Për fëmijët nuk ka qenë asnjëherë më i lehtë dhe më argëtues mësimi i numrave në gjuhën shqipe. Pas suksesit të madh me aplikacionin “Alfabeti”, që deri më tash ka arritur mbi 100 mijë shkarkime në App Store dhe Play Store, kompania Trigonom sjell aplikacionin e ri “Numrat” – që u dedikohet më të dashurve tanë, fëmijëve.
Aplikacioni “Numrat” është dizajnuar në atë mënyrë që, nëpërmjet ilustrimeve dhe lojërave, fëmijët pa përtesë të mësojnë t’i shkruajnë, respektivisht shqiptojnë numrat në gjuhën shqipe.
Aplikacioni përmban në vete mësimin e numrave që shqiptohen me zë, ilustrime përkatëse, si dhe mundëson shkrimin e numrave në një dërrasë të zezë me ngjyra të ndryshme. Gjithashtu, gjatë mësimit të numrave, fëmijët do të fitojnë dhe dhurata (bonuse) të ndryshme, që i inkurajojnë ata për të vazhduar më tutje.
“Marrë parasysh suksesin që ka pasur aplikacioni Alfabeti dhe kohën që fëmijët kalojnë në telefona të mençur apo tabletë, kompania Trigonom është përpjekur t’iu mundësojë atyre që një pjesë të asaj kohe ta kalojnë duke i mësuar numrat në gjuhën shqipe. Kompania jonë është e përkushtuar që të ofrojë aplikacione – të cilat përveç pjesës argëtuese të përmbajnë dhe pjesën edukative për fëmijët”, ka deklaruar Mentor Paçarada, themelues i Trigonom me rastin e lansimit të aplikacionit “Numrat”.
Prandaj, nëse posedoni një pajisje smartphone ose tablet ju mund ta shkarkoni aplikacionin “Numrat” nga App Store ose Play Store – në mënyrë që fëmijët tuaj t’i mësojnë numrat në mënyrë sa më të lehtë.
iPhone: https://itunes.apple.com/…/numrat-meso-shkruaj…/id959571941…
iPad: https://itunes.apple.com/…/numrat-hd-meso-shkr…/id961763549…
Android: https://play.google.com/store/apps/details…
Ky produkt i radhës i kompanisë Trigonom në industrinë e edukimit – pas Alfabetit – u dedikohet parashkollorëve e sidomos konsumatorëve në diasporë, të cilët për shkaqe të ndryshme nuk mund t’ua mësojnë fëmijëve të tyre gjuhën shqipe. /ameble
Pas debutimit të suksesshëm të Alfabetit Shqip për iOS dhe kërkesave të vazhdueshme prej përdoruesëve për ta pasur në dispozicion aplikacionin edukativ edhe në Android, Trigonom sot ka lansuar Alfabetin në Shqip edhe për këtë platformë.