Tag Archives

5 Articles
Fansat e Mozilla-s takohen në Tiranë me 8-9 Shkurt

Fansat e Mozilla-s takohen në Tiranë me 8-9 Shkurt

Mozilla Weekend, është një ngjarje që do të organizohet me datat 8-9 Shkurt 2014 për herë të parë në Tiranë, Shqipëri. Kjo ngjarje do të organizohet së bashku me Komunitetin e Mozilla-s në Shqipëri dhe Open Labs hackerpsace, e cila është duke u bërë e njohur në Shqipëri për ngjarjet që kanë për fokus softuerin me burim të hapur (open source softuer).

Mozilla Weekend Al

Ka pasur edhe me herët ngjarje në lidhje me Mozilla-n që janë organizuar në Shqipëri, por asnjëherë nuk ka pasur një fundjavë të tërë dedikuar kësaj, që do të thotë se pjesëmarrësit do të kenë mundësinë për të punuar së bashku, shoqëruar dhe shpërndarë ide.

Ngjarja fillon më 8 Shkurt në orën 10:00, me prezantime nga Komuniteti i Mozilla-s në Shqipëri, dhe më pas pjesëmarrësit do të kenë shansin për t’u njohur me produktet e Mozilla-s si Persona, Lighbeam, Thunderbird, Firefox OS, etj. Ngjarja nuk do të jetë vetëm ngjarje prezantuese, pjesëmarrësit gjithashtu do të përfitojnë nga trajnime të shkurtëra në formën e prezantimeve dhe konkurse të vogla.

Gjithashtu do të jetë një seminar i shkurtër për zhvillimin e aplikacioneve për Firefox OS dhe HTML5, ndërsa krejt në fund do të ketë edhe disa shpërblime për pjesëmarrësit.

Çdokush është i ftuar për t’ju bashkuar kësaj ngjarje dhe ka shansin t’i takoj fansat shumë aktiv nga Shqipëria, Kosova dhe rajoni. Regjistrohu tani! /digjitale /ameble

Fondacioni IPKO njofton për Wiki Academy II

Fondacioni IPKO njofton për Wiki Academy II

Një vit më herët, Wiki Academy ishte nisur me të vetmin qëllim, përmirësimin e imazhit të Kosovës në internet. Tani, një vit më vonë, Fondacioni IPKO ka njoftuar se është duke vazhduar me këtë mision, por me një qasje me ndryshe.

Wiki Academy II

Pasi që ka dhjetëra artikuj të botuar në Wikipedia rreth Kosovës dhe ka qindra foto të publikuara me licencë të hapur që përdoren në mbarë botën, Wiki Academy tani me maturi zgjeron qëllimet dhe përgjegjësitë e saj. Ketë vit vjen e quajtur si City Marathon pasi që nëntë komunat e Kosovës do të bëhet pjesë e konkursit.

Puna në artikuj do të zhvillohet gjatë dy fund-javëve dhe në dy qytete të ndryshme: Gjakovë dhe Prishtinë. Pastaj janë edhe dy konkurse tjera, por artikujt dhe fotot do të përqendrohet në Prishtinë, Prizren, Gjakovë, Pejë, Mitrovicë, Gjilan, Ferizaj, Graçanicë e Shtërpcë. Aplikimi është hapur dhe do të përfundojë më 9 Shkurt. Wikipedia kësaj herë pritet të bombardohet nga artikuj dhe fotografi të cilat do të vijnë nga Kosova.

Pra, bëhu edhe ti pjesë e Wiki Academy II – City Marathon! Për më shumë detaje kliko këtu: Wikiacademykosovo.org. /digjitale /ameble

Ndërlidhje e ndërmarrësve me investitorë

Ndërlidhje e ndërmarrësve me investitorë

bsck_ICT_Kosovo

Të gjithë ata që dëshirojnë të fillojnë ose zgjerojnë biznesin e tyre dhe të bëhen gati për financim nga 10,000 deri 5,000,000 milionë dollarë, mund të aplikojnë në “Garën e Pranverës 2013”.

Në kuadër të projektit Koalicioni i Bashkuar për Ndërmarrësi të financuar nga Ministria e Punëve të Jashtme të Holandës, Organizata nga Holanda BiD Network në bashkëpunim me Business Support Centre Kosovo (BSCK) kanë filluar implementimin e garës me biznes plane për ndërmarrësit dhe bizneset kosovare që kanë nevoja financiare nga 10,000 deri 5 milion dollarë. Biznes planet novatore me potencial rritje ekspozohen tek një rrjet i investitorëve privat dhe ndërlidhen me fonde të NVM-ve nga e gjithë bota.

Të gjithë ndërmarrësit kosovar që kanë ambicie për t’i rritur bizneset e reja apo ekzistuese mund të përfitojnë nga gara online me biznes plane, që ka për qellim nxitjen e zhvillimit ekonomik dhe krijimin e vendeve të reja të punës në Kosovë. Biznes planet premtuese prezantohen tek investitorët nga BiD Network dhe marrin këshilla nga ekspertët në të gjitha aspektet e arritjes së marrëveshjeve me investitorët. Përveç ndërlidhjes me investitor, BiD Network ofron edhe këshilla dhe mentorim biznesi nga ekspert lokal dhe ndërkombëtar për të gjithë ndërmarrësit e motivuar kosovar.

Për shkak të ndërlidhjes së bizneseve kosovare me investitor ndërkombëtar, të gjitha bizneset planet e dorëzuara përmes internetit duhet të jenë në gjuhën angleze. Kjo garë është e hapur për te gjithë qytetaret e Republikës së Kosovës deri më 2 qershor 2013. Të gjithë ata që dëshirojnë te fillojnë ose zgjerojnë biznesin e tyre dhe të bëhen gati për financim, mund të aplikojnë përmes http://www.bidnetwork.org/kosovo. Përveç tjerash, të gjithë aplikantët do të përfitojnë edhe trajnime falas, të cilat përfshijnë trajnimin mbi pasqyrat financiare dhe trajnimin mbi prezantimin e planit të biznesit para investitorëve.

BiD Network operon në 17 shtete të botës në Amerikën Latine, Azi, Afrikë, dhe Lindjen e Mesme. Deri më sot numëron 40 mijë anëtar, 10 mijë ndërmarrës, 3 mijë biznes plane, 800 trajnerë dhe 115 investitor ndërkombëtar,  ndërsa Digjitale është një prej partnerëve të ICT Spring Challenge 2013, të organizuar në nivel rajonal nga BiD Network. |digjitale||ameble|

Femra.net, portal për gjininë femrore

Femra.net, portal për gjininë femrore

femra.net -ameble

Women.net është një portal i njohur botëror që sjell informacione të rëndësishme mbi femrën, por ajo mbi të cilën kemi dedikuar këtë artikull në Digjitale, ka të bëjë me një portë të re në shqip për femrën, që bart po të njëjtën adresë digjitale, femra.net.

E zhvilluar dhe fuqizuar nga Public Communication, femra.net është një portal që është lansuar së fundi në Kosovë, me qëllimin që të sjellë informata mbi modën, shëndetin, familjen dhe argëtimin, drejt gjinis femërore, duke trajtuar tema të ndryshme nga këto kategori, por edhe duke sjell edhe shumë informata tjera edukative dhe argëtuese.

Nga një editorial botuar me rastin e lansimit të këtij portali, kryeredaktorja Edita Sahiti-Bekteshi tregon mbi misionin dhe vizionin që ka ky portal, që duket se veqse ka marr një pozitë të mirë në treg, veçanërisht përkrahë vizitorëve online të gjinisë femrore.

Ueb faqja ka një dizajn të thjeshtë dhe të lehtë për tu orientuar (që gjithashtu është mobile ready), me artikuj të publikuar në kategori të ndryshme, ndërsa duke vëzhguar pranin e këtij portali në rrjetet sociale mund të shohim se po pranohet mjaft mirë, diçka e këtillë specifike dhe e orientuar drejt lexuesit të vet. |digjitale| |ameble|

Google Ventures paraqet detajet për vitin 2012

Google Ventures paraqet detajet për vitin 2012

Google Ventures ka shpalosur detajet e vitit 2012, duke sjellë në një vend statistika që tregojnë progresin e kompanisë gjatë 12 muajve të fundit. Shumë prej këtyre detajeve që janë shkëmbyer veçse kanë qenë publike për një kohë të gjatë, duke përfshirë edhe rritjen e fondit në 300 milion dollarë për vit, por Google Ventures asnjëherë nuk ka shpalosur zyrtarisht se në cilët sector investon, deri më sot…

Sipas një infografikë të postuar nga Partneri Gjeneral David Krane, Google Ventures ka investuar 32% të fondeve të saja në industri mobile, 31% në internet për konsumatorë, 16% në tregti, 10% në të dhëna të mëdha, 6% në shkencë jetësore dhe 5% në energji. Vlen të theksohet se këto përqindje shfaqin raportin e investimeve deri në fund të vitit 2012, e jo vetëm gjatë vitit 2012.

Statistikat riforcojnë përkushtimin e Google Venture drejt produkteve të orientuara ka konsumatori, pasi që vetëm 21% apo më pak shkojnë drejt rrugëve ku më pak startup shetiten, përkatësisht në të dhëna të mëdha, energji dhe shkencë jetësore.

Partneri menaxhues Bill Maris së fundi ka detajuar interesat e tij në “ide që tingëllojnë paksa të çmendura, si zgjerimi radikal i jetës, shërimi i kancerit, të jesh në gjendje të krijosh një simulim të trurit dhe të përcjellësh neuronet. Natyrisht, me këto gjithashtu kërkohet që të bëhen para në tëardhmen, dhe në këtë mënyrë raporti ka kuptim.

[youtube id=”KBxORhOTdlw” width=”600″ height=”350″]

Google Ventures ka një ekip prej 60 personash të përbërë nga rekrutuess, inxhinierë, dizajner, specialist marketing dhe partnerë të përgjithshëm, dhe sigurisht luan një rol të rëndësishëm pranë Google, pasi që fondi vazhdimisht shfaq sesi është larguar prej pjesëve tjera të kompanisë, duke e lënë më të lire dhe më larg influences. |digjitale| [divider top=”0″]