Tag Archives

5 Articles
Shfaqet Android 5.0.1 Lollipop për Galaxy S4

Shfaqet Android 5.0.1 Lollipop për Galaxy S4

Samsung Galaxy S5 duket se ka filluar të përditësohet me versionin më të fundit të Android, atë 5.0 Lollipop, por duket se Samsung ka qenë duke punuar dhe për versionin Lollipop për Samsung Galaxy S4. Sot kanë qarkulluar në Internet fotot e para të një version Android 5.0 për Galaxy S4.

Nuk ka të dhëna specifike se nga ka ardhur ky version i sistemit operativ Android, por pas testimeve të ndryshme është konstatuar se ky është version original dhe duket se të gjitha opsionet punojnë më së miri. WiFi, lidhja me Internetin, NFC, Bluetooth, të cilat janë opsionet më problematike në shumicën e sistemeve operative, në këtë sistem duket se punojnë mirë. Megjithatë ka akoma disa pjesë të sistemit që duhen përkthyer nga kinezçja dhe duket se Kina është vendi i origjinës nga ka “rrjedhur” ky sistem.

Lollipop-Samsung-Galaxy-S4-710x315

Sistemi është i përshtatshëm për tu përdorur në disa versione të Samsung Galaxy S4 si GT-I9500, GT-I9502, GT-I9508 dhe GT-I9508v. Ky version i sistemit nuk punon me modelin GT-I9505, që është një nga modelet më të njohura të pajisjes.

Nëse ju keni në dispozicion një Galaxy S4 dhe doni të provoni versionin Lollipop të Android, mund ta shkarkoni sistemin në këtë forum XDA. Sigurohuni të lexoni mirë instruksionet! /ameble/

Nokia prezanton tabletin Nokia N1

Nokia prezanton tabletin Nokia N1

Pas disa muajsh nga shitja e linjës së smartphone-ve te Microsoft, Nokia kthehet me një pajisje tjetër. Kësaj rradhe bëhet fjalë për tabletin Nokia N1 me sistem operativ Android.

Në konferencën Slush 2014 në Finlandë, Nokia sapo prezantoi tabletin N1, i cili ka sistem operativ Android 5.0. Pajisja ka trup alumini, një ekran 7.9 inç, procesor 64-bit Intel Atom Z358, 2 GB RAM, 32 GB memorje të brendshme, kamerë kryesore 8 MP dhe kamerë frontale 5 MP dhe bateri me kapacitet 5300 mAh. Gjithashtu duhen theksuar pwrmasat e tabletit, ku pwrmasa mw impresive wshtw trashwsia prej vetwm 6.9 mm.

Specifikat e plota:

  • Përmasat: 200.7 x 138.6 x 6.9 mm
  • Ekrani 7.9 inç 2048×1536 (4:3) IPS LCD me Gorilla Glass 3
  • Procesori 64-bit 2.3 GHz Intel Atom Z3580
  • Karta grafike PowerVR G6430 me 2 GB RAM
  • Memorje e brendshme 32 GB (nuk zgjerohet me SD kartë)
  • Kamerë kryesore 8 MP, kamerë frontale 5 MP
  • Bluetooth 4.0
  • Micro-USB 2.0 (funksionale nga të dyja anët)
  • Bateri 5300 mAh

https://www.youtube.com/watch?v=IwJmthxJV5Q

Dalin pamjet e versionit të LG të Android 5.0 Lollipop

Dalin pamjet e versionit të LG të Android 5.0 Lollipop

lg-lollipop-buildNe tashmë kemi parë fotot e versionit të Samsung të sistemit Android 5.0 Lollipop dhe tani rradhën e ka LG. Pasi LG konfirmoi në disa shtete se LG G3 do të përditësohet me Android 5.0 këtë vit, kanë filluar të dalin dhe fotot e këtij sistemi.

Në foto dallohen qartë veçoritë e Lollipop si për shembull ndërfaqja e njoftimeve. Ndërfaqja ka shumë veçori të Lollipop, por në foto dallohet gjithashtu se LG mund t’i mbajë butonat e navigimit që përdoren në sistemin 4.4.2. Nuk është ende e qartë nëse LG do ta mbajë dizajnin e këtyre butonave apo do ta zëvendësojë me dizajnin origjinal të Lollipop.

Mendohet se këto foto janë të një versioni të papërfunduar, por në blogun Life is Good shprehet se përditësimi i pajisjeve me Android 5.0 mund të nisë brenda disa javësh duke filluar nga Europa. /ameble

Motorola njofton për pajisjet që do të përditësohen në Android 5.0

Motorola njofton për pajisjet që do të përditësohen në Android 5.0

Nexus 6 do të jetë produkt i parë nga Motorola që vjen me versionin më të ri të sistemit operativ Android 5.0i koduar me emrin 5.0 Lollipop.

Android Lolipop 5.0

Përveç modelit Nexus 6, Motorola ka njoftuar për listën e pajisjeve të saja që do të përditësohen në versionin Android 5.0 dhe ato janë:

  • Moto X (gjenerata e parë dhe gjenerata e dytë)
  • Moto G (gjenerata e parë dhe gjenerata e dytë)
  • Moto G me 4G LTE,
  • Moto E,
  • Droid Ultra,
  • Droid Maxx dhe
  • Droid Mini.

Vitin e kaluar, Motorola kishte tronditur botën e teknologjisë duke lëshuar përditësimin tepër të shpejtë të versionit Android 4.4 Kitkat për disa nga smartphone-t të saj, kështu që shpresojmë se në të njeite mënyrë do të vepron edhe me versionin e ri Android 5.0 Lollipop. /ameble

Versioni Android 5.0 Key Lime Pie, vjen në Tetor

Versioni Android 5.0 Key Lime Pie, vjen në Tetor

Tani të gjithë e dimë se versioni i ardhshëm i platformës mobile Android do të quhet Android 5.0 Key Lime Pie, mirëpo atë që ne nuk e kemi ditur është se kur kjo platformë do të lansohet, edhe pse tani duket se kemi disa detaje në lidhje me datën e lansimit të versionit 5.0.

Sipas një raporti të fundit nga VR-Zone, Android 5.0 do të lansohet në Tetor, që mund të ndodh edhe lansimi smartphone-ve të ri Nexus 5 dhe Mototola X Phone.

Google Nexus dhe Motorola X Phone

Disa thashetheme tjera thonë se Android 5.0 Key Lime Pie, mund të jetë një ndryshim i madh për Android-in, është përfolur të jetë një platformë e optimizuar, që do të thotë se Android 5.0 do të funksionojë edhe në smartphone Android më të vjetër, dhe me sa duket do të jetë kompatibil me pajisjet të cilat kanë 512MB RAM e më lart.

Ky është lajm i madh për prodhuesit e smartphone-ve Android dhe gjithashtu për pronarët e pajisjeve të vjetra, sepse ata do të kenë mundësinë të instalojnë versionin e fundit të Android-it.

Natyrisht që krejt kjo për momentin është vetëm një thashetheme, dhe se ende asgjë nuk është konfirmuar nga Google. |ameble|