Tag Archives

15 Articles
HP lanson laptopin Chromebook 14-inç me prekje

HP lanson laptopin Chromebook 14-inç me prekje

HP ChromebookHP të hënën në heshtje ka lansuar laptopin Chromebook 14-inç me prekje, duke ju bashkangjitur linjës ekzistuese, pra modelit 11-inç. Për çfarë nevojitet një laptop me i madh kur vetëm ekziston i njëjti model mirëpo me madhësi me të vogël që realisht është shumë më i përshtatshëm për transport.

Modeli 14-inç vjen me karakteristika që mund tju bind të kaloni në një ekran më të madh. Në ketë model janë futur procesori NVIDIA Tegra K1, 4GB RAM, 32GB hapësirë e brendshme për ruajtje dhe portet e ndryshme duke përfshirë një USB 3.0, dy USB 2.0, HDMI dhe lexuesin microSD.

Përveç kësaj, modeli 14-inç posedon ekranin me definicion të lartë dhe rezolucion 1920 x 1080. HP premton së ky Chromebook e mban baterinë deri në 8 orë, megjithëse kjo ndryshon sipas përdorimit. Tregu i Chromebook-ve është ende në zhvillim dhe në rritje, ky model do t’ju kushtoj 439 $ (ose 360 Euro). Për këtë çmim, ju do të keni mundësi të gjeni ndonjë model me Windows 8.1, kështu që kjo varet së çfarë preferoni. Sidoqoftë,  laptopin Chromebook 14-inç mund ta bleni nga tani. /ameble

Laptopi Folio 1020 i HP ngjan me një MacBook Air

Laptopi Folio 1020 i HP ngjan me një MacBook Air

Edhe pse HP po mburret për përmasat e këtij laptopi, kjo nuk do të thotë që HP po konkuron drejtëpërdrejtë me Apple. Kompania tha se laptopi është i dizenjuar për t’u përdorur nga njerëzit e zyrave dhe biznesit. Laptopi ka një lexues për shenjat e gishtave dhe thuhet që ka kaluar me sukses testet e rënies në tokë nga lartësi mesatare.

Laptopi ka specifika të pritshme për një laptop pune. Ka 8GB RAM, memorje të brendshme SSD 128 ose 256GB dhe një bateri që zgjat 9 orë. Procesori është Intel Core M, që do të thotë që laptopi nuk ka ventilatorë për ta mbajtur në temperaturë optimale. Kjo do të thotë që pajisja do të jetë më pak e zhurmshme dhe me temperaturë normale, por gjithashtu duhet provuar dhe performanca që do të sjellë ky procesor.

Man_using_HP_EliteBook_1020_in_the_office_verge_super_wide

Është e rëndësishme të përmendim që Folio 1020 vjen në dy modele dhe vetëm njëri prej tyre është më i lehtë se MacBook Air. Folio 1020 Standard Edition është më i rëndë, ka ekran 12.5 inç 1080p. Folio 1020 Special Edition ka gjithashtu ekran 12.5 inç, por me rezolucion 1440p dhe është dizenjuar me fibër karboni për të qenë më i lehtë.

Standard Edition do të dalë në treg në Shkurt 2015, ndërsa Special Edition në Prill 2015. Nuk ka informacione për çmimin, por mendohet të jetë më i kushtueshëm se Air. Megjithatë, nëse performanca do të jetë e kënaqshme, Folio 1020 mund të shndërrrohet në laptopin me Windows 8 konkurues ndaj MacBook Air./ameble

Lansohet në heshtje tableti Android “HP 10 Plus”

Lansohet në heshtje tableti Android “HP 10 Plus”

HP si kompani më shumë është e njohur për kompjuterë dhe printer, edhe pse kohët e fundit janë marr pak a shumë edhe me pajisje të lëvizshme si tablet. Ata tani kanë lansuar tabletin me platformën Android, “HP 10 Plus”.

HP 10 Plus

Tableti është me çmim prej 280$ dhe është në dispozicion për blerje nëpërmes ueb-faqes së HP-së ose Amazon-it. Ky tablet shfaqet me ekran 10.1-inç Full HD. Është i pajisur me procesor 4-bërthamor ARM Cortex-A7, 1GHz dhe shoqërohet me 2GB DDR3L RAM. Hapësira e brendshme për ruajtjen e të dhënave e integruar vjen me 16GB, por në dispozicion e ka edhe portën microSD.
Gjithashtu posedon lidhjet e zakonshme të tilla si WiFi 802.11n, Bluetooth 4.0, portën USB 2.0, kamerën e pasme 5MP kurse atë frontale 2MP, fuqia e baterisë është 7.700 mAh.

Pra sipas karakteristikave nuk është ndonjë tablet i klasit të lartë mirëpo për çmimin që posedon pranohet. /ameble

HP ndahet në dy kompani

HP ndahet në dy kompani

HP ka njoftuar se biznesin e tyre do të ndaj në dy pjesë ose dy kompani, njëra pjesë do të fokusohet në ndërmarrje (Enterprise) që do të quhet Hewlett Packard Enterprise, dhe do të udhëhiqet nga Meg Whitman i cili do të jetë krye-shef i saj.

Kurse biznesi tjetër do të fokusohet në kompjuter dhe printer, që do të quhet HP Inc dhe Dion Weisler do të jetë krye-shef i saj.

“Puna jonë gjatë tri viteve të fundit ka forcuar ndjeshëm bizneset tona kryesore në pikën ku ne, me plotë agresivitet mund t’i qëndrojmë pas dhe gjithashtu mundësive të krijuara nga një treg që ndryshon me shpejtësi,” vendimi për të ndarë kompaninë në dy pjesë vë në pah angazhimin tonë për planin e ardhshëm, tha Meg Whitman, Udhëheqës, President dhe Shef Ekzekutiv i HP-së.

Më shumë informata në lidhje me këto ndryshime në ketë kompani mund t’i gjeni në ketë link. /ameble

HP prezanton laptopin me Android, SlateBook PC

HP prezanton laptopin me Android, SlateBook PC

HP ka prezantuar laptopin me platformën Android, SlateBook PC, me ekran 14-inç që në vete mbart një dizajn të lëmuar. Slatebook PC është mundësuar nga procesori Nvidia Tegra 4 me 2GB RAM dhe deri 64GB hapësirë të brendshme për të dhëna.

HP SlateBook PC

Ky model posedon ekranin unik me prekje 14-inç 1080p dhe nga pesha është paksa i rëndë me 1.68 Kg. Në dispozicion është me ngjyrë të zezë dhe qoshet në të verdhë.

SlateBook PC ofron gjithashtu qasje të plotë në Google Play Store, qasje për shkarkim në të gjitha aplikacionet.

Laptopi pritet të paraqitet në ngjarjen Computex gjatë kësaj jave që mbahet në Taipei. Slatebook PC në dispozicion për shitje do të jetë duke filluar nga data 6 Gusht me çmim për 399$ (292 Euro). /ameble

Shfaqen karakteristikat për HP Chromebox

Shfaqen karakteristikat për HP Chromebox

Në muajin shkurt, HP kishte bërë njoftimin për lanismin e pajisjes Chromebox për të cilën nuk ofroi shumë informata rreth karakteristikave të saja.

Por, nga tani detajet për HP Chromebox janë shfaqur në faqen zyrtare të HP-së dhe pajisja do të vijë me një përzgjedhje nga dy modele të procesorëve, Intel Celeron ose Intel Core i7 nga Haswell, me mundësi të përzgjedhje së RAM memories nga 2GB deri në 8GB si dhe ka të integruar 16GB hapësirë të brendshme.

HP Chromebox

Chromebox i ri nga HP po ashtu ka të integruar lexuesin SDXC, WiFi, portin Gigabit Ethernet, Bluetooth 4.0, një port HDMI, një port Display, katër porte USB 3.0 dhe një mikrofon/kufje të kombinuar.

Çmimi fillestar pritet të jetë 200$. /ameble

HP njofton për phablet-ët Slate6 dhe Slate7 VoiceTab

HP njofton për phablet-ët Slate6 dhe Slate7 VoiceTab

HP ditën e djeshme ka njoftuar për dy pajisje të reja Android. HP Slate6 VoiceTab dhe Slate7 VoiceTab që pritet të të fillojnë lançimin në Indi gjatë këtij viti me opsionin 3G dhe me çmim të arsyeshëm.

HP Slate7 Voicetab

Të dy pajisjet janë të pajisur me procesorë 4-bërthamor, kamera HD nga të dy anët, spikerët stereo, hapësirën e brendshme për të dhëna 16GB me mundësi zgjerimi nëpërmes portës microSD, mundësin me dy kartela SIM dhe shfaqen me versionin Android 4.2. Slate6 vjen me ekran 720p, ndërsa Slate7 rezolucion 1280 x 800 pikselë.

Momentalisht nuk ka asnjë informatë se kur pritet të dalin në treg këto pajisje dhe do të jetë çmimi i tyre. /ameble

Në shitje tableti HP Omni 10 me Windows 8.1, për 296 € (ose 399 $)

Në shitje tableti HP Omni 10 me Windows 8.1, për 296 € (ose 399 $)

Kompania HP me në fund ka nxjerr në shitje tabletin e tyre të koduar Omni 10, nëpërmes Microsoft Store. Ky tablet me Windows 8.1 është në dispozicion me çmim 296 € (399 $).

Omni 10 është e pajisur me ekran IPS 10.1 inç dhe rezolucion 1920 x 1200 pikselë, procesorin 4-bërthamor Intel Bay Trail Atom Z3770, memorien 2GB, hapësirën e brendshme për të dhëna 32GB, kamerën e pasme 8 megapikselë, atë frontale 2 megapikselë dhe baterinë për të cilën thonë se qëndron 8.5 orë. Si bonus për ketë model, Microsoft e shet ketë pajisje me paketën Office 2013 pa asnjë kosto shtesë.

HP Omni 10 do të hyjë në një konkurrencë të fortë me tabletë të kompanive Asus, Dell dhe Toshiba. Për sa i përket çmimit që ka nuk është edhe çmim i lirë për të cilin mund të ketë sukses në shitje. |ameble|

HP raportohet së është duke punuar në një smartphone

HP raportohet së është duke punuar në një smartphone

HP smarthphoneHewlett-Packard (HP) nuk ka pasur ndonjë sukses kur është fjala për smartphone. Prodhuesi i kompjuterëve si duket ka vendosur të provoj edhe një herë. Sipas një raporti të fundit nga uebfaqja gjermane Mobile Geeks, HP ka në plan të lansoj një smartphone të ri me Windows Phone 8 që mund të ndodh deri ka fundi i vitit 2013.

Ajo nuk posedon tregun e telefonisë mobile. E vetmja seria e tabletëve që është në treg që nga fillimi i këtij viti është HP Slate Android  dhe tani kompania po mendon të përdorë lidhjet e saj për të filluar një smarthphone me Windows.

Në një intervistë të më hershme, ekzekutivi i HP-së ka konfirmuar gjithashtu për India Express se kompania do të kthehet në tregun e smartphone-ve, mirëpo nuk kishte dhënë detaje se kur të jetë ajo. Kompania nuk ka pasur asnjë pajisje mobile prej që ka blerë kompaninë Palm për 1.2 miliardë. |ameble|

Vlerësim: Laptopi HP 630

Vlerësim: Laptopi HP 630

Laptop HP 630 (5)

HP 630 është një laptop i dedikuar për persona që kanë një buxhet të mesëm dhe në pamje të parë duket së është i orientuar drejt përdoruesve që merren me biznes. Posedon ekranin 15.6 dhe është në dispozicion me procesorë të ndryshëm duke filluar nga Celeronet, Pentiumet dhe në fund me Core i3 dhe i5.

Përparësitë:

  • Mekanizmi i monitorit
  • Bateria
  • I mirë për përdorim themelor

Mangësitë:

  • Dizajni

Karakteristikat e plota për modelin qe posedojmë:

  • Procesori: Intel Core i3 – 380M 2.53GHz
  • Grafika: Intel HD integrated
  • Memoria: 4 GB DDR3 (2 slota)
  • Hard disk: 500GB në 7200 rpm
  • Optical drive: DVD RW, Blu-ray combo
  • Ekrani: 15.6 ” HD LED, 1366×768
  • Portat dhe slotat: USB 2.0 x 3, HDMI, VGA, SD/MMC
  • Zëri: stereo speakers prej Altec Lansing
  • Ueb kamera dhe mikrofoni: po (2 megapiksel)
  • Rrjeti: 10/100 or 10/100/1000 LAN, Realtek 802.11b/g/n Wi-Fi or Atheros 802.11b/g/n Wi-Fi + Bluetooth 3.0
  • Input: tastier e plotë (pa numpad), multi-touch trackpad
  • Bateria: 6-cell 47WHr
  • Dimensionet: 37.6 x 24.7 x 3.18 cm
  • Pesha: 2.5 Kg
  • Sistemi Operativ: Windows 7 Pro, Home Premium, Home Basic, Starter, SUSE Linux Enterprise Desktop 11
Laptop HP 630 (31)

Laptop HP 630

Dizajni

Gjëja e parë që vëreni në shumicën e laptopeve që janë të orientuar ka biznesi, është mungesa e plastikës me shkëlqim. Rasti i njëjtë është edhe me ketë model të HP-së, i cili është tërë i mbuluar me material mat ndërsa sipërfaqet e tij janë të mbuluara nga materiali metaliko-plastikë. Tek plastika ndihet i fortë dhe nuk mbesin gjurmët e gishtërinjve. Sipërfaqet me ngjyrë hiri kanë pamjen metalike, ndërsa pjesët e zeza janë të ngjyrosura thjeshtë.

Mbi tastierë ekziston rrjeta e zërimit e cila është e fortë, por vrimat e saj mbledhin pluhurin shpejt dhe vështirë pastrohen.

Kapaku është i lehtë për t’u hapur, por kur hapet qëndron në mënyrë të pa lëvizshme, kështu që mbajtëset apo meganizmi i ekranit duket të jetë i fortë.

Bateria është e lirshme në vendin e saj. Gjithashtu edhe Hard Disk-u dhe RAM-i janë lehtësisht të arritshëm në rast të ndonjë zëvendësimi, por nëse ju duhet të hapni panelin e plotë, atëherë duhet të hiqni baterinë në mënyrë që të lironi shrafat.

Me një profil matës me lartësi 3.18 cm, laptopi HP 630 është i trashë përafërsisht sikurse shumica e laptopëve të tjerë të zakonshëm. Në përgjithësi, dizajni i tij është i thjeshtë i cili përshtatet mirë në punë, dhe në të njëjtën kohë mund të shfrytëzohet edhe në shtëpi.

Tastiera dhe Trackpad

Tastiera nuk duket të jetë e cilësisë se mirë. Në ketë model, tastet janë përgjithësisht të lirshme në mes njëra-tjetrës dhe pas një përvoje të shkurtë nga ana jonë është parë se tastet në rreshtat e sipërm të tilla si numrat dhe pjesa QWERTY duken të jenë më të butë dhe më të lehtë për të shtypur se sa ato të poshtmet si YXCVB.

Kurse Trackpad (ose pjesa ku manipulohet me miun kompjuterik), me pak fjalë është i punuar mirë. HP këtu ka përfshirë Synaptics trakcpad, i cili është i mbuluar me qepje të vogla në mënyrë që të dallohet nga pjesa tjetër. Përdorimi i trackpad-it të ofron një eksperiencë të këndshme. Është shumë i saktë dhe reagues, në të dy përdorimet, atë të vetëm dhe me shumë prekje. Ngurtësia e butonave në klikim është gjithashtu e rregulluar mirë. Butonat nuk japin zë të lartë, por pa ndonjë arsye butoni i djathtë është më me zë në klikime sesa ai i majti.

Ekrani

Për sa i përket ekranit këtu është përdorur paneli TN HD LED me rezolucion klasik 1366 X 768. Në foto galerinë e mëposhtme mund të shihni këndet horizontale dhe vertikale të kufizuara mirë, të cilat janë në të njëjtin nivel me ekranet TN të laptopëve të tjerë. Shihet se ngjyrat duken reale dhe se përdorimi i anti-llamburit me shkëlqim nuk e ka zvogëluar kontrastin dhe shkëlqimin e tij.

Laptop HP 630 (4)

Laptop HP 630 – Ekrani

Përformanca dhe Hardueri

Modeli HP 630 vërtet ka karakteristika dhe performancë të mirë të harduerit sepse posedon procesorin Intel Core i3 -380M 2.53GHz me grafikë të integruar Intel HD dhe diskun 500 GB 7200 rpm. Pra, hapësira e diskut është e mjaftueshme për ruajtjen e të dhënave të nevojshme për punë, posedon DVD RW-Blu-ray combo dhe fillimisht vjen me sistemin operativ SUSE Linux, por ne në vend të tij kemi instaluar Windows 7 për arsye të vlerësimit. Gjatë punës më të nuk vërehen ndonjë ngrirje, është stabil dhe fluid në punët themelore.

Gjatë gjithë kohës së punës, ftohësi i tij punon në shpejtësi të ulëta rrotulluese dhe nuk përshpejtohet deri sa temperatura arrin më shumë se 60 C. Në pjesën e parë, zhurma është shumë e ulët, ndërsa në pjesën e dytë është e dëgjueshme, por jo e bezdisshme gjatë punës.

Zëri

Zërimi është mjaft i shëndoshë për të mbuluar një dhomë të vogël apo edhe zyrë, mirëpo cilësia e zërit nuk është edhe aq e mirë për shkak të mungesës totale të basit, kurse qartësia dhe tonet mesatare janë të pranueshme.

Laptop HP 630 altoparlantat

Laptop HP 630 – altoparlantat

Kamera

Kamera është e cilësisë së ulët krahasuar me laptopët tjerë. Ajo posedon rezolucionin VGA 640 X 480, kështu që shfaq cilësi të ulët të fotografisë për bashkëbiseduesit tuaj në anën tjetër të lidhjes Skype apo diç tjetër. Kamera nuk mund të shfrytëzohet në errësirë​​, por vetëm në dhoma me dritë.

Laptop HP 630 (30)

Laptop HP 630 – Kamera

Portat dhe Lidhjet

Modeli që posedojmë ofron porte të mjaftueshme, të vendosura mirë. Tri porta USB 2.0, një HDMI dhe portin VGA, një port LAN dhe atë standard të zërimit. Gjithashtu në anën e majtë e ka një slot për SD kartelë. Në ketë model para dhe mbrapa, HP ka lënë pajisjen të lirë prej porteve dhe të gjitha portet i ka dizajnuar në anën e djathtë dhe të majtë.

Laptop ka portën e rrjetit RJ-45 Gigabit LAN për lidhjen e internetit më kabull. Lidhja Wireless gjithashtu është e integrar nëpërmes modulit WLAN (atheros 802,11 (b/g/n). Përveç kësaj, HP ka futur edhe modulin Bluetooth 3.0 për transferimin e të dhënave në mes pajisjeve.

Laptop HP 630 - Portat dhe Lidhjet

Laptop HP 630 – Portat dhe Lidhjet

Laptop HP 630 - Portat dhe Lidhjet

Laptop HP 630 – Portat dhe Lidhjet

Bateria

Prodhuesi ka pajisur këtë laptop me një bateri litium Ion që ka kapacitet prej 47 Wh dhe ka vlera modeste të performancës.

Koha maksimale gjatë ndezjes (me test klasik) dmth. ndriçimin minimal, WiFi të ndalur duke përshirë edhe disa procese të tjera, e mban më shumë se 5 orë e 40 minuta. Kjo i jep përdoruesit kohë të mjaftueshme për të lexuar dhe punuar me laptop.

Në testin gjatë shfletimit në internet me WiFi dhe duke shikuar video HD që kemi lënë deri sa është harxhuar bateria komplet, pajisja ka zgjatë 2.5 orë. Pra, prapë se prapë nuk është keq për një laptop të këtij modeli. Rimbushja e plotë e baterisë së laptopit zgjatë rreth 1 orë e 49 minuta.

Përfundim

HP 630 në pamje është një model që nuk i tërheq konsumatorët me dizajnin e tij të thjeshtë, por është një laptop që propozohet për menaxherë apo pronarë të bizneseve të vogla që kërkojnë një laptop të mesëm. Gjithashtu karakteristikat e harduerit të këtij modeli i përshtaten nevojave të tyre të cilat nuk kërkojnë të luajnë lojëra apo gjë tjetër që kërkon performancë më të mirë.

Përvoja jonë me modelet e HP-së vlerësohet. Tek laptopat HP janë 2 gjëra që në shumicën e rasteve ia vlejnë, është bateria dhe mekanizmi i monitorit. Ngjashëm është edhe me ketë model. Pajisja ka të integruar një  harduer të besueshëm i cili ofron një performancë të mirë i cili nga ana jonë preferohet më shumë për biznese dhe për ata qe dëshirojnë një laptop me jetëgjatësi me të gjatë.

Megjithatë, duke parë ofertat e laptopeve në tregun e Kosoves mendojmë se modeli në fjalë HP 630 tek ne, ka një çmim të lartë rreth 520 Euro, që ndoshta më ketë çmim mund të gjendet diçka më mirë mirëpo gjithmonë duhet pasur parasysh jetëgjatsinë e tij.

Këtë pajisje mund ta gjeni në: Neptun

HP zbulon planet e saj për një smartphone të ri

HP zbulon planet e saj për një smartphone të ri

HP HQPërkundër dështimit të platformës WebOS dhe një numër çështjesh të tjera që e shqetësojn HP-në, kompania ka refuzuar të heqë dorë kur është fjala për tregun e smartphone-ve, duke deklaruar për The India Express se “HP has to be in the game.”

Në një intervistë të dhënë kohëve të fundit, Drejtor i lartë i HP-së për konsumin e PC-ve dhe tabletve ka thënë se kompania është duke punuar në një smartphone të ri dhe se ajo shpreson të ofrojë një “përvojë të diferencuar”, duke u përqendruar më shumë vëmendjen e saj në linjën e tabletve, laptopve dhe të kompjuterve“all in one”. Lajmi pason pas thashethemeve të më hershme se kompania është duke punuar në një tablet Android ndoshta edhe në një smartphone HP.

HP në vitin 2010 kishte blerë kompaninë Palm për 1.2 bilionë $ në një orvatje për të hyrë në tregun e smartphone-ve, por nuk arriti të fitojë ndonjë tërheqje në masë të madhe me linjën e saj të pajisjeve WebOS për shkak të furnizimit dhe çështjeve tjera .  Se a do të ketë sukses me pajisje Android mbetet të shihet! |ameble|

LG blen platformën webOS që ishte produkt i HP-së

LG blen platformën webOS që ishte produkt i HP-së

[MWC 2013] Disa vite me parë shumë njerëz kanë shpresuar së platforma webOS që është përdorur tek pajisjet Palm do të jetë një hap i madh në tregun e smartphone-ve. Për fat të keq, kjo platformë e blerë nga HP bashkë me të edhe Palm me plane të mëdha për prodhimin e tabletëve kishte dështuar. Tabletët nga HP që nuk u popullarizuan, shpenzuan një sasi të madhe të parave në Palm dhe shumë pak kishte kthim të investimeve.

Fjala bie sepse, HP ka shfrytëzuar MWC dhe përfundimisht ka shitur platformën webOS dhe atë tani e ka blerë kompania LG. Duket se LG nuk ka plane për të përdorur WebOS në tregun e tabletëve apo smartphone të tyre, mirëpo kompania ka në plan të përdorë ketë në Televizionet Smart. Blerja jo vetëm që merr platformën webOS, por edhe disa inxhinier talent që ndodhen prapa kësaj.

Ende janë disa gjëra të pa qarta në marrëveshje mes LG-së dhe HP-së. HP vitin e kaluar ka bartur shumicën e anëtarëve të mbetur të ekipit WebOS në një kompani të re të quajtur Gram. Është e paqartë pra në këtë pikë, nëse Gram tani është në pronësi të LG-së, ose do të mbetet pjesë e HP-së.

Si do që të jetë krejt çka dimë në këtë moment është së LG zotëron kodin e burimit (source code), të gjithë dokumentacionin, inxhinierët, dhe faqet e internetit në lidhje me webOS-in. Vetëm koha do të tregojë nëse blerja nga LG është një ide e mirë. Nuk ka asnjë indikacion se në çfarë vlerë është bërë marrëveshja. |ameble| [divider top=”0″]