Tag Archives

121 Articles
Google publikoi Android 7.1.2 Nougat për telefonët Pixel dhe Nexus

Google publikoi Android 7.1.2 Nougat për telefonët Pixel dhe Nexus

Si pjesë e përditësimeve mujore të muajit Prill, përdoruesit e smartphone-ve Pixel dhe Nexus morën një surprizë. Google ka publikuar versionin Android 7.1.2 Nougat së bashku me përditësimet, megjithatë përdoruesit nuk do të vënë re shumë ndryshime.

Edhe pse të gjithë besonin se Google kishte braktisur tabletin Pixel, 7.1.2 sjell lançuesin e Pixel dhe butonat e ri të navigimit edhe në ekranin e tabletit.

Por ajo ku 7.1.2 dallon nga 7.1.1 është ndërfaqja “multitasking”, stili i kartave i përket të kaluares dhe zihet nga një ekran qendror ku aplikacionet shfaqen në formatin 4 me 4.

Gjithashtu ky përditësim përmban disa rregullime gabimesh dhe përmirësime në performancë por edhe skanerit të shenjave të gishtërinjve dhe baterisë.

Përditësimi tashmë është n dispozicion në Pixel, Pixel XL, Pixel C, Nexus 6P, Nexus 5X dhe Nexus Player. /ameble.com

Bixby mund të instalohet në çdo Samsung Galaxy

Bixby mund të instalohet në çdo Samsung Galaxy

Bixby pritet të jetë pika kryesore në shitjen e serisë Galaxy S8, asistenti virtual i Samsung-ut tani nuk është diçka ekskluzive vetëm për seritë e reja Galaxy S8 dhe Galaxy S8+.

Përdoruesit kanë zbuluar se me vetëm pak përpjekje Bixby do të instalohet në smartphone-in tuaj.

Nuk është e nevojshme qe pajisjen ta keni root, ose asnjë ndërhyrje të dyshimtë, gjithçka që ju duhet është që pajisja juaj të ketë versionin Android 7.0 Nougat.

Samsung është vonë në lojë me Bixby, por kjo nuk ka rëndësi. Ky asistent virtual i Samsung-ut ofron të njëjtat funksionalitete që kanë Siri, Cortana dhe Google Assistant – por me disa veçori unike, siç është Bixby Vision që mundëson identifikimin e objekteve përmes fotografisë. /ameble

Çka është root?

Çka është root?

Me Root nga fjala angleze nënkuptojmë “Rrënjë”, pra në gjuhën e teknologjisë kjo i bie që i jep privilegje aplikacioneve të ndryshme në rrënjë (brendësi) të smartphone-ve. Me dhënien e këtyre të drejtave në programe të ndryshme nëpërmes Root jepet mundësia të ndryshohen shumë gjëra në smartphone, e që disa do ti cekim më poshtë.

Aplikacionet më të përdorura për smartphone që kanë Root:

Aplikacioni Greenify – për optimizimin e baterisë:


Seeder – Për rritjen e shpejtësisë në smartphone-it.

Xposed Framework – Modifikimin i ndërfaqes (UI)

Lucky Patcher (mundesh edhe pa root) – hackimin e lojërave offline.


Wifikill – ndaljen e Wi-Fi të personave në të njëjtin rrjet.

Google Maps në versionin 9.50 beta, ofron opsionin për të shpërndarë vendndodhjen tuaj – [APK Download]

Google Maps në versionin 9.50 beta, ofron opsionin për të shpërndarë vendndodhjen tuaj – [APK Download]

Google Maps tashmë ju ofron opsionin për të ruajtur dhe shpërndare vendndodhjen tuaj dhe të makinës tuaj me të tjerët.

Ky opsion u ofrua në versionin 9.42 por u hoq pasi disa përdorues filluan të kishin probleme me ruajtjen e vendndodhjeve si dhe shpërndarjes së gabuar të vendndodhjen. Ky opsion u rikthye sot në mëngjes dhe siç duket këto probleme janë rregulluar.

Ky opsion në fillim është duke u lansuar për përdoruesit beta të cilët e morën ketë opsion sot në mëngjes, por po ashtu ju mund ta shkarkoni atë ne linkun më poshtë ose duke u regjistruar si beta tester nga Google Play. /ameble.com

Shkarko

Pokemon GO, thuhet se ka fituar 14 milionë dollar për dy javë

Pokemon GO, thuhet se ka fituar 14 milionë dollar për dy javë

Një raporti i fundit nga Superdata pretendon se loja deri me tani ka arritur 14 milionë dollar. 14 milionë dollar është një shumë e madhe e të hollave për një aplikacion që është lansuar vetëm dy javë më parë.

SuperData Pokemon-GO

Duhet gjithashtu të theksohet se loja ende nuk është në dispozicion në shumë vende të botës. Lansimi i saj ndërkombëtar u ndërpre për shkak të çështjeve me server.

Sidoqoftë, nuk jemi të sigurt se nga kush i kanë marrë këta numra Superdata, por perderisa këta numra nuk janë zyrtar nga Niantic/Nintendo apo edhe kompania The Pokemon, ndoshta tani për tani nuk duhet marrë si një vlerë nominale, por pak a shumë mund të jetë reale sepse kjo lojë pa dyshim së ka marrë botën. /ameble

Facebook blen aplikacionin që ndryshon fytyrën “Masquerade”

Facebook blen aplikacionin që ndryshon fytyrën “Masquerade”

Në qoftë se hapni Google PlayStore apo AppStore dhe kontrolloni listimet e aplikacioneve, atëherë mund të keni parë një aplikacion që është popullarizuar këto ditë, i quajtur Masquerade.

Masquare Facebook

Masquerade është një nga aplikacionet që ka marr popullaritet të madh shumë shpejt, e që tani sipas një njoftimi ky aplikacion është blerë nga Facebook.

Masquerade posedon lloje të ndryshme të filtrave që mund të futen në fytyrë dhe të ndryshohen derisa t’ju duket diçka e mirë. Si aplikacion të njëjtën gjë mund të bëjë edhe me video dhe pastaj mund të shpërndahet në rrjete sociale.

Facebook ka menduar se ky trend nuk do të zhduket për një kohë dhe kjo mund të jetë arsyeja pse ajo ka shpenzuar një shumë të pazbuluar për të blerë kompaninë që e ka zhvilluar këtë aplikacion.

Masquerade ka gjasë që filtrat e aplikacionit të tyre t’i fusin brenda aplikacionit Facebook. /ameble

Versioni Android i ardhshëm ndoshta “Android Nutella”

Versioni Android i ardhshëm ndoshta “Android Nutella”

Versioni i ardhshëm Android N tani është zyrtarisht në dispozicion për test. Google ka informuar se versioni i ri i Android-it është në dispozicion për përdoruesit që duan ta provojnë nëpërmes Developer Preview.

Ende nuk e dimë se çfarë emri përfundimtar do të ketë ky version, thashethemet thonë se mund të quhet edhe Nutella. Sidoqoftë, Google si duket është duke punuar që ky version të vijë me shumë karakteristika, ndryshe nga versionet e kaluara.

Android Nutella

Android N përfshinë një funksion të ri multitasking, pjesën e njoftimeve të ri-dizajnuar dhe përmirësime të baterisë. Një e re tjëter është mundësia e ndarjes së ekranit me përkrahje multitasking, opsion ky që mundëson përdorimin e dy aplikacione në të njëjtën kohë, të ndarë në ekran për gjysmë dhe punon në të dy pajisjet tablet dhe smartphone.

Ky version testues do të jetë në dispozicion për pajisjet Nexus 6P, Nexus 5X, Nexus 6, Pixel C, Nexus 9, Nexus Player dhe smartphone-in Android One të quajtur General Mobile 4G.

Ka edhe plotë ndryshime që pritet të bëhen në ketë version e që mund t’i gjeni në Android N Developer Preview. /ameble

Sipas Ofcom: Dritat zbukuruese të vitit të ri mund të ngadalësojë rrjetin WiFi (Video)

Sipas Ofcom: Dritat zbukuruese të vitit të ri mund të ngadalësojë rrjetin WiFi (Video)

Kompania Ofcom ka njoftuar për lansimin e një aplikacioni të tyre të ri mobil Wi-Fi Checker, i cili është zhvilluar për të kontrolluar nëse rrjeti WiFi i juaji është duke punuar si duhet ose jo.

Ofcom gjithashtu ka zbuluar se ka diçka që nganjëherë mund të ngadalësoj rrjetin WiFi, njëra nga këto që dobëson rrjetin mund të jenë edhe dritat zbukuruese të vitit të ri, të cilat mund të ndërhyjnë në sinjalin WiFi.

“Në një qytet me plotë pajisje elektronike përreth, të tilla si furra me mikrovalë, pajisjet për monitorimin e fëmijëve, llambat apo edhe dritat zbukuruese të vitit të ri, nuk mund të ketë rrjet WiFi stabil”, kanë thënë Ofcom. /ameble

Për pajisjet Androin/iOS aplikacionin Ofcom Wi-Fi Checker mund ta shkarkoni me poshtë sipas platformës:

Google Chrome Beta vjen në pajisjet iOS

Google Chrome Beta vjen në pajisjet iOS

Google nga tani u mundëson përdoruesve të iOS-it që të testojnë versionin Beta të Chrome-it, e cila në heshtje ka shtuar përkrahjen për iPhone dhe iPad në listën e platformave për teste.

Google Chrome Beta

Versioni Beta i shfletuesit të Google-it për smartphone vjen edhe me përkrahje për 3D Touch dhe disa mundësi tjera të vogla. Kompania me ketë hap u mundëson të testoni duke përdorur TestFlight të Apple-it.

Për të testuar Chrome Beta për iOS, ju duhet të shkarkoni dhe regjistroheni në TestFlight nga AppStore, pastaj vizitoni ueb-faqen e Google Chrome Beta dhe thjesht shtypni butonin “download Chrome Beta”. Pas kësaj e pranoni një email për konfirmim ku ju duhet të prisni derisa TestFlight ju dërgon konfirmimin që aplikacioni është i gatshëm për shkarkim.

Në anën tjetër dobitë e opsionit 3D Touch janë se mundëson të shtypni me pak forcë në ekranin e faqes së Chrome-it nga e cila, pastaj hapët një meny e re me ekstra opsione.

Pra, të gjitha këto janë disa mundësi dhe opsione të reja nga Google Chrome për iOS. /ameble

Google Maps Offline tani ofron navigim të plotë

Google Maps Offline tani ofron navigim të plotë

Kompania Google me herët kishte njoftuar se do të sjellë një version të plotë të hartave, ku mund të përdoren pa lidhje interneti (offline). Më saktësisht, kemi pasur qasje që të ruajmë hartat offline në pajisjet mobile, por nuk kanë qenë aq shumë të përdorshme, tani me versionin e ri do të kem më shumë mundësi.

Google maps Offline

Gjiganti Google ka njoftuar se Google Maps tani ofron navigim të plotë, madje edhe kur nuk kemi lidhje interneti. “Përveç që mund të shihen sipërfaqe e rrugë të vendeve, tani ofrohen edhe drejtime, mundësi kërkimi për destinacione të caktuara apo edhe dhe për të gjetur informacion të nevojshme në lidhje me vendet.” Shembull, gjendeni në një qytet dhe ju intereson të gjeni dyqanin e caktuar, atëherë nëpërmes Google Maps Offline do t’ju paraqiten informatat e atij dyqani më të afërm.

Për të pasur këto mundësi, ju nevojitet të shkarkoni hartat në pajisjet tuaja. Hapeni Google Maps në Android, shkoni tek menyja “Offline areas”, shtypni butonin +, për të shtuar një vend/qytet të ri. Pastaj, duhet të zgjidhni madhësinë e zonës offline (sa më të gjerë e zgjidhni zonën në hartë, aq më shumë hapësirë zihet në pajisjen tuaj.)

Perditësimi i fundit i Google Maps për Android fillon lansimin “gradualisht”, ka thënë Google, që do të thotë se nuk do të jetë në dispozicion për të gjithë menjëherë. /ameble

Microsoft shton opsionin slow-motion për disa smartphone Lumia

Microsoft shton opsionin slow-motion për disa smartphone Lumia

Windows CameraMicrosoft ka përditësuar aplikacionin e tyre të kamerës për Windows 10 duke shtuar kështu mundësinë për incizimin e videove të ngadalshme (slow-motion), në disa smartphone Lumia të caktuar. Aplikacioni aktualisht posedon mundësinë e incizimit 120 frames për sekondë në rezolucion 720p.

“Opsioni Slow-motion ka qenë një nga kërkesat më të shpeshta që kemi marr nga njerëzit duke përdorur aplikacionin e kamerës për Windows Phone dhe Windows 10”, ka thënë Microsoft.

Ky opsion aktualisht do të jetë në dispozicion për Lumia 930, Lumia 1520, Lumia Icon dhe mund t’ju themi se do të jetë në dispozicion edhe për modelet e reja Lumia 950 dhe 950 XL. Përditësimi mund të bëhet nepërmes aplikacionit të kamerës. /ameble

Microsoft zyrtarisht me ndërfaqe të veten për Android, Arrow Launcher

Microsoft zyrtarisht me ndërfaqe të veten për Android, Arrow Launcher

Më herët këtë vit, Microsoft kishte filluar testimin e një ndërfaqe (Launcher) të tyre për platformën Android, të quajtur Arrow. Tani kjo ndërfaqe është e gatshëm dhe mund të shkarkohet nga Google Play Store.

Microsoft Arrow launcher

Roli kryesor i ndërfaqës Arrow është së posedon qasje të drejtpërdrejtë në të gjitha aplikacionet që përdorni më shpesh.

Microsoft ka futur një faqe të veçantë vetëm për Widgets, ku mund të shtoni widgets sa të doni dhe t’i lëvizni ato poshtë e lartë apo edhe t’i shihni të gjitha. Kjo është një mundësi interesante sepse zakonisht Widgets në Android janë të futura në ndërfaqe majtas apo djathtas, që për të parë motin, e-mail-in apo çfarëdo tjetër ju duhet të kaloni nëpër ndërfaqe majtas apo djathtas.

Gjithashtu posedon një faqe e fundit (Recent page) që tregon listën vertikale të të gjitha dokumenteve tuaja të fundit, fotografive, aplikacioneve të instaluara apo edhe thirrjeve telefonike.

Në përgjithësi Arrow duket i lezetshëm, edhe pse nuk ofron aq shumë mundësi për përshtatje, siç janë mësuar ti kenë disa dashamir të flakt të Android-it, por prapë së prapë nuk humbni asgjë nëse e provoni. /ameble