Tag Archives

9 Articles
HTC lanson edhe modelin One M9 Plus

HTC lanson edhe modelin One M9 Plus

Vetëm disa javë pas lansimit zyrtar të smartphone-it HTC One M9, kompania HTC tani ka zyrtarizuar modelin tjetër të ngjashëm, HTC One M9 Plus. Ky model është pak më i madh, posedon një dizajn të bukur metalik, por që ka të shtuar skanerin për gisht (fingerprint) të integruar në butonin Home dhe posedon kamerën Duo të cilin e kishte edhe smartphone-i i vitit të kaluar HTC One M8.

HTC One M9 Plus

HTC One M9 Plus, për fat të keq është një pajisje që është zyrtarizuar në Pekin, dhe deri tani thuhet se do të shitet vetëm në Kinë.

Më poshtë janë karakteristikat kryesore të HTC One M9 Plus:

Softueri: Android 5.0 Lollipop me HTC ‘China Sense’,
Dimensionet: 150.99 x 71.99 x 9.61mm,
Ekrani: LCD 5.2-inç me rezolucion Quad HD 1440 x 2560 pikselë,
Procesori: 8-bërthamor Mediatek MT6795T, në 2.2GHz,
RAM: 3GB,
Hapësira e brendshme: 32GB,
Kamera: 20 megapikselë kryesorja dhe “UltraPixel” ajo frontalja. /ameble

Sa është vështirë të riparohet HTC One M9

Sa është vështirë të riparohet HTC One M9

HTC One M9 është smartphone-i Android i fundit i kompanisë HTC, i cili vjen me një dizajn të ngjashëm me atë paraprak HTC One M8. Grupi i iFixit kanë marrë ketë smartphone për të parë se çfarë ka brenda pajisjes dhe gjithashtu për të zbuluar se sa i lehtë është për tu riparuar.

iFixit kur i kontrollon pajisjet, i renditë në një shkallë nga 1 deri në 10, ku me 1 i vlerësojnë ata të cilët janë më të vështirë për tu riparuar dhe 10 për ata që janë më të lehtë. HTC One M9 është vlerësuar me 2 nga 10, që do të thotë se ky smartphone është mjaft i vështirë për tu riparuar.

Sipas raportit të iFixit, bateria e këtij smartphone është nën pllakën-amë dhe është e bashkangjitur në të, dhe kjo e bën smartphone-in e vështirë për të riparuar. E njëjta gjë është edhe me ekranin e tij.

Për ta parë në detaje se çfarë gjendet në brendësi të këtij smartphone klikoni këtu. /ameble

Ekskluzive: Prezantohet HTC One M9

Ekskluzive: Prezantohet HTC One M9

Siç është paralajmëruar edhe më herët, HTC sapo prezantoi modelin e ri HTC One M9 i cili bazuar në karakteristika harduerike si duket do të jetë një super pajisje e lansuar ndonjëherë nga kompania HTC.

Karakteristikat Harduerike – Ekrani, Procesori dhe RAM 

Modeli i ri nga HTC, HTC One M9 vjen me ekranin 5 inç Super LCD3 me rezolucion prej 1080 x 1920 pikselëve i përkrahur nga procesori 8-bërthamor 64 Bit Qualcomm Snapdragon 810.dhe 3GB RAM memorie. Ekrani është i mbrojtur nga gërvishtjet me Corning Gorilla Glass 4.

Më poshtë janë disa fotografi nga eventi i mbajtur.

Karakteristikat Harduerike – Kamera, Hapësira e brendshme dhe Sistemi Operativ

Siç është paralajmëruar edhe më herët se ky model do të vije me kamera më të mira dhe kjo pikërisht është edhe konfirmuar sot. Kamera frontale është 4 Ultrapikselë, Kamera Kryesore është 20 Megapikselë. Sa i përket sistemit operativ, modeli HTC M9 do të vije me versionin e fundit Android 5.0 dhe HTC Sense 7. Hapësira e brednshme është 32GB e cila mund të zgjerohet nepermjet microSD kartelës deri në 128GB.

Karakteristikat Harduerike të tjera

  • Bateria e integruar 2840 mAh
  • Përkrahja e rrjeteve 2G, 3F dhe 4G LTE
  • Formati i Video incizimit 2160p@30fps, 1080p@60fps, 720p@120fps
  • HTC M9 do të jetë në dispozicion që nga Marsi i këtij viti në 4 ngjyra.

Në linkun e më poshtëm, mund të ndiqeni ngjarjen e prezantimit të HTC M9. /ameble

https://www.youtube.com/watch?v=BWhM_oHr558#t=1503

Zyrtare: HTC One M9 prezantohet me 1 Mars

Zyrtare: HTC One M9 prezantohet me 1 Mars

Edhe më herët është thënë se modeli HTC One M9 do të prezantohet në Kongresin Botërore të celulareve muajin e ardhshëm, dhe tani HTC ka konfirmuar datën e konferencës së tyre që do të mbahet me 1 Mars, në të cilën edhe zyrtarisht do të prezantohet modeli HTC One M9.

HTC ka postuar një foto në Twitter, duke konfirmuar se modeli i ri HTC M9 do të prezantohet në këtë ngjarje.

HTC One M9 Ftesa

Ajo çfarë është thënë deri më tani për HTC One M9, është se do të vijë me versionin e fundit të sistemit Android Lollipop, me një ekran 5 inç me një rezolucion Quad HD prej 2560 x 1440 pikselëve i përkrahur nga procesori 64-bit 8-bërthamor Qualcomm Snapdragon 810 dhe 3GB RAM memorie.

Një fokus i madh është bërë edhe tek kamerat e celularit, duke përfshi atë kryesoren e për të cilën është përfolur se do të jetë 20 megapikselë si dhe ajo fronatle 13 megapikselë e dizajnuar për selfie.

HTC gjithashtu pritet të lëshojë edhe një version të ri të ndërfaqes HTC Sense. /ameble

Bloomberg: One M9 do të ketë kamerë 20MP

Bloomberg: One M9 do të ketë kamerë 20MP

HTC-One-M9-ConceptNjë artikull nga Bloomberg zbuloi disa detaje për smartphonin One M9 të HTC-së që do të prezantohet në eventin e 1 Marsit. Së bashku me këtë smartphone mund të prezantohet dhe smartwatch i parë nga HTC.

Në artikullin e Bloomberg flitet për një kamerë dhe eksperiencë audio të përmirësuar. Pajisja do të ketë një kamera 20MP si kamera kryesore, ndërsa kamera frontale do të ketë teknologjinë UltraPixel. Ky ndryshim i teknologjisë së kamerave ngjan me atë çfarë pamë në modelin Desire 826 të prezantuar në CES 2015.

Artikulli përmend shkurt dhe disa informacione për orën e parë të mençur nga HTC, e cila ka shumë gjasa të prezantohet së bashku me HTC One M9 në eventin e datës 1 Mars në Barcelonë. Detaji i vetëm për orën është integrimi më shërbimin fitness nga Under Armour. HTC tha disa ditë më parë se në pajisjet e vitit 2015 do të integrohej shërbimi nga Under Armour, një kompani që merret me performancën atletike.

HTC Smartwatch u konfirmua që në Tetor 2014 dhe kompani tha që ishte vonuar për lançimin e pajisjes në mënyrë që të kishte kohë për të krijuar dhe dizenjuar një pajisje sa më konkuruese në treg.

Këtu mund të lexoni përmbledhjen tonë të karakteristikave të HTC One M9. /ameble/

HTC One M9 do të prezantohet më 1 Mars

HTC One M9 do të prezantohet më 1 Mars

B7ehmTRIIAAjUK6Smartphone-i pasues i HTC One M8 do të prezantohet më 1 Mars në Barcelonë. HTC ka publikuar ftesën në media dhe eventi është planifikuar për në 1 Mars. Ende nuk dihet me siguri se smartphone-i që do të prezantohet do të jetë HTC One M9, por eksperienca tregon se në këtë kohë të vitit HTC gjithmonë ka prezantuar smartphone flagship të vitit.

Eventi do të zhvillohet një ditë para se MWC (Konferenca Botërore e Mobilëve) të fillojë dhe kjo gjë është tipike, sepse kompania HTC do të tërheqë sa më shumë vëmendjen e publikut për produktet e tyre.

Ftesa nuk zbulon asnjë të dhënë për smartphonin e ri, ajo ka një sfond me yje dhe me mbishkrimin “utopia in progress”. Megjithatë, ne tashmë kemi bërë një përmbledhje të karakteristikave të mundshme që do të ketë HTC One M9 (Hima). /ameble

Ja karakteristikat e fundit të smartphone-it HTC One M9

Ja karakteristikat e fundit të smartphone-it HTC One M9

HTC One M8Kemi dëgjuar thashetheme të shumta rreth smartphone-it të ardhshëm të HTC-së, duke ofruar përafërsisht atë se si pritet të jenë karakteristikat e këtij modeli. Tani, një listë e re e përditësuar pretendon së janë gati të sakta ato se çfarë do të ofrojë ky smartphone.

Sipas Upleaks, të cilët shumë herë deri më tani ka qenë burim mjaft i saktë për thashethemet e HTC-së, smartphone-i i ri do të vijë i pajisur me ekran 5-inç-1080p, procesorin Snapdragon 810, 3GB RAM, kamerën e pasme 20.7-megapikselë, atë frontale 13-megapikselë ose 4-ultrapikselë dhe baterinë 2840mAh. Gjithashtu pritet të vijë me versionin Android 5.0 dhe ndërfaqen e tyre të re Sense 7.0. Ngjyrat e këtij modeli me sa duket do të jenë të hirit, argjend, ari dhe metal i zi.

Megjithatë, një gjë ende nuk dihet, nëse ky smartphone i ardhshëm nga HTC do të quhet si One (M9) apo do të ketë emrin siç është përfolur më herët HTC Hima? /ameble

HTC One M9, përfliten karakteristikat

HTC One M9, përfliten karakteristikat

HTC-One-M9-ConceptPërderisa po i afrohem fundvitit dhe ngjarjeve të rëndësishme për teknologji, thashethemet dhe spekulimet për pajisje të reja sa vijnë e shtohen. Disa prej këtyre pajisjeve janë paralajmëruar të prezantohen në javën e parë të janarit, në ngjarjen CES 2015, të tjera gjithashtu pritet ti shohim në ngjarjen MWC 2015, disa muaj pas CES-it.

Një raport nga Kina ka shfaqur disa karakteristika për modelin e ardhshëm HTC One M9, një nga seritë e modeleve që është pëlqyer shumë nga përdoruesit. Sipas këtij raporti HTC One M9 vjen me ekran 5.5-inç dhe rezolucion 2560 × 1440 me procesorë Qualcomm Snapdragon 805 dhe 3GB RAM. Bateria 3.500mAh. Përveç këtyre, ky smartphone mund të vijë me kamerën e pasme 16 megapikselë me stabilizim optikal të imazhit, gjë që mund të hiqet teknologjia Ultra e HTC-së. Tani që Beats është në pronësi të Apple-it dhe partneriteti i tyre për audio me HTC-në ka përfunduar, kompania HTC duhet të gjej një partner tjetër, dhe më shumë gjasë do të jetë Bose.

HTC nuk e ka konfirmuar asnjë nga kjo që është përfolur më lartë, mirëpo ne presim që të dëgjojmë më shumë për sa i përket këtij smartphone-i të HTC-së, në ngjarjet e sipër përmenduara. /ameble

Shfaqet koncepti i parë i HTC One M9

Shfaqet koncepti i parë i HTC One M9

Thashethemet kanë filluar se HTC nga fillimi i vitit të ardhshëm do të vazhdoj me modele të reja të smartphone-ve si, M9 dhe M9 Prime. Tani për tani nuk e dimë se çfarë pritet nga këto modele, por dizajni i parë koncept na ka dhënë një pamje perfekte, që pak a shumë na bënë të entuziazmuar.

Ky koncept është bërë nga një bloger i Android-it Jermaine Smit, ku video më poshtë modelin e ri të HTC-së  e përshkruan si një model më të lëmuar dhe më të hollë se sa M8.

Smit gjithashtu ka shfaqur edhe disa karakteristika të cilat mund t’jenë të përfshira në modelin e ri të këtij smartphone: si p.sh. Ekranin QHD 5.1-inç, procesorin e gjeneratës se re Snapdragon 808 dhe 3GB RAM. Kurse për kamerat ky koncept ka përdorur teknologjinë e vetë HTC-së, atë frontalen  2.9-ultrapikselë kurse ajo e pasme 6-ultrapikselë.

Sigurisht se ky është vetëm një dizajn koncept, mirëpo nuk do të thotë që disa nga idetë dhe karakteristikat e prezantuara këtu nuk mund të përfshihen në pajisjen zyrtare. /ameble