Tag Archives

29 Articles
Shumë shpejt në treg një tablet Android me markën e BlackBerry

Shumë shpejt në treg një tablet Android me markën e BlackBerry

Përderisa BlackBerry po tenton të ringjallet si një kompani softueri, kjo nuk e ka penguar kompaninë të vendos emrin e saj në smartphone Android të prodhuar nga të tjerët si modelet DTEK50, DTEK60 dhe KEYOne. Së fundi shefi ekzekutiv John Chen la të kuptohej se emri i kompanisë do të jetë pjesë edhe e një tableti Android.

Sipas BlackBerry, gjatë publikimit të raportit financiar të fundit për 2016-ën, shefi ekzekutiv ishte shprehur se duhet të lëviznin drejt fazës tjetër të licencimit të emrit që do të thotë se së shpejti BlackBerry do të ketë një tablet.

Chen nuk dha detaje se kush do të jetë prodhuesi i tablet-it por aktualisht dimë se kompania ka marrëveshje me TCL Communications, BB Merah Putih dhe Optimus për prodhimin e pajisjeve me emrin e BlackBerry.

Nëse ky synim bëhet realitet, nuk do të ishte hera e parë që shohim tablet BlackBerry. Në 2011-ën kompania publikoi BlackBerry PlayBook, një tablet 7 inç me sistemin operativ të kompanisë.

Pavarësisht reklamimit të shumtë që ju bë, PlayBook pati shitje të dobëta. /ameble.com

Nga tani edhe me BlackBerry mund të bëhen WhatsApp thirrje telefonike

Nga tani edhe me BlackBerry mund të bëhen WhatsApp thirrje telefonike

WhatsAppNë janar të këtij viti, WhatsApp kishte lansuar një shërbim të ri i quajtur “WhatsApp Web”, nëpërmjet të cilit, përdoruesit e aplikacionit WhatsApp, mund të përdorin aplikacionin kompjuter dhe ne edhe në atë kohë, ne kemi përgatitur një edutek se si instalohet WhatssApp në kompjuter.

Më pas, WhatsApp kishte sjell edhe një shërbim të ri i cili mundëson thirrje telefonike falas i cili fillimisht ishte aktiv vetëm për pajisje Android.

Po të njëjtin shërbim, WhatsApp ka mundësuar me përditësimin e javës së kaluar për pajisje iOS ndërsa nga sot këtë mundësi do ta kenë edhe pajisjet BlackBerry.

Versioni i fundit i WhatsApp për BlackBerry 10 është në dispozicion nga World Store BlackBerry dhe mund të shkarkohet duke klikuar mbi linkun e mëposhtëm:

WhatsApp për BlackBerry 10 /ameble

Blackberry gati të publikojë tre telefona të rinj

Blackberry gati të publikojë tre telefona të rinj

Blackberry definitivisht ka qenë duke jetuar ditët më të vështira që nga koha kur Apple dhe Samsung kanë sjellë telefonat e tyre të mençur në këtë botë. Përkundër të gjitha vështirësive dhe derës së ngushtë për të depërtuar ne treg kompania legjendare BlacBerry nuk është ndalur së funksionuari duke pasur si target një klientelë të vogël.

Blackberry watch1

Me produktin e tyre Blackberry Lean, i cili u publikuar ne MWC 2015, kjo kompani nuk arriti që të tërheq shumë vëmendjen e njerëzve, megjithë tani ka më shumë shpresë që kjo e fundit të rikthej sado pak lavdinë e kaluar. Nëpër internet kanë filluar të shpërndahen disa fotografi të tre llojeve të ndryshme të telefonave të mençur me karakteristikë të veçantë ekranin e zgjeruar në formën e lakuar (curved) në të dy pjesët anësore.

Informata të detajuara nuk ka rreth këtyre produkteve, por jo zyrtarisht merret vesh se ekrani i këtyre modeleve pritet të jetë i madhësisë 5.1-inc me rezolucion 1440 x2560 pikselë, kamera e pasme prej 16MP dhe bateria 3.650 mAh.

Përveç ekranit “touch” si gjithmonë BlackBerry ka të integruar edhe tastierën e saj të famshme QWERTY të integruar ne secilën prej pajisjeve.

Për më shumë detaje na mbetet të presim në ditët në vijim. /ameble

BlackBerry dhe Samsung bashkohen për zhvillimin e një tableti

BlackBerry dhe Samsung bashkohen për zhvillimin e një tableti

BlackBerry nuk ka pasur shumë fat në tregun e tabletve. Ajo deri më tani ka lansuar vetëm një tablet të quajtur PlayBook, ku lirishtë mund të themi se ka dështuar. Prej asaj kohë kompania ka tentuar të nxjerr një të ri, por nuk ka qenë shumë serioze në lidhje me ketë.

Si pjesë e ngritjes së partneritetit në mes të dy kompanive të BlackBerry-it dhe Samsung-ut, ato tani janë bashkuar për të punuar në një tablet të ri. Pajisja, e quajtur SecuTablet, aktualisht është një bashkëpunim në mes të Samsung-ut, Secusmart dhe IBM-it. Për ata që nuk e dinë Secusmart është një kompani gjermane që është e specializuar në produktet për siguri, ku vitin e kaluar kjo kompani ishte blerë nga BlackBerry.

 

I quajtur “si i sigurtë” SecuTablet në fakt është një version i modifikuar i Samsung Galaxy Tab S 10.5. Ky tablet përmban kartën e sigurimit Secusmart, që mundëson enkriptimin e zërit dhe të dhënave. SecuTablet në shitje pritet të dalë më vonë gjatë këtij viti. Si pajisje nuk duket që për synim ka tregun e konsumit. Tableti në fjalë në të vërtetë si pajisje pritet t’i përmbushë nevojat e qeverive dhe kompanive që dëshirojnë të kenë tablet në vendet e punës, por që janë të shqetësuar për mbrojtjen dhe sigurinë e të dhënave.

Teknikisht ky tablet nuk mund të quhet si tablet i BlackBerry-t, pasi që nuk posedon sistemin operativ BB10 të kompanisë dhe për faktin se ky është dizajnuar dhe zhvilluar nga Samsung. BlackBerry vetëm se ka siguruar softuerin që e bën atë më të sigurt.
Zyra Federale për Sigurinë e Informacionit në Gjermani tani është duke vlerësuar ketë tablet, në mënyrë që të mund të vërtetohet se a mund të përdoret nga qeveritë apo jo. /ameble

Apple dhe Google dominojnë në tregun botëror të smartphone-ve

Apple dhe Google dominojnë në tregun botëror të smartphone-ve

Nëse ndonjëherë keni menduar se pse zhvilluesit e aplikacioneve gjithmonë si tendencë fillimisht kanë zhvillimin e aplikacioneve për iOS ose Android, apo ndoshta të dyja, kjo është për shkak se këto dy platforma janë më të përdorura për momentin, ku ketë e konfirmon edhe raporti i kohëve të fundit nga IDC.

Sipas IDC-së, në 2014-tën tregu në kombinim me Apple dhe Google ishte diku 96.3%.

 

Ky kombinim fillimisht përfshinë pjesën e tregut të Google-it e cila është në skenë me 81.5% kurse Apple me 14.8%. Platformat tjera si Microsoft dhe BlackBerry përbëjnë 2.7% përkatësisht 0.4%. Tani është e qartë se platforma Android e Google-it është në krye, por IDC thotë se pavarësisht paraprirjës nga Google, Apple është e thënë të jetë e renditur më 90% në fitime të industrisë nga të gjitha. /ameble

Rrjedhin detajet të BlackBerry Rio Z20

Rrjedhin detajet të BlackBerry Rio Z20

BlackBerry Rio Z20Pas zyrtarizimit të modelit BlackBerry Classic, si duket BlackBerry është duke punuar edhe në një model të ri, i koduar me emrin BlackBerry Rio Z20 për të cilin kanë filluar të rrjedhin edhe informatat e para.

Pajisja e re, pritet të vij me një dizajn sportiv me ekran 5-inç i cili ofron rezolucion prej 1280 x 720 pikselëve.

Duke u bazuar në informata të para që kanë rrjedhur në internet, specifikat e BlackBerry Rio Z20 tregojnë se pajisja ka të integruar procesorin 2-bërthamor nga Snapdragon S4 me shpejtësi prej 1.5GHz, 2GB RAM memorie, 16GB hapësirë të brendshme dhe është vetëm 9.5mm i trashë.

Specifikat të tjera të BlackBerry Rio Z20 përfshijnë: kamerën kryesore 8 megapikselë, kamerën frontale 2 megapikselë, bateria 2800 mAh dhe përkrahja e teknologjive LTE, WiFi, Bluetooth 4.0 me DLNA dhe Miracast.

Modeli Blackberry Rio Z20 pritet të lansohet në shkurt të vitit 2015. /ameble

Ngjarja BlackBerry Enterprise Server e caktuara me 13 Nëntor

Ngjarja BlackBerry Enterprise Server e caktuara me 13 Nëntor

BlackBerry LogoBlackBerry ka njoftuar se do të mbajë një ngjarje me datën 13 Nëntor në San Francisko. Krye-shefi John Chen do të jetë i pranishëm së bashku me drejtuesit e lartë të kësaj kompanie. Në ketë ngjarje pritet të bëhen disa njoftime si nga ana softuerike ashtu edhe ajo harduerike.

Kompania BlackBerry pritet të flas gjithashtu për strategjitë e saja në të ardhmen, duke u përpjekur që me vështirësi të mbaj kompaninë gjallë. /ameble

Lansohet BlackBerry Passport

Lansohet BlackBerry Passport

Gjatë muajve të fundit vet kompania BlackBerry ka paralajmëruar në internet me disa shenja për pajisjen e tyre të ardhme BlackBerry Passport duke shkaktuar thashetheme. Smartphone-i tani është lansuar zyrtarisht.

Blackberry Passport

BlackBerry Passport vjen me ekranin katror 4.5 inç, rezolucionin 1440 x 1440 pikselë dhe 453 ppi. Procesori 4-bërthamor Snapdragon 800 (2.2 GHz), me 3GB RAM. Posedon 32 GB hapësirë të integruar plus portën MicroSD që përkrah deri 64GB. Fuqia e baterisë është 3450 mAh.

Gjithashtu vjen me tastierë fizike tre rreshtore QWERTY, që është një tastierë e re nga kompania të cilën e ka quajtur “Touch Enabled keyboard” ku sipas BlackBerry-it është dizajnuar të jetë më e saktë se tastierat standarde.

Ky smartphone vjen me versionin e ri të sistemit operativ mobil të BlackBerry-it, BlackBerry OS 10.3, dhe asistentin e aktivizuar BlackBerry Assistant. Gjithashtu përmban shërbimin për email-a BlackBerry Hub, që është zhvilluar të jetë qendra apo pika kryesore për të gjitha mesazhet tuaja, që përfshinë thirrje telefonike, mesazhet me tekst, email-at, BBM etj.

BlackBerry Passport më shitje fillon menjëherë nga sot në SHBA dhe do të shitet me pakicë për 599$, ende nuk ka informata për vendet tjera. /ameble

Rrjedhin informata për BlackBerry me dizajn Porsche

Rrjedhin informata për BlackBerry me dizajn Porsche

Blackberry pritet të fillon me një dizajn të veçantë të model të ri të smartphone-it BlackBerry 10, me dizajn Porsche.

Dizajni i ri nga Porsche nga BlackBerry, do të vijë me numrin e modelit P9883 i cili do të zëvendësojë modelin aktual P9882.

Porsche Design BlackBerry P9883

Porsche BlackBerry P9883 do të vijë me një ekran me prekje 3.5 inç i përkrahur nga një procesor 2-berthamor me shpejetsi prej 1.7 GHz, 3GB RAM memorie, 64GB e haphapësirë të brendhme për ruajtje si dhe do të vije me tastierën e famshme QWERTY.

Ende nuk ka detaje për datën e saktë se kur do të lansohet modeli me dizajni nga Porsche, ndërsa çmimi i shitjes me pakicë pritet të jetë rreth  2,000 $. /ameble

Edhe BlackBerry zyrtarizon asistentin e tyre me zë

Edhe BlackBerry zyrtarizon asistentin e tyre me zë

BlackBerry-assistantBlackBerry sot zyrtarisht ka zbuluar asistentin me zë që, ngjashëm siç është Siri, Google Now dhe Cortana, që ju mundëson përdoruesve të komunikojnë me smartphone-at e tyre duke përdorur komandat me zë. Zyrtarisht është emëruar BlackBerry Assistant dhe si softueri Microsoft Cortana, është bërë për të shërbyer si një asistent personal për përdoruesit e smartphone-ve.

Në një blog postim të shkurtër të tyre, kompania ka shpjeguar disa nga opsionet e përdorimit BlackBerry Assistant, por nuk e ka shpjeguar në detaje se çfarë mund të bëjë. Përdoruesi mund t’i kërkoj softuerit që të lexoj email-a të ri, për shembull, ose të kontrolloj motin. Gjithashtu mund të përdoret për të dërguar mesazhe, të rregulloj orare, hap ndonjë aplikacion specifik, si dhe shumë tjera.

BlackBerry nuk ka shkruar nëse posedon mundësin e kërkimit me pyetje, por është thënë se për me shumë detaje pritet të jepen në kohën kur të lansohet versioni përfundimtar i BlackBerry 10.3. /ameble

BlackBerry prezanton dy smartphone të ri në MWC, modelet Z3 dhe Q20

BlackBerry prezanton dy smartphone të ri në MWC, modelet Z3 dhe Q20

Pas disa modeleve të reja Android që janë prezantuar nga kompani tjera, edhe BlackBerry sot ka dal në skenën e Kongresit Botëror të pajisjeve Mobile për të publikuar dy smartphone të ri, Z3 dhe Q20 që posedojnë platformën BlackBerry 10. All-touch Z3 ka për synim tregjet e reja duke filluar nga Indonezia, ndërsa modeli Q20 me tastierë QWERTY ka për synim klientët e kompanive.

BlackBerry Z3

Z3 vjen i pajisur me ekran 5 inç, me bateri të qëndrueshme dhe platformën BlackBerry me version 10.2.1. Ky smartphone do të fillojë debutimin në Indonezi duke filluar nga muaji Prill me lidhje 3G për me pak se 200 $ (ose 145 €), ndërsa një model tjetër me LTE është planifikuar të dal në treg më vonë.

Q20 synon përpjekjet e saja për të marrë klientët e ndërmarrjeve, me një tastierë të plotë QWERTY, ekranin e madhësisë 3.5-inç me prekje kurse baterinë edhe me të fuqishëm se sa modeli Z3. BlackBerry gjithashtu premton se të lansohet ky model prtet do të shfaqet me harduer të lartë dhe dizajn të qëndrueshëm. Kompania nuk ka treguar se sa do të kushtojë ky model. /ameble

BlackBerry lanson rrjetin e tyre social BBM Channels

BlackBerry lanson rrjetin e tyre social BBM Channels

BBM channelsSi pjesë e projekteve të BlackBerry-t për të tërhequr më shumë njerëz për platformën e tyre BBM, kompania blackberry nga Waterloo të martën zyrtarisht ka filluar të lansoj rrjetin social BBM Channels, shërbim ky i cili është i ngjashëm me Twitter që u mundëson kompanive dhe të famshmëve për t’u lidhur direkt me fansat. Kompania tha se rrjeti i tyre social fillimisht do të integrohet në shërbime të saj për mesazhe BBM messaging e cila së shpejti do të shfaqet në disa pajisje për Afrikë, Indi, Indonezi, Amerika Latine dhe Lindja e Mesme.

Me mbi 80 milion njerëz përdorin BBM messaging, BlackBerry ka projektuar BBM Channels për të gjeneruar të ardhura nga shërbimi i mesazheve, e cila aktualisht nuk ka reklama. Rrjeti social në muajt e ardhshëm pritet të shfaqet edhe për pajisjet iOS dhe Android, që sipas të dhënave të fundit të dy platformat konkurruese aktualisht kanë rreth 20 milionë përdorues të BBM. |ameble|