Tag Archives

2 Articles
Të dy HTC One (M7) dhe One (M8) do të marrin Android L

Të dy HTC One (M7) dhe One (M8) do të marrin Android L

HTC One M8 HTC One M7Një lajm i mirë për të gjithë ata që posedojnë një nga smartphone-at e fundit të HTC-së, është se do të marrin versionin e fundit të Android-it të prezantuar dje nga Google.

Kompania HTC ka njoftuar dje menjëherë pas prezantimit se do të sjellë versionin e ri Android L në të dy modelet HTC One (M7) dhe HTC One (M8), brenda 90 ditëve nga dita e lansimit zyrtar të softuerit. Kjo nuk është për t’u habitur për One M8 ngase është smartphone i cili u lansua në fillim të këtij viti, por ajo që na habit nga HTC dhe që do të mirëpritet është që ky version do të jetë edhe për modelin e mëparshëm HTC One M7.

Sigurisht, se kjo çfarë ka deklaruar kompania do të marrë kohë para se të shfaqet ky përditësim në pajisjet HTC, për momentin as nga Google nuk ka një afat kohor për Android L se kur në të vërtetë do të jetë në dispozicion për përditësim.

Sido që të jetë, e rëndësishmja është se cilindo nga këta smartphone që e bleni, jeni të garantuar se një ditë do të pranoni versionin e ri të Android-it. /ameble

Google prezanton Android L, nga sot në dispozicion për zhvilluesit

Google prezanton Android L, nga sot në dispozicion për zhvilluesit

Për këtë vit, njoftimi më i madh që ka bërë Google deri më tani është ” Android L.” Ata thonë së ky version do të ketë 5000 API-s (Application programming interface) dhe një dizajn të ri i cili jo që do të funksionoj për smartphone dhe tablet, por ai do të funksionoj edhe për shumë kategori të pajisjeve tjera.

Android L dev prev

Android L karakterizohet nga “Material Design,” siç e kanë quajtur ata, që është një identitet i ri i dizajnit ku përdor hijet dhe shtresa të dalluara në ndërfaqen e përdoruesit. Të gjitha animacionet e reja japin tranzicione të lehta në mes të aplikacioneve, dhe gjithashtu rrisin përvojën kur elemente të reja shfaqen në ekran.

Font i ri Roboto gjithashtu është përditësuar për t’iu përshtatur më mirë pajisjeve të reja Android, të tilla si smartwatch. Android L pjesën e sipërme të lajmërimeve e ka riorganizuar plotësisht. Lock Screen tani përfshinë një listë të plotë të lajmërimeve që janë vepruese, ku mund të largohen, hapen dhe shkarkohen me anë të rrëshqitjes.

Për sa i përket përformancës, Google ka thënë se Android L kalon nga makina virtuale Dalvik (VM) në Art (siç e kanë quajtur ata) në mënyrë që të përmirësoj dramatikisht përformancën e aplikacioneve. Art është plotësisht i përshtatshëm apo përkrah arkitekturën 64-bit.

Përveç kësaj, Android L përmban një numër përmirësimesh tjera që përfshinë një mundësi të re të posaçme për mbrojtjen e baterisë (Project Volta), që zgjatë kohën e përdorimit të pajisjes për 90 minuta më shumë, pas lajmërimit që bateria është harxhuar gati. Në aspektin e sigurisë, Google Android L përkrah fshirjen e pajisjes nga distanca (remotely) në rast të humbjes apo vjedhjes së pajisjes.

Një pamje paraprake për zhvillues e versionin Android L do të jetë në dispozicion nga dita e sotme. /ameble