Tag Archives

2 Articles
Shfaqet Android 5.0.1 Lollipop për Galaxy S4

Shfaqet Android 5.0.1 Lollipop për Galaxy S4

Samsung Galaxy S5 duket se ka filluar të përditësohet me versionin më të fundit të Android, atë 5.0 Lollipop, por duket se Samsung ka qenë duke punuar dhe për versionin Lollipop për Samsung Galaxy S4. Sot kanë qarkulluar në Internet fotot e para të një version Android 5.0 për Galaxy S4.

Nuk ka të dhëna specifike se nga ka ardhur ky version i sistemit operativ Android, por pas testimeve të ndryshme është konstatuar se ky është version original dhe duket se të gjitha opsionet punojnë më së miri. WiFi, lidhja me Internetin, NFC, Bluetooth, të cilat janë opsionet më problematike në shumicën e sistemeve operative, në këtë sistem duket se punojnë mirë. Megjithatë ka akoma disa pjesë të sistemit që duhen përkthyer nga kinezçja dhe duket se Kina është vendi i origjinës nga ka “rrjedhur” ky sistem.

Lollipop-Samsung-Galaxy-S4-710x315

Sistemi është i përshtatshëm për tu përdorur në disa versione të Samsung Galaxy S4 si GT-I9500, GT-I9502, GT-I9508 dhe GT-I9508v. Ky version i sistemit nuk punon me modelin GT-I9505, që është një nga modelet më të njohura të pajisjes.

Nëse ju keni në dispozicion një Galaxy S4 dhe doni të provoni versionin Lollipop të Android, mund ta shkarkoni sistemin në këtë forum XDA. Sigurohuni të lexoni mirë instruksionet! /ameble/

Nga sot fillon përditësimi i Android Lollipop për HTC One M8 dhe M7

Nga sot fillon përditësimi i Android Lollipop për HTC One M8 dhe M7

HTC M8 & M7 LollipopPas një vonese dy javësh, sot është dita që pajisjet më të reja nga HTC, M8 dhe M7, do të fillojnë të përditësohen në versionin më të ri të sistemit operativ nga Android Lollipop.

Edhe pse data zyrtare nga HTC për lansimin e përditësimit ishte e rezervuar për 21 Nëntor, HTC kishte deklaruar se kishin disa probleme teknike që ishin shfaqur gjatë fazës testuese të versionit të ri Android, dhe si duket tani më janë tejkaluar të gjitha pengesat dhe pajisjet janë të gatshme për versionin Android Lollipop.

Madhësia e përditësimit të versionit Android Lollipop 5.0.1, është afërsisht 500MB, andaj para përditësimit pajisja duhet të ketë të lirë hapësirën e brendshme për të mundësuar përfundimin e procesit me sukses.

Të gjithë ata që i posedojnë modelet HTC M7 ose HTC M8 të cilët ende nuk kanë marr ndonjë notifikim për përditësimin e ri, mund të shkarkojnë drejtpërsëdrejti versionin Android Lollipop duke klikuar më poshtë: