Tag Archives

7 Articles
Cortana në Xbox One: Këto janë komandat më të mira me zë

Cortana në Xbox One: Këto janë komandat më të mira me zë

Nëse ende nuk e keni përdorur Coratanan në Xbox One, Microsift do të dëshironte që ta provoni.

Si pjesë e Xbox One creators update, asistuesi virtual i  Microsoft ka pranuar një përditësim, dhe mbështet disa gjëra të reja siç janë reminders ( lajmërimet) dhe alarmi. Sidoqoftë disa komanda të zërit janë më të mira se të tjerat në Xbox One, dhe nëse e keni përdorur Cortanan në kompjuter duhet të dini se disa komanda ende nuk janë të gatshme për konzolën Xbox One.

Më poshtë është një listë e komandave më të mira të zërit për Cortana në Xbox One. Për të i aktivizuar ato duhet të keni një mikrofon ose një Kinect, dhe secilën komandë duhet ta filloni me “Hey Cortana”. Për listën e plotë të komandave, duke përfshirë edhe ato që ndoshta nuk ju duhen në Xbox One vizitojeni faqen e Microsoft.

Komandat më të mira për Cortana në Xbox One

”Play [loja]” – Fillon Lojën.

”Go home” – Kthehet në ekranin kryesor ”home screen”.

”Friends,” “Notifications,” “Messages,” “Achievements”– e hapë atë kategori.

”Invite [emri i shokut] to the party” – Nuk keni nevojë për emrin e saktë, Cortana do të e gjejë emrin që përshtatet më së miri.

”Leave the party”

”Send message to [emri]” – Cortana pastaj do të ju pyes se çfarë t’i thoni.

”Record that” – Do të ruaj 30 sekondat e fundit që luajtët në  lojë.

”Take a screenshot”

”Start a broadcast” – Fillon trasmetimin në Beam. (Nuk mund të hynni në trasmetim në Twitch me zë.)

”Remind me to [detyra]” – Cortana do të ju ofroj për të vendosur kohë dhe datën, dhe pastaj do të ju njoftoj për të në kohë edhe në paisjet tjera ku e përdorni Cortanan.

”What’s the weather this weekend?” ose “What’s the weather in [vendi] on [data]?” Cortana ju shfaq motin

”Pause” ose ”Play” – Përdoreni këtë për të kontrolluar muzikën në prapavijë.

”Videos of [termi i kërkimit]” – Shkurtesë e përdorshme për t’i shikuar videot nga Youtube në shfletuesin Edge.

”Use a code” – Për të paguar artikuj në Store.

Këto janë komandat më të mira ndërsa ka komanda që thuhet se punojnë në Cortana në Xbox One por në fakt nuk punojnë, në disa prej tyre Cortana ju thotë që t’i provoni pas përditësimeve të reja.

Cortana në iOS dhe Android

Cortana në iOS dhe Android

Cortana AndroidAsistenti digjital nga Microsoft, Cortana, aktualisht është në dispozicion vetëm në platformën Windows Phone dhe si duket Microsoft është duke e përgatitur versionin e saj edhe për platforma të tjera.

Sipas një raporti të fundit nga Reuters, Microsoft është fokusuar në një version të veçantë të Cortanes i cili do të jetë në dispozicion për të shkarkuar për pajisjet nga Apple dhe Android. Microsoft kishe njoftuar edhe më parë për planet e saja në lidhje me Cortanen, për integrimin e saj edhe jashtë platformës Windows Phone, si asistent digjital edhe për platformën desktop në sistemin e ri operativ Windows 10.

Apple dhe Google tashmë kanë ndihmësit e tyre digjitale, Apple e ka Siri dhe Google ka Google Now dhe Microsoft është duke kërkuar për të zgjeruar shërbimin e tyre në platformat e tjera jashtë Windows Phone.

Sigurisht kjo ende ka për t’u konfirmuar nga Microsoft, dhe po sa marrim më shumë informata mbi Cortanen dhe përkrahjen e saj për platformat iOS dhe Android, ne do të ju njoftojmë. /ameble.com

Windows 10 shfaqet me integrimin e Cortana-s dhe aplikacionin e ri Xbox

Windows 10 shfaqet me integrimin e Cortana-s dhe aplikacionin e ri Xbox

Një tjetër paraqitje e Windows 10 është shfaqur duke zbuluar kështu një numër karakteristikash të reja, ku gjithashtu thuhet se për këto karakteristika Microsoft po planifikon të njoftoj në janar.

Windows 10 Cortana dhe Xbox

 

Përveç integrimit të shumëpritur Cortana, gjithashtu do të jetë edhe një aplikacion i ri për Xbox. Ky version vjen me shifrën e zhvillimit 9901, dhe është vetëm si test nga përdoruesit e Windows 10, raporton The Verge. Rrjedhjet e fundit kanë konfirmuar tashmë se Cortana do të jenë e futur në Windows 10, por shfaqja e tanishme tregon se si pikërisht do të funksionoj ajo.

Asistenti digjital Cortana do të integrohet në funksionin ekzistues të kërkimit Windows Search dhe do të përgjigjet nga të dyja, më zë dhe me tekst. Cortana për Windows 10 është në thelb e njëjtë me versionin e Windows Phone-it.

Përveç Cortana-s, më emocionuese për lojtarët është aplikacioni i ri i Xbox-it, që duket se do të veproj si një portë lidhëse për Xbox-in. Përdoruesit do të jenë në gjendje të shohin të arriturat në lojëra, hyn në listën e miqve, të shohim aktivitete tjera, madje edhe të blejnë nga dyqani online Xbox. Më vonë është menduar që aplikacioni Xbox të ofroj edhe integrimin e SmartGlass.

Në ketë paraqitje të Windows 10 shihen ndryshime edhe në Control Panel, animacione të reja në TaskView switcher etj.

Këto ndryshime dhe tipare të reja si dhe lansimin e parë si para-pamje të Windows 10 Microsoft pritet t’i bëjë në një ngjarje në muajin janar. /ameble

Cortana për Android dhe iOS mund të arrihet

Cortana për Android dhe iOS mund të arrihet

Cortana AndroidCortana ka vetëm një muaj që është lansuar kurse Microsoft nga tani është duke menduar se si të sjellë asistentin personal digjital në pajisje dhe platforma tjera, duke përfshirë iPhone dhe pajisjet Android. Duke folur në konferencën SMX në Seattle, kompania ka konfirmuar se është duke punuar që Cortana të kaloj disa shkallë më lartë, raporton Search Engine Land.

Asistenti personal digjital nga Microsoft ka hyrë pak me vonesë në ketë lojë, krahasuar me Apple Siri dhe Google Now, por e veçanta e kësaj është se Cortana ofron disa karakteristika unike që mund të jenë interesante për pajisjet iPhone dhe Android.

Se a do të ketë sukses Cortana në platformat tjera kjo mbetet të shihet. Google Now është një mjet shumë i rëndësishëm në Android, por nuk e ka efektin e njëjtë të saj në iOS.

Tani për tani, për ta eksperimentuar asistentin Cortana ju duhet ta keni smartphone-in me Windows Phone. /ameble

Cortana vs Siri vs Google Now [Video]

Cortana vs Siri vs Google Now [Video]

Microsoft sot më herët ka lëshuar versionin Windows Phone 8.1 Developer Preview (për zhvilluesit), ky është versioni i parë i Windows Phone-it që vjen me asistentin me zë Cortana të tyre, dhe menjëherë pas lansimit është publikuar një video krahasim për Cortana vs Siri vs Google Now.

Video më poshtë është testuar dhe incizuar WPCentral dhe aty kanë shfaqur smartphone-at iPhone 5S me Siri, Motorola Moto X me Google Now dhe Nokia Lumia Icon me Cortana.

[youtube id=”-HJodK56EsU” width=”600″ height=”350″]

Pra siç e patë Microsoft Cortana duket të jetë mjaft mirë dhe që reagoi shpejt kundër Apple Siri dhe Google Now, duke marr parasysh se ky version i Cortana-s ende është version beta testues ku në dispozicion është vetëm për zhvilluesit.

Do të jetë vërtetë interesant të shohim se çfarë përmirësimeve do të bëj Microsoft në versionin Final të këtij aplikacioni për Windows Phone 8.1! /ameble

Kjo është Cortana, përgjigjja e Microsoft-it për Apple Siri dhe Google Now

Kjo është Cortana, përgjigjja e Microsoft-it për Apple Siri dhe Google Now

Versioni i ardhshëm i Windows Phone-it po përgatitet të jetë evolucioni më i madh i këtij sistemit operativ mobil nga Microsoft. Tanimë dihet se Cortana, asistenti digjital i kontrolluar me zë i Windows Phone-it do të ketë parametra të avancuar të privatësisë, për përdoruesit që duan të kenë nën kontroll të plotë të gjitha ato të dhëna që ata dëshirojnë ti shpërndajnë.

Nuk është gabim nëse mendohet që lansimi zyrtar i Cortana-s mund të bëhet në konferencën për zhvillues të Microsoft-it “Build” që mbahet muajin e ardhshëm, megjithatë, ende nuk është e qartë se si do të duket apo funksionoj Cortana.

The Verge këtë javë ka pranuar një informatë për Cortana-n se si do të duket. Në screenshot-in e më poshtëm, mund të shihni se Cortana do të shfaqet si një rreth i vogël në të kaltër. Aty gjithashtu janë paraqitur disa cilësi, të tilla si opsioni për të fikur sugjerimet nga Cortana, opsioni për të ndryshuar emrin më të cilin Cortana do të ju drejtohet etj.

Cortana screenshot

Detajet e plota do t’i shohim në prezantimin e versionit të ardhshëm Windows Phone 8.1, për të cilin jemi afër lansimit. Deri atëherë mund të përdorim rivalet e tij Siri dhe Google Now. /ameble

Microsoft me në fund të lansoj rivalin Siri dhe Google Now

Microsoft me në fund të lansoj rivalin Siri dhe Google Now

CortanaE para ishte Apple, ajo që në vjeshtën e vitit 2011 kishte lansuar asistentin me zë Siri, Google me shërbimin e ngjashëm Google Now kishte filluar në verën e vitit 2012 kurse tani dhe e fundit është Microsoft ajo që pritet të lansoj asistentin me zë nga Prilli i këtij viti.

Një nga burimet e MSFTNerd shkruan se Microsoft ka në plan të lansoj asistentin virtual të tyre Cortana, në kohën kur mbahet konferenca vjetore për zhvillues Microsoft Build. “Cortana, për të gjithë ju që nuk luani lojëra, është emri i famshëm i karakterit inteligjent artificial që luhet në serinë e video lojës Microsoft Halo.

MSFTNerd lë të kuptoj se shërbimi i ri nga Microsoft do të jetë i integruar drejtpërdrejt me Bing dhe përdoruesit do të kenë mundësinë të aktivizojnë atë në pajisjet e tyre mobile, thjesht duke thënë frazën “Bing tell me… MSFTNerd gjithashtu thotë se ky shërbim nga Microsoft do të integrohet edhe në aplikacionin Bing për iOS, Xbox One dhe tek sistemi operativ Windows. /ameble