Tag Archives

5 Articles
iCloud.com zëvendëson Google Maps me Apple Maps

iCloud.com zëvendëson Google Maps me Apple Maps

Apple Maps iCloudDy vjet më parë, Apple kishte vendosur të heq aplikacionin Google Maps si opsion i parazgjedhur për harta në pajisjet iOS, në vend të kësaj kishte vendosur të përdorur shërbimin e vet për harta Apple Maps. Në atë kohë ishte diçka e pa përgatitur mirë, për arsye se Apple Maps nuk ishte e saktë dhe ishte me plotë probleme. Fatmirësisht Google Maps bëri një kthim dhe u kthye si një aplikacion i pavarur në pajisjet iOS.

Tani sipas një raporti, e njëjta gjë është bërë me iCloud. Apple vitet e fundit ka bërë tranzicion me shërbimet Find My iPhone dhe Find My Friends, kështu që është e paqartë se pse iCloud është shërbimi i fundit i Apple-it që merr Apple Maps!

Përdorimi i Apple Maps në iCloud në fakt deri më tani ka qenë në versionin beta, por tani thuhet se ky shërbim ka dal nga faza testuese dhe operon plotësisht. Kjo nënkupton qe edhe nëse nuk jeni të kënaqur me Apple Maps, ju duhet ta pranoni sepse nuk ka zgjedhje tjetër. Kurse sa i përket shërbimit se sa është funksional mbetet të shihet./ameble

A është thyer Apple iCloud nga hakerët holandez?

A është thyer Apple iCloud nga hakerët holandez?

Një ekip holandez i hakerëve që e quajnë veten “Doulci” pretendojnë të jenë grupi i parë ndonjëherë që thyejnë sistemin Apple iCloud. Sipas një raporti nga organizata holandeze De Telegraaf, hakerët kanë blerë telefona të vjedhur për 50 deri 150$ që kanë që kanë qenë të bllokuar dhe pastaj kanë përdorur një mangësi (bug) të sigurisë në mënyrë që t’i qasen sistemit Apple iCloud dhe zhbllokojnë telefonat e vjedhur, të cilët më pas janë shitur nga një shumë e madhe parash.

Në anën tjetër Portali ValueWalk vë në dukje se ky grup i hakerëve kanë punuar për pesë muaj për të thyer sistemin e Apple iCloud. Kjo ueb-faqe thotë gjithashtu se kanë parë një llogari të Twitter-it e cila mund të jetë e lidhur me grupin Doulci të hakerëve, duke theksuar një cicërimë në të cilën një haker i dyshuar pretendon se ka “përpunuar” më shumë se 5700 pajisje të Apple-it në vetëm pesë minuta duke përdorur ketë qasje (shih më poshtë).

Sipas raportit të De Telegraaf-it, hakerët për herë të parë qasjen në iCloud e kanë arritur në muajin Mars dhe e kanë njoftuar Apple-in të cilët kanë mbetur të heshtur sa i përket kësaj çështje. Hakerët thonë se më në fund ata kishin vendosur t’i drejtoheshin mediave holandeze, sepse Apple nuk po dëshiron ende të pranoj publikisht që sistemi i tyre është sulmuar.

Apple sa i përket kësaj nuk ka dhënë asnjë përgjigje, edhe pse De Telegraaf thotë se kompania Apple është duke punuar rreth kësaj brenda për brenda, për të adresuar çështjen. /ameble

iCloud, iMessage dhe iTunes Store me probleme?

iCloud, iMessage dhe iTunes Store me probleme?

Apple iCloud ka probleme dhe nuk është në funksion që disa orë për rreth 3 milionë përdorues ka raportuar CNET. Në uebfaqen e Apple-it për shërbime shkruan se Photo Stream, Documents, Backup dhe iPhoto të cilat funksionojnë me iCloud dhe aktualisht janë disa probleme që lidhen me mirëmbajtjen, përveç kësaj ata kanë shkruar se edhe uebfaqja iMessage dhe iTunes Store kanë po të njëjtin problem.

 iCloud probleme

Shumica e përdoruesve nuk mund ta vërejnë këtë çështje, pasi që sipas CNET vetëm 1 % e të gjithë përdoruesve janë të prekur nga ky problem. Duke marrë parasysh që në botë Apple ka 300 milionë përdorues të iCloud-it, kjo i bie që deri në 3 milion njerëz nuk kanë qasje momentalisht. Megjithatë, është pak frustruese kur ndodheni në mbështetje të një produkti dhe se ai nuk është në dispozicion.

Siç ka qenë edhe me herët, Apple zakonishtë i merr përsipër shërbimet e saja shumë shpejt nën kontroll, kështu që nuk pritet të ketë ndërprerje të gjatë. |ameble|

Shërbimi Apple iCloud jashtë funksionit

Shërbimi Apple iCloud jashtë funksionit

Shërbimi Apple iCloud dhe iTunes Store janë jashtë funksionit. Gjëndja e sistemeve të Apple-it nëpërmes uebfaqes konfirmon se disa përdorues mund të kenë probleme me llogaritë dhe qasjen në iCloud, si dhe blerjet në iTunes. Disa përdorues tjerë gjithashtu kanë raportuar probleme me Game Center dhe Apple ID. Kompania Apple nuk ka treguar saktë se sa përdorues janë të prekur me ketë problem, por thjesht ka shkruar “some user may be affected”.

icloud Connection error

Këto ndërprerje duket të kenë ndikuar në shërbime të shumta iCloud duke përfshirë Mail-in, Find my Phone, dhe aplikacione të palës së tretë që janë të ndërlidhura me kredencialet iCloud. Gjatë përpjekjeve për t’ju qasur këtyre shërbimeve thjesht ju hasni në një mesazh “Connection Error”.

Padyshim gjatë javëve të fundit kësi lloj ndërprerjeve janë duke ndodhur më shpesh sesa në të kaluarën, gjithashtu edhe përdoruesit sipas raporteve kanë filluar të mos kenë shumë durim me probleme të tilla. |ameble|

iTunes 11 në dispozicion

iTunes 11 në dispozicion

Me në fund Apple ka lëshuar përditësimin iTunes 11 dhe tani është në dispozicion për përdoruesit e OS X dhe Windows-it. Përditësimi për OS X është përmes Mac App Store dhe përdoruesit e Windows mund ta shkarkoni këtu.

Apple ka rimodeluar krejtësisht ndërfaqen e iTunes për të bërë atë shumë më të pastër së kurrë më parë. Një tipar i ri në iTunes 11 është pamja e zgjeruar qe u mundëson përdoruesve të shohin përmbajtjen e plotë te një albumi.

Tipar tjetër kyç i futur në iTunes 11 është Up Next e cila u mundëson përdoruesve për të zgjedhur këngët e ardhshme që duan të luajnë madje edhe të krijojnë një listë në radhë e cila përfshin disa këngë.

Tipar më i madh i futur ne iTunes 11 është integrimi i saj me iCloud, e cila ka shërbimin e vetë, dhe kjo i lejon përdoruesit për të hyrë në media të iCloud. Kjo funksionon në të gjitha pajisjet e Apple-s. |ameble| [divider top=”0″]