Tag Archives

169 Articles
Aplikacioni i javës: Wallpapers nga Google

Aplikacioni i javës: Wallpapers nga Google

A jeni të pasionuar në ndryshimin e shpeshtë të prapavijës së ekranit tuaj?

Aplikacioni jonë i javës këtë radhë është Wallpapers nga Google.

Ky aplikacion ju lejon që ta zbukuroni prapavijën e smartphonit tuaj me një koleksion të madh të fotografive, duke lejuar që të zgjedhni nga fotografitë tuaja personale e deri tek ato nga Google Earth.

Një mundësi shumë e mirë është edhe vendosja e shumë fotografive tek kategoria “Favorites” dhe çdo mëngjes do ta filloni me njërën nga ato fotografi në prapavijë.

Për ata që e dëshirojnë këtë aplikacion mund ta shkarkojnë direkt nga Play Store përmes linkut këtu./ameble

Vertu Constellation – Smartphoni 6000$

Vertu Constellation – Smartphoni 6000$

Ne jetojmë në botën ku shumica e smartphonëve kushtojnë mes 200 deri 800$. Ka një zgjedhje të madhe të modeleve në mes të këtyre çmimeve, nga ZTE e Motorola e deri tek top markat si Samsung dhe iPhone i Apple. Por ka një botë përtej kësaj me smartphone të veçantë dhe shumë të shtrenjtë dhe luksoz, i fundit që i bashkohet kësaj bote është Vertu Constellation, smartphone i vitit 2017. Ai është smartphone pa shumë fantazi por edhe që ofron shërbime dhe strukturë “jashtëtokësore”. Constellation është diçka që sjellë kundërshtime, si shumë gjëra të botës së milionerëve.

Vertu ka qenë në këtv botë shumë gjatë, fillimisht e krijuar si divizion i Nokias, dhe janë shitur disa herë, kjo e fundit është shitja tek biznesmeni turk Hakan Uzan. Pra Vertu është një kompani e vogël që merret me paisjet e vogla elektronike, dhe e fundit është Constellation i vitit 2017, që i takon klasës së mesme të smartphonëve.

Klasa e mesme e smartphonëve tek Vertu nënkupton një çmim fillestar prej 6000$

Vërtetë shumë për një smartphone, edhe pse është i punuar me dorë dhe prodhuesi garanton siguri të lartë të të dhënave.

Disa karakteristika të tij janë:

  • ekran AMOLED 5.5″ i mbrojtur me kristale safiri
  • Kamera 12MP
  • Android 6.0
  • Procesor Snapdragon
Pajisjet Android të ekspozuara ndaj sulmeve mbi rrjetet Wi-Fi

Pajisjet Android të ekspozuara ndaj sulmeve mbi rrjetet Wi-Fi

Një mori telefonësh Android janë të rrezik ndaj sulmeve të hakerave të cilët përdorin sinjalet Wi-Fi për të shënjestruar viktimat e tyre u shpreh një hulumtues sigurie.

Problemi i sigurisë fshihet në çipet Wi-Fi të prodhuara nga Broadcom dhe përdorur në pajisjet Android po edhe iOS. Apple reagoi menjëherë përmes iOS 10.3.1 por në Android të gjithë e dinë se kundërpërgjigje e tillë është e pamundur.

Në një postim në blog publikuar ditën e Marte, ekipi hulumtues i Projektit Zero pranë Google tregonte sesi një haker mund të merrte nën kontroll një Nexus 6P përmes proksimitetit të Wi-Fi dhe pa nevojën e asnjë ndërveprimi nga ana e përdoruesit.

Konkretisht hulumtuesi Gal Beniamini kishte përdorur frekuencat Wi-Fi të cilat përdornin vlera të parregulltat për të mbingarkuar firmware e çipit. Në këtë mënyrë ai kishte arritur të shkruane kod arbitrar mbi memorjen e pajisjes.

Google do të adresojë këtë problem sigurie me buletinin mujor të Android në telefonët Pixel dhe Nexus. Duke pasur në konsideratën rrezikshmërinë e lartë që bart kjo dobësi sigurie, përdoruesit duhet ta instalojnë menjëherë përditësimin sapo të jetë i disponueshëm.

Në Android një zgjidhje e këtij problemi në mënyrë të menjëheshme është e pamundur. Kjo sepse Google publikon përditësimet e sigurisë në faza mujore dhe vetëm për një numër të kufizuar telefonësh Android. /ameble.com

6 mënyra të lehta për ta mbajtur smartphonin tuaj android të sigurt

6 mënyra të lehta për ta mbajtur smartphonin tuaj android të sigurt

Jo, ju nuk jeni mosbesues. Nga hajdutët e xhepave e deri tek malwaret. Smartphoni juaj është gjithmonë nën rrethim. Sulmuesit dinak ndryshojnë vazhdimisht taktikat me shpresë se do të marrin kontrollin mbi smartphonët tuaj.

Duhet ta bëjmë të qartë që nuk ka mënyrë të pagabueshme të mbrojtjes së androididit tuaj nga vjedhësit apo hakerët. Në të vërtetë nëse ndonjë hajdut i sofistikuar sulmon smartphonin tuaj atëherë duhet vetëm të të urojmë fat.

Megjithatë ka disa mënyra për ta mbajtur androidin tuaj të sigurt nga sulmet më të zakonshme, me një përpjekje shumë të vogël.

Lexoni 6 mënyra të lehta për të mbajtur smartphonin tuaj android të sigurt:

1. Mbylleni smartphonin (nëse nuk e ke bërë deri tani)

Kjo duket si një këshillë absurde, por shumë persona që dëshirojnë të kenë qasje në smartphonat e të tjerëve i largohen smartphonëve me fjalëkalime ngase nuk duan të lodhen me ta. Kodi PIN ose fjalëkalimi mund të jetë bezdisës për ne por është një mjet sigurie. Imagjinoni sikur e harroni smartphonin në ulëset e një taksie, çfarë do të bënit?

Për këtë arsye hyni në Settings > Security > Screen Lock dhe vendosni një PIN ose nëse keni telefon me fingerprint kjo është edhe më e sigurt.

2. Dije vendndodhjen dhe fshij të dhënat në smartphone nga larg

Në rregull, e keni bërë hapin e parë me PIN ose fingerprint, por çka nëse e humb smartphonin? Për fat të mirë mund ta përdorni Android Device Manager për ta ditur se ku ndodhet smartphoni juaj apo edhe për të i fshirë të dhënat nëse është e nevojshme por vetëm nëse e keni të aktivizuar këtë mundësi.

Shkoni në Settings > Google > Security dhe aktivizoni dy opsionet që ndodhen aty.

Në këtë mënyrë edhe nëse smartphoni ju humb, ju mund të dini vendndodhjen dhe të i fshini të dhënat nga kompjuteri juaj përmes llogarisë në Google.

3. Deaktivizoni “unknown sources”

Deri tani kemi shkruar për mundësinë e humbjes së telefonit, tani do të flasim për sulmet me malware ose spyware përmes aplikacioneve.

Google bën të pamundurën që aplikacionet në Play Store të jenë të sigurta, por nuk mund të ju mbroj nga aplikacionet që instaloni nga burime të tjera.

 

Për fat të mirë android e ka një opsion që ndalon instalimin e aplikacioneve nga burimet e tjera përpos Play Store. Shkoni tek Settings > Security> dhe deaktivizoni “unknow sources”. Ju mund ta aktivizoni këtë opsion kurdo që dëshironi të instaloni një aplikacion nga burime tjera, por mos harroni ta deaktivizoni pastaj.

4. Lejoni androidin të kontrolloj dhe verifikoj aplikacionet tuaja

Edhe pse Google i kontrollon aplikacionet në Play Store ende ekziston mundësia që një aplikacion i infektuar të depërtojë pa u vërejtur, Me opsionin për kontroll dhe verifikim të aplikacioneve android bënë herë pas here kontrollimin e aplikacioneve tuaja në smartphone nëse janë të infektuara.

Shkoni në Settings > Google > Security > Verify Apps dhe më pas aktivizoni opsionin “scan device for security threads”. Pasi ta aktivizoni këtë android do të bëjë kontrollimin e herë pas hershme të aplikacioneve.

5. Përditsojeni smartphonin

Hakerët vazhdimisht ndryshojnë strategjitë për të sulmuar smartphonët, përderisa ata e bëjnë këtë Google vazhdimisht sjellë përditësime sigurie.

Për këtë arsye është e domosdoshme që të bëni përditsimet që vijnë.

Smartphoni juaj duhet të iu njoftojë kur ka përditësime ose mund të kontrolloni vetë duke shkuar në Settings > About Phone > System Updates.

6. Aktivizoni “Safe Browesing” në Google Chrome

Aplikacionet e infektuara nuk janë të vetmet rreziqe që smartphoni juaj ka. Interneti është i mbushur me webfaqe të infektuara që kanë si qëllim të vjedhin informatat e juaja personale përmes sulmeve që njien si “phishing”, ose përmes shkarkimit të aplikacioneve të dëmshme në smartphonin tuaj.

Lajmi i mirë është që Google Chrome e ka një opsion të quajtur “Safe Browesing” i cili ju lajmëron nvse një webfaqe që ju vizitoni është e dëmshme dhe iu jep mundësinë të ktheheni mbrapa para se të hyni në at webfaqe.

Për ta aktivizuar këtë opsion së pari hyni në Google Chrome e më pas shkoni tek ikona me tre pika në anën e djathtë lartë. Nga aty shko në Settings > Privacy dhe  aktivizone “Safe Browesing”./ameble.com

Google publikoi Android 7.1.2 Nougat për telefonët Pixel dhe Nexus

Google publikoi Android 7.1.2 Nougat për telefonët Pixel dhe Nexus

Si pjesë e përditësimeve mujore të muajit Prill, përdoruesit e smartphone-ve Pixel dhe Nexus morën një surprizë. Google ka publikuar versionin Android 7.1.2 Nougat së bashku me përditësimet, megjithatë përdoruesit nuk do të vënë re shumë ndryshime.

Edhe pse të gjithë besonin se Google kishte braktisur tabletin Pixel, 7.1.2 sjell lançuesin e Pixel dhe butonat e ri të navigimit edhe në ekranin e tabletit.

Por ajo ku 7.1.2 dallon nga 7.1.1 është ndërfaqja “multitasking”, stili i kartave i përket të kaluares dhe zihet nga një ekran qendror ku aplikacionet shfaqen në formatin 4 me 4.

Gjithashtu ky përditësim përmban disa rregullime gabimesh dhe përmirësime në performancë por edhe skanerit të shenjave të gishtërinjve dhe baterisë.

Përditësimi tashmë është n dispozicion në Pixel, Pixel XL, Pixel C, Nexus 6P, Nexus 5X dhe Nexus Player. /ameble.com

A me ble Samsung S8 apo iPhone 7+?

A me ble Samsung S8 apo iPhone 7+?

Samsung i ka prezantuar smartphone-t e ri Galaxy S8 dhe Galaxy S8+ javën e kaluar, këtë radhë Samsung vjen me ekran më të madh prej 5.8 inç dhe me S8+ prej 6.2 inç të dy janë me rezolucion prej 2,960 x 1,440, krahasimi i parë është që Apple ka në iPhone 7 4.7 inç ekran, kurse në 7+ 5.5 inç ekran.

Risitë që solli Samsung S8

Samsung na ka premtuar që me smartphonët e ri do të bëjë thyerjen e akullit në teknologji duke krijuar smartphone më të mirë që ekzistojnë ndonjëherë, disa nga Karakteristikat që e bëjnë të veçantë Samsung S8 janë:

  • Ekran i madh – i pastër, dizajn shumë të mirë dhe me ekran të lakuar,
  • Bixby – risi tjetër e re në Samsung S8 është Bixby, i cili është asistent personal,
  • Hapja (kyçja në telefon) me fytyrë – ky njihet edhe si rreziku më i madh i sigurisë në Samsung pasi që hulumtimet e fundit thonë se ky skaner mund të hap telefonin edhe me fotografi,
  • Procesori prej 10nm – i pari në industri i cili është 1-nm,
  • Gigabit LTE dhe WiFi – e cila na mundëson përdorimin e internetit deri në 1Gbps
  • Bluetooth 5 – e cila na mundëson transferim më të shpejtë ndërmjet bluetooth-it.

Çmimi

Me Galaxy S8, i cili sapo është lansuar dhe me iPhone 7 që është lansuar para disa muajsh, kemi diferencë të çmimeve të blerjes së smartphone-ve më të mirë, çmimi më i mirë momental është që të bleni iPhone 7, për shkak se është lancuar para disa muajve dhe janë më lirë.

Kamera – briliante në të dy smartphonet

Është iPhone 7+ që në këtë rast e fiton betejën për kamerën në smartphone-in më të mirë në botë, e cila brenda vetes mbart 2 kamera prej 12 megapikselë të cilët janë të vendosura në pjesën e prapme të pajisjes. Apple nuk ishte e para që e testoi kamerën e dyfishtë, por tek kjo e fundit po funksionon për mrekulli, ju po ashtu do të keni mundësi perfekte që të fotografoni portrete me kualitet që tregon se sa fantastike është kamera.
Në fakt Samsung po përdor një softuer shumë të mirë, i cili mundëson që kur ju të shtypni butonin e fotografimit Samsung S8 do të ju bëjë 3 foto përnjëherësh.

Përformanca – Nuk ka dyshime

Po shikoni se cili smartphone ka procesorin perfekt? Mirë secilin që do ta zgjidhni do bëni zgjedhje perfekte.

iPhone 7+ përdorë çipin A10 me 3 GB RAM, i cili i ka shkatërruar të gjithë Samsung-ët deri në S7, në bench testet të cilat janë testuar telefonat, për shkak se iPhone përdorë softuer shumë efikas, i cili mundëson që telefoni të përmbush të gjitha nevojat tuaja në mënyrën më të shpejtë.

Në anën tjetër Samsung Galaxy S8 përdor çipin e ri Exynos 8895, ose Qualcomm Snapdragon 835 në territore tjera, Samsung ka 4GB RAM memorie të cilët e kalojnë iPhone 7+ duke përdorur edhe versionin Android 7 Nougat.

Bateria

iPhone 7+ përdorë bateri prej 2900mAh i cili është 50% më i fuqishëm se në iPhone 7, kjo bateri është shumë e mjaftueshme për ta kaluar ditën pa pasur nevojë për karikim, por nëse përdorni lojëra shembull Pokemon Go atëherë mund të keni rënie të shpejtë të baterisë.
Duke krahasuar me Samsung S8+ i cili ka bateri 3500mAh dhe i cili ka ekran shumë më të madh, por edhe një rezolucion shumë të lartë, ne nuk kemi mundur të dalim në ndonjë përfundim por ne shpresojmë që ju nuk do të keni probleme me baterinë dhe shpresojmë që nuk do të keni nevojë ta mbushni më shumë se njëherë në ditë.
Galaxy S8 gjithashtu ka edhe fast dhe wireless mbushje, pjesë e cila Apple nuk e ka në asnjë prej smartphone-ve të saj.

Hapësira

Apple ende nuk posedon SD kartela në pajisjet smartphone, dhe ju mund të bëni zgjedhje vetëm prej 32gb, 128gb, 256gb, në anën tjetër Samsung bën shitje vetëm me 64gb por ju mund të vendosni SD card deri në 256gb.

Zgjedhni smartphonin e ëndrrave tuaja

Të bëhemi të sinqertë nëse jeni fans i Apple-it atëherë zgjidhni iPhone nëse jeni fans i Samsung atëherë zgjidhni Samsung, dy prej smartphone-ve janë tepër të shpejtë dhe të mirë, cilën do zgjidhje që ta bëni nuk do të jeni gabim. /ameble

Android kalon Microsoft duke u bërë Sistemi më i përdorur Operativ

Android kalon Microsoft duke u bërë Sistemi më i përdorur Operativ

Ky është një moment historik për kompaninë Google. Për herë të parë pas shumë dekada, Android u emërua si sistemi operativ më i përdorur, kjo shkaktoi largimin e Microsoft Windows-it nga vendi i parë.

Duke u bazuar në raportimet e kompanisë StatCounert e cila merret me analizimin e qarkullimit të uebfaqeve, Android i Google-it është sistemi operativ më i populluar në botë në termet e përdorimit total të internetit në Kompjuter, Laptop, Tablet, dhe Smartphone.

Duke shikuar në përdorimin e internetit në përgjithësi, Android paraqet 37.93% të përdorimit të internetit në Mars, kurse Windows vetëm 37.91 %.

Megjithëse Windows nuk është shumë pas, dalja në avantazh e Android përshkruhet nga CEO i kompanisë StatCounter si një “moment historik në historinë e teknologjisë”

Kjo arritje është se kohët e fundit janë duke u përdorur më shumë Smartphone sesa Kompjuter ose Laptop, dhe njerëzit janë duke harxhuar më shumë kohë dukë kërkuar në internet nga Smarphone sesa nga Kompjuterë.

Përgjatë Marsit të 2017-ës, përdoruesit e Sistemit Operativ Apple ishin tri herë më aktiv në Smartphone sesa në Laptop. /ameble

Shumë shpejt në treg një tablet Android me markën e BlackBerry

Shumë shpejt në treg një tablet Android me markën e BlackBerry

Përderisa BlackBerry po tenton të ringjallet si një kompani softueri, kjo nuk e ka penguar kompaninë të vendos emrin e saj në smartphone Android të prodhuar nga të tjerët si modelet DTEK50, DTEK60 dhe KEYOne. Së fundi shefi ekzekutiv John Chen la të kuptohej se emri i kompanisë do të jetë pjesë edhe e një tableti Android.

Sipas BlackBerry, gjatë publikimit të raportit financiar të fundit për 2016-ën, shefi ekzekutiv ishte shprehur se duhet të lëviznin drejt fazës tjetër të licencimit të emrit që do të thotë se së shpejti BlackBerry do të ketë një tablet.

Chen nuk dha detaje se kush do të jetë prodhuesi i tablet-it por aktualisht dimë se kompania ka marrëveshje me TCL Communications, BB Merah Putih dhe Optimus për prodhimin e pajisjeve me emrin e BlackBerry.

Nëse ky synim bëhet realitet, nuk do të ishte hera e parë që shohim tablet BlackBerry. Në 2011-ën kompania publikoi BlackBerry PlayBook, një tablet 7 inç me sistemin operativ të kompanisë.

Pavarësisht reklamimit të shumtë që ju bë, PlayBook pati shitje të dobëta. /ameble.com

YouTube Mobile Live Streaming tani me disa përditësime

YouTube Mobile Live Streaming tani me disa përditësime

Live streaming në YouTube nuk është një funksion i ri. Megjithatë, ky funksion më parë ka qenë i kufizuar nga smartphone-at, sidomos për ata që kanë pasur me pak se 10.000 abonentë ose nëse kanali nuk ka qenë i verifikuar. Kjo i bie që shumë kanale nuk kanë pasur mundësi të kenë ketë funksion.

Por tani kjo do të ndryshoj. YouTube kohët e fundit ka përditësuar faqen e saj, ku thuhet se kanalet YouTube që janë të verifikuara dhe së paku kanë 1.000 abonentë do të kenë mundësinë të shfaqin video drejtpërdrejt nga pajisjet e tyre smartphone.

Pra, kjo do të thotë se në qoftë se keni një kanal relativisht të vogël dhe dëshironi të shpërndani diçka drejtpërdrejtë atëherë kjo është e mundur. Për ta bërë ketë të mundur youtube ka paraqitur edhe disa kërkesa si psh. duhet të keni një pajisje Android me minimum versionin Android 6.0, ose një pajisje iOS që posedon iOS 8 e më lartë. /ameble

Google Maps në versionin 9.50 beta, ofron opsionin për të shpërndarë vendndodhjen tuaj – [APK Download]

Google Maps në versionin 9.50 beta, ofron opsionin për të shpërndarë vendndodhjen tuaj – [APK Download]

Google Maps tashmë ju ofron opsionin për të ruajtur dhe shpërndare vendndodhjen tuaj dhe të makinës tuaj me të tjerët.

Ky opsion u ofrua në versionin 9.42 por u hoq pasi disa përdorues filluan të kishin probleme me ruajtjen e vendndodhjeve si dhe shpërndarjes së gabuar të vendndodhjen. Ky opsion u rikthye sot në mëngjes dhe siç duket këto probleme janë rregulluar.

Ky opsion në fillim është duke u lansuar për përdoruesit beta të cilët e morën ketë opsion sot në mëngjes, por po ashtu ju mund ta shkarkoni atë ne linkun më poshtë ose duke u regjistruar si beta tester nga Google Play. /ameble.com

Shkarko

Si të shkarkoni Pokemon Go për iPhone dhe Android?

Si të shkarkoni Pokemon Go për iPhone dhe Android?

Tek ne, gjithashtu në shumë shtete tjera ende nuk mund të shkarkohet aplikacioni zyrtar i lojës Pokemon Go nga App Store apo PlayStore, por prapë se prapë ekzistojnë mënyra tjera për të shkarkuar ketë lojë të famshme.

Pokemon Go Logo

Si të shkarkoni dhe instaloni lojën Pokemon Go në iPhone ose në çfarëdo pajisje tjetër iOS?

Përderisa Pokemon Go është në dispozicion në App Store, por nuk e shihni nga vendi se ku jetoni atëherë ndiqni udhëzimet tona se si të shkarkoni dhe të instaloni atë:

1. Dilni (bëni Sign Out) nga Apple ID e juaj,

Paraprakisht, ju nevojitet të bëni iPhone-in të besoj se jeni në një rajon ku mund ta shkarkoni Pokemon Go. Shkoni tek Settings, klikoni në “Apple ID” dhe bëni Sign Out. Tani kthehuni në Settings dhe zgjidhni General>Language & Region. Tani zgjidhni rajonin që jeni në US, New Zealand, Australia tani edhe UK, sepse nga të gjitha këto rajone jemi të sigurt se mund të shkarkohet Pokemon Go.

Pokemon Go (1)

2. Tani hapni App Store

Hapni App Store. Kërkoni lojën Pokemon Go dhe me siguri se ju shfaqet. Në qoftë se nuk ju shfaqet, zgjidhni një aplikacion kot pa pagesë për të shkarkuar, dhe “Krijoni një ID Apple të re”.

Kaloni nëpër procesin e krijimit të ID-së dhe zgjidhni “None” në menynë e faturimit (Billing), pastaj shtoni adresën sikur që jeni duke jetuar në US, New Zealand, Australia apo tani edhe UK.

Pokemon Go (2)

3. Shkarko Pokemon Go për iPhone 

Tani më siguri se mund të shkarkoni dhe instaloni Pokemon Go për iPhone ose për çfarëdo pajisje tjetër iOS. Më vonë kur Pokemon Go gjendet zyrtarisht edhe në rajonin se ku jetoni, atëherë mund të ktheni Apple ID-në tënde, edhe pse ka mundësi që ju duhet të re-instaloni Pokemon Go.

4. Tani luaj! 

Pokemon Go tani është i gatshëm për tu luajtur nga pajisja juaj iPhone!

Si të shkarkoni dhe instaloni Pokemon Go për Android?

Kurse nëse doni ta luani Pokemon Go në Android, atëherë udhëzimet e mëposhtme tregojnë se si mund të shkarkoni atë nga një uebfaqe e palës së tretë (jashtë PlayStore-it).

1. Shkarko File-in APK për Pokemon Go

Fillimisht duhet t’i mundësoni pajisjes tuaj Android për të instaluar dhe hapur aplikacionet nga vende tjera. Mbani mend kur ndryshoni ketë opsion duhet të jeni të sigurt dhe të besueshëm për aplikacione tjera që instaloni.

Pokemon Go (3)

Shkoni tek Settings, pastaj Security, kaloni poshtë në opsionin ku thotë ardhshëm të vendit ku ai thotë “Unknown sources” dhe ktheni në opsionin ON.

2. Shkarkoni Pokemon Go për Android

Tani ju duhet të shkarkoni File-in APG për Pokemon Go. Nga pasjisja juaj Android shkoni në uebfaqen Pokemon Go APK dhe shtypni “Download APK”. Përzgjidh “OK” dhe Pokemon Go fillon të shkarkohet.

Pokemon Go (4)

3. Instalo Pokemon Go për Android

Pasi që File-i APK është shkarkuar, shpalosni njoftimet me gisht nga lartë, zgjidhni Pokemon Go, pastaj shtypni “Install”. Pokemon Go fillon të instalohet, dhe ju mundëson ta luani menjëherë.

4. Tani luaj!

Pokemon Go tani është gati për të luajtur në pajisjen tuaj Android. /ameble

Versioni Android i ardhshëm ndoshta “Android Nutella”

Versioni Android i ardhshëm ndoshta “Android Nutella”

Versioni i ardhshëm Android N tani është zyrtarisht në dispozicion për test. Google ka informuar se versioni i ri i Android-it është në dispozicion për përdoruesit që duan ta provojnë nëpërmes Developer Preview.

Ende nuk e dimë se çfarë emri përfundimtar do të ketë ky version, thashethemet thonë se mund të quhet edhe Nutella. Sidoqoftë, Google si duket është duke punuar që ky version të vijë me shumë karakteristika, ndryshe nga versionet e kaluara.

Android Nutella

Android N përfshinë një funksion të ri multitasking, pjesën e njoftimeve të ri-dizajnuar dhe përmirësime të baterisë. Një e re tjëter është mundësia e ndarjes së ekranit me përkrahje multitasking, opsion ky që mundëson përdorimin e dy aplikacione në të njëjtën kohë, të ndarë në ekran për gjysmë dhe punon në të dy pajisjet tablet dhe smartphone.

Ky version testues do të jetë në dispozicion për pajisjet Nexus 6P, Nexus 5X, Nexus 6, Pixel C, Nexus 9, Nexus Player dhe smartphone-in Android One të quajtur General Mobile 4G.

Ka edhe plotë ndryshime që pritet të bëhen në ketë version e që mund t’i gjeni në Android N Developer Preview. /ameble