Tag Archives

24 Articles
HTC One ngacmon me një imazh për smartphone-in e ardhshëm M10

HTC One ngacmon me një imazh për smartphone-in e ardhshëm M10

Ndryshe nga kompanitë Samsung dhe LG, HTC nuk ka mbajtur një paraqitje zyrtare në Kongresin Botëror të pajisjeve Mobile 2016 (MWC 2016), për të prezantuar smartphone-in e tyre të fundit, modelin e përfolur HTC One M10. Megjithatë, është dëgjuar se kompania taivaneze së shpejti pritet të planifikojë një ngjarje të tillë dedikuar këtij smartphone-i.

HTC në llogarinë e tyre në Twitter ka postuar zyrtarisht ketë imazh, ku në një mënyrë ngacmuese ka paraqitur pajisjen e tyre të ardhshme, HTC One M10. Imazhi është shpërndarë me një hashtag të shkruar “#powerof10” ku çartë nënkupton së është fjala për smartphone-in HTC One M10. Në ketë imazh gjithashtu është paraqitur një kornizë metalike që do të thotë se ky model do të vijë me një dizajn premium. Nuk janë dhënë tjera detaje sa i përket lansimit apo karakteristikave.

Thashethemet thonë se ky smartphone do të vijë me ekran qHD 5.1-inç dhe procesorë Qualcomm Snapdragon 820. Karakteristika të tjera që janë përfolur përfshijnë 4GB RAM, hapësirën për të dhëna 32GB me mundësi zgjerimi, kamerën 12MP me stabilizim optik të imazhit dhe posedon versionin e fundit Android 6.0 Marshmallow.

Por, të dhënat zyrtare pritet ti shohim ditën e lansimit, që do të jetë shumë shpejt. /ameble

Sa është vështirë të riparohet HTC One M9

Sa është vështirë të riparohet HTC One M9

HTC One M9 është smartphone-i Android i fundit i kompanisë HTC, i cili vjen me një dizajn të ngjashëm me atë paraprak HTC One M8. Grupi i iFixit kanë marrë ketë smartphone për të parë se çfarë ka brenda pajisjes dhe gjithashtu për të zbuluar se sa i lehtë është për tu riparuar.

iFixit kur i kontrollon pajisjet, i renditë në një shkallë nga 1 deri në 10, ku me 1 i vlerësojnë ata të cilët janë më të vështirë për tu riparuar dhe 10 për ata që janë më të lehtë. HTC One M9 është vlerësuar me 2 nga 10, që do të thotë se ky smartphone është mjaft i vështirë për tu riparuar.

Sipas raportit të iFixit, bateria e këtij smartphone është nën pllakën-amë dhe është e bashkangjitur në të, dhe kjo e bën smartphone-in e vështirë për të riparuar. E njëjta gjë është edhe me ekranin e tij.

Për ta parë në detaje se çfarë gjendet në brendësi të këtij smartphone klikoni këtu. /ameble

Ekskluzive: Prezantohet HTC One M9

Ekskluzive: Prezantohet HTC One M9

Siç është paralajmëruar edhe më herët, HTC sapo prezantoi modelin e ri HTC One M9 i cili bazuar në karakteristika harduerike si duket do të jetë një super pajisje e lansuar ndonjëherë nga kompania HTC.

Karakteristikat Harduerike – Ekrani, Procesori dhe RAM 

Modeli i ri nga HTC, HTC One M9 vjen me ekranin 5 inç Super LCD3 me rezolucion prej 1080 x 1920 pikselëve i përkrahur nga procesori 8-bërthamor 64 Bit Qualcomm Snapdragon 810.dhe 3GB RAM memorie. Ekrani është i mbrojtur nga gërvishtjet me Corning Gorilla Glass 4.

Më poshtë janë disa fotografi nga eventi i mbajtur.

Karakteristikat Harduerike – Kamera, Hapësira e brendshme dhe Sistemi Operativ

Siç është paralajmëruar edhe më herët se ky model do të vije me kamera më të mira dhe kjo pikërisht është edhe konfirmuar sot. Kamera frontale është 4 Ultrapikselë, Kamera Kryesore është 20 Megapikselë. Sa i përket sistemit operativ, modeli HTC M9 do të vije me versionin e fundit Android 5.0 dhe HTC Sense 7. Hapësira e brednshme është 32GB e cila mund të zgjerohet nepermjet microSD kartelës deri në 128GB.

Karakteristikat Harduerike të tjera

  • Bateria e integruar 2840 mAh
  • Përkrahja e rrjeteve 2G, 3F dhe 4G LTE
  • Formati i Video incizimit 2160p@30fps, 1080p@60fps, 720p@120fps
  • HTC M9 do të jetë në dispozicion që nga Marsi i këtij viti në 4 ngjyra.

Në linkun e më poshtëm, mund të ndiqeni ngjarjen e prezantimit të HTC M9. /ameble

https://www.youtube.com/watch?v=BWhM_oHr558#t=1503

HTC One M9, përfliten karakteristikat

HTC One M9, përfliten karakteristikat

HTC-One-M9-ConceptPërderisa po i afrohem fundvitit dhe ngjarjeve të rëndësishme për teknologji, thashethemet dhe spekulimet për pajisje të reja sa vijnë e shtohen. Disa prej këtyre pajisjeve janë paralajmëruar të prezantohen në javën e parë të janarit, në ngjarjen CES 2015, të tjera gjithashtu pritet ti shohim në ngjarjen MWC 2015, disa muaj pas CES-it.

Një raport nga Kina ka shfaqur disa karakteristika për modelin e ardhshëm HTC One M9, një nga seritë e modeleve që është pëlqyer shumë nga përdoruesit. Sipas këtij raporti HTC One M9 vjen me ekran 5.5-inç dhe rezolucion 2560 × 1440 me procesorë Qualcomm Snapdragon 805 dhe 3GB RAM. Bateria 3.500mAh. Përveç këtyre, ky smartphone mund të vijë me kamerën e pasme 16 megapikselë me stabilizim optikal të imazhit, gjë që mund të hiqet teknologjia Ultra e HTC-së. Tani që Beats është në pronësi të Apple-it dhe partneriteti i tyre për audio me HTC-në ka përfunduar, kompania HTC duhet të gjej një partner tjetër, dhe më shumë gjasë do të jetë Bose.

HTC nuk e ka konfirmuar asnjë nga kjo që është përfolur më lartë, mirëpo ne presim që të dëgjojmë më shumë për sa i përket këtij smartphone-i të HTC-së, në ngjarjet e sipër përmenduara. /ameble

Rrjedhin informatat për HTC One me platformën Windows

Rrjedhin informatat për HTC One me platformën Windows

HTC One WPPasi që lansoi modelin HTC M8, gjiganti HTC është duke punuar për të lansuar edhe një model tjetër, por kësaj radhe me platformën Windows.

Një raport i ri nga kompania HTC zbuloi disa informata për harduerin që do të ketë modeli i ri HTC One.

Siç edhe pritej, pajisja do të ketë specifikat e njëjta sikurse homologu me sistemin Android duke përfshi ekranin 5 inç me rezolucion prej 1920 x 1080 pikselëve, procesorin 4-berthamor Snapdragon 801 me shpejtësi prej 2.3GHz, 2GB RAM memorie, 32GB hapësirë të brendshme e cila mund të rritet nëpërmjet microSD kartelës edhe për 128GB, 5 Ultra Megapiksel kamera dhe bateria e fuqisë 2,600 mAh.

Kompania HTC ka planifikuar një ngjarje më 19 gusht me ç’ rast edhe pritet të zyrtarizon modelin e ri me platformën Windows. /ameble

HTC shfaq një foto ngacmuese për smartphone-in e tyre të ardhshëm

HTC shfaq një foto ngacmuese për smartphone-in e tyre të ardhshëm

HTC ka postuar një foto ngacmuese në Twitter duke përkujtuar kështu ngjarjen e tyre të paralajmëruar për shtyp që mbahet me 25 Mars në New York të Amerikës. Kjo është data kur HTC ka premtuar se do të njoftojë për pasardhësin e smartphone-it të tyre HTC One, që besohet të jetë HTC One+ ose “All New One.” Disa thashetheme kanë theksuar për një model me kamerë të dyfishtë që gjithashtu kjo foto e publikuar mund të përshkruan atë, ose ndoshta diçka krejt tjetër.

Postimi i HTC-së në Twitter thotë: “Më 25 Mars, jeta do të bëhet dy herë më e bukur.” Fotoja mbi ketë post tregon dy qenë të vegjël, dy gota me kafe, një çift duke u puthur, dy pika shiu, dy pemë dhe dy gjirafa.

Çfarë do të thonë të gjitha këto? Ne mendojmë se këtu është fjala për ndonjë teknologji të re të kamerës së dyfishtë në anën e pasme të pajisjes. Fotoja mund të referohet edhe në emrin e pajisjes së re, ndoshta HTC do të emëroj smartphone-in e ardhshëm HTC Two ose diçka ngjashëm. Këto janë vetëm spekulime, megjithatë, do ta presim HTC-në të na tregoj më 25 Mars.

Çfarë mendoni se fshihet pas kësaj foto të publikuar nga HTC? /ameble

Vlerësim: HTC One

Vlerësim: HTC One

HTC One main

HTC këtyre dy viteve të fundit ka pasur pak ngecje në tregun e pajisjeve mobile. Vendimet e çuditshme dhe zhgënjyese të serive të smartphone-ve nga kompania Samsung e ka lënë pak a shumë mbrapa kompaninë HTC, ku me herët ka qenë rival i ashpër për titullin Mbret i Android-it.

HTC tani ka filluar të ndryshoj ketë me smartphone-in e tyre të fundit HTC One të avancuar, i fuqishëm dhe një ndër smartphone-at më mbresëlënës nga platforma Android. Me një trup që kryeson metali, me dizajn të ekranit të madh dhe interesant, pajisje meriton të shpërblehet si smartphone- i më i mirë i vitit 2013.

Përparësitë:

  • Trup të shkëlqyer
  • Sence 5 me shkëlqim të gjallë
  • Performancë të jashtëzakonshme
  • Zëri, spikeret të dyfishtë frontal

Mangësitë:

  • Nuk ka mundësi zgjerimi të kartelës SD
  • Bateria e integruar

Në paketën e tij gjenden: HTC One, mbushësi USB i baterisë, çelësi SIM, kufjet me mikrofon 3.5 mm si dhe udhëzuesi për përdorim. Kurse karakteristikat e plota të tij mund ti gjeni këtu.

Hardueri dhe Dizajni

Një gjë të mirë që ka bërë HTC kohëve të fundit është se ka eksperimentuar me modelet e tyre të smartphone-ve me konstrukt të ndryshueshëm dhe nuk ka mbetur në një dizajn të njëjtë. Kemi parë smartphone të ndërtuar nga plastika, qeramika dhe metali shpesh të një serie të njëjtë.

Modeli HTC One është bërë me një kombinim prej alumini dhe plastikes së bardhë i cili në shikim të parë të lë një përshtypje shumë mbresëlënëse. Vet fakti i krijimit të një dizajni të ri i tregon kreativitetin dhe inovacionet tek brendi HTC që dallon prej brendeve Apple, Samsung.

Pjesa e përparme e smartphone-it HTC One disi është ndarë në 3 pjesë kryesore; ekrani i madhësisë 4.7 inç Super LCD3 me rezolucion 1920×1080 pikselë i mbrojtur me Corning Gorilla Glass 2. Në pjesën e fundit të ekranit janë të vendosur dy butona kapacitiv (Home) dhe (Back). Pjesa e poshtme e smartphone-it ka të integruar altoparlantët ndërsa në pjesën e sipërme gjendet kamera frontale 2.1 megapikselë, senzori i lajmërimeve (notifications) si dhe altoparlantët të tjerë. Pra, kjo ndarje ose të themi ky stil i dizajnit jep një pamje shumë tërheqëse të këtij modeli të HTC-së.

Në pjesën e sipërme gjendet vrima (jack) 3.5mm për lidhje të kufjeve si dhe butoni i ndezjes/fikjes së smartphone-it. Një sekret i cili fshehët brenda këtij butoni të fundit është senzori IR me të cilin nëpërmjet një aplikacioni që HTC ka integruar, mundëson që smartphone HTC One të luan edhe rolin e dirigjuesit/telekomandusit për televizor ose të ndonjë sistemi tjetër të audios.

Në pjesën e djathtë gjendet vetëm butoni për ngritje/ulje të zërit ndërsa në anën majtë bëhet vendosja e kartelës micro SIM.

Pjesa e poshtme përmban portën micro USB, nëpërmjet të cilës pajisja mund të lidhet me PC si dhe të bëhet mbushja e baterisë së tij dhe njëkohësisht përkrahë edhe teknologjinë MHL 2.0 e cila mundëson lidhjen me TV.

Pjesa e pasme është ndërtuar nga alumini i ndarë në tri pjesë nga linjat e bukura plastike ku është vendosur kamera kryesore 4 megapikselë (Ultra pikselë) së bashku me LED flash-in i cili është vendosur në anën e djathtë të kamerës. Duhet të cekim se tek ky model nuk ka mundësi të bëhet hapja e kapakut si dhe nuk ka mundësi të bëhet ndërrimi i baterisë e cila në fakt është e integruar në trupin e Smartphone-it. Në linjën e sipërme është vendosur mikrofoni i cili luan rolin e larguesit të zhurmës.

Ekrani dhe Zëri

Padyshim edhe këtë smartphone e veçon ekrani 4.7 inç Super LCD3 me rezolucion 1920×1080 piksela me denstitet prej 469 ppi, i cili është i mbrojtur nga gërvishtjet me Corning Gorilla Glass 2. Ekrani LCD i këtij modeli ofron gjithashtu një kontrast të madh të ngjyrave të cilat së bashku me rezolucionin e lartë e bëjnë që çdo gjë të duket perfekt, një përparësi që ne, me të vërtetë e vlerësojmë shumë.

Sikurse edhe tek shumica e smartphone-ve edhe tek HTC One, prodhimi i zërit është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe po ashtu ka opsionin ekstra Volume që e rrit dëgjueshmërinë e mikrofonit.

Kamera

HTC One sikurse edhe një pjesë e madhe të smartphone-ve, po ashtu posedon dy kamera, atë frontale e cila është 2.1 megapikselë që mund të përdoret për video thirrje me Skype apo Google Talk, si dhe atë të pasmen e cila është 4 megapikselë (Ultra pikëselë), me të cilën mund të themi se HTC nuk ka arritur shumë ti sfidoj konkurrentet aktual apo modelet e fundit.

Tek kamera do të përmendim opsionin Zoe nëpërmjet të cilit gjatë fotografimit po ashtu do të incizohen edhe video sekuenca të shkurta të cilat mund të përdoren ose të shfrytëzohen nga ana e përdoruesit. Fotot e marra me ketë opsion, në galerinë e fotografive do të shfaqen në mënyrë të animuar.

Softueri

HTC One fillimisht është lansuar me sistemin operativ Android me version 4.1.2  Jelly Bean  me Sense nga HTC me versionin 5.0.  Në Korrik është bërë përditësimi i versionit të Androidit nga 4.1.2 në 4.2.2, ndërsa nga Shtatori është bërë përditësimi në versionin Android 4.3. Përditësimi në versionin e fundit nga Android 4.4 Kit Kat pritet të bëhet në fund të Janarit të vitit 2014.

Në fund të Tetorit, HTC kishte bërë përditësimin e HTC Sense në versionin 5.5.

Përformanca dhe bateria

Duke iu falënderuar harduerit të integruar, HTC One e ka një performancë jashtëzakonisht të mirë dhe gjatë testimit me të nuk është vërejtur ndonjë bllokim në softuer si dhe ndonjë nxehje të vet telefonit. Edhe për ketë pajisje ngjashëm si pajisjet tjera, kemi bërë videon praktike të tij ku shpjegojmë shkurtimisht për pamjen, karakteristikat dhe softuerin e tij.

Sa i përket baterisë duhet të cekim se ajo është e fuqisë 2300 mAh dhe nuk mund të ndërrohet nga përdoruesi, që i bie se është hermetikisht e mbyllur dhe është e vendosur brenda pajisjes. Pra, duhet të keni parasysh, nëse keni ndonjë problem me baterinë, pajisjen duhet të dërgoni në dyqanin i cili merret me riparimin e telefonave apo nëse është ndër garancion të kthehet.

Bateria e HTC One mund të rezistoj/qëndroj deri në 13 orë e gjysmë bisedë, 10 orë në shfletimin e internetit ose 10 orë në shikimin e videove.

Përfundimi

Shtrohet pyetja: A me ble HTC One?

Përgjigja e thjesht është PO. Pra, nëse keni një shumë të parave të dedikuara për një smartphone  të klasës së lartë dhe jeni në dilemë se cilin smartphone të përzgjidheni atëherë ne ua rekomandojmë HTC One. |ameble|

Video Praktike: HTC One

Video Praktike: HTC One

HTC One që është prezantuar në muajin Shkurt të këtij viti, është një smartphone me platformën Android që synon të ndryshoj dinamikën e kompanisë tajvaneze HTC me pretendimin se janë ende të pathyeshëm dhe më kreativ se kurrë më parë.

Për ta bërë këtë, HTC ka bërë një përmirësim në katër fusha të mëdha duke përfshirë cilësinë e kamerës me një aparat të ri BSI me stabilizim optik të fotografisë dhe të teknologjisë UltraPixel, me një dizajn nga alumini i bërë në mënyrë të përkryer dhe tejet tërheqës, me ndërfaqen e përdoruesit HTC Sense të thjeshtuar, si dhe integrimi i spikerëve stereo nga teknologjia BeatsAudio.

Disa nga karakteristikat kryesore të HTC One janë ekrani i plotë me definicion të lartë 1080p, 4.7 inç Super LCD3 i mbrojtur nga Corning Gorilla Glass 2, procesori i fuqishëm 4-bërthamor Qualcomm Snapdragon 600 1.7 GHz Krait 300, 2 GB RAM si dhe ahpësira e brendshme për ruajtjen e të dhënave 32 ose  64 GB.

Për të parë se për çfarë pajisje bëhet fjalë, shikojeni videon e më poshtme ku kemi bërë videon praktike të tij. |ameble|

[youtube id=”BLxnaZOHyV4″ width=”600″ height=”350″]

Shfaqen fotot e modelit origjinal të HTC One Mini

Shfaqen fotot e modelit origjinal të HTC One Mini

Pamjet origjinale të smartphone-it HTC One Mini janë shfaqur në një blog gjerman Androidnext.de. Ata kanë shfaqur një pajisje që duket pothuajse identike me madhësinë e HTC One.

Pajisja megjithatë ka disa dallime të vogla, si dhe disa specifika të harduerit janë publikuar. Besohet se HTC One Mini do të vijë me procesorë 1.4 Qualcomm Snapdragon 400, 1GB RAM, 16GB hapësirë e të brendshme dhe ekrani i tij do të ketë rezolucionin 1280X720. Sipas Androidnext.de, nga 16GB hapësirë 11.2GB do të jetë e përdorshëm.

Smartphone-i vjen me dy kamera, e pasmja më 4 megapikselë ultra dhe ajo frontale 1.6. Gjithashtu raportohet se do të ketë HTC Software Sense 5 bashkë me Android 4.2.2 Jelly Bean, të njëjtin version që posedon modeli HTC One evropian i tanishëm.

Smartphone-i është thënë të jetë në testim, kurse lansimi i tij mund të bëhet në muajin Gusht. |ameble|

HTC One me Windows Phone 8?

HTC One me Windows Phone 8?

HTC One Windows PhoneHTC thuhet se është duke zhvilluar një HTC One të ngjashëm mirëpo që posedon platformën Microsoft Windows Phone 8, ka raportuar Neowin. Smartphone-i do të shfaqet më karakteristika dhe dizajn të ngjashëm me HTC One (versioni Android), edhe pse nuk do të jetë një kopje e përkryer.

HTC One (versioni Windows Phone) pritet të shfaqet me trup alumini, zërimin Beats Audio, dhe ekran më dimensione ndërmjet katër dhe pesë inçësh. HTC One origjinal posedon ekranin 4.7 inç ndërsa për versionin Mini është përfolur të shfaqet me ekran 4.3 inç, që do të thotë se versioni me Windows Phone mund t’i ngjajë njërit prej dy modeleve Android.

Nuk ka asnjë dëshmi nëse raporti nga Neowin është i vërtet apo vetëm një thashetheme.

Microsoft ende është duke luftuar të ndërtoj një pjesë të tregut për Windows Phone 8, dhe po qesë ndodh kjo e thënë atëherë HTC One mund të ndihmojë të rris shitjet sado pak. |ameble|

Iron Man bën marrëveshje me HTC-në

Iron Man bën marrëveshje me HTC-në

Iron Man HTCHTC thuhet se ka marrë ndihmën e aktorit Robert Downey Jr., i cili tani gjendet në kulmin e karrierës së tij me serinë e filmave Iron Man dhe Sherlock Holmes, për një fushatë dy vjeçare në marketing. Sipas Bloomberg, ylli i Hollivudit do të përdoret në revista, TV dhe reklama të billboard-eve, si pjesë e marrëveshjes 12 milionë $. Për Downey pretendohet se ka një kontroll kreativ për reklama.

Marketingu kurrë nuk ka qenë i përfshirë aq fortë në kompaninë HTC, sidomos kundër kompanive të mëdha të tilla si Apple dhe Samsung. Kompania tajvaneze këtë vit ka thënë se do të ketë një fokus të rinovuar mbi marketingun e produkteve të saj, dhe se është duke u theksuar më tej nga ky partneritet i profilit të lartë. Krahasimet e mundshme mes Iron Man dhe smartphone-it HTC One nga alumini praktikishtë mund të përshtaten.

Sipas Bloomberg, marrëveshja pritet të shfaqë vetëm Downey si personazh të vetëm, dhe jo ndonjë nga personazhet e tij. Pra, a do të rris tregun kjo marrëveshje e parë për HTC-në, mbetet të shihet në të ardhmen. |ameble|

HTC One fiton çmimin “Best Device” në Computex 2013

HTC One fiton çmimin “Best Device” në Computex 2013

htc one -amebleEdhe një sukses i radhës për kompaninë nga Tajvani, HTC. Në listën e medaljeve për veç “Best New Mobile Handset, Device or Tablet” , i fituar në MWC 2013, me modelin e ri HTC One shtohet edhe një sukses në listën e medaljeve. Është fjala për çmimin “Best Device” i dhenë nga Computex 2013.

Presidenti i kompanisë Ma Ying-jeou vet e prezantoi çmimin për HTC.

Kryeshefi i marketingut në HTC, Ben Ho ka thënë se “Marrja edhe e një çmimi tjetër ndërkombëtar për modelin HTC One, demonstron aftësitë e projektimit të kompanisë në dizajnin e produktit duke sjell një perspektivë të re të industrisë së celulareve”.

Se si është krijuar ky model, mund të informoheni në këtë artikull “ Si është bërë HTC One!” |ameble|