Tag Archives

95 Articles
Facebook ka mbi 5 milion reklamues aktivë në muaj

Facebook ka mbi 5 milion reklamues aktivë në muaj

Në Shtator kompania tha se kishite 4 milion reklamues ndërsa në Mars vetëm 3 milion. Rrjeti social më i madh në botë është shtëpia e 1.9 miliard përdoruesve në mbarë botën.

Facebook tha ditën e Hëne se numëron mbi 5 milion biznese të cilat reklamojnë çdo muaj në rrjetin social. Shefja operative Sheryl Sandberg në një intervistë për një agjenci lajmesh u shpreh se ky numër reklamuesish ishte një pikë e rëndësishme e rrugëtimit të Facebook.Në Shtator Sandberg tha se kishte 4 milion reklamues ndërsa në Mars vetëm 3 milion. Rrjeti social më i madh në botë është shtëpia e 1.9 miliard përdoruesve në mbarë botën.Kompania është në një betejë të ashpër me Alphabet për dominimin e reklamimit dixhital.  Dy gjigandët do të “pushtojnë” 46% të tregut online të reklamimit brenda 2018-ës.Në mesin e 5 milion reklamuesve, industritë me shtrirjen më të gjerë janë tregtia online, media dhe distributorët. 75% e tyre janë jashtë Shteteve të Bashkuara ku tregjet me rritjen më të shpejtë janë India, Tajlanda, Brazili, Meksika dhe Argjentina.Pothuajse 50% e reklamuesve krijojnë reklama nga platformat mobile.

Facebook lançoi asistentin virtual “M” në aplikacionin Messenger

Facebook lançoi asistentin virtual “M” në aplikacionin Messenger

by gL 0 Comments

Pothuaj një vit nga prezantimi i asistentit virtual në aplikacionin Messenger, Facebook vendosi ta ofrojë për masat. Ndërsa në fillimet e veta ishte thjeshtë një robot komunikimi, i quajtur “M” asistenti virtual tashmë ofron një set sugjerimesh të cilat u vinë në ndihmë përdoruesve.

Konkretisht kur përdoruesit janë duke biseduar për të caktuar një takim me njëri tjetrin, M do të sugjerojë menjëherë një planifikim të tij. Asistenti do të ofrojë sugjerime si transferta parash, dërgim të vendndodhjes, krijim ankete, apo prenotim të një taksie Uber ose Lyft.

Sipas Google M përdor inteligjencën artificiale për të përcaktuar nëse duhet të ndërhyjë në bisedë. Teorikisht M është ndërtuar për tu ofruar përdoruesve akses në veçori të avancuara.

Megjithatë një asistent virtual i cili ndërhyn në një bisedë nuk është një risi e Facebook Messenger. Google ka bërë të njëjtën gjë me aplikacionin Allo.

Asistenti do të jetë i disponueshëm në iOS dhe Android për përdoruesit në Shtetet e Bashkuara. Një disponueshmëri më e gjerë e tij pritet të lajmërohet në muajt në vijim. /ameble.com

Snapchat i kundërpërgjigjet Facebook-ut

Snapchat i kundërpërgjigjet Facebook-ut

Pas të rejave të Facebook-ut, Snapchat tenton të diferencojë platformën e tyre duke publikuar kërkimin në historitë ‘kolektive’.

Nuk mund të kërkohen “snap” private, por ato që anëtarët i shpërndajnë publikisht me komunitetin e Snapchat, dhe që do të përzgjidhen nga një skuadër kuruesish për një temë të caktuar. Bëhet fjalë për diçka që aktualisht është e disponueshme në disa qytete të SHBA-ve, të publikuar nga kompania e Snapchat pas kuotimit në bursë.

Ky opsion u jep mundësi anëtarëve të kërkojnë “një milionë histori” në bazë të vendeve, eventeve, fjalëve kyçe. Për më tepër, shoqëria bën të ditur se krijon Storie të reja duke shfrytëzuar “machine learning”, një formë e inteligjencës artificiale.

Ky funksion kërkimi për Snapchat mund të jetë një mënyrë që përdoruesit ti rikthehen platformës për të parë video drejt për drejtë, sidomos në argumente specifike.

Një kundërlëvizje kjo, duke parë se Facebook po përdorë në aplikacionet e tij, përfshirë këtu edhe Instagram dhe WhatsApp, element deri tani identifikues të Snapchat, që nga Stories tek postimet 24 orëshe. /ameble

 

Facebook blen aplikacionin që ndryshon fytyrën “Masquerade”

Facebook blen aplikacionin që ndryshon fytyrën “Masquerade”

Në qoftë se hapni Google PlayStore apo AppStore dhe kontrolloni listimet e aplikacioneve, atëherë mund të keni parë një aplikacion që është popullarizuar këto ditë, i quajtur Masquerade.

Masquare Facebook

Masquerade është një nga aplikacionet që ka marr popullaritet të madh shumë shpejt, e që tani sipas një njoftimi ky aplikacion është blerë nga Facebook.

Masquerade posedon lloje të ndryshme të filtrave që mund të futen në fytyrë dhe të ndryshohen derisa t’ju duket diçka e mirë. Si aplikacion të njëjtën gjë mund të bëjë edhe me video dhe pastaj mund të shpërndahet në rrjete sociale.

Facebook ka menduar se ky trend nuk do të zhduket për një kohë dhe kjo mund të jetë arsyeja pse ajo ka shpenzuar një shumë të pazbuluar për të blerë kompaninë që e ka zhvilluar këtë aplikacion.

Masquerade ka gjasë që filtrat e aplikacionit të tyre t’i fusin brenda aplikacionit Facebook. /ameble

Facebook sapo ka bërë një ndryshim të madh në butonin “Like”

Facebook sapo ka bërë një ndryshim të madh në butonin “Like”

Ndryshimi më i madh që po bëhet në Facebook që disa vite tani përfshinë pesë emojis.
Duke filluar nga sot, butonit Like në Facebook i bashkohen edhe pesë Emojis që shfaqen si “Love,” “Haha,” “Wow,” “Sad,” dhe “Angry.”

Facebook Emojis

Facebook i ka emëruar këto si “Reagime” (Reactions) ku shumë shpejt do të jenë në dispozicion në aplikacionin e rrjetit social si dhe nëpërmes ueb-faqes.

Facebook Emojis

Sipas një njoftimi nga Facebook thuhet se: “Ne kemi dëgjuar reagimet e përdoruesve dhe kemi vlerësuar se duhet të ketë mënyra me të lehta dhe me të shpejta për tu shprehur. Kjo është arsyeja pse sot ne kemi lansuar këto Emojis, një shtrirje më e gjatë e butonit Like, për të ju jap më shumë opsione për të ndarë kështu reagimet tuaja në një post status.” /ameble

Facebook punëson inxhinier të Microsoft-it për ndihmë në pajisje virtuale

Facebook punëson inxhinier të Microsoft-it për ndihmë në pajisje virtuale

Oculus RiftInteresi i Facebook-ut në realitetin virtual (Virtual Reality-VR) nuk është më një sekret, sidomos nga viti i kaluar kur kompania kishte njoftuar zyrtarisht se ka blerë Oculus VR. Tani si duket kompania ka filluar të lëviz pak nga ky projekt. Sipas një raporti nga RE/code, rrjeti social kohët e fundit ka punësuar inxhinierë të Microsoft-it, për t’iu ndihmuar në ketë projekt.

Oculus Rift pritet të lansohet vitin e ardhshëm, bashkë me modele tjera nga kompanitë konkurruese.

Përderisa Facebook duket të jetë mjaft optimist për pajisjet VR, kompanitë tjera si HTC po presin rreth këtyre pajisjeve. HTC kohët e fundit ka deklaruar se besojnë se VR ndoshta do të marrë kohë nga 3 deri në 5 vite, të futet fuqishëm në treg. /ameble

Facebook nga tani paralajmëron në rast të sulmeve të llogarive tuaja

Facebook nga tani paralajmëron në rast të sulmeve të llogarive tuaja

Facebook ka njoftuar se çdo përdorues nga tani e tutje do të njoftohet nëse llogaria e tyre në Facebook është në shënjestër të hakerëve. Ata kanë njoftuar se do t’ju shfaqet një lajmërim i ri (shih shembullin më poshtë), në momentin kur ndodh sulmi.

Deklarata e më poshtme nga rrjeti social përmend qartazi sulmet e sponsorizuara nga shteti, në të cilin rast i referohet qeverive:

Facebook sulm i sponzorizuar

Më shumë detaje në lidhje me paralajmërimet e këtyre sulmeve në llogaritë e Facebook-ut mund të lexoni këtu. /ameble

Facebook Messenger me shërbimin e ri për video-thirrje

Facebook Messenger me shërbimin e ri për video-thirrje

Facebook me përditësimin e fundit të Messenger-it do sjellë shërbimin e ri për video-thirrje. Ky shërbim, i cili duket se është zhvilluar për të sfiduar Skype dhe FaceTime është në dispozicion nëpërmjet aplikacionit të përditësuar Facebook Messenger.

Me ketë version mund të filloni video-pamjet përbrenda një bisede, thjesht duke shtypur ikonën e re të futur në aplikacion e cila është në këndin e sipërm të djathtë. Pas thirrjes, bashkëbiseduesi e posedon mundësinë e pranimit apo refuzimit të video-thirrjes. Thirrjet mund të bëhen nëpërmjet pajisjeve Android dhe iOS.

Pengesa e vetme e këtij shërbimi të ri të Facebook-ut, të paktën tani për tani është se funksionon vetëm në mes të smartphone-ve, që do të thotë se nuk mund të telefononi nga pajisjet laptop apo PC, siç funksionon Skype.

Përditësimi i Facebook Messenger për Video thirrje do të lansohet sot për përdoruesit e platformës iOS dhe Android në Belgjikë, Kanada, Kroaci, Danimarkë, Francë, Greqi, Irlandë, Laosi, Lituani, Meksikë, Nigeri, Norvegji, Oman, Poloni, Portugali, Britaninë e Madhe, SHBA dhe Uruguai.

Rajonet dhe lokacionet të tjera, do të kenë mundësin që të marrin këtë shërbim gjatë muajve të ardhshëm. /ameble

Facebook si duket po teston integrimin e WhatsApp-it në aplikacion

Facebook si duket po teston integrimin e WhatsApp-it në aplikacion

Vitin e kaluar, Facebook kishte blerë aplikacionin e shumë njohur për mesazhe WhatsApp, në një shumë prej 19 miliardë dollarësh dhe si duket kompania tani ka filluar të bëj testimin e një lloj integrimi në mes të dy aplikacioneve.

fb-whatsapp

Sipas një raporti të ri, versioni i fundit i aplikacionit Facebook për Android (Version 31.0.0.7.13) posedon të integruar butonin WhatsApp, duke ju mundësuar përdoruesve të shpërndajnë lajme dhe media drejtpërdrejt në WhatsApp.

Kur hapni ndonjë post në aplikacion, aty është futur një buton i ri “Send” i WhatsApp-it (afër butonit të zakonshëm Like, Comment dhe Share), i cili postin, imazhin apo statusin përkatës e dërgon tek miqtë në WhatsApp.

Ne, gjithashtu e kemi pranuar dhe instaluar përditësimin e aplikacionit për të parë nëse ky tipar është në dispozicion, por si duket Facebook ketë tipar mund ta ketë lëshuar vetëm për një grup të përzgjedhur të përdoruesve. Më siguri se do ta bëj në ditët në vijim. /ameble

Facebook lanson platformën e re në Facebook Messenger

Facebook lanson platformën e re në Facebook Messenger

Messenger PlatformSiç edhe pritej, Facebook gjatë një konference së saj për zhvillues të mbajtur dje ka njoftuar zyrtarisht për platformën Messenger. Ky tipar i ri e bën të mundur përdorimin e aplikacioneve tjera brenda shërbimit të tyre Facebook Messenger.

Kjo nënkupton se do të kemi mundësi të marrim aplikacione nga lista e aplikacioneve të përkrahura nga kjo platformë dhe pasi të zgjedhim aplikacionin që dëshirojmë, mund të kalojmë drejtë në dyqanin e aplikacioneve për të shkarkuar atë. Për shembull, Giphy për Messenger e bën të lehtë kërkimin e një video GIF dhe dërgoj atë tek ndonjë mik pa dal nga Facebook Messenger.

Platforma Messenger ka filluar me shumë partnerë, duke përfshirë ESPN dhe efekte speciale të aplikacioneve të dizajnuara nga JJ Abrams. Në ditët e ardhshme do të jenë rreth 40 aplikacione në dispozicion. /ameble

Mbi 100 shtete do të përfitojnë Internetin falas nga Facebook

Mbi 100 shtete do të përfitojnë Internetin falas nga Facebook

InternetOrgProjekti Internet.org  i cili është prezantuar në vitin 2013 si një projekt humanitar i kompanisë Facebook me të cilin Facebook mendon të ofron Internetin falas në një pjesë të botes, është duke u zhvilluar me hapa të shpejt.

Chris Daniels, zëvendës presidenti i projektit Internet.org në  Facebook, ka njoftuar se deri në fund të vitit nga ky projekt do të përfitojnë më shumë se 100 shtete.

Mark Zuckerberg deklaroi gjatë Kongresit Botëror të Telefonave që është mbajtur në Barcelonë, se kompania është gjithashtu duke punuar mbi ndërtimin e dronëve dhe satelitëve si pjesë e projektit Internet.org i cili do të aplikohet në shtete të veçanta bazuar në nevojat dhe partnerët në rajon.

Kryesisht kompania do të përqendrohet në shtetet që kanë një numër të varfër përdoruesish që përdorin internetin. Aktualisht, ky projekt është duke u aplikuar në shtetet: Kolumbi, Tanzani, Keni, Gana, Zambi dhe Indi. /ameble

Facebook, “Urime Ditëlindja e 11-të”

Facebook, “Urime Ditëlindja e 11-të”

facebook-birthday11 vite më parë, me datën 4 Shkurt, ish-studenti i Universitetit Harvard, Mark Zuckenberg dhe katër shokët e tij, Eduardo Saverin, Andrew McCollum, Dustin Moskovitz dhe Chris Hughes, krijuan një rrjet i dedikuar për studentët e këtij Universiteti me qëllim të komunikimit dhe shkëmbimit të informatave.

Anëtarësimi në këtë rrjet fillimisht ishte i kufizuar nga themeluesit, dhe shërbente vetëm për studentët e Harvardit, por më pastaj ai u zgjerua në kolegje të tjera në zonën e Bostonit dhe Universitetin e Stanfordit.

Por, kush kishte menduar se pas 4,018 ditë më vonë, ky rrjet, tani më i njohur si “Facebook” do të arrin një sukses të madh duke u bërë një rrjet gjigant, me 1.39 miliard shfrytëzues mujor, 12.47 miliard dollarë të ardhura vjetore si dhe duke arritur një vlerë prej 211 miliard dollarë.

Në ditëlindjen e 11-të, do të përshkruam një historik të shkurtër të sukseseve të arritura të rrjetit Facebook.

Në ditët e para të lansimit të rrjetit thefacebook, siç ishte quajtur rrjeti në fillim, ishte në dispozicion vetëm për studentët e Harvardit. Deri në mars, 2004, shërbimi ishte zgjeruar në Stanford, Columbia dhe Yale. Pastaj deri në shtator 2005 edhe nxënësit e shkollave të mesme janë bashkuar në këtë rrjet duke shtuar numrin e përdoruesve. Më 20 shator 2005, rrjeti ka ndërruar emrin nga thefacebook në Facebook ku një vit më vonë, me 26 shtator 2006, Facebook kishte hapur dyert për regjistrimin e përgjithshëm.

Facebook goditi një milion përdorues në dhjetor të viti 2004, ndërsa 6 milionë përdorues një vit më vonë. Në dhjetor 2006, numri ishte rritur në 12 milionë, ndërsa në dhjetor 2007, 58 milionë përdorues aktiv. Rritja e saj fenomenale është vazhduar më tutje, duke arritur në 360 milionë në 2009 dhe 608 milionë përdorues në dhjetor të vitit 2010. Më 4 tetor 2012, Facebook tejkalon një miliard përdorues aktiv për herë të parë. Ndërsa sot, Facebook numëron rreth 1.39 miliard shfrytëzues mujor, që tregon se edhe pas 3 viteve, rrjeti ende vazhdon të ketë rreth 1 miliard përdorues.

A do të vazhdon më tutje Facebook me suksese, do të kuptojmë në ditëlindjen e 12-të. /ameble