Tag Archives

3 Articles
Vlerësim: HTC Butterfly i lezetshëm

Vlerësim: HTC Butterfly i lezetshëm

HTC Butterfly Frontale - ameble

HTC Butterfly është një Android smartphone i dizajnuar dhe projektuar nga kompania prestigjioze HTC i cili është lansuar në Japoni me 17 Tetor 2012. Nëse vendosni me ble HTC Butterfly, është më rendësi të dini se çfarë do të përfitoni nga ai, me çfarë karkaterizohet si dhe çfarë përparësi ose mangësi ka.

Përparësitë:

  • Procesori  4-bërthamor 1.5 GHz
  • RAM 2 GB
  • Ekrani 5 inç Super LCD3, i mbrojtur me Corning Gorilla Glass 2
  • Kamera 8 Megapikselë

Mangësitë:

  • Nuk mund të ndërrohet bateria nga përdoruesi
  • Ndërrimi i SIM kartelës i varur nga SIM çelësi

HTC Butterfly është i paketuar në kuti standarde ku së bashku me të janë të vendosura edhe komponentet standarde përcjellëse si mbushësi i baterisë, SIM çelësi, kabllo për lidhjen e pajisjes me portën USB të kompjuterit, kufjet (ndëgjojset) si dhe udhëzuesi i përdorimit të smartphone-it. Për më shumë mund të shikoni videon e më poshtme ku është bërë video shpaketimi i HTC Butterfly.

Hardueri dhe Dizajni

Pjesa e përparme e smartphone-it HTC Butterfly ka ekranin 5 inç Super LCD3 me rezolucion 1920×1080 pikësela, një buton me presion (Home), dhe dy butona kapacitiv (Menu dhe të fundit) si dhe kamerën frontale 2.1 megapikselë. Në pjesën frontale në anën e sipërme është vendosur senzori i lajmërimeve (notifications) që i jep një dizajn shumë tërheqës këtij smartphone.

Pjesa e pasme përmbanë kamerën kryesore 8 megapikselë së bashku me LED flash-in i cili është vendosur në anën e djathtë të kamerës. Duhet të cekim se tek ky model nuk ka mundësi të bëhet hapja e kapakut si dhe nuk ka mundësi të bëhet ndërrimi i baterisë, bateria e tij është e integruar për trupin e Smartphone-it, si dhe nuk vërehet ndonjë bulon.

Në pjesën e sipërme gjendet vrima (jack) 3.5mm për lidhje të ndëgjojseve, mikrofoni, si dhe butoni i ndezjes/fikjes së smartphone-it. Ndryshe nga disa smartphone që i kemi vlerësuar deri me tani, duhet të themi se tek HTC Butterfly kartela micro SIM dhe po ashtu micro SD vendosen në pjesën e sipërme.

Në pjesën e djathtë gjendet vetëm butoni për ngritje/ulje të zërit ndërsa në anën majtë nuk ka asgjë të integruar.


Pjesa e poshtme përmbanë portën micro USB, nëpërmjet të cilës smartphone-it mund të lidhet me PC si dhe të bëhet mbushja e tij, ky po ashtu përkrahë edhe teknologjinë MHL 2.0 e cila mundëson lidhjen me TV.

Ekrani dhe Zëri

Padyshim, smartphone-in HTC Butterfly e veçon ekrani 5 inç Super LCD 3 Full HD me denstitet prej 441 pikëselë-ve, i cili është i mbrojtur nga gërvishtjet me Corning Gorilla Glass 2. Ekrani LCD i këtij modeli ofron gjithashtu një kontrast të madh të ngjyrave të cilat së bashku me rezolucionin e lartë e bëjnë që çdo gjë të duket perfekt, një përparësi që ne, me të vërtetë e vlerësojmë shumë.

Prodhimi i zërit nga ky smartphone është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe poashtu ka opsionin ekstra Volume që e rrit degjueshmërinë e mikrofonit. Në pjesën e pasme, HTC Butterfly ka të integruar Beats Audio që dihet së kjo ofron një zërim të cilësisë së lartë.

Kamera

HTC Butterfly sikurse edhe një pjesë e madhe të smartphone-ve, po ashtu posedon dy kamera, atë frontale e cila është 2.1 megapikselë që mund të përdoret për video thirrje me Skype apo Google Talk, si dhe atë të pasmen e cila është 8 megapikselë. Kamera e pasme mund të bëj fotografi deri në 3264 X 2448 pikselë. Duhet të cekim se kamera e pasme mund të incizon gjithashtu video në formatin FULL HD (1080p) si dhe HD (720p)  @ 30fps. Flash-i LED i ndihmon shumë kamerës duke ofruar një pamje të pastër gjatë fotografimit ose video incizimit.

Softueri

HTC Butterfly ka të instaluar platformën Android me version 4.1 Jelly Bean i cili mund të përditësohet në versionin e fundit 4.2. si dhe dhe përmban versionin e përditësuar UI 4+ të  HTC Sense-it.

Vendosja e SIM kartelës

Ndryshe ka modelet e më hershme, vendosja e SIM kartelës tek ky smartphone bëhet në pjesën e sipërme të smartphone-it. Duke mbajtur shtypur SIM çelësin tek vrima e smartphone-it, do të dalë mbajtësi SIM në të cilin vendoset SIM kartela, siç është demonstruar në fotot e më poshtme. Ne e kemi vlerësuar si një mangësi tërë këtë proces, se në rast të humbjes së SIM çelësit ose mos posedimit të një mjeti nga metali i hollë, nuk mund të bëhet vendosja/tërheqja e SIM kartelës.

Përformanca dhe Bateria

Duke iu falënderuar harduerit të integruar, HTC Butterfly e ka një performancë jashtëzakonisht të mirë dhe gjatë testimit me të nuk është vërejtur ndonjë bllokim në softuer si dhe ndonjë nxehje të vet telefonit.

Për më shumë mund të shikoni videon praktike të HTC Butterfly e realizuar nga ne.

Sa i përket baterisë duhet të cekim se ajo është e fuqisë 2020mAh dhe nuk mund të ndërrohet nga përdoruesi, që i bie se është hermetikisht e mbyllur dhe vendosur brenda pajisjes. Pra, duhet të keni parasysh, nëse keni ndonjë problem me baterinë e këtij modeli, pajisjen duhet të dërgoni në dyqanin i cili merret me riparimin e telefonave apo nëse është ndër garancion të kthehet.

Bateria e HTC Butterfly mund të rezistoj/qëndroj deri në 12 orë bisedë, 6 orë e gjysmë në shfletimin e internetit ose 8 orë e gjysmë në shikimin e videove. Në testimin e bërë, pas 14 orë të përdorimit mesatar të smartphone-it, bateria duhet të mbushet. Nëse është smartphone-i i fikur, mbushja e baterisë zgjatë deri në 2 orë ndërsa nëse është duke punuar, mbushja e baterisë zgjatë deri në 3 orë të plota.

Përfundim

Shtrohet pyetja; A me ble HTC Butterfly?

Patjetër se po, është përgjigja jonë. Pra, për fansat e brendit HTC, edhe një model i bukur me dizajn tërheqës nga HTC, i dalluar dhe me një ekran mahnitës.

Për të gjithë ata që janë të interesuar për blerjen e modelit HTC Butterfly, rekomandojmë shitoren e pajisjeve mobile F–Mobile me dyqan në Prishtinë, i cili ofron kushte shumë të volitshme për blerje duke përfshirë edhe garancion prej 2 vitesh. |ameble|

Video Shpaketim: HTC Butterfly

Video Shpaketim: HTC Butterfly

Nëse jeni në mëdyshje se cilin nga smartphone-t të bleni atëherë shikojeni videon në vijim në të cilen kemi publikuar shpaketimin e smartphone-it HTC Butterfly. Kohë më parë ne kemi shkruar rreth kësaj pajisje të mrekullueshme që për tregun ndërkombëtar quhet HTC Butterfly kurse i njëjti është në dispozicion në SHBA mirëpo me emër si HTC Droid DNA, ndoshta për disa kjo mund të jetë hera e parë që njoftohen me ketë pajisje ngase HTC ka lansuar disa produkte kohëve të fundit.

Si në shumicën e pajisjeve tjera elektronike, edhe në paketimin e HTC Butterfly gjendet: smartphone-i HTC Butterfly, mbushësi i baterisë, kabllo për lidhjen e pajisjes me portën USB të kompjuterit, kufjet (ndëgjojset) si dhe udhëzuesi i përdorimit të smartphone-it. Mbushësi i baterisë është me sistemin anglez mirëpo në dyqan ofrohet më konvertues standard.
Në videon e prezantuar më poshtë, mund të shihni të gjitha këto:

[youtube id=”xFAawzlgHSw” width=”600″ height=”350″]

Ky smartphone është sponzoruar nga dyqani F-Mobile nga Prishtina, i cili ofron 2 vite garancion për ketë pajisje.

Specifikat e plota të HTC Butterfly janë:

Dizajni:

  • Lloji i pajisjes: Smartphone
  • Sistemi operativ: Android (4.1.1)
  • Dimensionet: 5.63 x2.78 x0.36 inç apo 143 x 70.5 x 9.08mm
  • Pesha: 140 gram

Ekrani:

  • Madhësia fizike: 5 inç
  • Rezolucioni: 1080 x 1920 pikselë
  • Densiteti i pikselëve:  441 dpi
  • Teknologjia e ekranit: S-LCD 3
  • Ngjyrat: 16 77 216
  • Touchscreen: Multi-touch
  • Te dhëna tjera: Senzori i dritës, senzori i ndjeshmërisë së afërsisë, rezistent ndaj gërvishtjeve

Bateria:

  • Kohë bisede përmes (3G): 16 orë, në shfrytezim normal bacteria e HTC butterfly jeton deri ne 45 orë
  • Kapaciteti: 2020 mAh
  • Mundësi për mbushje Wireless: JO

Hardueri:

  • Sistemi i Qip-it: Qualcomm Snapdragon S4 Pro AP8064
  • Procesori: Quad core, 1500 MHz, Krait
  • Procesori i grafikës: Adreno 320
  • Ram memorie: 2048MB RAM
  • Hapësirë: 16 GB hapësirë e integruar, mundësi për SD-kartë microSD, microSDHC, microSDXC deri në 32 GB

Kamera:

  • Kamera e pasme: 8 megapikselë
  • Flash: LED
  • Të dhëna tjera: Auto focus, Fokus në prekje, stabilizues te imazhit, HDR incizim
  • Camcorder: 1920×1080 (1080p HD)
  • Kamera frontale: 2.1 megapikselë

Internet dhe Multimedia:

  • Chrome, YouTube, Picasa, etj.
  • Zërimi: Earpiece Loudspeaker

Teknologjia:

  • GSM: 850, 900, 1800, 1900 MHz
  • UMITS: 850, 900, 1900, 2100 MHz
  • CDMA:850 MHz, 1900 MHz
  • Data:  LTE Cat3 Downlink 100 Mbit/s, LTE Cat3/4 Uplink 50 Mbit/s, HSDPA+ (4G) 42.2 Mbit/s, HSUPA 5.76 Mbit/s, UMTS, EDGE, GPRS
  • Pozicionimi: GPS, A-GPS, Glonass
  • Navigacion: PO
Prezantohet HTC Butterfly, versioni ndërkombëtar

Prezantohet HTC Butterfly, versioni ndërkombëtar

HTC në muajin tetor kishte njoftuar për smartphone-in e tyre J Butterfly me Android, kurse tani ata kanë njoftuar për versionin ndërkombëtar të kësaj pajisje, i cili do të quhet HTC Butterfly, i njëjti është në dispozicion në SHBA mirëpo me emër si HTC Droid DNA.

Specifikat e HTC Butterfly janë të ngjashme me ato të Droid DNA dhe J Butterfly, ai vjen me Android 4.1 Jelly Bean, përmban ekran 5 inç HD të plotë dhe rezolutë 1920×1080 pixel.

HTC Butterfly është i pajisur me procesorë quad core Qualcomm Snapdragon S4 Pro clocked në 1.5GHz, gjithashtu përmban 2GB RAM, plus kamera të dyfishtë, atë të përparmen për video chat me 2,1 megapixel, kurse në pjesën e prapme për foto dhe video me 8 megapixel.

Fatkeqësisht HTC nuk ka dhënë asnjë detaj se kur ky Butterfly i ri do të jetë në dispozicion, dhe sa do të jete çmimi i tij. |ameble| [divider top=”0″]