mungesës së institucioneve për mësimdhënie në shqip apo edhe për shkak se nuk kanë kohë të punojnë shumë me ta në këte drejtim.

Kliko mbi këtë link Alfabeti Shqip për të shkarkuar aplikacionin. /trigonom.al