Tag Archives

5 Articles
Kujdes: Janë publikuar online 5 milionë adresa dhe fjalëkalime të Gmail-it

Kujdes: Janë publikuar online 5 milionë adresa dhe fjalëkalime të Gmail-it

Sulmuesit (hakerët) si duket këtë muaj kanë qenë shumë të zënë. Disa javë pas sulmit të shërbimit iCloud që rezultoi më foto lakuriq të shumë VIP-ve botëror dhe pastaj duke i publikuar ato online, kësaj herë raportohet se deri në pesë milionë adresa të Gmail-it janë goditur.

Sot më herët, nga një sulmues i panjohur në një forum rus “Bitcoin” janë publikuar pesë milionë adresa dhe fjalëkalime të përdoruesve të Gmail-it që i bie rreth 60% në total sa janë aktive. Ende nuk është konstatuar apo gjetur se nga kanë rrjedhur këto adresa.

Gmail passwords

Të paktën një gjë është e qartë se këto adresa nuk kanë dalur nga sistemet e Google-it. Si duket këto adresa mund të kenë dalur nga ndonjë ueb-faqe interneti e palës së tretë ose ndonjë koleksion i ueb-faqeve të tilla ku përdoruesit kanë përdorur fjalëkalimet e tyre nga Google Mail.

Për fat të keq shumë njerëz është dëgjuar se përdorin një fjalëkalim në të gjitha shërbimet online. Tani, sulmi nga një vend mund të rezultojë në gjitha shërbimet e tyre në internet, dhe kjo është arsyeja pse është e domosdoshme të përdoren fjalëkalime të ndryshme sidomos për adresën primare të email-it, për ueb-faqet të ndryshme apo shërbimeve online.

Pas këtij lajmi shumë ueb-faqe të rreme janë shfaqur menjëherë online, të cilat nxisin njerëzit që të shkruajnë emrin e përdoruesit të Gmail-it dhe fjalëkalimin, për të parë nëse adresa e tyre është sulmuar apo është e sigurt (shih foto më poshtë). Kjo është edhe më e rrezikshme, andaj mos provoni diçka të tillë.

email check

Ata që dëshirojnë të jenë të sigurt sa i përket kësaj duhet të ndryshojë fjalëkalimin e tyre në Gmail menjëherë dhe rekomandohet që të aktivizoni faktorin sekondar për siguri më të lartë të adresës tuaj. /ameble

Google nga tani do të enkriptoj çdo e-mail që dërgohet përmes Gmail-it

Google nga tani do të enkriptoj çdo e-mail që dërgohet përmes Gmail-it

Gmail sign inGoogle ka filluar të bëhet me serioze në lidhje me sigurimin e mesazheve/e-mail-ave në shërbimin e tyre Gmail. Kompania ka njoftuar se është duke punuar që të gjitha mesazhet e Gmail-it të kalojnë nëpërmes një lidhje të koduar HTTPS që parandalon të tjerët në leximin apo edhe synimin e marrjes së tyre. Google opsionin HTTPS në Default për përdoruesit e ka vendosur që nga viti 2010, por me sa duket kjo nuk është e mjaftueshme, kështu që ka vendosur të bëjë me shumë siguri, kjo për shkak të skandalit të spiunimit nga NSA që ishte zbuluar vitin e kaluar nga Edward Snowden.

Google thotë se, “ky ndryshim do të thotë se askush nuk mund t’ju qaset apo shikoj mesazhet tuaja, përderisa ata kalojnë rrugën nga ana juaj deri të serveri apo edhe anasjelltas, nuk ka rëndësi se a përdorni WiFi në publik apo rrjetin nga kompjuteri, telefoni apo tableti.” Ata siç thuhet kanë shkuar edhe një hap me lartë duke i enkriptuar të gjitha mesazhet gjatë bartjes.

Sido që të jetë, a do të thotë kjo që mesazhet/e-mail-at tonë në Gmail nga tani janë plotësisht të siguruar nga spiunet? Ne nuk llogarisim në ketë çfarë thotë, apo ka bërë Google. Si mendoni ju?/ameble

Si të përdoret emaili për komunikim profesional?

Si të përdoret emaili për komunikim profesional?

Sot është e pamundur të mendohet çfarëdo pune apo angazhim profesional pa komunikimin përmes email-it. Nëse punësoheni në ndonjë institucion apo organizatë publike ose private, caktimi i një email-i është njëri prej hapave të parë që ndërmerret. Megjithatë, gjithnjë e më shumë njerëz përdorin email adresa nga shërbimet tjera private për shkak të cilësisë dhe shërbimeve e lehtësimeve përcjellëse të tyre që shkojnë përtej qasjes në një email adresë. Në vijim janë përmbledhur disa këshilla themelore si të përdoret email-i për komunikim profesional.

Email

Si të krijoni një email adekuat?

Për shkak të përparësive që ofrojnë, Kaptina iu sugjeron të hapni një email në Gmail(shërbimi i Google për email) ose Outlook (shërbimi i Microsoft për email). Sugjerimi më i mirë është të përdorni formatin emri.mbiemri@gmail.com ose emri.mbiemri@outlook.com ose thjeshtë emrimbiemri@... Email adresa si crazy_girl@… ose crazy_boy@… mund të jenë interesante për miqtë tuaj, por janë tmerrësisht joprofesionale! Gjithashtu, keni kujdes kur i përdorni numrat 0 ose 1 në email adresa; mund të jetë e vështirë të dallohen prej shkronjës O të madhe ose shkronjës l të vogël.

Përparësitë kryesore të Gmail dhe Outlook kanë të bëjnë me shërbimet përcjellëse si Google Docs (Gmail) dhe SkyDrive (Outlook) të cilat iu mundësojnë ruajtjen dhe ndarjen e dokumenteve me të tjerë e poashtu mund të punoni me ekipin tuaj në projekte të ndryshme njëkohësisht. Të dyja shërbimet ofrojnë hapësirë falas – Google Drive deri në 15GB ndërsa SkyDrive deri në 7GB. Përmes tyre mund të keni qasje edhe në shërbimin Google Hangout (Gmail) ose Skype (Outlook) që mundësojnë komunikime falas të drejtpërdrejta me anëtarët e ekipit tuaj.

Pse email adekuat?

Kur aplikoni për ndonjë punë, bursë, ose në ndonjë fakultet ose thjeshtë kur dëshironi të kontaktoni ndonjë institucion, është qenësore të prezantoheni në mënyrë profesionale.  Përderisa email adresa mund t’ju duket e parëndësishme, në praktikë ajo ka shumë rëndësi sepse është identiteti dhe prezantimi juaj i parë para dikujt që nuk di asgjë për ju. Nëse emaili juaj nuk është adekuat e dinjitoz, institucioni që i drejtoheni mund të krijojë përshtypjen se as ju nuk jeni dinjitoz, dhe kështu iu zvogëlohen shanset që kërkesa juaj të marrë përgjigje pozitive.

Çka të shkruani në përmbajtjen e emailit?

Titulli: Së pari, gjithmonë vendosni një titull në emailin tuaj, varësisht nga përmbajtja që do të ketë. P.sh. nëse jeni duke dërguar një detyrë tek profesoresha/profesori për shkrimin akademik, atëherë titulli i emailit mund të jetë: Detyra për shkrimin akademik. Kjo i tregon pranuesit të emailit tuaj menjëherë se për çka është fjala dhe ai/ajo mund të vendos me lehtë se kur ta lexoj apo çfarë veprimi të ndërmarrë lidhur me emailin tuaj. Me ketë, iu i kurseni kohë pranuesit të emailit tuaj dhe dëshmon se ju keni konsideratë dhe respektoni kohën e pranuesit të emailit – gjë që gjithmonë lë përshtypje pozitive!

Fillimi i emailit: Gjithmonë bëjeni të qartë se kujt i drejtoheni me email, sidomos nëse emailin jeni duke e dërguar tek disa persona. Nëse e dërgoni vetëm tek një personi, atëherë mund të përdorni: Përshëndetje XY ose I Nderuari/E nderuara XY, dhe pastaj vazhdoni me shkrimin e emailit.

Teksti kryesor i emailit: Jeni i/e qartë se për çka bëhet fjalë në emailin tuaj dhe cili është qëllimi kryesor. Njerëzit që punojnë nëpër institucione zakonisht pranojnë shumë emaila brenda ditës kështu që sa më i shkurtë dhe më i qartë që të jetë emaili juaj, aq më mirë do të pranohet nga pala tjetër. Poashtu është mirë që gjithmonë ta leni mundësinë e hapur për komunikim të mëtejmë. P.sh. nëse aplikoni për një vend pune, dhe e dërgoni CV-në tuaj tek një punëdhënës potencial, emaili i juaj duhet të jetë i shkurtë dhe i qartë, por mund ta mbyllni atë duke thënë se mund të përgjigjeni nëse ka ndonjë gjë të paqartë ose nëse kërkohen informata shtesë.

Mbyllja e emailit: Përfundimi i emailit është poaq i rëndësishëm sa fillimi i tij. Nëse dërgoni email profesional, mund ta mbyllni atë si: Sinqerisht, XY / Me respekt, XY, etj. Dhe në secilin rast e mbyllni me emrin tuaj të plotë (emër dhe mbiemër nëse i drejtoheni një institucioni ose organizate, ose vetëm me emër nëse i drejtoheni dikuj me të cilin njiheni për një kohë të gjatë).

Mbani mend: Komunikimi me email nuk është komunikim privat. Çfarëdo emaili, pa marrë parasysh se çfarë shërbimi përdorni, mund të monitorohet, lexohet e përdoret nga institucione tjera. Për këtë arsye, duhet të keni kujdes se çfarë thoni ose çfarë informatash këmbeni  në emailin tuaj, pavarësisht se kujt i drejtoheni.

Si të përgjigjeni në email?

Nëse pranoni një email prej dikuj, gjithmonë duhet të përgjigjeni sepse pala që ua ka dërguar atë nuk e di se çfarë do të bëni me përmbajtjen a kërkesën që përfshihet në email (por keni kujdes se cilat emaila i hapni apo iu  përgjigjeni sepse sot shpërndahen shumë emaila që përmbajnë virusë të ndryshëm). Për këtë arsye, sigurohuni që adresa prej nga vjen emaili është e besueshme. Nëse në email kërkohet ndonjë veprim, duhet të përgjigjeni dhe të tregoni se e keni pranuar emailin dhe se do të ndërmerrni veprimin e caktuar brenda një kohe të caktuar. Në këtë mënyrë tregoni se keni konsideratë ndaj palës që iu ka kontaktuar dhe ia bëni asaj me dije se çfarë mund të pres prej jush.

Më poshtë, është një shembull i shkurtë se si do të kishit mundur t’i shkruani një email Ekipit të Kaptinës:

Titulli: Pyetje për projektin Kaptina Friends

Përshendetje Ekipi i Kaptinës,

Kam lexuar në faqen tuaj www.kaptina.com për projektin tuaj Kaptina Friends dhe e kam një pyetje lidhur me këtë. Deshta të di se a mund të regjistrohem në projektin Kaptina Friends nëse jam nxënëse në klasën e 13, pasi shoh se klasa e 13 nuk është njëra prej klasëve të përfshira në projektin tuaj tani.

Shpresoj të marrë përgjigje nga ju sa më shpejt!

Me respekt,
Emri Mbiemri

|kaptina| |ameble|

Shërbimi Yahoo Mail shuhet për Kinën

Shërbimi Yahoo Mail shuhet për Kinën

Yahoo AlibabaYahoo zyrtarisht do të mbyll shërbimin e saj të emailit në Kinë ka njoftuar techinazia. Kompania më herët kishte njoftuar se synimet e saj janë të bartin llogaritë e përdoruesve të Yahoo Mail tek Alibaba, nga e cila zotëron një pjesë prej 20 % të aksioneve. Shërbimi i email-it Alibaba ndryshe quhet Aliyun.

Të gjitha shërbimet tjera të Yahoo-s që operojnë në Kinë do të vazhdojë të operojë siç janë, duke përfshirë Yahoo Search, News etj.

Gjiganti i kërkimit Yahoo ka luftuar kundër Google-it rreth e rrotull globit, edhe pse duket se kanë bërë një rikthim të mirë që nga udhëheqja e Marissa Mayer, e cili është bërë  kryeshefe ekzekutive e Yahoo-së që gati një vit. |ameble|

Si të përdoret verifikimi dy-hapësh në llogarinë tuaj në Microsoft

Si të përdoret verifikimi dy-hapësh në llogarinë tuaj në Microsoft

Pak ditë më parë, Microsoft nisi të vërë në përdorim procesin e verifikimit në dy hapat. I njohur edhe si autentikimi dy-faktorësh ose autentifikimi në dy hapa, ky proces rrit sigurinë e llogarisë tuaj duke ju kërkuar të shënoni fjalëkalimin tuaj (hapi 1) dhe pastaj një kod sigurie (hapi 2). Kodi i sigurisë mund t’ju dërgohet me e-mail, SMS, ose telefonatë, ose ju mund të përdorni një aplikacion autentifikues në pajisjen tuaj mobile.

Krijimi i verifikimit në dy hapa në llogarinë tuaj Microsoft bën të mundur përdorimin e saj në të gjitha shërbimet Microsoft që mbështesin tani për tani verifikimi dy-hapësh, si Windows, Outlook.com, Office, dhe SkyDrive.

Nëse jeni i interesuar ta provoni vetë, ja si mund të filloni:

Krijo verifikimin në dy hapa

Hapi 1: Shkoni në sajtin e Microsoft për verifikim të llogarise duke klikuar ketu: linku , shtoni një adresë e-maili alternative dhe jepni numrat e telefonit (preferohet numri i mobilit, me qëllim që të merren mesazhe SMS) në llogarinë tuaj Microsoft. ameble-edutek mail

  • Hapi 2: Klikoni në linkun “Set up two-step verification” (Konfiguro verifikimin në dy hapa).
  • Hapi 3: Zbatoni pikë për pikë procesin e konfigurimit deri sa të arrini në fund të tij, pastaj klikoni në “Done” (U krye).

Juve mund t’ju kërkohet të jepni një kod verifikimi, që ju dërgohet ose me SMS në mobilin tuaj, ose në adresën tuaj alternative të e-mailit, para se të mund të plotësoni konfigurimin në dy hapa. Me të përfunduar konfigurimi, ju duhet të merrni një konfirmim me e-mail nga Microsoft, dërguar në adresën tuaj alternative të e-mailit.

Çiftëzoni një aplikacion autentifikimi në llogarinë tuaj Microsoft

Kodet e sigurisë mund t’i merrni me e-mail, thirrje telefonike, ose SMS, por mënyra më e thjeshtë është të përdorni aplikacionin e autentifikuesit në aparatin tuaj mobil. Aplikacionet e autentifikuesit, si Autenfifikuesi Google (Google Authenticator), veprojnë në mënyrë lokale në aparatin tuaj dhe punojnë edhe kur aparati nuk ka lidhje në Internet. Për ta përdorur aplikacionin e autentifikuesit, së pari duhet ta çiftëzoni atë me llogarinë tuaj Microsoft.

  • Hapi 1: Shkarkoni në aparatin tuaj aplikacionin e autentifikuesit që dëshironi. Përdoruesit e Android, iOS, dhe BlackBerry mund të përdorin “Google Authentication”, ndërsa përdoruesit e Windows Mobile mund të përdorin Microsoft Authenticator.
  • Hapi 2: Kthehuni në faqen e informacionit lidhur me llogarinë Microsoft (Microsoft account security info page) dhe klikoni në linkun “Set up” (Konfiguro) nën aplikacionin Autentifikuesi (Authenticator).
  • Hapi 3: Hapni aplikacionin e autentifikuesit, pastaj kërkoni bar kodin në ekran.
  • Hapi 4: Kur kodi i sigurisë ju shfaqet në aplikacionin e autentifikuesit, shënojeni atë në kutizë, pastaj klikoni butonin Pair (Çiftëzo).

Përdorimi i verifikimit në dy hapa

Me të krijuar verifikimin në dy hapa në llogarinë tuaj Microsoft, hyrja (logging) në shërbimet tuaja Microsoft do të kërkojë fjalëkalimin e llogarisë tuaj dhe një kod sigurie.

Në qoftë se e keni çiftëzuar aplikacionin e autentifikuesit, juve do t’ju kërkohet kodi i aplikacionit të autentifikuesit.

Në qoftë se preferoni të përdorni një opsion tjetër verifikimi, klikoni në linkun në të djathtë të kutizës së kodit, për të zgjedhur me tekst-mesazh, thirrje telefonike ose e-mail.

Nëse hyni (log in) rregullisht duke përdorur të njëjtin kompjuter ose aparat mobil, para se të logoheni ju mund të klikoni kutizën ngjitur me “I sign in frequently on this device. Don’t ask me for a code” (Unë hyj rregullisht në këtë pajisje. Mos më kërkoni kod). Kjo do ta shtojë pajisjen tuaj në llogarinë tuaj si pajisje e besuar dhe juve nuk do t’ju kërkohet të shënonin kodin e sigurisë sa herë që hyni nga ajo aparat.

Së fundi, disa aplikacione dhe aparate mobilë nuk e mbështesin kodin e sigurisë. Në këto raste, për tu loguar ju mund të shkoni në security info page and create an app password (faqja e informacionit për sigurinë dhe krijo fjalëkalim aplikacioni).

Kini parasysh se verifikimi në dy hapa i Microsoft-it është ende në fazat e para të përdorimit, prandaj nëse nuk e shihni këtë opsion ende, kontrolloni përsëri më vonë. |ameble|