Fingerprint smartphoneApple, smartphone-in e fundit iPhone S5 e ka lansuar me opsionin që përmbanë teknologji për gjurmë gishtash, gjithashtu HTC është duke u përgatitur për të lansuar smartphone-in e tyre të ri HTC One Max, i cili është përfolur të shfaqet me teknologji të njëjtë kurse tani lajmi vjen që edhe Samsung ka plane të ngjashme.

Samsung ka njoftuar se kanë blerë kompaninë që merret me gjurmë gishtash që është Fingerprint Cards AB, ku Samsung thotë se është lider botë në ketë fushë të teknologjisë, marrëveshja e blerjes është 650 milion dollarë amerikanë para të gatshme. Kjo gjithashtu ka vënë në dukje se blerja është miratuar nga bordi i drejtorëve të Samsung-ut dhe nga bordi i drejtorëve të Fingerprint Cards AB.

Cards AB do të jetë si departament i ndarë i ri në kuadër të Samsung-ut dhe kryeshefi i tanishëm i kësaj kompanie, Johan Carlstrom do të bëhet gjithashtu kryshef i këtij departamenti në kuadër të kompanisë Samsung.

Samsung padyshim ka në plan të përdorë ketë teknologji në smartphone dhe tablet të ardhshëm dhe nuk do të jetë befasi që këtë teknologji ta përdor në smartphone-in e ardhshëm Galaxy S5 i cili sipas thashethemeve pritet të prezantohet në fillim të vitit të ardhshëm. |ameble|

 

E plotësuar (13:42): Disa thonë se lajmi ka rrjedhur nga Cision e cila ka konfirmuar për “The Financial Times” se këto janë “krejtësisht gënjeshtra” dhe se janë duke e hetuar burimin kryesor. Engadget në anën tjetër thotë se kanë kontaktuar kompaninë Samsung e cila gjithashtu konfirmon se raporti nuk është i vërtetë dhe se nuk janë fare në dijeni se nga kush ka ardhur lajmi. Kurse Fingerprint Cards AB thonë se, ajo qe ka rrjedhur sot do të raportohet në Polici dhe në Autoritet përgjegjëse.