Tag Archives

5 Articles
A me ble Samsung S8 apo iPhone 7+?

A me ble Samsung S8 apo iPhone 7+?

Samsung i ka prezantuar smartphone-t e ri Galaxy S8 dhe Galaxy S8+ javën e kaluar, këtë radhë Samsung vjen me ekran më të madh prej 5.8 inç dhe me S8+ prej 6.2 inç të dy janë me rezolucion prej 2,960 x 1,440, krahasimi i parë është që Apple ka në iPhone 7 4.7 inç ekran, kurse në 7+ 5.5 inç ekran.

Risitë që solli Samsung S8

Samsung na ka premtuar që me smartphonët e ri do të bëjë thyerjen e akullit në teknologji duke krijuar smartphone më të mirë që ekzistojnë ndonjëherë, disa nga Karakteristikat që e bëjnë të veçantë Samsung S8 janë:

  • Ekran i madh – i pastër, dizajn shumë të mirë dhe me ekran të lakuar,
  • Bixby – risi tjetër e re në Samsung S8 është Bixby, i cili është asistent personal,
  • Hapja (kyçja në telefon) me fytyrë – ky njihet edhe si rreziku më i madh i sigurisë në Samsung pasi që hulumtimet e fundit thonë se ky skaner mund të hap telefonin edhe me fotografi,
  • Procesori prej 10nm – i pari në industri i cili është 1-nm,
  • Gigabit LTE dhe WiFi – e cila na mundëson përdorimin e internetit deri në 1Gbps
  • Bluetooth 5 – e cila na mundëson transferim më të shpejtë ndërmjet bluetooth-it.

Çmimi

Me Galaxy S8, i cili sapo është lansuar dhe me iPhone 7 që është lansuar para disa muajsh, kemi diferencë të çmimeve të blerjes së smartphone-ve më të mirë, çmimi më i mirë momental është që të bleni iPhone 7, për shkak se është lancuar para disa muajve dhe janë më lirë.

Kamera – briliante në të dy smartphonet

Është iPhone 7+ që në këtë rast e fiton betejën për kamerën në smartphone-in më të mirë në botë, e cila brenda vetes mbart 2 kamera prej 12 megapikselë të cilët janë të vendosura në pjesën e prapme të pajisjes. Apple nuk ishte e para që e testoi kamerën e dyfishtë, por tek kjo e fundit po funksionon për mrekulli, ju po ashtu do të keni mundësi perfekte që të fotografoni portrete me kualitet që tregon se sa fantastike është kamera.
Në fakt Samsung po përdor një softuer shumë të mirë, i cili mundëson që kur ju të shtypni butonin e fotografimit Samsung S8 do të ju bëjë 3 foto përnjëherësh.

Përformanca – Nuk ka dyshime

Po shikoni se cili smartphone ka procesorin perfekt? Mirë secilin që do ta zgjidhni do bëni zgjedhje perfekte.

iPhone 7+ përdorë çipin A10 me 3 GB RAM, i cili i ka shkatërruar të gjithë Samsung-ët deri në S7, në bench testet të cilat janë testuar telefonat, për shkak se iPhone përdorë softuer shumë efikas, i cili mundëson që telefoni të përmbush të gjitha nevojat tuaja në mënyrën më të shpejtë.

Në anën tjetër Samsung Galaxy S8 përdor çipin e ri Exynos 8895, ose Qualcomm Snapdragon 835 në territore tjera, Samsung ka 4GB RAM memorie të cilët e kalojnë iPhone 7+ duke përdorur edhe versionin Android 7 Nougat.

Bateria

iPhone 7+ përdorë bateri prej 2900mAh i cili është 50% më i fuqishëm se në iPhone 7, kjo bateri është shumë e mjaftueshme për ta kaluar ditën pa pasur nevojë për karikim, por nëse përdorni lojëra shembull Pokemon Go atëherë mund të keni rënie të shpejtë të baterisë.
Duke krahasuar me Samsung S8+ i cili ka bateri 3500mAh dhe i cili ka ekran shumë më të madh, por edhe një rezolucion shumë të lartë, ne nuk kemi mundur të dalim në ndonjë përfundim por ne shpresojmë që ju nuk do të keni probleme me baterinë dhe shpresojmë që nuk do të keni nevojë ta mbushni më shumë se njëherë në ditë.
Galaxy S8 gjithashtu ka edhe fast dhe wireless mbushje, pjesë e cila Apple nuk e ka në asnjë prej smartphone-ve të saj.

Hapësira

Apple ende nuk posedon SD kartela në pajisjet smartphone, dhe ju mund të bëni zgjedhje vetëm prej 32gb, 128gb, 256gb, në anën tjetër Samsung bën shitje vetëm me 64gb por ju mund të vendosni SD card deri në 256gb.

Zgjedhni smartphonin e ëndrrave tuaja

Të bëhemi të sinqertë nëse jeni fans i Apple-it atëherë zgjidhni iPhone nëse jeni fans i Samsung atëherë zgjidhni Samsung, dy prej smartphone-ve janë tepër të shpejtë dhe të mirë, cilën do zgjidhje që ta bëni nuk do të jeni gabim. /ameble

A ja vlen me ble produkte të rinovuara?

A ja vlen me ble produkte të rinovuara?

Nëse po shikoni që të kurseni para në elektronikë, është mirë që të konsideroni të bleni produkte elektronike të cilat janë të rinovuara. Shumë prodhues ose shitës po shesin laptop dhe telefona të rinovuar.

Shumica e blerësve kur kanë probleme me produktet ata i kthejnë tek prodhuesi pastaj prodhuesi i riparon dhe ata janë në gjendje përfekte, por me çmim shumë më të lirë.

Vetëm një numër i vogël i produkteve të cilat janë të rinovuara, rreth 5% sipas një hulumtimi duket se kanë pasur problem nga të gjitha produktet të cilat janë të rinovuara.
Për një blerës që po kërkon blerjen e produkteve të tilla atëherë blerjet e rinovuara mund të ju kursejnë shumë para, shembull ju mund të merrni një Xbox One për 150$ përderisa çmimi normal është 299$, ose mund të bleni një Samsung Smart TV të rinovuar për vetëm 720$ përderisa çmimi real është 1200$, dhe prandaj kjo është një zbritje e mrekullueshme.
A keni blerë ndonjëherë produkte të cilat janë të renovuara?


Më poshtë i keni 3 këshilla se kur duhet të bleni produkte të rinovuara?

  • Shikoni se a mund të kthehen produktet – Apple ofron një kthim 14-ditor për produktet të cilat janë të rinovuara.
  • Shikoni për produkte që kanë garancion të gjatë – Shumica e produkteve të rinovuara kanë garancion 1-2 muaj por është më mirë që të hulumtoni për produkte që zgjasin deri në 6 muaj.
  • Bleni nga brende dhe kompani që ju i besoni – Gjithmonë shikoni të bëni blerjen e produkteve të rinovuara vetëm nga kompanitë që ju i besoni për blerjen e produkteve teknologjike. /ameble

 

ameble, anëtar më i ri i STIKK-ut

ameble, anëtar më i ri i STIKK-ut

STIKKNe me kënaqësi ju informojmë se “ameble” tani më është bërë anëtar më i ri i STIKK-ut (Shoqata e Teknologjisë së Informacionit dhe të Komunikimit të Kosovës).

STIKK – Shoqata e TIK të Kosovës është themeluar në vitin 2008 nga gjashtë kompani anëtare themeluese dhe është mbështetur nga Ministria e Punëve te Jashtme të Norvegjisë, Crimson Capital dhe IKT Norge, me qëllim të vepruarit si një zë kolektiv në sektorin e TIK. Gjatë 5 viteve të veprimtarisë se saj, STIKK arriti suksese të shumta dhe u bë një nga shtytësit kryesorë të industrisë së TIK-ut dhe komunitetit të TIK-ut në Kosovë. Gjatë përpjekjeve drejt zhvillimit të vazhdueshëm të industrisë së TIK, STIKK ka realizuar projekte të shumta që kanë për qëllim promovimin e sektorit të TIK të Kosovës, përmirësimin e kornizës ligjore, implementimin e hulumtimeve dhe analizave specifike të industrisë si dhe të ndihmojë në zhvillimin e profesional të aktorëve të sektorit. STIKK aktualisht ka mbi 125 anëtarë të cilët përfaqësojnë 90% të gjithë tregut të TIK në Kosovë.

ameble si anëtar më i ri i kësaj shoqate, me plot përkushtim do të ndihmoj dhe kontribuoj për realizmin të misionit dhe vizionit të shoqatës që ka një rol qendror në stimulimin e rritjes dinamike të sektorit të TIK në Kosovë, duke hapur mundësi të reja dhe duke rritur aftësinë konkurruese të sektorit në vend dhe jashtë tij.

Për më shumë rreth profilit në STIKK, klikoni mbi ameble në STIKK. /ameble

Ameble mbushë 1 vjet!

Ameble mbushë 1 vjet!

by bmbi 1 Comment

Ameble mbush 1 vjet

Shumë gjëra kanë ndodhur për ameble-në që nga data 22 Qershorit 2012, kur edhe ishte lansuar uebfaqja. Për të përmbyllur një vit të plotë, kemi menduar të festojmë së bashku me disa të dhëna.

Nga dita e publikimit të artikullit të parë e deri më sot, janë publikuar rreth:

  • 1200 lajme të ndryshme nga teknologjia,
  • 20 vlerësime të plota,
  • 45 artikuj për edukim,
  • 40 video (vlerësime, video praktike, prezantim dhe shpaketim).

Me aplikacionin mobil i dedikuar për platformat Android dhe Windows Phone jemi munduar që lexuesve t’ua lehtësojmë informimin e shpejt, për të qenë në hap me zhvillimet e fundit të teknologjive të reja në vendin tonë.

Në rrjete sociale ameble posedon rreth:

Statistikat e vizitave për muaj janë si në vijim:

  • 3000 vizitor unik,
  • 8000 vizita,
  • 20.000 faqe të shfletuara.

Shumica e vizitorëve tanë janë nga Kosova, Shqipëria dhe Maqedonia, duke pasuar me SHBA-të, Gjermaninë, Belgjikën, Italinë etj. Portali ynë 57% është e vizituar nga shfletuesit Chrome, 11% Internet Explorer e kështu me radhë. 73 % e vizitave janë nga sistemi operativ Windows, 11 % Android, 10 % iOS etj.

Pra, të gjitha të arriturat deri më tani duke përfshirë edhe të dhëna dhe statistika brenda një viti, portali ynë ka arritë të jetë edhe burimi informativ për portale të shumta lokale siç janë: magazineforyou.com, gazetaexpress.com, kosovatimes.net, shekulli.com.al, gazetaditore.com; perkrahje.com; kohaislame.com; gjuhashqipe.com etj.

Para se të ndezim qirinjt për ditëlindjen e parë të ameble-së, do të donim t’ju dërgojmë një falënderim të madh të gjithë vizitorëve tanë që shfletojnë uebfaqen tonë si dhe përcjellin të rejat hap pas hapi nga teknologjia.

Viti i dytë i ameble-së do të jetë më shumë interesant dhe me më shumë risi, andaj qëndroni me ne.

Urime!

Ameble bëhet pjesë e “Google Play”

Ameble bëhet pjesë e “Google Play”

Të ndëruar vizitorë të Ameble-së,

Me kënaqësinë më të madhe duam të ju informojmë se që nga sot portali ynë është bërë pjesë e integruar e dyqanit virtual “Google Play” përmes aplikacionit të cilin mund ta shkarkoni nga cilido vend në botë.

Emri origjinal i aplikacionit është: “ameble” dhe mund të shkarkohet dhe instalohet në secilën pajisje që është e bazuar në platformën Android.

Çfarë ofron aplikacioni ameble?

Përmes këtij aplikacioni ne jemi munduar që në mënyrën më të thjeshtë dhe me të shpejt të mundur të ofrojmë informatat para jush. Përditësimi i të dhënave të postuara në këtë aplikacion ndodhë në kohë reale që mundëson që ju të mos humbisni asnjë informatë që ndërlidhet me botën e teknologjisë informative.

Ameble është aplikacion falas i cili mundëson shfletimin e secilit artikull të publikuar në portalin tone.

Ne ju inkurajojmë që pas instalimit të aplikacionit “ameble”,  ta shtoni këtë të fundit si “Widget” në “Homescreen” të pajisjes tuaj, në mënyrë që ta shijoni atë çfarë në të vërtet ky aplikacion ofron.

Ameble-App (2)

Për ta shkarkuar aplikacionin “ameble” atë mund ta bëni nëpermes faqës tone duke klikuar këtu apo nga dyqani virtual “Google Play”, duke klikuar në linkun e më poshtëm:

google-play-icon