Tag Archives

14 Articles
Gmail sjellë si opsion ndryshimin e dokumenteve të Office-it drejtpërdrejt nga shfletuesi

Gmail sjellë si opsion ndryshimin e dokumenteve të Office-it drejtpërdrejt nga shfletuesi

GmailGmail ka sjellë si opsion ndryshimin e dokumenteve të Microsoft Office-it, duke i dhënë përdoruesve të Gmail-it mundësi për të hapur dhe edituar file-at si Word, Excel dhe Powerpoint brenda shfletuesit të tyre Chrome me vetëm një klik.

“Ne si përdorues të dokumenteve, e kuptojmë se nganjëherë vërtet është e nevojshme të punojnë drejtpërdrejt në file, kështu që për ketë arsye kemi bërë ketë përditësim për ju,” ka shpjeguar udhëheqësi i Google-it në një post të tij në Google+. “Tani është edhe më e lehtë për ju për të edituar file-a të Office-it ku shpesh ju vijnë të bashkangjitur në një email.”

Ja se si funksionon: kur pranoni një Word, Excel apo Powerpoint të bashkëngjitur me email, ju duhet të klikonin në butonin “edit”, dhe dokumenti juaj automatikisht do të konvertohet dhe hapet brenda Google Docs, Google Sheets apo Google Slides. Kur të përfundoni ndryshimin, ju thjesht mund ta ruani atë, eksportoni ose edhe dërgoni nëpërmes email-it.

Nëse nuk doni ta ndryshoni formatin e dokumentit që keni hapur, atëherë Google ju rekomandon të instaloni një program të vogël shtesë (extension) për editim (Office Editing) për Google Chrome, i cili ju mundëson që dokumentet e hapura të Office-it të ruajnë formatin e tyre origjinal edhe pas editimit. /ameble

Kujdes: Janë publikuar online 5 milionë adresa dhe fjalëkalime të Gmail-it

Kujdes: Janë publikuar online 5 milionë adresa dhe fjalëkalime të Gmail-it

Sulmuesit (hakerët) si duket këtë muaj kanë qenë shumë të zënë. Disa javë pas sulmit të shërbimit iCloud që rezultoi më foto lakuriq të shumë VIP-ve botëror dhe pastaj duke i publikuar ato online, kësaj herë raportohet se deri në pesë milionë adresa të Gmail-it janë goditur.

Sot më herët, nga një sulmues i panjohur në një forum rus “Bitcoin” janë publikuar pesë milionë adresa dhe fjalëkalime të përdoruesve të Gmail-it që i bie rreth 60% në total sa janë aktive. Ende nuk është konstatuar apo gjetur se nga kanë rrjedhur këto adresa.

Gmail passwords

Të paktën një gjë është e qartë se këto adresa nuk kanë dalur nga sistemet e Google-it. Si duket këto adresa mund të kenë dalur nga ndonjë ueb-faqe interneti e palës së tretë ose ndonjë koleksion i ueb-faqeve të tilla ku përdoruesit kanë përdorur fjalëkalimet e tyre nga Google Mail.

Për fat të keq shumë njerëz është dëgjuar se përdorin një fjalëkalim në të gjitha shërbimet online. Tani, sulmi nga një vend mund të rezultojë në gjitha shërbimet e tyre në internet, dhe kjo është arsyeja pse është e domosdoshme të përdoren fjalëkalime të ndryshme sidomos për adresën primare të email-it, për ueb-faqet të ndryshme apo shërbimeve online.

Pas këtij lajmi shumë ueb-faqe të rreme janë shfaqur menjëherë online, të cilat nxisin njerëzit që të shkruajnë emrin e përdoruesit të Gmail-it dhe fjalëkalimin, për të parë nëse adresa e tyre është sulmuar apo është e sigurt (shih foto më poshtë). Kjo është edhe më e rrezikshme, andaj mos provoni diçka të tillë.

email check

Ata që dëshirojnë të jenë të sigurt sa i përket kësaj duhet të ndryshojë fjalëkalimin e tyre në Gmail menjëherë dhe rekomandohet që të aktivizoni faktorin sekondar për siguri më të lartë të adresës tuaj. /ameble

Google po teston një dizajn të ri të Gmail-it

Google po teston një dizajn të ri të Gmail-it

Gjatë vikendit është raportuar se Google është në proces të krijimit dhe testimit të një dizajni me ndryshe të ndërfaqes për përdorues të Gmail-it. Google vazhdimisht teston dhe bënë zhvillimin e tipareve të reja për shërbimet e saja.

Google Gmail redizajn 1

Gmail i ri i ri-dizajnuar tani përfshin menynë lëvizëse. Siç po e shihni edhe nga imazhi (kliko për kualitet të lartë) pamja e re e Gmail-it është shumë më e pastër dhe me më pak çrregullime se sa versioni aktual dhe përfshinë një buton të ri të vendosur në këndin e poshtëm të djathtë të ekranit, duke ju mundësuar përdoruesve për të zgjedhur menynë sipas opsioneve, të tilla si, për të shkruar një email të ri ose vendos lajmërime. Karakteristikë tjetër e re në kuadër të ri-dizajnimit të Gmail-it është edhe riemërimi i funksionit “Stars” në “Pins”.

Të gjitha këto ndryshume ende nuk janë konfirmuar nga Google, por nëse dalin të jenë të vërteta do të raportojmë me kohë. /ameble

Google nga tani do të enkriptoj çdo e-mail që dërgohet përmes Gmail-it

Google nga tani do të enkriptoj çdo e-mail që dërgohet përmes Gmail-it

Gmail sign inGoogle ka filluar të bëhet me serioze në lidhje me sigurimin e mesazheve/e-mail-ave në shërbimin e tyre Gmail. Kompania ka njoftuar se është duke punuar që të gjitha mesazhet e Gmail-it të kalojnë nëpërmes një lidhje të koduar HTTPS që parandalon të tjerët në leximin apo edhe synimin e marrjes së tyre. Google opsionin HTTPS në Default për përdoruesit e ka vendosur që nga viti 2010, por me sa duket kjo nuk është e mjaftueshme, kështu që ka vendosur të bëjë me shumë siguri, kjo për shkak të skandalit të spiunimit nga NSA që ishte zbuluar vitin e kaluar nga Edward Snowden.

Google thotë se, “ky ndryshim do të thotë se askush nuk mund t’ju qaset apo shikoj mesazhet tuaja, përderisa ata kalojnë rrugën nga ana juaj deri të serveri apo edhe anasjelltas, nuk ka rëndësi se a përdorni WiFi në publik apo rrjetin nga kompjuteri, telefoni apo tableti.” Ata siç thuhet kanë shkuar edhe një hap me lartë duke i enkriptuar të gjitha mesazhet gjatë bartjes.

Sido që të jetë, a do të thotë kjo që mesazhet/e-mail-at tonë në Gmail nga tani janë plotësisht të siguruar nga spiunet? Ne nuk llogarisim në ketë çfarë thotë, apo ka bërë Google. Si mendoni ju?/ameble

Kujdes nga mashtrimet kibernetike “në emër të Google”!

Kujdes nga mashtrimet kibernetike “në emër të Google”!

make it more secure- amebleZakonisht, mund të vërejmë nëse qasja jonë në Google apo ndonjë ueb faqe tjetër është e sigurt apo jo thjesht duke afruar kursorin e miut përmes te cilit shfaqet linku i domeinit në të cilin do të qasemi.

Sidoqoftë, përmes një metode të re që disa hakerët po përdorin po arrijnë të vjedhin identitetin e shumë personave në Google dhe shërbimet e saj siç janë Gmail, Google Drive apo Google+.

Mënyra se si po e bëjnë këtë është tejet e sofistikuar, duke shfrytëzuar vetë serverët e Google për të vepruar kundër vetes.

Kjo gjë është zbuluar nga kompania amerikane që merret me prodhimin e antivuseve Symantec.
Mashtrimi fillon me pranimin e një e-maili me titullin “Documents”, përmbajta e të cilit inkurajon përdoruesit që të klikojnë në një link për të hapur një mesazh të rëndësishëm në Google Drive, nga ku më pas fillon vjedhja e identitetit.

Kjo nuk është hera e parë, por është mënyra më e sofistikuar që është përdorur ndonjëherë për të vjedhur identitetin e llogarive në shërbimet e Google.

Stafi i Ameble’së, inkurajon përdoruesit e shërbimeve të Google që në rast se pranojnë një mesazh të tillë me subjektin “Documents” të mos e hapin apo klikojnë në ndonjë link.
Nëse tashmë keni hapur një e-mail të tillë, atëherë automatikisht ndryshojeni fjalëkalimin tuaj, si dhe aktivizoni verifikimin e dyfishtë.  /ameble

 

Nga sot Google ju mundëson të shkarkoni të dhënat nga Gmail

Nga sot Google ju mundëson të shkarkoni të dhënat nga Gmail

Google ka njoftuar sot se nga tani e tutje, përdoruesve ju mundësohet të shkarkojnë të dhënat e tyre nga shërbimi Gmail dhe Google Calendar. Secili përdorues do të ketë mundësinë për të shkarkuar të gjitha të dhënat ose të zgjedh për të shkarkuar pjesë të veçanta.

Gmail shkarko

Përdoruesit gjithashtu do të kenë mundësinë të shkarkojnë vetëm një pjesë të arkives nga të dhënat e tyre nga shërbime të  ndryshme të tilla si Google+, YouTube, Gmail, Google Calendar, Google Drive etj. Duke ofruar këtë funksion, Google jua bën më të lehtë përdoruesve të ruajnë të dhënat apo edhe të bartin ato në shërbime tjera.

Kompania thotë se ketë shërbim do ta aktivizoj gradualisht dhe i tërë procesi do të përfundojë gjatë muajit të ardhshëm. |ameble|

Inbox-i në Gmail shumë shpejt me një pamje të re

Inbox-i në Gmail shumë shpejt me një pamje të re

Siç edhe ishte përfolur, Inbox-i i Gmail-it ngadalë po ndryshohet më një pamje krejt të re për Desktop, iOS dhe Android.

[youtube id=”CFf7dlewJus” width=”600″ height=”350″]

Inbox i ri do të ketë një pamje tjetër për të ndihmuar më shumë përdoruesit të organizojnë Inbox-in e tyre në kategori dhe Tab-a horizontal, kundrejt listës vertikale të deritanishme.

Kurse në pajisjet mobile, aplikacionet iOS dhe Android tani do ti ofrojnë përdoruesve qasje më të lehtë për të etiketuar kategori të tilla si sociale, promovime dhe përditësimet. Përditësimi për iOS dhe Android do të jetë në dispozicion në javët e ardhshme është njoftuar në blogun e Gmail-it.

Përdoruesve që nuk u pëlqen pamja e re atëherë mund të kaloni prapa në pamjen klasike. |ameble|

Google aktivizon prap opsionin e ri “Compose” në Gmail

Google aktivizon prap opsionin e ri “Compose” në Gmail

Më 30 Tetor, Google kishte futur opsionin e ri në Gmail që mundëson të shkruani (compose) email, më saktësisht një kuti të vogël të fiksuar në të djathtë në qoshen e poshtme të ekranit që shfaqet si popup. Disa njerëz e kanë pëlqyer ketë ndryshim, të tjerët e kanë urryer. Tani, e deshët apo jo, ky ndryshim është rikthyer dhe do të mbetet.

Gmail njehkosisht

Ndryshimi për të shkruar (compose) një email të ri nga Gmail është projektuar për t’ju dhënë mundësin që të kërkoni nëpër pjesën tjetër të email-ave tuaj pa dalë nga kutia e shkrimit. Kjo është e dobishëm nëse për shembull, jeni duke shkruar një email me citate nga email i kaluar atëherë keni mundësin të kaloni nëpërmes email-ave të vjetër pa dalë nga fusha e shkrimit.

Mundësia për të kaluar përkohësisht në versionin e vjetër ende ekziston, por ajo shumë shpejt do të zhduket.

gmail compose e vjeter

Ankesat për ketë ndryshim vijnë nga fakti se kjo hapësirë është e vogël dhe në një pozitë të papërshtatshme. Çfarë mendoni ju për ndryshimin? |ameble| 

Google publikon versionin Gmail 4.2 për Android

Google publikon versionin Gmail 4.2 për Android

Google ka përditësuar aplikacionin e Gmail-it për platformën e tyre Android, versioni i fundit është Gmail 4.2 dhe sjell disa karakteristika të reja në pajisjet Android, shumica e tipareve të reja janë në dispozicion për smartphone dhe tableta që posedojnë Android 4.0 dhe më lart. Disa nga karakteristikat e reja në Gmail 4.2 për Android përfshijnë zmadhimet (zooming) në mesazhe, mundësinë për arkivim, si dhe shumë tjera.

Versioni i fundit i aplikacionit Gmail 4.2 për platformën Android është në dispozicion si dhe mund ta shkarkoni pa pagesë nga dyqani online Google Play Store. |ameble| [divider top=”0″]

Gmail, tani me disa opsione të reja

Gmail, tani me disa opsione të reja

Sipas blogut zyrtar të Gmail-it, Google ka shtuar një seri mundësish të dobishëm për kërkim në Gmail. Tani përdoruesit e Gmail-it do të kenë mundësi për të kërkuar email-at e tyre sipas madhësisë dhe datës, mundësi kjo shumë e mirë dhe e lehtë për të ndihmuar përdoruesit të gjejnë atë që ju nevojitët në mënyrën sa më të shpejtë. Gjithashtu për të zvogëluar kërkimin edhe më tej, mund të përdorni kombinime të kërkimit si psh madhësia “size: 5m”.


Gmail dy javë më parë kishte nxjerr një përditësim (update) të mrekullueshëm. Me ndihmën e të cilit, përdoruesit tani mund të shkruajnë email direkt nga inbox-i dhe në të njëjtën kohë mund të kontrollojnë inbox-in për email të ri, kurse tjetra duke shkruar një email të ri ju ofrohet mundësia ta minimizoni atë dhe njëkohësisht mund të filloni të shkruani një email tjetër. |ameble|

 [divider top=”0″]

Gmail, me së shumti përdorues në botë

Gmail, me së shumti përdorues në botë

Tani pas 8 viteve ekzistencë shërbimi Gmail ka arritur të dal e para kundrejt Hotmail-it në shërbimet e mail-it, sipas të dhënave te fundit nga comScore.

Duke parë grafikun me poshtë nga comScore gara duket shumë e ngushtë, Gmail në mbarë botën ka 288 milion përdorues, Hotmail 286 milion dhe e treta radhitet Yahoo me 282 milion. Kurse vetëm në SHBA grafiku është krejt ndryshe, Yahoo udhëheq më afro 77 milion përdorues, Gmail në vendin e dytë me 69 milion dhe Hotmail me 35.5 milion përdorues.

Ne anën tjetër GigaOM spekulon se shifrat e Hotmail-it, e cila ka qenë në vend të parë mund të jenë ndryshuar nga futja e fundit e shërbimit të ri Outlook webmail por gjithashtu shtohet pyetja se sa përdorues të sistemin operativ Android regjistrohen në Gmail, kurse në fakt përdorin Hotmail apo Yahoo ose ndonjë shërbim tjetër si llogarinë e tyre primare. |ameble| [divider top=”0″]

Kufizohet qasja dhe shërbimet e Google në Iran

Kufizohet qasja dhe shërbimet e Google në Iran

Irani ka kufizuar qasjen në shërbimin e Google-mail dhe sistemin kërkues Google.com. Një firewall tashmë parandalon qasjen e iranianëve në faqet e shumta perëndimorë të internetit. Veprim i fundit përkon me protesta në të gjithë botën myslimane duke përfshirë edhe disa në Teheran kundër një filmi antiislamik postuar në YouTube video-sharing nëpërmjet faqes Google.

Një zëvendës ministër i qeverisë Iraniane njoftoi për këtë kufizim të dielën në televizionin shtetëror ku thotë se “Google dhe Gmail do të filtrohen në mbarë vendin, dhe do të mbeten të filtruar deri në një njoftim tjetër”. Njoftimi u është dërguar edhe nëpërmjet një mesazhi(SMS) tek populli iranian. |ameble| [divider top=”0″]