Tag Archives

4 Articles
Facebook Messenger me shërbimin e ri për video-thirrje

Facebook Messenger me shërbimin e ri për video-thirrje

Facebook me përditësimin e fundit të Messenger-it do sjellë shërbimin e ri për video-thirrje. Ky shërbim, i cili duket se është zhvilluar për të sfiduar Skype dhe FaceTime është në dispozicion nëpërmjet aplikacionit të përditësuar Facebook Messenger.

Me ketë version mund të filloni video-pamjet përbrenda një bisede, thjesht duke shtypur ikonën e re të futur në aplikacion e cila është në këndin e sipërm të djathtë. Pas thirrjes, bashkëbiseduesi e posedon mundësinë e pranimit apo refuzimit të video-thirrjes. Thirrjet mund të bëhen nëpërmjet pajisjeve Android dhe iOS.

Pengesa e vetme e këtij shërbimi të ri të Facebook-ut, të paktën tani për tani është se funksionon vetëm në mes të smartphone-ve, që do të thotë se nuk mund të telefononi nga pajisjet laptop apo PC, siç funksionon Skype.

Përditësimi i Facebook Messenger për Video thirrje do të lansohet sot për përdoruesit e platformës iOS dhe Android në Belgjikë, Kanada, Kroaci, Danimarkë, Francë, Greqi, Irlandë, Laosi, Lituani, Meksikë, Nigeri, Norvegji, Oman, Poloni, Portugali, Britaninë e Madhe, SHBA dhe Uruguai.

Rajonet dhe lokacionet të tjera, do të kenë mundësin që të marrin këtë shërbim gjatë muajve të ardhshëm. /ameble

Facebook lanson platformën e re në Facebook Messenger

Facebook lanson platformën e re në Facebook Messenger

Messenger PlatformSiç edhe pritej, Facebook gjatë një konference së saj për zhvillues të mbajtur dje ka njoftuar zyrtarisht për platformën Messenger. Ky tipar i ri e bën të mundur përdorimin e aplikacioneve tjera brenda shërbimit të tyre Facebook Messenger.

Kjo nënkupton se do të kemi mundësi të marrim aplikacione nga lista e aplikacioneve të përkrahura nga kjo platformë dhe pasi të zgjedhim aplikacionin që dëshirojmë, mund të kalojmë drejtë në dyqanin e aplikacioneve për të shkarkuar atë. Për shembull, Giphy për Messenger e bën të lehtë kërkimin e një video GIF dhe dërgoj atë tek ndonjë mik pa dal nga Facebook Messenger.

Platforma Messenger ka filluar me shumë partnerë, duke përfshirë ESPN dhe efekte speciale të aplikacioneve të dizajnuara nga JJ Abrams. Në ditët e ardhshme do të jenë rreth 40 aplikacione në dispozicion. /ameble

Facebook Messenger tani me 500 milionë përdorues

Facebook Messenger tani me 500 milionë përdorues

messengerJu pëlqeu apo jo, më shumë se 500 milionë njerëz tani përdorin aplikacionin Messenger të Facebook-ut. Në fund të muajit Korrik rrjeti social e ka zhvendosur Messenger-in kryesor nga ueb-faqja në aplikacion dhe kështu kishte filluar t’i detyroj përdoruesit të shkarkojnë aplikacionin për biseda të shpejta. Tani katër muaj më vonë, gjysmë miliardë përdorues në muaj e përdorin atë për komunikim.

Sipas Facebook-ut, njerëzit përgjigjjen e marrin 20% më shpejtë në aplikacionin Messenger se sa direkt në Facebook. /ameble

Facebook do t’na detyroj të përdorim Messenger-in e tyre

Facebook do t’na detyroj të përdorim Messenger-in e tyre

Facebook MessengerMe siguri se ju ka ardhur edhe juve mesazhi. Facebook ka filluar t’i detyroj përdoruesit e saj të përdorin aplikacionin e tyre Messenger, në vend se t’na lejoj të bisedojnë direkt brenda aplikacionit të Facebook-ut, siç kemi vepruar deri më tani. Ky veprim, i cili pasqyron politikën e Facebook-ut, do të ndikojnë në të dy platformat iOS dhe Android dhe do të fillojë të hy në fuqi gjatë dy ditëve të ardhshme.

“Nga sot dhe në ditët e ardhshme, ne do të vazhdojmë t’i njoftojmë përdoruesit se në qoftë se dëshirojnë të dërgojnë dhe pranojnë mesazhe ne Facebook, atyre do t’ju duhet të shkarkojnë aplikacionin Facebook Messenger,” ka thënë një zëdhënës i Facebook-un për TechCrunch. Facebook Messenger është përdorur nga më shumë se 200 milion njerëz për çdo muaj, dhe ne do të vazhdojmë të punojmë për ta bërë atë një mundësi edhe më të mirë për t’u lidhur me njerëzit.” ka shtuar ai. /ameble