Tag Archives

4 Articles
Përditësoni iPhonin tuaj në iOS 10.3.1 për të shmangur sulmeve nëpërmjet WiFi

Përditësoni iPhonin tuaj në iOS 10.3.1 për të shmangur sulmeve nëpërmjet WiFi

Në më pak se një javë Apple ka publikuar iOS 10.3 me më shumë se 100 vrima të mbyllura dhe me siguri më të lartë, Kompania Apple e ka publikuar me urgjencë iOs 10.3.1 që ti mënjanojë problemet që kishte në updaten e kaluar, njëra prej tyre e cila cilësohet si shumë e rrezikshme me të cilën hakerët do të mund të ekzekutojë kod përmes Wi-Fi chipit.

Dobësia, e identifikuar si CVE-2017-6975, ishte zbuluar nga Gal Beniamini, pjesë e stafit të Google Project Yero, i cili theksoi në Twitter që më shumë informacion do të jepet gjatë ditës së nesërme. Kliko per blogun e Project Zero

Apple nuk ka mundësuar më shumë detaje teknike mbi dobësinë, por i ka preferuar përdoruesve të iPhone,iPad dhe iPod Touch të përditësojnë pajisjet e tyre sa më shpejtë. Në sqarimin e sigurisë për iOS 10.3.1, Apple përshkruan këtë çështje si dobësi tek stack buffer overflow, i cili ndodh kur stack tejkalon memorien e rezervuar, duke i lejuar hakerëve të ekzekutojnë kod përmes Wi-Fi.

Kjo dobësi i lejon hakerët që të ekzekutojnë kod në Wi-fi chipin e cdo paisje me iOs, dobësia ka efekt prej iPhone 5 deri në iPhone 7 plus, iPad gjenerata 4, dhe të gjitha paisjet të cilat mbështesin sistemin operativ iOs 10.3 Ja vlen të ceket që iPhone 5 dhe 5C janë iPhonet e fundit të Apple të cilët janë përdorur procesorë prej 32 bit me Apple A6 sistem në chipin e saj.

Për më shumë informacione po pritet që Gal Beniamini të dal me më shumë sqarime rreth vrimave në iOs 10.1, me lëshimin e iOs 10.3 .1 paisjet me 32 bit nuk do të kishin mundësi të përditësonin sistemin, por Apple ka vazhduar mbështetjen për iPhone 5 dhe 5S. Përditësimin e fundit të 10.3.1 mund ta bëni duke shkuar në Setings – General – Software update në paisjen tuaj iOs, Përdoruesit të cilët e kanë të instaluar iOs 10.3 do të kenë mundësinë që të bëjnë update në 10.3.1 duke klikuar në Download and Install butonin për të përditësuar sistemin. /ameble.com

Filmi “Hacker” i bazuar në histori të vërtetë lanson trailer-in

Filmi “Hacker” i bazuar në histori të vërtetë lanson trailer-in

Sony Pictures këtë javë ka publikuar trailer-in e filmit me të ri Hacker, i cili është i bazuar në një histori të vërtetë dhe pritet të jetë në dispozicion, për ta blerë në DVD dhe formatin digjital për shkarkim, nga data 4 prill 2017 e tutje.

Shihe me poshtë trailer-in për të kuptuar më mirë se çfarë pritet të shohim nga ky film, një histori e një hakeri emigrant ukrainas, emigrant ky që lëviz në Kanada dhe përfshihet në një organizatë kriminale online. /ameble

Hakeri pretendon që ndihmoi FBI-në, për te përndjekur hakerin e ISIS-it

Hakeri pretendon që ndihmoi FBI-në, për te përndjekur hakerin e ISIS-it

A ju kujtohet Junaid Hussain? Hacker i cili punonte për ISIS dhe i cili u vra në një sulm nga droni në Gusht të këtij viti. Tani, para disa ditësh janë shfaqur disa informata në lidhje me vdekjen e Hussain-it!

Haker

Hakeri tjetër, i cili në të kaluarën e sulmonte llogarinë Anonymous në Twitter, thuhet se shërbeu si një informues i FBI-së duke ndihmuar qeverinë amerikane, për të gjurmuar Junaid Hussain.

Tani ky i fundit që me pseudonim online në internet quhet Shm00p (@5hm00p), është anëtar i grupit të hakerëve Rustle League dhe beson se është “99,9% i sigurt”, se informacioni i dhënë prej tij për agjentët e FBI-së çoi në vrasjen e Hussain-it.

“Çfarë dreqin kam bërë,” ka lëshuar ai një cicërim të dielën në mëngjes nëpërmes Twitter-it. 15 orë më vonë pas cicërimës së parë, Shm00p bëri një seri cicërimash në llogarinë e FBI-së në Twitter.

“Kam humbur shumë miq dhe nderin tim”, Shm00p kishte shkruar pastaj tek FBI. Këto cicërima edhe pse tani janë të fshira, mund t’i shihni të arkivuar nga archive.is.

Shm00p, i cili jeton në Las Vegas, e njihte Hussain-in (i lindur si Britanik), nga një grup famëkeq i hakerëve të quajtur Team Poison.

Në vitin 2014, Hussain kishte kontaktuar Shm00p nëpërmjet chat-it (shërbimit të koduar Jabber). Pastaj Shm00p kishte identifikuar vend-ndodhjen e hakerit famëkeq Hussain të cilën informatë e kishte dhënë tek FBI.

Shm00p tha se ishte shumë i sigurt se ky informacion çoi në vdekjen e Hussain-it, i cili u largua nga Britania e Madhe dhe iu bashkua ISIS-it në vitin 2013.

Bazuar në cicërimat e tij, Shm00p u detyrua të ndihmoi agjentët e FBI-së sepse sipas tij ishte i kërcënuar me jetën e familjareve.

Edhe pse FBI ka refuzuar të komentoj për cicërimat e Shm00p, një burim i njohur me faktet ka thënë për Motherboard, se Shm00p me të vërtetë ka ndihmuar agjentët federalë amerikanë për të gjetur Hussain-in. /ameble

Kujdes: Janë publikuar online 5 milionë adresa dhe fjalëkalime të Gmail-it

Kujdes: Janë publikuar online 5 milionë adresa dhe fjalëkalime të Gmail-it

Sulmuesit (hakerët) si duket këtë muaj kanë qenë shumë të zënë. Disa javë pas sulmit të shërbimit iCloud që rezultoi më foto lakuriq të shumë VIP-ve botëror dhe pastaj duke i publikuar ato online, kësaj herë raportohet se deri në pesë milionë adresa të Gmail-it janë goditur.

Sot më herët, nga një sulmues i panjohur në një forum rus “Bitcoin” janë publikuar pesë milionë adresa dhe fjalëkalime të përdoruesve të Gmail-it që i bie rreth 60% në total sa janë aktive. Ende nuk është konstatuar apo gjetur se nga kanë rrjedhur këto adresa.

Gmail passwords

Të paktën një gjë është e qartë se këto adresa nuk kanë dalur nga sistemet e Google-it. Si duket këto adresa mund të kenë dalur nga ndonjë ueb-faqe interneti e palës së tretë ose ndonjë koleksion i ueb-faqeve të tilla ku përdoruesit kanë përdorur fjalëkalimet e tyre nga Google Mail.

Për fat të keq shumë njerëz është dëgjuar se përdorin një fjalëkalim në të gjitha shërbimet online. Tani, sulmi nga një vend mund të rezultojë në gjitha shërbimet e tyre në internet, dhe kjo është arsyeja pse është e domosdoshme të përdoren fjalëkalime të ndryshme sidomos për adresën primare të email-it, për ueb-faqet të ndryshme apo shërbimeve online.

Pas këtij lajmi shumë ueb-faqe të rreme janë shfaqur menjëherë online, të cilat nxisin njerëzit që të shkruajnë emrin e përdoruesit të Gmail-it dhe fjalëkalimin, për të parë nëse adresa e tyre është sulmuar apo është e sigurt (shih foto më poshtë). Kjo është edhe më e rrezikshme, andaj mos provoni diçka të tillë.

email check

Ata që dëshirojnë të jenë të sigurt sa i përket kësaj duhet të ndryshojë fjalëkalimin e tyre në Gmail menjëherë dhe rekomandohet që të aktivizoni faktorin sekondar për siguri më të lartë të adresës tuaj. /ameble