Tag Archives

7 Articles
Google shumë shpejt me tekste kengësh nga menyja direkte e kërkimit

Google shumë shpejt me tekste kengësh nga menyja direkte e kërkimit

Më herët nëse keni dashur të gjeni tekstin e një këngë të caktuar, u është dashur të kërkoni me terma të veçantë të kërkimit në Google (apo cilëndo makinë të kërkimit), për tu lidhur më ndonjë ueb-faqe që posedon tekste këngësh.

Tani si duket Google është duke e zhvilluar një mundësi shumë më të lehtë për të gjetur tekstin e një këngë nga menyja e kërkimit të vet, ngjashëm si në imazhin e mëposhtëm.

Google Song lyrics

Rezultati i tekstit të një këngë nuk do të shfaqet tërësisht, por vetëm një pjesë e tij, mirëpo do të jepet mundësia të lidheni me GooglePlay për të parë tekstin e plotë. Përderisa kjo pritet të pëlqehet shumë nga përdoruesit, në anën tjetër ueb-faqet e caktuara që posedojnë tekste këngësh nuk do të jenë shumë të kënaqura nga kjo ide e Google-it. /ameble

Google Search informon për FIFA World Cup 14

Google Search informon për FIFA World Cup 14

Ngjarja më e madhe e futbollit, FIFA World Cup 14, është afër dhe fillon ditën e enjte më 12 qershor. Për të marrë të gjitha informatat rreth saj, Google Search është përditësuar dhe tani shfaq të gjitha informacionet në lidhje me ndeshjet.

World cup

Funksioni për kërkim është në dispozicion në të dy platformat ueb dhe pajisjet mobile, e cila do t’ju mbaj të informuar me oraret e ndeshjeve, informacionet e grupeve dhe shumë tjera përgjatë kupës së botës.

Shembull shkruaje, “World cup” në Google Search dhe aty do t’ju shfaqen të gjitha informatat rreth këtij kampionati. /ameble

Christopher Viatafa nëpërmes Google-it gjen veten në listë si i kërkuar për krime

Christopher Viatafa nëpërmes Google-it gjen veten në listë si i kërkuar për krime

Kur kërkon emrin tuaj në Google, ndodh që me emër të njëjtë si rezultat të shfaqen shumë persona. Njëri aktor, njëri kampion në karate, atlet në kolegj e kështu me radhë. Mirëpo personi me emër Christopher Viatafa, që ka 27 vjet i ka ndodh se ka gjetur veten në listë si i kërkuar (Most Wanted) për Kaliforni, nëpërmes Google-it. Viatafa menjëherë e ka lajmëruar rastin, i cili thotë se asnjëherë nuk ka qenë ndër hetime apo nuk ka bërë ndonjë të keqe.

Christopher_Viatafa

Viatafa nuk kishte ide se si ka mundësi të futet në listën “e të kërkuarve” pavarësisht asaj që nuk ka bërë ndonjë atentat në grup njerëzish siç shkruhet aty. Një gjë është e sigurt se Google di shumë për njerëzit, mirëpo të dhënat që janë gjetur gjatë kërkimit nga Viatafa nuk janë të qarta. Një gjë tjetër kuptohet, se kur je në arrati atëherë Google mund të jetë në kërkim tuajin në bashkëpunim me organizatat kundër krimit, mirëpo kjo çfarë i ka ndodhur Viatafa-së është rast tjetër, ku personi në fjalë siguron se nuk ka bërë asnjëherë ndonjë të keqe.

Kështu që kërko emrin tuaj nëpërmes Google-it dhe shih se ku gjendet emri juaj?/ameble

Google Search me tipare të reja gjatë kërkimit

Google Search me tipare të reja gjatë kërkimit

Google ka prezantuar disa tipare të reja, jo vetëm për aplikacionet në platforma të saj, por edhe për shërbimet e tyre që përmirësojnë eksperiencën tek përdoruesit.

Kohët e fundit ajo ka lëshuar një funksion të ri për Google Search e cila shfaq informacione në lidhje me ndonjë uebfaqe të internetit gjatë kërkimit. E tëra që ju duhet, është të klikoni menjëherë pas linkut URL tek rezultatet e Google Search, dhe informatat themelore në lidhje me të uebfaqen shfaqen poshtë linkut (si më poshtë).

Google Search funksjoni

Këto informata vijnë nga Google’s Knowledge Graph dhe Wikipedia. Momentalisht nuk shfaqen informacione për të gjitha faqet që ekzistojnë në internet, por vetëm për disa që janë me të njohura, kështu që mos u habisni nëse nuk gjeni informacione në lidhje me uebfaqen tuaj. Nuk dihet nëse me vonë ky opsion do t’i përfshijë të gjitha uebfaqet që ekzistojnë në makinën e kërkimit. /ameble

Testohen reklama masive tek rezultatet e kërkimeve në Google Search

Testohen reklama masive tek rezultatet e kërkimeve në Google Search

Kompania Google është duke testuar reklama (banners) të mëdha brenda rezultateve gjatë kërkimit në shërbimin Google Search, e cila do të shfaqet në krye të faqes dhe mund të përdoret nëse jeni në kërkim të një marke të tillë apo çfarëdo qoftë tjetër.

Siç po shihet edhe në shembullin e më poshtëm, në qoftë se kërkoni Southwest Airlines ,atëherë mund t’ju paraqitet një reklama e madhe e po asaj kompanie. Mirëpo kjo si duket do të jetë e rregulluar sipas abonimit apo pagesës se reklamave.

Google ad southwest banner

Ky është një ndryshim që ishte përfolur në vitin 2005 për të cilin Google kishte premtuar se nuk do ta bëj asnjëherë, mirëpo në atë kohë premtimi është bërë nga Marissa Mayer, e cila tani shërben si kryeshefe e Yahoo-së.

Tani diçka është duke u testuar dhe ndoshta pritet të zbatohet, sipas Search Engine Land thuhet se ky aktualisht është vetëm një eksperiment i vogël që po bëhet vetëm në Shtetet e Bashkuara. Ne s’na mbetet tjetër veç të shpresojmë që ky eksperiment të dështoj. |ameble|

A e dini se: Google Search ofron me shumë se një kërkim?

A e dini se: Google Search ofron me shumë se një kërkim?

Google nuk është më një ueb portal vetëm për kërkim. Alternativa të tilla si Bing, Yahoo, Gjirafa (vendore) etj. ofrojnë mjete të ngjashme për të kërkuar në ueb. Megjithatë, shifrat nuk gënjejnë, ato sugjerojnë se shumica e përdoruesve të internetit në botë dhe vend zgjedhin Google.

Sot secili që përdor internetin e di që për të kërkuar diçka, normal duhet shtypur disa fjalë apo një frazë në kutinë brenda uebit dhe me poshtë paraqiten linçet sipas fjalisë. Por Google Search tani ofron shumë më tepër se një kërkim të thjesht.

Ajo ka paraqitur disa risi të ndryshme përgjatë viteve të fundit duke na jap mundësi për të gjetur informacione në mënyra edhe me të lehta. Në sajë të një kombinimi të moduleve Onebox e cila drejtpërdrejt i përgjigjet pyetjeve pa pasur nevojë që të klikoni në linçet tjera të jashtme dhe kështu e shfaq një grafikë me rezultatet.

Me poshtë kemi përmbledhur një listë të këtyre trikave nëpërmes Google Search që për secilin nga ne sot, ndoshta janë të nevojshme, të paktën për të kursyer kohën. Nëse i keni parë ose përdorur ndonjërën nga to (ose të gjitha) atëherë vërtet jeni një përdorues i shpeshtë i Google Search:

Clock (ora, koha)

Ka arsye të ndryshme pse nganjëherë ju nevojitet ta dini se sa është ora në një vend të caktuar në botë. Mund të keni takime online me ndonjë person në anën tjetër të botës dhe ju nevojitet ta caktoni orën, pastaj dëshironi të përcillni diçka drejtpërdrejt nga New York-u etj. Në këto pyetje ju përgjigjet Google Search duke shënuar Clock dhe vendin apo shtetin për të cilin ju intereson se sa është ora.

Lloji: “time [vendi]“. Shembull: “time new york”, “time london”, “time prishtina”

Time Newyork

Demographics (të dhënat demografike)

Nëse keni menduar ndonjëherë se sa njerëz jetojnë në një qytet të caktuar, vend apo edhe kontinent, atëherë nëpërmes kërkimit population në anglisht dhe vendi ku ju intereson shfaqen të dhënat.

  • Lloji: “population [vendi]“. Shembull: population kosova” 

Population Kosova

 

Alarm (alarmi)

Si njerëz që jemi, jemi të udhëhequr nga koha dhe oraret që vendosen mbi ne. Përreth nesh kemi orë dhe pajisje të ndryshme të dizajnuara për të matur kohën për një ose arsye tjetër. Edhe Google tani posedon një të tillë, me këto shkurtesat e saja nëpërmes Google Search ju mundëson të caktoni një orar ose një alarm të caktuar kohe për ndonjë rast të caktuar. Në Google Search shkruani:

  • Lloji: “set timer to [koha]“. Shembull: “set timer to 5 minutes”
  • Lloji: “set timer for [koha]“. Shembull: “set timer for 19:00”

Set timer

 

Weather (moti)

Kohët të fundit edhe tek ne moti është bërë i ndryshueshëm brenda ditës, nganjëherë jeni ulur ne kompjuter dhe siç jemi mësuar me Google Search ne shume shpejt mund të shikojmë motin nëpër mes tij për gjithë javën, vetëm me një fjalë të shkurtër kërkimi:

  • Lloji: “weather [vendi]“. Shembull: “weather tirana”, “weather prishtina”

Weather Tirana

Duke mos pasur fund me këto mundësi të reja qe i ofron Google Search, po ju përmendim edhe disa qe ndoshta mund të ju hyn në punë si:

  • Lloji: “translate [fjalia] to albanian “. Shembull: “translate hello to albanian”
  • Lloji: “sunrise [vendi] “. Shembull: “sunrise prishtina”
  • Lloji: “calculate [numra] “. Shembull: “calculate 5+5*5+5” ose çfarëdo formule
  • Lloji: “convert euros to dollars”
  • Lloji: “convert meter to inches” etj etj.

Nëse dini ndonjë që ju ka rënë ta përdorni na shkruani më poshtë. |ameble|

Google Chrome tani mund të flas me ju!

Google Chrome tani mund të flas me ju!

Nga tani ju mund të flisni me kompjuterin tuaj sikur me ndonjë person, mirëpo nëse posedoni shfletuesin Google Chrome. Aftësia për bisedë nga makina e kërkimit Google që u prezantua javën e kaluar në konferencën për zhvillues Google I/O, tanimë është në dispozicion dhe mund të përdoret nga secili.

Në versionin e ri Chrome 27, pasi të klikoni në kutinë e kërkimit në Google.com i cili hap një faqe kërkimi, dëgjon pyetjet apo komandat tuaja dhe ju mundëson të kërkoni nëpërmes mikrofonit.

Megjithëse kërkimi më zë nga Chrome u mundëson përdoruesve të kërkojnë gjëra duke folur, për ketë mundësi është duke u punuar qe një kohë, përditësimi i fundit tani i mundëson kompjuterit tuaj të kthej përgjigje tek ju. Për shembull, nëse ju pyesni, “Kush është kryetar i Kosovës?”, Chrome do të përgjigjet me zë të lartë, “Kryetare e Kosovës është Atifete Jahjaga.”

Kryetare e Kosoves

Ky shërbim tani për tani funksionon vetëm në gjuhën angleze. Për më shumë mund ta provoni vetë nëse posedoni shfletuesin Google Chrome dhe mikrofon. |ameble|