Tag Archives

18 Articles
Cilat janë veçorit e Samsung Galaxy S8 që do ti ketë Galaxy S7?

Cilat janë veçorit e Samsung Galaxy S8 që do ti ketë Galaxy S7?

Pra Galaxy S8 ka ekranin e ti të pafundme dhe skanerin iris, pa e përmendur procesorin e shpejtë dhe specifikat e tjera, por është e dukshme se edhe Smartphone një vit më i vjetër Galaxy S7 do ti ketë disa nga veçoritë që e bëjnë Samsung Galaxy S8 special.

UI (Ndërfaqja e përdoruesit), Vizualiteti, dhe Cilësimet

Pas përditësimit të Android 7.0 Nougat, Galaxy S7 dhe S7 edge morën disa nga Galaxy S8 UI. Këtu vijnë disa veçori të reja si ndryshimi i rezolucionit, mënyra të reja të mirëmbajtjes, dhe opsione të ndryshimit të performancës.

Bixby

 

Samsung tashmë ka konfirmuar se veçoria Bixby do të jetë edhe në smartphonët e tjerë Galaxy në të ardhmen, dhe si flagship i vitit të kaluar, Galaxy S7 është shumë afër vendit të parë në atë listë.

Galaxy S7, natyrisht, i mungon pulla e Bixby, që do të thotë se  Samsung nuk do të jetë mund të integrojë Bixby ashtu siç e kishte paramenduar.

Bixby është projekt i madh, me ritme të ngadalta të zhvillimit, pra ky përditësim do të marr kohë deri sa të bëhet.

Tjerat Veçori

Ja si do të shkojnë gjërat për veçoritë e tjera të Galaxy S8:

Përkrahja e DeX

E pamundshme: Edhe nëse DeX do të bëhej për Smartphone tjerë, ajo përkrahë vetëm USB type-c

Fotografia Multi-Frame

E Papëlqyeshme: Ky është inovacioni më i rëndësishëm i kamerës së Samsung Galaxy S8, që e lejojnë të bëjë fotografi shumë më të mira. Samsung do ta qesë shumë poshtë Galaxy S8 nëse e fut këtë veçori në Smartphone të tjerë.

Wallpaper e Pafundme

E Papëlqyeshme: Samsung Galaxy S8 shpalosi Wallpaperin e Pafundme gjatë prezantimit, kjo veçori do të jetë në Lock Screen, në Menynë kryesore, dhe në Gjithmonë-Në Ekran. Dhe siç është vërejtur, Gjithmonë-Në Ekran e Samsung Galaxy S8 funksionon më ndryshe se ajo e Samsung Galaxy S7.

Samsung vendos të rikthen Note 7 Përsëri.

Samsung vendos të rikthen Note 7 Përsëri.

Samsung sjell përsëri në treg Note 7 por me kapacitet më të vogël të baterisë që me siguri tani është e sigurt.

 

Fillimisht gjiganti I teknologjisë Samsung tha se nuk do të shes Sammsung Galacy Note 7 me bateri të reduktuar. Pastaj pati një ndryshim dhe vendosi të fut në treg këtë lloj të smartphoneve. 

Tani ne do të shohim se çka është raportuar në një set të fotove të marrura nag selia e Samsung në Vietnam. Ky smartphone do të jetë I njejti vetëm me bateri të reduktuar në 3200 mAh.

Ne nuk kemi informata të mëtutjeshme për qmimet ose për cilat shtete  do të jetë ky telefon. Por është e ditu se Samsung nuk do të shesë Note 7 në Amerikën Veriore si pasojë e raprtimeve të ndryshme kundër këtij smartphoni.

Read More

Samsung konfirmon variantin me 6GB RAM

Samsung konfirmon variantin me 6GB RAM

Samsung sapo konfirmoi se varianti me 6 GB RAM i Samsung Galaxy S8+ është duke ardhur. Nëse e vizitoni linkun e më poshtëm, ju do të vizitoni ueb faqen Koreane zyrtare të Samsung-ut, dhe atje mund të shihni një variant të ri të Samsung Galaxy S8+ i cili ka 6GB RAM dhe 128GB memorie të brendshme. E vërteta u tha, kjo ueb faqe mund të jetë e vështirë për tu shfletuar pasi që është në gjuhën Koreane, por ne kemi sjellë një foto për ju më poshtë.

Duke u bazuar në këto të dhëna, duket se Samsung po planifikon të jap DeX me blerjet e Samsung Galaxy S8+ që ka 6GB RAM. Një raportim sugjeroi se DeX do të jepet tek konsumatorët që kanë porositur Samsung Galaxy S8+ para kohe. Ia vlen të ceket se lloji i Samsung Galaxy S8+ me 6GB RAM është i certifikuar nga TENNA. Ky lloj i Samsung Galaxy S8+ është identik me atë që u prezantua me 29 Mars por vetëm me RAM dhe Memorie të zgjeruar.

Gjiganti Samsung ka prezantuar dy Smartphone, Galaxy S8 me 29 Mars dhe Galaxy S8+ që është më i madh nga këto dy modele. Ky Smartphone ka ekran 2960 X 1440 pikselë me ekran Super AMOLED që është i lakuar anash. Nëse dëshironi të dini më shumë për këtë lloj të Samsung Galaxy S8 klikoni këtu. /ameble

A është Sony Xperia XZ Premium më i mirë se  Samsung Galaxy S8

A është Sony Xperia XZ Premium më i mirë se Samsung Galaxy S8

Interneti këto ditë është i mbushur me lajme të shumta rreth smartphonit më të ri të samsung, pra për samsung galaxy S8. Nga shumë njerëz ai konsiderohet si smartphoni më i mirë në treg. Por disa sikur kanë harruar një telefon tjetër! Bëhet fjalë për sony xperia xz premium, telefon I prezantuar pak para galaxy S8.

Në fakt të dy këta smartphona janë shumë të mirë dhe kanë karakteristika shumë të ngjashme, të dy kanë procesor snapdragon 835, 4GB Ram dhe 64 GB Rom, si dhe mundësi zgjerimi të memories me SD deri në 256 GB. Të dy janë të çertifikuar me IP68 që janë rezistent ndaj pluhurit dhe ujit në thellësi prej 1.5 metër deri në 30 minuta.

Të dy smartphonët punojnë me android Nougat, S8 ka versionin 7.0 ndërsa xperia xz ultra 7.1.

Kamera

Por ka disa karakteristika që e bëjnë xperia xz ultra më të mirë se galaxy S8. Nëse i krahasojmë kamerat xperia xz ultra ka kamerë 19MP ndërsa S8 12MP ndërsa ajo frontale te xperia xz ultra është 13MP kurse te S8 8MP.

Ekrani

Ekrani i galaxy S8 është super amoled që cilësohet si ekrani më i mirë në qarkullim dhe ka rezolucion prej 1440 x 2960 piksels dhe 5.8 inq ndërsa xperia xz ultra ka ekran IPS LCD por rezolucioni është më I lartë se I galaxy S8, xperia xz premium ka rezolucion prej 3840 x 2160 dhe 5.46 inq.

Çmimi

Galaxy S8 do të dal në treg me 21 pril ndërsa xperia xz premium me 1 qershor ndërsa çmimi I galaxy S8 pritet të jetë 800 euro derisa I xperia xz ultra 750 euro.

Secili ka preferencat e veta dhe samsung ka më shumë adhurues por siq shihet nga këto karakteristika sony këtë rradhë ka mposhtur samsungun./ameble.com

Bixby mund të instalohet në çdo Samsung Galaxy

Bixby mund të instalohet në çdo Samsung Galaxy

Bixby pritet të jetë pika kryesore në shitjen e serisë Galaxy S8, asistenti virtual i Samsung-ut tani nuk është diçka ekskluzive vetëm për seritë e reja Galaxy S8 dhe Galaxy S8+.

Përdoruesit kanë zbuluar se me vetëm pak përpjekje Bixby do të instalohet në smartphone-in tuaj.

Nuk është e nevojshme qe pajisjen ta keni root, ose asnjë ndërhyrje të dyshimtë, gjithçka që ju duhet është që pajisja juaj të ketë versionin Android 7.0 Nougat.

Samsung është vonë në lojë me Bixby, por kjo nuk ka rëndësi. Ky asistent virtual i Samsung-ut ofron të njëjtat funksionalitete që kanë Siri, Cortana dhe Google Assistant – por me disa veçori unike, siç është Bixby Vision që mundëson identifikimin e objekteve përmes fotografisë. /ameble

Lansohet Samsung Galaxy Core LTE

Lansohet Samsung Galaxy Core LTE

Samsung ka njoftuar për lançimin e një smartphone të ri Android, Galaxy Core LTE, me të cilin pritet të konkurron në tregun e Evropës dhe tregun e Azisë.

Samsung Galaxy Core LTE ka një ekran qHD 4.5 inç me rezolucion prej 540 x 960 pikselë i përkrahur nga një procesor 2-bërthamor 1.2 GHz.

Samsung Galaxy Core LTE

Karakteristikat e tjera të Samsung Galaxy Core LTE përfshijnë 1GB RAM memorie, 8 GB hapësirë të brendshme e cila mund të zgjerohet nëpërmjet SD micro kartelës deri në 64 GB, kamerën e pasme 5 Megapiksel me LED flash, kamerën frontale 0.3 Megapiksel dhe përmban një bateri të fuqisë prej 2,100 mAh. Ky model ka të integruar platformën Android me version 4.2.2 Jelly Bean.

Sa i përket çmimit, ende nuk është bërë njoftimi zyrtar. /ameble

Samsung prezanton edhe një smartphone të ri Galaxy

Samsung prezanton edhe një smartphone të ri Galaxy

Samsung ka prezantuar edhe një smartphone të ri të serisë Galaxy, me ekran 4.7 inç që e ka emëruar Galaxy Core Advance. Galaxy Core posedon procesorin 2-bërthamor 1.2GHz, 1GB RAM, 8GB memorien e brendshme (me mundësi zgjerimi deri në 64GB me anë të kartelës microSD), kamerën 5 megapikselë dhe baterinë me fuqi 2.000 mAh.

Galaxy Core Advance

Galaxy Core Advance vjen me versionin Android 4.2 dhe përkrah Wi-Fi, USB 2.0, Bluetooth 4.0 dhe lidhjen HSPA. Pajisja pritet të prodhohet në dy ngjyra kaltër e mbyllet dhe e bardhë, dhe do të jetë në dispozicion në fillim të vitit të ardhshëm me një çmim ende të panjohur. |ameble|

Drejtpërdrejt: Publikimi i Samsung Galaxy Note 3

Drejtpërdrejt: Publikimi i Samsung Galaxy Note 3

Samsung-Galaxy-Note-3Të gjithë në pritje të Samsung Galaxy Note 3.

Samsung Galaxy Note 2 me siguri ka qenë njëri prej produkteve më të pëlqyera të Samsung për shumë njerëz nëpër botë. Shumë nga ne me pa durim kemi pritur se kur do të publikohet Samsung Galaxy S 3 ngase Note 2 ka lënë një shije të mrekullueshme me mënyrën se si funksionon. Samsung Galaxy Note 3 është produkti i radhës që pjesëmarrësit e IFA 2013 në Berlin do të mund ta shohin prej 6-11 Shtatorë.

Të dhëna për fabletin Samsung Galaxy Note 3 nuk kemi shumë, por një gjë është e sigurt, se procesori i tij do të jetë octa-core (tetë-bërthamorë).

Kjo ngjarje do të fillojë në ora 19:00 sipas orës tonë lokale. Ne ju ftojmë që këtë ngjarje ta ndiqni përmes Ameble duke klikuar në videon më poshtë. |ameble|

[youtube id=”4ihkiREluBM” width=”600″ height=”350″]

Vlerësim: Samsung Galaxy Win

Vlerësim: Samsung Galaxy Win

Samsung Galaxy Win Dizajni -ameble

Deri më tani kemi arritur të bëjmë vlerësimin e disa smartphone-ve TOP nga gjiganti Samsung duke përfshirë Galaxy SII, Galaxy S3Galaxy S4 dhe Galaxy S4 Mini Duos. Në vazhdim kemi vendosur të vlerësojmë edhe një model tjetër që i takon familjes së njëjtë. Është fjala për Samsung Galaxy Win.

Modeli Galaxy Win nga Samsung është prezantuar në Prill të këtij viti, ndërsa është lansuar në treg në Maj. Ky model ka për shënjestër përdoruesit që përdorin më shumë se një operator të telefonisë mobile, pra ofron mundësin e instalimit të dy kartelave SIM si dhe ka për shënjestër përdoruesit që kanë një buxhet të kufizuar për të shpenzuar të holla në pajisje të fundit.

Si gjithnjë, para se fillojmë me vlerësimin e pajisjes është më rendësi të dini se çfarë përfitoni nga ky model, me çfarë karakterizohet, si dhe çfarë përparësi ose mangësi ka.

Përparësitë:

  • Dual SIM
  • Procesori  4-bërthamor 1.2 GHz
  • Kamera 5 Megapikselë

Mangësitë:

  • Nuk ka inovacion në dizajn

Hardueri dhe Dizajni

Samsung Galaxy Win në pamje të parë nuk dallon shumë nga modelet e fundit të smartphone-ve nga Samsung, gjë që nuk ofron një përshtypje të mirë, sepse nuk është vërejtur një angazhim i madh i kompanisë në krijimin e ndonjë dizajni tjetër inovativ. Kemi përshtypje se Samsung ka krijuar një shabllon të vetmin për të gjitha modelet e fundit duke ndryshuar vetëm harduerin përbërës dhe madhësinë e pajisjes.

Si tek modelet e më hershme, nën pjesën e ekranit, janë të vendosur tre butona kapacitiv: Menu, butoni Back (për kthim) dhe butoni Home.

Pjesa e përparme e Galaxy Win ka ekranin 4.7 inç TFT kapacitiv me rezolucion 480 x 800 pikselë, një buton me presion (Home), dhe dy butona kapacitiv (Menu dhe Back) si dhe kamerën frontale VGA që mundëson fotografimin dhe video thirrje.

Ngjashëm me modelet e më hershme dizajni është identik, pra në pjesën anësore në anën e majtë është integruar kontrolluesi i zërit, ndërsa në pjesën anësore të anës së djathtë është integruar butoni i fikjes/ndezjes së smartphone-it.

Në pjesën e sipërme gjendet jack-u 3.5mm për lidhje të kufjeve (ndëgjojseve), ndërsa në pjesën e poshtme është integruar mikrofoni dhe porta microUSB e cila mundëson transferimin e të dhënave dhe mbushjen e baterisë së smartphone-it.

Pjesa e prapme përmban kamerën kryesore 5 megapixel së bashku me flash-in LED, ku nga ana e djathtë e kamerës janë të vendosura altoparlantët.

Me largimin e kapakut të smartphone-it mundësohet qasja për microSD, si dhe vendosja e dy karteleve microSIM, pa pasur nevojë fare të largohet bateria e pajisje.

Ekrani dhe Zëri

Samsung Galaxy Win ka një ekran të madhësisë 4.7 inç të llojit TFT me rezolucion 480 x 800 pikëselë që kanë densitet prej 199 ppi. Ekrani i këtij modeli  është dukshëm më i dobët në krahasim me ekranet e modeleve të Galaxy S3, Galaxy S4 si dhe Galaxy S4 Mini Duos.

Sikurse edhe tek modelet e më hershme, prodhimi i zërit nga ky smartphone është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe ka opsionin ekstra Volume që e rrit dëgjueshmërinë e mikrofonit.

Kamera

Po ashtu edhe ky smartphone ka të integruar dy kamera, por jo të kualitetit shumë të lartë. Kamera frontale është standard VGA që i bie vetëm 0.3 Megapikëselë, ndërsa ajo e pasme është 5 Megapikëselë.

Disa efekte të fotografisë janë opsioni: Black and White, Sepia, ndërsa opsione të tjera ofrohen nëpërmjet funksionit Mode sikurse Single shot, Continuous, Panorma, Share shot, Buddy photo share, Smile shot.

Video incizimi me Galaxy Win mund të bëhet maksimum në rezolucionin 720 x 480.

Softueri

Galaxy Win vjen me sistemin operativ Android 4.1.2 Jelly Bean me një përformancë të mirë dhe të shpejtë.

Disa aplikacione të instaluara në Galaxy Win sikurse: aplikacioni i kohës, Google Maps si dhe radio, janë testuar dhe funksionojnë pa asnjë pengesë.

Instalimi i kartelave SIM

Vendosja e kartelave SIM është shumë e thjeshtë. Me tërheqjen e kapakut të smartphone-it shfaqen 3 porte, ku dy porte janë të dedikuara për kartela SIM me disa instruksione se si duhet të vendosen kartelat, si dhe porta tjetër e dedikuar për kartel SD me anë të cilës mund të rritet hapësira për ruajtjen e shënimeve. Pra, tek ky model, nuk ka nevojë të tërhiqet bateria e smartphone-it për të vendosur kartelat SIM por vetëm kapaku i smartphone-it nga ana e pasme.

Hapësira

Hapësira e integruar e Samsung Galaxy Win është e madhësisë 8 GB, nga e cila 3 GB automatikisht është e rezervuar për sistemin operativ ndërsa 5 GB mbeten pjesa e lirë për instalimin e aplikacioneve dhe ruajtjen e të dhënave të tjera. Galaxy Win po ashtu posedon edhe portën SD nëpërmes së cilës hapësira (storage) mund të zgjerohet deri në 64 GB.

Përformanca dhe bateria

Samsung Galaxy Win ka një funksionalitet dhe përformancë të mirë duke përfshirë po ashtu edhe hapjen dhe funksionalitetin e aplikacioneve të instaluara . Përformanca e arritur vjen nga procesori 4 -bërthamor 1.2 GHz i cili është integruar në Galaxy Win. Po ashtu edhe shfletimi në internet (web browser) është shumë e kënaqshëm dhe këtu nuk ka ndonjë vërejtje. Një gjë që është shumë e çuditshme tek ky model është fakti se pse Samsung nuk ka investuar në ekran dhe në kamerë, por vetëm në procesor?

Bateria e Galaxy Win është e fuqisë 2000 mAh dhe mund të ndërrohet nga përdoruesi pa pasur nevojë të dërgohet smartphone-i në servis për të zëvendësuar baterinë siç është rasti me iPhone apo me disa modele të HTC-së.

Përfundim

Shtrohet pyetja: A me ble Galaxy Win?

Galaxy Win është një smartphone me procesorë mesatar, me ekran dhe kamerë të kualitetit jo shumë të lartë i cili ofron mundësin e vendosjes së dy SIM kartelave. Është një pajisje e rangut të mesëm dhe duke pasur parasysh se edhe me te ju mund të lidheni në internet, në rrjetet sociale, të pranoni dhe dërgoni email-a, si dhe të keni qasje në aplikacione të ndryshme Android, Samsung Galaxy Win ia vlen me ble bazuar çmimin që shitet tek ne.

Për të gjithë ata të interesuar për blerjen e modelit Galaxy Win, rekomandojmë shitoren e pajisjeve mobile F–Mobile  në Prishtinë, i cili ofron kushte shumë të volitshme për blerje si dhe garancion prej 2 vitesh për pajisjen. |ameble|

Samsung publikon të ardhurat për tremujorin e dytë 2013

Samsung publikon të ardhurat për tremujorin e dytë 2013

Samsung CebitSi Apple tani edhe kompania Samsung kanë publikuar rezultatet e saj financiare për tre mujorin e dytë të këtij viti dhe sipas këtyre rezultateve kompania thotë se ka arritur ti thyej të gjitha rekordet e mëparshme pasi që Samsung ka regjistruar rreth 51 miliardë dollarë amerikan.

Samsung ka bërë një buj të madhe me pajisjet e fundit të tyre të cilat i kanë prodhuar dhe janë shumë fitimtar prej tyre. Sipas të dhënave të kompanisë thuhet se ky ka qenë tremujori me i madh për kompaninë nga Koreja e Jugut.

Të gjitha këto të ardhura të jashtëzakonshme të Samsung-ut mendohet se janë arritur nga modelet e fundit të smartphone-ve Galaxy të cilat i ka prodhuar kjo kompani. Besohet se modeli i fundit i Samsung Galaxy i cili është S4 ka ndikuar shumë në këtë sukses të cilin e ka arritur kjo kompani dhe që po cilësohet si sukses i jashtëzakonshëm i kësaj kompanie. |ameble|

Vlerësim: Samsung Galaxy S4 Mini DUOS

Vlerësim: Samsung Galaxy S4 Mini DUOS

Samsung Galaxy S4 Mini Duos e para

Pak ditë më parë kemi publikuar artikullin me vlerësimin për smartphone-in Samsung Galaxy S4 ndërsa sot vazhdojmë me pasardhësin e tij Samsung Galaxy S4 Mini modeli I9192.

Samsung Galaxy S4 Mini vjen në dy versione Samsung Galaxy S4 Mini I9192 që përkrah dy GSM SIM kartela dhe versioni tjetër të cilin e gjejmë me emrin Samsung Galaxy S4 Mini I9190 i cili përkrah vetëm një GSM SIM kartelë. Pajisja të cilën ne e kemi testuar është Samsung I9192 Galaxy S4 Mini që përkrah dy GSM SIM kartela. Meqenëse asgjë tjetër në specifikat harduerike të këtyre smartphoneve nuk dallon, në këtë artikull të kësaj pajisje ne do ti referohemi vetëm si Samsung Galaxy S4 Mini.

Sa shumë prej nesh kemi dëshirë qe të mos mbajmë më shume se një telefon me vete dhe si të tillë duam që ky smartphone të jetë “brand name” dhe kualitativ?

Kompania Samsung ka mundësuar këtë gjë për ne. Samsung  Galaxy S4 Mini DUOS është bërë me qëllim që të ju mundësoj njerëzve që të integrojnë dy operatorë në një smartphone të vetëm me një çmim modest dhe madhësi më të vogël.

Përparësitë:

  • Dual SIM
  • RAM 1.5 GB
  • Ekrani 4.3 inç Super Amoled, i mbrojtur me Corning Gorilla Glass
  • Kamera 8 Megapikselë
  • Kapaciteti i baterisë 1900 mAh
  • Mundësia e mbushjes së baterisë me WiFi
  • Procesori  Dual-Core 1.7 Ghz
  • Ka FM-Radio

Mangesitë:

  • Nuk ka AirGesture Sensor
  • Nuk ka Multi-View
  • Çmimi i lartë

Paketimi i Samsung Galaxy S4 Mini njëjtë sikur modeli 5 inç i S4 janë të përbëra nga materiali i letrës, i kombinuar me material nga bima e sojës, gjë që e bënë që i tërë paketimi i këtij smartphone-i të jetë i riciklueshëm deri në masën 100% dhe si i tillë aspak i rrezikshëm për shëndetin.

Brenda këtij paketimi gjenden: smartphone-i Samsung Galaxy S4 Mini, bateria , mbushësi i baterisë, kabllo për lidhjen e pajisjes me portën USB të kompjuterit, kufjet (ndëgjojset) si dhe udhëzuesi i përdorimit të smartphone-it.

Hardueri dhe Dizajni

Samsung Galaxy S4 Mini është thjeshtë një Galaxy S4 i përmasave më të vogla, si në specifikat teknike po ashtu edhe në madhësinë e këtij të fundit. Dizajni i kësaj pajisje është i karakterit të ngjashëm me atë që e kemi parë në S3 Mini.

Nën pjesën e ekranit, kemi tre butona kapacitiv: Menynë, butonin Back (për kthim) dhe butonin Home.

Mbi pjesën e ekranit kemi vrimat e kufjeve, afër tij kemi senzorin e dritës dhe ndjeshmërisë së afërsisë. Ajo çfarë S4 Mini nuk e ka është senzori “Air gesture” dhe “Air View” gjë të cilën Galaxy S4 e ka. Kur jemi në pjesën e përparme duhet të cekim faktin se kamera e përparme është e madhësisë 1.9 megapikselë që mundëson fotografi dhe video thirrje.

Pjesa anësore në anën e majtë të S4 Mini është pjesa në të cilën kontrolluesi i zërit është i lokalizuar.

Në pjesën anësore të anës së djathtë kemi vetëm butonin e fikjes/ndezjes.

Para publikimit të S4 dhe S4 Mini është përfolur se pikërisht në këtë pjesë do të vendoset edhe një buton shtesë për nxjerrjen e fotografive, por këtë gjë nuk e kemi parë të vendoset në asnjërin nga këta të dy.

Pjesa e sipërme e Galaxy S4 Mini ka një vrime (jack) të zërit, mikrofonin dytësor dhe IR transmetuesin që mundëson që të përdorim smartphone-in tonë sikur një telekomandë për kontrollimin e pajisjeve tona shtëpiake.

Ndërsa në pjesën e poshtme kemi mikroUSB portin i cili mundëson transferimin e të dhënave dhe mbushjen e telefonit, në këtë pjesë kemi edhe vrimën e mikrofonit kryesor. Kjo USB e mbështet protokollin MHL.

Në pjesën e pasme të Samsung Galaxy S4 Mini kemi një kamere 8 megapikselë, e përshtatshme për të regjistruar video imazhe të kualitetit 1080p, nën kamerë është i vendosur LED flash për ndriçim.

Ndërsa në anën e majtë të pjesës fundore gjendet altoparlanti i zërit.

Ekrani dhe Zëri

Samsung Galaxy S4 Mini ka një ekran të madhësisë 4.3 inç të llojit Super AMOLED gHD me rezolucion (960 x 540 pikselë). Densiteti i pikselëve të S4 Mini është 256ppi që është mjaft i mirë dhe ajo që e bënë edhe me të mirë është paneli i ndriçimit LED RGB Matrix.

Duke e konsideruar këtë pajisje si të rangut mesatar, mund të themi se ekrani i S4 Mini është mjaft i fortë, dhe mjaft i përshtatshëm për sytë.

Në anën tjetër, prodhimi i zërit nga ky smartphone është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe ka opsionin ekstra Volume që e rrit degjueshmërinë e mikrofonit.

Kamera

Sikurse edhe modeli  i madh i Galaxy S4, pajisja Galaxy S4 Mini ka dy kamera. Kamera e përparme është 1.9 megapikselë dhe mund të përdoret për video thirrje me Skype apo Google Talk, ndërsa kamera e pasme është 8 megapikselë. Galaxy S4 Mini nëpërmjet softuerit të integruar ofron opsione të ndryshme të efekteve të fotografisë gjatë fotografimit të cilat mund të përzgjidhen drejt për së drejti. Duhet të cekim se kamera e këtij modeli mund të bën incizimin e videove në formatin FULL HD.

Softueri

Njëjtë sikur Galaxy S4 edhe Galaxy S4 Mini vjen me sistemin operativ të fundit Android 4.2.2 Jelly Bean me një përformancë jashtëzakonisht të mirë dhe shumë të shpejtë.

Sistemi Operativ i Samsung Galaxy S4 Mini ka të integrauar aplikacionin Watch On i cili nëpërmjet IR transmetuesit mundëson kontrollimin e TV-së, DVD Player-it, Blu-ray Player-it, Projektorit, Sistemit Surround, Klimës dhe pajisjeve të tjera “Smart”.

Aplikacioni Group Play, po ashtu ofron një mundësi nëpërmjet të cilit ju mund t’i shpërndani muzikën, fotografitë ose të luani lojëra me miqtë tuaj afër jush. Aplikacioni S voice është integruar në Galaxy S4 Mini dhe është shumë funksional, ku me aktivizimin e tij aplikacioni kryen urdhërat e juaja pa pasur nevojë fare që ju të operoni me pajisjen, pra mund të bëni thirrje, të vendoseni alarme, të bëni përditësimin në faqet e rrjeteve sociale, navigoni etj (që është e shpjeguar në videon më poshtë).

Instalimi i SIM kartelave

Vendosja e SIM kartelave është shumë e thjeshtë. Me tërheqjen e kapakut dhe baterisë së smartphone-it, do të shfaqen 3 porte, ku dy porte janë të dedikuara për SIM kartela me disa instruksione se si duhet të vendosen kartelat, si dhe porta tjetër e dedikuar për SD kartel me anë të cilës mund të rritet hapësira për ruajtjen e shënimeve.  Për të vërtetuar se SIM kartelat janë të vendosura mirë, tek notifikimit do të paraqiten dy SIM kartela të operatoreve përkatës (shih fotot më poshtë). Po ashtu duhet të cekim se qasja apo përzgjedhja e operatorit të cilin dëshirojmë të shfrytëzojmë gjatë thirrjeve, është shumë e lehtë duke bërë përzgjedhjen e operatorit vetëm me një prekje.

Hapësira 

Hapësira e integruar e Samsung Galaxy S4 Mini është e madhësisë 8 GB, nga e cila 3 GB automatikisht është e rezervuar për sistemin operativ ndërsa 5 GB mbeten pjesa e lirë për instalimin e aplikacioneve dhe ruajtjen e të dhënave të tjera. S4 Mini posedon portën SD nëpërmes së cilës hapësira (storage) mund të zgjerohet deri në 64 GB.  Sa i përket hapësirës, lirshëm mund të vlerësojmë se kjo është një hapësirë e mjaftueshme duke konsideruar mbështetjen e SD-Kartelës.

Përformanca dhe Bateria

Ashtu siç edhe kemi pritur, smartphone-i Samsung Galaxy S4 Mini ka një funksionalitet tepër të mirë. Shfletimi (browsing) në Internet është tejetë i shkëlqyeshëm, duke llogaritur që ekrani i S4 Mini është për 0.7 inç më i vogël se S4, ai prap se prap duket të jetë i mjaftueshëm për lundrimet e zakonshme në Internet. Thjeshtë përformanca e shfletuesit të internetit (web browser) është shumë e kënaqshme dhe këtu nuk kemi ndonjë vërejtje.

Gjithashtu hapja dhe funksionaliteti i aplikacioneve është shumë i mirë dhe i shpejtë kjo për shkak të procesorit dy-bërthamor 1.7 GHz, Andreno 305 Qualcomm Snapdragon 400.

Për më shumë mund të shikoni videon praktike të Galaxy S4 Mini e realizuar nga ne.

Sa i përket aplikacioneve, pothuajse të gjithë aplikacionet që i kemi testuar në instalim dhe funksionalitet janë pa problem të përballueshme për S4 Mini. Nëse e krahasojmë S4 Mini me cilin do smartphone tjetër dual-SIM, patjetër që S4 tejkalon përformancen e të gjithë të tjerëve kur është fjala tek shpejtësia, funksionimi dhe përformaca në përgjithësi.

Bateria e S4Mini është e fuqisë 1900mAh. Vrimat e kartelës microSD dhe microSIM ndodhen nën bateri, pra nëse dëshirojmë që të heqim këto kartela atëherë patjetër duhet së pari ta fikim telefonin, ta heqim baterinë.

Gjatë mbushjes së smartphone-it rekomandohet mbushësi origjinal që vjen në paketimin e Galaxy S4. Në rast se dëmtohet ose nuk është më funksional duhet të blihet adapteri 2.0 A (ampera).

Përfundim

Shtrohet pyetja: A me ble Galaxy S4 Mini DUOS?

Samsung Galaxy S4 Mini, specifikisht version I9192 (DUOS) i cili përkrah dy operator GSM, është një zgjidhje ideale për të gjithë e sidomos përsonat që duan të kenë dy operator ose dy numra të ndryshëm të të njëjtit operator në një telefon të vetëm siç hasim tek ne. Ekrani dhe madhësia më e vogël se i S4, është edhe një përparësi tjetër për ata që duan një smartphone më të vogël.

Gjatë testimeve që i kemi bërë S4 Mini-t, konstatuam se ky i fundit ofron një përformancë të shkëlqyeshme në mënyrën se si funksionon dhe dizajnin që ka.

Duke u bazuar në faktin se ky smartphone është pasardhës i S4 dhe çmimi i tij dallon për 50 – 70 euro, do të ishte gjë e mirë nëse në të ashtu siç është në S4 të ishte i integruar moduli AirGesture, AirView dhe hapësira e integruar të ishte së paku 16 GB.

Për të gjithë ata të interesuar për blerjen e modelit Galaxy S4, rekomandojmë shitoren e pajisjeve mobile F–Mobile me dyqan në Prishtinë, i cili ofron kushte shumë të volitshme për blerje si dhe garancion prej 2 vitesh për pajisjen. |ameble|

Ftesë nga Samsung me 20 Qershor

Ftesë nga Samsung me 20 Qershor

Kompania Samsung nuk po ndalet, ajo sot ka lajmëruar se me 20 Qershor ka në plan të mbajë një konferencë për media në Londër, dhe të bëjë debutimin e disa pajisjeve të reja.

Ftesa mban titullin “Samsung Premiere 2013 Galaxy & Ativ”, duke konfirmuar se të dyja pajisjet Android dhe Windows do të zbulohet gjatë kësaj ngjarje. Është e paqartë se çfarë modele po planifikon kompania të shfaq, por që marka “Galaxy” përfshin smartphone-t Android, tabletët madje edhe kamerat, kurse marka “Ativ” përfshin laptopat, tabletat dhe pajisjet më Windows Phone kështu qe është e vështirë të kuptohet.

Samsung ka futur gjithashtu disa fotografi pak ngacmuese në ftesat e saj, edhe pse dy prej fotografive shfaqen duke treguar opsionin close-up të një pajisjeje laptop. |ameble|

Samsung Premiere 2013 Galaxy & Ativ 1