Tag Archives

5 Articles
Si të krijoni një fjalëkalim të fortë dhe të lehtë për ta kujtuar

Si të krijoni një fjalëkalim të fortë dhe të lehtë për ta kujtuar

Çdo javë, dëgjojmë për sulme dhe mashtrime në Internet. Shpesh, hakerët mund t’i marrin fjalëkalimet e përdoruesve apo edhe sulmojnë ueb-faqe. Ky artikull sadopak do t’ju ndihmojë të kuptoni se si duhet të jetë një fjalëkalim i fortë dhe se çfarë është rëndësia e tij. Pas kësaj më siguri se do të zgjidhni një fjalëkalim më të vështirë, që është i lehtë për ta kujtuar por i vështirë për të tjerët.

fjalekalimi

Nëse ju duket i gjatë ky artikull për ta lexuar, dëshiroj që së paku t’i keni parasysh dy gjëra:

  1. Zgjidhni fjalëkalimin e gjatë / fjalitë janë zgjidhja më e mirë,
  2. Shmangni fjalëkalimet / apo fjalitë e shpeshta.

Një nga mënyrat më të shpeshta të sulmit nga hakerët quhet “brute force attacks”, i bie që sulmuesit (hakerët) fillojnë nga një listë e fjalëkalimeve të shpeshta, duke kaluar tek kombinimet. Sa më i gjatë që është fjalëkalimi më shumë kohë do t’ju marrë hakerëve për ta marr atë.

Futni në konsideratë shembujt e më poshtëm.

Duke përdorur vlerësuesin Benish, kemi paraqitur një vlerësim, se sa kohë do t’ju duhet hakerëve të marrin fjalëkalimet sipas kombinimeve:
9agcZ: 54 min
9agcZE: 5 orë
9agcZEM: 3 ditë
9agcZEM7: 4 muaj
9agcZEM7H: 26 vjet
9agcZEM7Hq: “me shekuj”

Pra, siç po e shihni, thjesht duke shtuar një karakter e bën atë shumë më të vështirë për tu sulmuar. Hakerët mërziten të presin aq gjatë kohë për një fjalëkalim të fortë dhe kështu do të kalojnë në ndonjë cak më të lehtë.

Fjalëkalimet e mësipërme nuk janë të lehta për ti mbajtur mend, kështu që ekziston një mënyrë më e mirë!

Zgjedh diçka të lehtë për ta mbajt mend dhe e vështirë për të tjerët

Në terma praktik, mënyra më e lehtë për të zgjedhur një fjalëkalim është një fjali/frazë e gjatë që është vështirë të mendohet nga dikush, por e lehtë për të mbajtur mend nga ju, një fjali që ka kuptim për ju dhe për askënd tjetër. Për shembull, “Më 11 shkurt 2016, për herë të parë vizitova monumentin NewBorn” duke e shkurtuar në “11shkurt2016vizitovaNEWBORNIN”.

E zgjata si shumë, por kjo që morra shembull është e lehtë për dikë që ta mbaj mend si një moment personal. Në anën tjetër do të jetë jashtëzakonisht e vështirë për dikë të paramendoj si fjali që keni zgjedhur. Kurse me teknologjinë e sotme kompjuterike, hakerëve mund t’ju marrë me shekuj për të sulmuar diçka si kjo. (Gjithashtu është e pranueshme nëse në ketë fjalëkalim përdorni hapësira, presje, numra apo edhe karaktere speciale).

Mos zgjedhni diçka të vështirë për ta kujtuar, por të lehtë me mbajt mend

Një keqkuptim i shpeshtë që e dëgjojmë është se, shumë njerëz mendojnë se zgjedhin një fjalëkalim të vështirë për ta kujtuar, dhe thonë se po i njëjti është i vështirë të mendohet nga të tjerët. Kjo nuk është gjithmonë e vërtetë, veçanërisht në qoftë se sulmuesi është kompjuteri që shumë lehtë mund të thyej shifrat e thjeshta, që njerëzit shpesh i përdorin, të tilla si zëvendësimi i shkronjave me numra: ‘a’ me ‘4’ apo ‘o’ me ‘0’. Shembull “P4ssw0rd”.

Menaxhimi i dhjetëra fjalëkalimeve nuk është i vështirë nëse përdorni mjetet e duhura

Është gjithashtu e rëndësishme ta dini se është e pamundur të mbani mend dhjetëra fjalëkalime. Strategjia e kësaj është atëherë kur krijoni një fjalëkalim shumë të fortë kryesor që e hap programin për menaxhimin e fjalëkalimeve siç janë LastPass apo 1Password.

Më këto programe mund të shtoni siguri duke përdorur mënyrën “2-factor authentication system”, më të cilin mund ta rregulloni që edhe ndonjë person i dytë të ketë qasje në programin për menaxhimin e fjalëkalimeve.

Duke përdorur këto programe, ju mund të gjeneroni fjalëkalime të tilla si 9agcZEM7HqLcXX29ldQI të cilat janë tepër-tepër të vështira të mbahen mend, por janë edhe shumë të vështira për tu sulmuar.

Këto mundësi gjithsesi së e lehtësojnë punën tuaj me fjalëkalime dhe janë shumë më të sigurta. Ripërdorimin e të njëjtit fjalëkalim në shumë vende është e kuptueshme, por është një praktikë shumë e keqe për shkak të sigurisë, nëse në një moment merret ai fjalëkalim atëherë rreziku vjen për të gjitha.

Bëjë tani!

Duke përdorur fjalëkalime të vështira dhe programe për menaxhimin e fjalëkalimeve, ju vërtetë do të jeni më rahat dhe më të sigurt, kështu që mos prisni, bëni këto ndryshime menjëherë. Është shumë më mirë që tani ti kushtoni kësaj pak kohë, se sa kur ndodh diçka dhe humbni fjalëkalimet ose ju sulmojn, athëherë është veshtirë të ri-kthehen. /ameble

Hakerat përdorin fjalëkalime të thjeshta

Hakerat përdorin fjalëkalime të thjeshta

PaswordStudimet e kryera nga studiuesit për sigurinë elektronike në firmën e antivirusit Avast ka treguar që hakerat përdorin fjalëkalime të thjeshta si çdo njeri tjetër. Antonin Hyza, një studiues në Avast, duke përdorur të dhëna nga rreth 40.000 fjalëkalime të mbledhura gjatë veprimtarisë së antivirusit Avast, doli në përfundimin se vetëm 10% e këtyre fjalëkalimeve ishin të vështirë për t’u gjetur.

Ishin të pakta fjalëkalimet që kishin shkronja të mëdha dhe të vogla, pavarësisht se ekspertët e sigurisë na këshillojnë gjithmonë të përdorim fjalëkalime të tilla.

Këto fjalëkalime zakonisht ishin anglisht. Fjalët më të përdorura ishin hack, pass, root dhe hax. Në mënyrë të çuditshme, fjalëkalimet ishin mesatarisht me 6 karaktere, dhe vetëm 52 nga 40.000 ishin me 12 karaktere.

Mendohet se hakerat përdorin fjalëkalime të thjeshta sepse nuk kanë frikë se do të sulmohen nga hakerë të tjerë ose ndoshta shmangin përdorimin e fjalëkalimeve të tyre të vërteta që përdorin në uebfaqe të ndryshme. /ameble

Këto janë fjalëkalimet që duhet t’i ndryshoni menjëherë!

Këto janë fjalëkalimet që duhet t’i ndryshoni menjëherë!

Tanimë, të gjithë e dimë se sa i dëmshëm është emri Heartbleed. Një e metë masive në protokollin OpenSSL ka ndikuar në 66% të të gjitha faqet e internet online që nga momenti i zbulimit, mirëpo kompanitë në anën tjetër po përpiqen për tu mbrojtur apo rregulluar ketë çështje. Shumica e kompanive të mëdha duket se kanë bërë një punë mjaft të mirë duke vepruar shpejt, por ky problem (bug) është që disa vjet, kështu që përdoruesit kanë qenë në rrezik që një kohë të gjatë, sado shpejt që kanë reaguar portalet e shërbimeve të ndryshme.

Për ketë arsye, ekspertët e sigurisë kibernetike nga LWG Consulting kanë përpiluar një listë të gjatë të të gjitha shërbimeve të mëdha që janë ndikuar nga Heartbleed.

A keni llogari në ndonjë nga faqet e listuara më poshtë? Shih me vëmendje dhe ndrysho fjalëkalimin tuaj menjëherë dhe në të njëjtën kohë sigurohu që të ndryshosh fjalëkalimet edhe në faqet e tjera, në qoftë se keni përdor të njëjtin fjalëkalim (kliko mbi foto-imazhin e më poshtëm për kualitet më të lartë):

Heartbleed Passwords LWG Consulting

Pra, sipas kësaj pamje, ato shërbime të cilat në rend e kanë dryrin me ngjyrë të verdhë janë të pa mbrojtura, dhe duhet të ndryshoni fjalëkalimin, për të tjera veproni sipas kësaj paraqitje. /ameble

Prezantohen TOP Fjalëkalimet të vitit 2013

Prezantohen TOP Fjalëkalimet të vitit 2013

SplashData ka përpiluar një listë të 25 fjalëkalimeve më të njohura të vitit 2013, dhe në krye të listës është fjalëkalimi i famshëm 123456.

password

Për herë të parë që SplashData filloi përpilimin e listës vjetore të fjalëkalime, fjalëkalimi “password” e ka humbur vendin e parë dhe është pozicionuar në vendin e dytë.

TOP 25 fjalëkalimet të vitit 2013 janë si në vijim;

    1. 123456 
    2. password 
    3. 12345678 
    4. qwerty 
    5. abc123 
    6. 123456789 
    7. 111111 
    8. 1234567
    9. iloveyou 
    10. adobe123 
    11. 123123 
    12. Admin 
    13. 1234567890 
    14. letmein 
    15. photoshop 
    16. 1234 
    17. monkey 
    18. shadow 
    19. sunshine 
    20. 12345 
    21. password1 
    22. princess 
    23. azerty 
    24. trustno1
    25. 000000 /ameble

Fjalëkalimi në pëllëmbë te dorës

Fjalëkalimi në pëllëmbë te dorës

Intel ka prezantuar një teknologji që mundëson njohjen e përdoruesit të një pajisje, në bazë të modelit unik të venave në pëllëmbë të dorës.

Sipas deklaratave të Intel-it, kjo teknologji punon shumë më mirë se sa lexuesi i gjurmëve të gishtërinjëve. Intel ka shpalosur një prototip të teknologjisë e cila do duhej të ndërronte fjalëkalimin (password) me një lëvizje dore. Hulumtuesit Intel kanë prezantuar softuerin për tableta të pajisura me sensorë biometrik që njohin modelin unik të venave në pëllëmbë të përdoruesit.

Gjatë demonstrimit, përfaqësues të Intel në një menyrë të shpejt tundnin dorën e tyre para tabletit pa prekur sipërfaqen e tij, që ishte e mjaftueshme për të identifikuar një përdorues. Me transferimin e identifikimit të përdoruesit në telefonin celular “smart” ose tabletë, eliminohet nevoja për futjen e fjalëkalimeve për çdo shërbim individual. Pajisja do të përdorte një accelerometer të integruar në mënyrë që të zbuloj kur përdoruesi nuk e mban më në duart e tij, përkatësisht t’a ç’lajmëroi automatikisht nga të gjitha shërbimet në të cilat ishte i kyçur për të parandaluar çdo qasje të paautorizuar. Sipas deklaratave të Intel-it, kjo teknologji punon shumë më mirë se një lexues gjurmësh të gishtërinjëve që mund të gjenden në shumë tabletë. |ameble| [divider top=”0″]