Tag Archives

60 Articles
Lansohet gjenerata e re e dronit DJI Phantom 4 për 1290€

Lansohet gjenerata e re e dronit DJI Phantom 4 për 1290€

Gjatë një ngjarje për media në Manhatan, DJI ka prezantuar gjeneratën e tyre të ardhshme të Dronit smart në formën si DJI Phantom 4, që tani vjen e pajisur me opsione të reja dhe të avancuara të komandimit.

DJI Phantom 4 (1)

DJI Phantom 4 i ri është i aftë për të fluturuar në mënyrë autonome duke hequr pilotimin e njeriut, thonë DJI. Edhe ky Dron vjen i pajisur me lidhjet për smartphone dhe tablet duke ju mundësuar për të parë objekte nga kamera e Dronit në pajisjet tuaja.

DJI Phantom 4 (2)

Kompania DJI thonë se Phantom 4 shmang pengesat, aftësitë  e autopilotit dhe auto-ndjekësit funksionojnë në harmoni të mirë. Kompania tani ka filluar ta pranojë porositë e para për një kohë të kufizuar dhe vetëm për 1399$ (ose 1290€). Porosia fillon të dërgohet nga data 15 Mars, pas së cilës çmimi për blerje pritet të rritet.

DJI Phantom 4 (3)

Karakteristikat tjera që përfshinë ky model i Dronit janë:
– Automatikisht Shmang pengesat,
– Automatikisht kontrollon lëvizjet e objekteve duke përdorur Track aktive,
– Tap Fly ju mundëson të fluturoj me një trokitje të lehtë të gishtit,
– Smart Return Home i mundëson pajisjet t’i shmanget pengesave si dhe të kthehet në vend,
– Maksimum 28 minuta kohë fluturimi, kontrolli maksimal 5 km,
– Shpejtësia maksimale 72 km/h etj.

Për më shumë informacione rreth modelit të ri të dronit DJI Phantom 4 mund t’i gjeni tek ueb-faqja e tyre zyrtare DJI. /ameble

Lansohet Raspberry Pi 3: 10 herë më shpejt se sa i pari

Lansohet Raspberry Pi 3: 10 herë më shpejt se sa i pari

Kanë kaluar katër vjet që kur Raspberry Pi i parë ishte lansuar, dhe ende mbetet mini-kompjuteri me i lirë dhe me i fortë deri më tani. Për të festuar ditëlindjen e saj, sot kompania ka lansuar modelin e ri të gjeneratës së tretë, duke shtuar kështu karakteristika të reja të nevojshme, por pa e ngritur çmimin e pajisjes që është dhe ka qenë vetëm 35$.

Raspberry pi 3

Raspberry Pi 3 i ri posedon procesorin 4-bërthamor ARM 64-bit Cortex-A53 në 1.2GHz, i cili i bie të jetë 10 herë më i fuqishëm se sa modeli origjinal, ose 50 deri 60% më i shpejtë se sa Raspberry Pi 2. Gjithashtu posedon lidhjet Wi-Fi dhe Bluetooth të integruara, ku në modelet e me hershme u është dashur t’i shtohen këto si të ndara.

Raspberry Pi 3 nga tani është në dispozicion dhe mund të porositet online. /ameble

Mbushësi smart i baterive me ekstra opsione

Mbushësi smart i baterive me ekstra opsione

Mbushësit e baterive për smartphone deri me sot kanë qenë standard dhe pa ndonjë ndryshim, askujt nuk i ka shkuar mendja të ndryshoj ketë. Njëra anë futet në prizën elektrike apo kompjuter kurse ana tjetër në smartphone dhe asgjë më tepër! Çfarë mund të ketë mundësi shtesë në një kabllo mbushës të baterisë. Sa i përket kësaj dikush ka menduar për diçka smart!

Një kampanjë që është hapur kohët e fundit në Kickstarter shpjegon për një pajisje kabllo të re të quajtur UsBidi. Në thelb është një mbushës smart, por për çfarë saktësisht definon termi smart në një mbushës? Një nga karakteristikat e tij janë që kur e mbush smartphone-in e detekton kur smartphone-i mbushet 100%.

 

 

 
UsBidi vjen gjithashtu edhe me një LED dritë të integruar në mbushës, duke dhënë kështu sinjal së është duke u mbushur. Dizajnuesit e këtij mbushësi pretendojnë se kjo kabllo mbush baterinë dy herë më shpejt, kjo sepse mbushësi bllokon procesin e sinkronizimit të pajisjes duke shtypur një buton dhe e kthen të tërë energjinë në procesin e mbushjes së baterisë.

Ky mbushës nuk është edhe i lirë krahasuar me mbushësit standard, çmimi pritet të jetë 36$. /ameble

Snapdragon 820 thuhet të jetë 50% më i fuqishëm se Exynos 7420

Snapdragon 820 thuhet të jetë 50% më i fuqishëm se Exynos 7420

Exynos 7420 është procesor më i fuqishëm i Samsung-ut për momentin, i cili është përdorur në smartphone-ët e fundit, Samsung Galaxy S6 si dhe Note 5.

Kurse kompania Qualcomm posedon një procesor të ri në përgatitje, Snapdragon 820 ku sipas një raporti të fundit, Snapdragon i ri thuhet të jetë 50% më i fuqishëm se sa Exynos Samsung 7420.

Sipas analistit Pan Jiutang, Qualcomm Snapdragon 820 i ardhshëm është një përmirësim (upgrade) i versionit aktual 810 dhe gjithashtu i modelit të Samsung-ut, Exynos 7420.

Snapdragon 820

Samsung pritet të përdorë të dy këta procesor të ri Snapdragon dhe Exynos në smartphone-in e tyre të ardhshëm Samsung Galaxy S7, për të cilin thashethemet thonë së do të lansohet në Janar dhe shitet nga muaji Shkurt. /ameble

Sa është vështirë të riparohet HTC One M9

Sa është vështirë të riparohet HTC One M9

HTC One M9 është smartphone-i Android i fundit i kompanisë HTC, i cili vjen me një dizajn të ngjashëm me atë paraprak HTC One M8. Grupi i iFixit kanë marrë ketë smartphone për të parë se çfarë ka brenda pajisjes dhe gjithashtu për të zbuluar se sa i lehtë është për tu riparuar.

iFixit kur i kontrollon pajisjet, i renditë në një shkallë nga 1 deri në 10, ku me 1 i vlerësojnë ata të cilët janë më të vështirë për tu riparuar dhe 10 për ata që janë më të lehtë. HTC One M9 është vlerësuar me 2 nga 10, që do të thotë se ky smartphone është mjaft i vështirë për tu riparuar.

Sipas raportit të iFixit, bateria e këtij smartphone është nën pllakën-amë dhe është e bashkangjitur në të, dhe kjo e bën smartphone-in e vështirë për të riparuar. E njëjta gjë është edhe me ekranin e tij.

Për ta parë në detaje se çfarë gjendet në brendësi të këtij smartphone klikoni këtu. /ameble

Seagate Seven është HardDisku më i hollë që është prodhuar ndonjëherë

Seagate Seven është HardDisku më i hollë që është prodhuar ndonjëherë

Përderisa disqet solid-state ende po janë të nevojshme dhe të volitshme, ata po vazhdojnë të prodhohen dhe përmirësohen çdoherë e më shumë. Dëshmi për ketë është HardDisku i ri Seagate Seven, i cili është më i holli që është prodhuar ndonjëherë në botë, dhe vjen me masat 7mm i trashë.

Seagate Seven

Pra paramendoni është 0.1mm më i hollë se sa smartphone-i iPhone 6 Plus, ku kompania Seagate ka arritur të përshtat pllakën fizike të HD-ut, që përbrenda posedon 500GB hapësirë. Seagate Seven nuk është vetëm i hollë, shasia e tij me shkëlqim nga çeliku gjithashtu e bën atë tepër tërheqës.

Seagate Seven është lansuar për të festuar përvjetorin e 35-të të HardDiskut të parë në botë 5.25-inç për desktop, ST-506, i cili është prodhuar nga vetë Seagate në vitin 1980, dhe kishte vetëm 5MB hapësirë të brendshme.

Ky model i HardDiskut përdorë versionin USB 3.0. Më shumë detaje rreth këtij disku do të kuptojmë kur del në treg, nga mesi apo fundi i Janarit, me çmim 99.99 $ (83.51 €). /ameble

Bëhuni gati për pajisje mobile me 4GB RAM

Bëhuni gati për pajisje mobile me 4GB RAM

Sot, lehtë mund të gjejmë pajisje mobile që posedojnë deri në 3GB RAM, ku sa më shumë RAM e ndihmon pajisjen për të qenë më fluid dhe më të shpejt se sa pajisjet me më pak RAM. Vitin që po vjen, pritet të shohin pajisje me 4GB RAM, duke ju falënderuar kështu teknologjisë së re që ka zhvilluar Samsung.

Samsung 8 Gigabit LPDDR4 DRAM

“Çipi i ri 8Gb LPDDR4 mundëson të arrihet 4 GB LPDDR4 reale,” shpjegon Samsung. Çipi 8GB LPDDR4 thuhet se është dy herë më i shpejtë se ai i mëparshmi DDR3 DRAM dhe përkrah “incizimin e videove UHD” me shumë lehtësi.

Zëvendës presidenti ekzekutiv për shitje në Samsung, Joo Sun Choi, tha se teknologjia e re do të ndihmojë të kontribuojë në “lansimin në kohë të ekraneve të mëdhenj UHD për pajisje mobile”.

Samsung nga fillim i 2015-tës do të filloj t’i shtyjë partneret e vet të prodhimit që të përdorin modulin e memories 4GB, ku gjithashtu thotë se pajisjen e parë me aq memorie mund ta shohim nga muaji mars, në ngjarjen vjetore MWC (Mobile World Congress) që mbahet në Barcelonë. /ameble

Epson njofton për shtypësin Wirless “WorkForce WF-100”

Epson njofton për shtypësin Wirless “WorkForce WF-100”

Për ata që udhëtojnë shumë, shtypja e një dokumenti mund të jetë nganjëherë problem. Para se të niseni në ndonjë takim nga zyra keni shtypur dokumentet e duhura, mirëpo nganjëherë keni harruar diçka, për ketë Epson ka lansuar një shtypës (printer) me Wirless, WorkForce WF-100, që mund të përdoret kudo.

Epson WorkForce WF-100

Sipas kompanisë, ky është shtypësi pa tela “më i lehtë dhe më i vogël në botë”, dhe siç po e shihni në imazhin e mësipërm që është krahasuar me një çantë të madhësisë normale, që duhet të pranojmë se duket vërtet i vogël.

Ky shtypës vjen me lidhjen WiFi që mundëson lidhjen me smartphone, tablet dhe laptop. Gjithashtu posedon baterinë, që do të thotë se nuk është e nevojshme të lidhet në rrymë. I bie që mund të përdoret përderisa jeni në makinë, jashtë në ambiente të hapura apo kudo tjetër.

Për ata të cilët janë të interesuar Epson WF-100 do të dal në shitje online këtë muaj, kurse nëpër shitore me pakicë nga Janari 2015. Çmimi pritet ta jetë 350$. /ameble

HTC lanson mbushësin e shpejt “Rapid Charger 2.0”

HTC lanson mbushësin e shpejt “Rapid Charger 2.0”

HTC ka lansuar mbushësin (karikuesin) Rapid Charger 2.0, një mbushës të ri dhe të shpejtë i cili shkurton kohen e mbushjes së pajisjeve në 40%. Pajisja përdor teknologjinë e re të Qualcomm-it, Quick Charge 2.0  që është e përshtatshëm me pothuajse çdo smartphone ose tabletë.

HTC Rapid Charger 2.0

Shumica prej nesh mbushim smartphone-t gjatë natës, kështu që nuk na intereson se sa kohë nevojitet për tu mbushur 100%. Por në qoftë se e përdorni smartphone-in shumë dhe ndodh të harxhohet gjatë ditës, shpesh ju nevojitet kohë për ta rimbushur ose ose nganjëherë edhe mbeteni duke e futur në rrymë vende e pa vend.

Me HTC Rapid Charger 2.0 mund të mbushen pajisje të caktuara me shpejtësi deri në 40% më shpejt se sa me mbushësit standard që përdorim. Rapid ngarkues 2.0 mund të përdoret edhe me çfarëdo pajisje që posedon kabllon mikro me USB, duke përfshirë edhe tabletet.

HTC nuk e ka informuar ende për çmimin dhe disponueshmërinë e e këtij mbushësi të shpejtë. /ameble

Anonabox, një router WiFi i vogël që kodon gjithçka që bëni në internet

Anonabox, një router WiFi i vogël që kodon gjithçka që bëni në internet

Përdoruesit e kompjuterëve sot po kërkojnë opsione që të fshehin çdo gjë që ata bëjnë në internet për të mbrojtur jetën private. Ata të cilët nuk duan të ndryshojnë konfigurimet e tyre në shfletues të internetit apo të përdorin ndonjë softuer nga tani e kanë mundësinë të blejnë një pajisje të vogël të quajtur Anonabox, një router WiFi që mbron çdo gjë që ju bëni në internet, jo vetëm aktivitetin tuaj nga shfletuesi.

Anonabox me donacion paraprak nëpërmes Kickstarter ka filluar me 7500$, aktualisht ka arritur 203.000$. Kjo pajisje pritet të kushtoj 45$ në Kickstarter dhe del në treg nga muaji Janar, pasi që raundi i parë i prodhimit është bërë.

Siç shihet në video më poshtë, Anonabox është shumë i lehtë për tu instaluar.

 

“Anonabox lehtë kodon përdorimin e internetit me ketë pajisje të thjeshtë që siguron të gjithë trafikun e internetit, jo vetëm trafikun që vjen nga programi,” shkruan kompania. “Nuk ka nevojë për të shkarkuar ndonjë softuer ose konfiguruar diçka, nuk ka nevojë për kredenciale, për regjistrimin apo çka do çoftë tjetër, e vetmja që ju duhet është, të lidhet në rrjetin e internetit. /ameble

Samsung do t’i prodhoj procesorët e ardhshëm A9 të Apple-it

Samsung do t’i prodhoj procesorët e ardhshëm A9 të Apple-it

Apple A9Ka kaluar një muaj që kur Apple ka lansuar iPhone 6 dhe iPhone 6 Plus, kurse tani ka bërë një marrëveshje me Samsung-un për të prodhuar procesorët e smartphone-it të tyre të ardhshëm. Gjiganti Samsung nga Korea e Jugut ka thënë se ka rënë dakord për prodhimin e procesorëve A9 për Apple-in, duke përdorur një dizajn 14-nanometersh, ka raportuar ZDNet.

Samsung dhe Apple ka kohë që punojnë së bashku për prodhimin e procesorëve të iPhone-ve, por herën e fundit Apple kishte caktuar kompaninë TSMC (me bazë në Tajvan) për furnizimin e rreth 70% të procesorëve të tyre A8 ndërsa Samsung kishte pjesën tjetër, që i bie 30%. Ky ndryshim ka pasur një ndikim negativ në kompaninë Samsung, por sipas Kim Ki-nam, që drejton biznesin e kompanisë për mini-harduer, marrëveshja e re ka thënë se pritet të rris fitimet.

Procesori A9 thuhet se do të prodhohet duke përdorur një proces 14-nanometer, dhe pritet të filloj nga fundi i vitit. Kurse Samsung thotë se këta procesorë të ri do të jenë më të vogël, do të konsumojnë më pak bateri dhe do të ofrojnë më shumë fuqi.

Ky vendim i Apple-it është veçanërisht një lajm i mirë për Samsung-un, duke marrë parasysh se të dy kompanitë kanë qenë në gjyq që disa vite më radhë, mirëpo për çështje tjera. /ameble

Lansohet Printeri 3D me Wi-Fi “KTech Genesis” për 2200€

Lansohet Printeri 3D me Wi-Fi “KTech Genesis” për 2200€

Është lansuar ketë javë një Printer i ri 3D i emëruar si KTech Genesis ku ofron një vëllim të shtypit 200mm gjatësi dhe 194mm lartësi. Ky Printer i prodhuar në Itali është ndërtuar duke përdorur një dizajn nga alumini i anodizuar dhe është në dispozicion në dy ngjyra në të zezë dhe hiri, kurse çmimi i tij është 2200€.

KTech Genesis 3D Printer

Printeri KTech Genesis vjen me përkrahje të Wi-Fi duke u mundësuar të dërgoni të dhëna pa pasur nevojë për kartelën SD ose lidhje kabllore. Madhësia e tij është 37.9 x 38.9 x 60 cm dhe peshon 16kg dhe gjithashtu përkrah sistemet Windows (7 e më të ri), Mac OS X (10.7 e më të ri) dhe Linux (Ubuntu, Fedora).

Për më shumë informata rreth kësaj pajisje si dhe për karakteristikat shtesë mund t’i merrni nga ueb-faqja e kompanisë KTech. /ameble