Tag Archives

3 Articles
Sulmohet nga hakerët kosovajob.com

Sulmohet nga hakerët kosovajob.com

KosovaJobQë nga mbrëmë, një ndër portalet më të mëdha të punësimit në Kosovë,www.kosovajob.com i cili ka mundësuar punësimin e më shumë se 11,000 personave, hyri në familjen e portaleve të cilat ishin viktima të sulmeve te hakerëve nëpër botë. Web faqja nuk është funksionale si rrjedhojë e problemeve teknike të shkaktuara nga një sulm i një hakeri, fatkeqësisht nga vendi ynë.

Duke i konsideruar si pjesën më të rëndësishme të gjithë këtij projekti, KosovaJob u kërkon falje publike të gjithë përdoruesve të saj dhe mbetet me shpresë për mirëkuptim e durim në këtë situatë të pakëndshme. Poashtu, stafi ynë siguron se do të bëjmë cdo gje qe eshte e mundur që t’a rikthejmë faqen në funksion sa më shpejtë, dhe të vazhdojmë aktivitetin tonë të suksesshëm tre vjecar në tregun e punësimit në Kosovë.

Shpresojmë se motivi për një sulm ndaj një portalit të punësimit të jetë personal e jo i frymëzuar nga politikat armiqësore që janë kundër zhvillimit ekonomik të Kosovës, ku si epiqendër është përherë punësimi.

Portali KosovaJob është projekt i investitorëve nga Kroacia në partneritet me investitor nga Kosova, dhe që nga ky vit është nën monitorimin e një ndër kompanive të punësimi Gjermano-Amerikane.
Sidoqoftë, organet e sigurisë te Kosovës dhe ato ndërkombëtare tashmë kanë filluar të zhvillojnë hetimet përkatëse, dhe kemi besim se shumë shpejtë do të zgjidhet ky rast. /ameble

Hakerat përdorin fjalëkalime të thjeshta

Hakerat përdorin fjalëkalime të thjeshta

PaswordStudimet e kryera nga studiuesit për sigurinë elektronike në firmën e antivirusit Avast ka treguar që hakerat përdorin fjalëkalime të thjeshta si çdo njeri tjetër. Antonin Hyza, një studiues në Avast, duke përdorur të dhëna nga rreth 40.000 fjalëkalime të mbledhura gjatë veprimtarisë së antivirusit Avast, doli në përfundimin se vetëm 10% e këtyre fjalëkalimeve ishin të vështirë për t’u gjetur.

Ishin të pakta fjalëkalimet që kishin shkronja të mëdha dhe të vogla, pavarësisht se ekspertët e sigurisë na këshillojnë gjithmonë të përdorim fjalëkalime të tilla.

Këto fjalëkalime zakonisht ishin anglisht. Fjalët më të përdorura ishin hack, pass, root dhe hax. Në mënyrë të çuditshme, fjalëkalimet ishin mesatarisht me 6 karaktere, dhe vetëm 52 nga 40.000 ishin me 12 karaktere.

Mendohet se hakerat përdorin fjalëkalime të thjeshta sepse nuk kanë frikë se do të sulmohen nga hakerë të tjerë ose ndoshta shmangin përdorimin e fjalëkalimeve të tyre të vërteta që përdorin në uebfaqe të ndryshme. /ameble

Apple, caku më i ri i hakerëve

Apple, caku më i ri i hakerëve

Të martën, Apple ka njoftuar se hakerët kishin infektuar disa kompjuterë Macintosh të punonjësve të tyre. Nuk kishte asnjë dëshmi të ndonjë vjedhje të të dhënave apo diç tjetër.

Raportohet së Apple është duke punuar për të nxjerr një softuer për mbrojtje dhe do të bëjë lançimin më vonë. Sistemet e infektuara brenda në Apple janë identifikuar dhe ndarë nga rrjeti i brendshëm.

Hakerat e panjohur kanë shfrytëzuar një vegël (bug) nëpërmes softuerit Java duke përdor si një shtojcë (plugin) për shfletuesin ueb. Ky Malware i njëjtë është përdorur për të sulmuar edhe Facebook-un me herët. Sulmi i fundit është bërë jo vetëm në Apple, por edhe në kompani të tjera.

Kompjuterët Apple ishin menduar për një kohë të gjatë të jenë më të sigurtit në industri, edhe pse kjo nuk duket që është për shkak të sistemit operativ së është i pathyeshëm, përkundrazi hakerët nuk e kanë pasur shumë vëmendjen ndaj sistemeve të Apple-it, sepse shumica e kompjuterëve që përdoren në botë janë Microsoft Windows.

Tani ndoshta sepse Apple ka fituar një pjesë me të madhe të tregut mbi Microsoft, për atë arsye hakerat kanë përqendruar paksa ndoshta vëmendjen në produktet e Apple. |ameble| [divider top=”0″]