Tag Archives

5 Articles
A ke ide biznesi? Apliko në ICK!

A ke ide biznesi? Apliko në ICK!

Thirrja e shtatë për aplikim me ide biznesi për në inkubatorin e ICK-së është lansuar sot më 15 janar 2014 dhe do të qendroj e hapur deri më 4 shkurt 2014 . Për një vend në inkubatorin e Innovation Centre Kosovo (ICK) mund të aplikojnë të gjithë të interesuarit  që kanë ide inovative të bazuara në teknologji informative.Apliko ne ICK

Thirrja e shtatë për ide biznesi është një mundësi për të gjithë të interesuarit që ti shndërrojnë idetë e tyre komerciale në biznes fitimprurës si dhe të zgjerojnë biznesin e tyre aktual.

Të gjithë të interesuarit duhet të aplikojnë online që të garojnë për të fituar mbështetje për biznesin e tyre nga inkubatori i Innovation Centre Kosovo (ICK). Inkubatori i mbështet ndërmarrësit me mentorim, konsultim, trajnime dhe duke ofruar qasje në zyre dhe ambiente të tjera.

Innovation Centre Kosovo (ICK) është një qendër e pajisur për ndërmarrësi dhe zhvillim biznesi, e përqëndruar në teknologjinë e informacionit dhe komunikimit (TIK), duke përfshirë kompjuterë, aplikacione për softuer, internet, aplikacione për celularë dhe për ueb, databaza, etj.

Mundësi aplikimi kanë të gjithë ata që duan që të nisin biznesin e tyre, e që kanë ide të shkëlqyeshme të bazuara në TIK me potencial në treg. Poashtu mund të aplikojnë edhe ata që kanë kompani ekzistuese më prani më pak se dy vjet në treg, që kanë një produkt ose shërbim inovativ dhe duan ta zgjerojnë biznesin e tyre.

ICK është një qendër për ndërlidhjën e ideve të reja dhe të teknologjisë me burimet njerëzore dhe financiare në mënyrë që të krijojë apo ti zgjerojë kompanitë komercialisht të qëndrueshme të cilat me sukses mund ti plotësojnë nevojat në treg, duke gjeneruar shitje, tregti, kapacitet lokal produktiv dhe punësim të kualifikuar.

Innovation Centre Kosovo (ICK) është themeluar me qëllim që të mbështesë ndërmarrësinë, inovacionin dhe zhvillimin e bizneseve të bazuara në komercijalizëm, me përqëndrim në teknologji të informacionit dhe komunikimit. Qendra mbështet si kompanitë e sapo nisura ashtu edhe ato ekzistuese të cilat kanë potencial të rritjës.

ICK do të krijojë vende të reja pune përmes bizneseve të cilat i përkrah dhe do të ofrojë trajnime për të rinjtë për punë në tregun më të gjërë.

Innovation Centre Kosovo ofron shërbime të inkubimit, mentorimit dhe trajnimit të ndërmarrësve dhe menaxherëve në planifikimin e bizneseve, kontabilitet, financa, zhvillim të produktit/shërbimit, marketingut/ shitjes, burime njerëzore, zhvillimin dhe transferimin e teknologjisë si dhe kontakte me biznese lokale, rajonale dhe ndërkombëtare.

Athene Prosjektledelse, Norvegji dhe Shoqata për Teknologjinë e Informacionit dhe Komunikimit (STIKK) në Kosovë, janë themeluesit e ICK-së, ndërsa Crimson Capital LLC Kosovë, është partneri kryesor bashkëpunues. ICK financohet nga Ministria e Punëve të Jashtme e Norvegjisë. /ameble

Aktivitete inovative në javën e ndërmarrësisë

Aktivitete inovative në javën e ndërmarrësisë

Innovation Centre Kosovo (ICK) gjatë javës globale të ndërmarrësisë (Global Entrepreneurship Week 2013) ka përgatitur 23 aktivitete të organizuara bashkërisht me partnerët e saj, kurse fundjava e ardhshme e nëntorit i dedikohet edicionit të katërt të Prishtina Startup Weekend (PSW#4).

GEW Kosova 2013

Pesëmbëdhjetë aktivitete janë mbajtur gjatë katër ditëve të para të Global Entrepreneurship Week 2013 (GEW) nga 23 ngjarje të planifikuara për javën globale të ndërmarrësisë e cila për herë të parë mbahet në Republikën e Kosovës. Innovation Centre Kosovo në bashkëpunim me 13 partner bashkëorganizues të GEW 2013 synon që përmes shënimit të kësaj jave globale të sensibilizojë të rinjt që të merren më shumë me ndërmarrësi duke u orientuar drejt ideve të biznesit të bazuara në teknologji dhe inovacion.

Në mesin e aktiviteteve të organizuara deri tani në kuadër të GEW 2013 janë punëtoria “Financa për ndërmarrës”, diskutimet e KUSA-s “Portrete ndërmarrësish”, “Rock Entrepreneurial Monday”, “BarCamp”, “Zhvilluesit i analizojnë aplikacionet për telefona mobil dhe për ueb”, punëtoria “Gjenerata e modelit të biznesit”, etj. Poashtu gjatë GEW 2013 një delegacion i përbërë nga përfaqësues të Innovation Centre Kosovo (ICK), MDA Foundation dhe pjesëtarë të inkubatorit të ICK-së e kanë vizituar Jakova Innovation Centre (JIK) që është duke funksionuar në Gjakovë.

Uranik Begu – drejtor ekzekutiv i Innovation Centre Kosovo konsideron se java e ndërmarrësisë globale është një sukses i madh për Kosovën dhe ndërmarrësit e rinj që duan të zhvillohen më tej në të bërit biznes përmes përdorimit të teknologjisë dhe inovacionit. “Gëzohem shumë kur shoh të rinj që kanë vullnet jo vetëm të mësojnë gjëra të reja lidhur me punën por edhe të kontribuojnë me njohuritë e tyre si në këtë aktivitet që e kemi organizuar me IPKO-n”, thotë Begu.

Ndërsa Blaž Umek këshilltar në IPKO Telecommunications tha se është shumë i kënaqur me praninë e të rinjve në aktivitetin “Zhvilluesit i analizojnë aplikacionet për telefona mobil dhe për ueb” të organizuar bashkarisht nga ICK dhe IPKO në kuadër të GEW 2013.  “Nuk kam pritur një prani kaq të madhe dhe jam i befasuar për të mirë nga reagimet pas prezantimit, ku shumë pjesëmarrës kanë marrë pjesë me idetë e tyre, madje e kisha përshtypjen se nuk ishte thjesht një prezantimi i ideve por në fakt shkëmbim idesh”, tha Blaž Umek këshilltar në IPKO.

Në kuadër të GEW 2013 do të mbahet edhe edicioni i katërt i Prishtina Startup Weekend (PSW#4) që bashkë organizohet nga ICK-ja në ambientet e qendrës gjatë fundjavës së 22-24 nëntorit 2013. Innovation Centre Kosovo gjatë viteve 2011 dhe 2012 i ka organizuar tre edicione të Prishtina Startup Weekend. Ngjarjet si PSW organizohen gjatë Global Entrepreneurship Week me qëllim që të inspirojnë njerëz dhe ti ndihmojnë ata që ta eksplorojnë potencialin e tyre si inovator dhe nismëtar biznesesh. Këto aktivitete, nga gara të mëdha, ngarje të tjera, takime rrjetëzimi, vendosin lidhje mes pjesëmarrësëve dhe bashkëpunëtorëve potencial, mentorëve dhe investitorëve — duke iu prezantuar atyre mundësi të reja.

Gjatë Global Entrepreneurship Week, në mbarë botën, janë duke u organizuar rreth 20,000 aktivitete. Për më shumë informata konsultohuni me kalendarin e GEW 2013: https://www.dropbox.com/s/48hbkt4jyutpclk/GEW%20Calendar.pdf

Global Entrepreneurship Week është ngjarja më e madhe globale e cila i kushtohet inovatorëve dhe krijuesve të vendeve të punës, të cilët nisin startupe që u japin jetë ideve të biznesit, si dhe e drejton rritjen ekonomike duke e ngritur më tej mirëqënien e njerëzve. Sponsorë global të GEW janë Kauffman Foundation dhe Google. Partnerë të GEW-it janë: Ipko Foundation, IPKO, Community Development Fund, STIKK, Athene Kosovo, Crimson Finance Fund, MDA Foudation, Kosovo United States Alumni, Universum College, Wominnovation, Jakova Innovation Center, CEED Kosovo. Kurse MTI/SMESA dhe Encouraging Young Entrepreneurs (EYE) janë sponsorë të Global

Entrepreneurship Week 2013. Athene Prosjektledelse nga Norvegjia dhe Shoqata për Teknologjinë e Informacionit dhe Komunikimit (STIKK) në Kosovë, janë themeluesit e ICK-së, ndërsa Crimson Capital LLC Kosovë, është partneri kryesor bashkëpunues. ICK financohet nga Ministria e Punëve të Jashtme e Norvegjisë. |ameble| |ICK|

Business Tuesday #11 – Android vs iOS vs Windows Phone

Business Tuesday #11 – Android vs iOS vs Windows Phone

1242189_10151700230077701_1669694226_n“Business Tuesday” i njëmbëdhjetë me radhë, organizuar nga Innovation Centre Kosovo (ICK) do të fokusohet në një diskutim mbi temën “Android vs iOS vs Windows Phone”. Business Tuesday #11 mbahet të martën më 3 shtator 2013 nga ora 17:15 deri në 19:30 në ambientet e Innovation Centre Kosovo.

Prania e telefonave mobil – sidomos të atyre të njohur si smartphones tashmë është bërë pjesë e përditshmërisë së njerëzve në botë por edhe në Republikën e Kosovës. Jo rrallëherë smartphones-at përdoren edhe për qëllime komerciale dhe si mjete pune. Por cilat aplikacione për smartphonesa janë më të mira për secilin?

Në Business Tuesday #11 diskutimi do të fokusohet në lloje të aplikacioneve të krijuara për smartphones. Dilema mbetet se cilin duhet zgjedhur: iOS, Android apo Windows Phone? Në përgjithësi varet nëse synohen aplikacionet e fundit dhe më të mirat? – e në këtë rast përgjigja është iOS. Të gjithë njerëzit që përdorin iOS janë të gatshëm të paguajnë për aplikacionet dhe tiparet tjera. Zhvilluesit e aplikacioneve synojnë të kenë fitim, poashtu Por nëse kërkohet një smartphone i thjeshtë atëherë – Windows Phone dhe iOS janë zgjidhjet e duhura. Pajisjet më të lira në treg funksionojnë në Android. Por, çmimi i pajisjes është vetëm njëra pjesë e tregimit! A është zbavitja e pashmangshme? Përdoruesit e iOS ndryshe nga platformat tjera luajnë dhe zbaviten më së shumti. Nëse kërkohet kontroll i plotë mbi telefon – atëherë zgjedhje e parë është Android. Mund të zgjedhni gati gjithçka ju duhet, madje edhe të zhvilloni dhe ngarkoni aplikacionet e juaja. Tek e fundit, thjeshtë mund të jeni adhurues i një brendi të caktuar. Jo pak njerëz i ngatërrojnë telefonat me softuerin që e përdorin. iOS, Android dhe Windows Phone janë konkurruesit më të rëndësishëm kur bëhet fjalë për softuer dhe aplikacione që përdoren në pajisje të ndryshme telefonike.

Në Android pohojnë se kjo është platforma më e fuqishme mobile dhe se nuk ka softuer tjetër të ngjashëm me të. Google e ka krijuar Androidin dhe Google kujdeset për funksionimin më të mirë të aplikacioneve në të. Në anën tjetër deri në gusht të vitit 2013, Apple App Store përmbante më shumë se 900,000 iOS aplikacione, 375,000 nga të cilat të përshtatura edhe për iPad. Të gjitha këto të shkarkuara më shumë se 50 miliard herë.  Por, nuk duhet harruar Windows Phone.

Me qëllim të diskutimit të temës se cila nga këto platforma në Business Tuesday #11 kemi ftuar disa persona me përvojë në fushën e softuerit të dedikuar për smartphones. Kështu Betim Drenica do të flasë mbi temën “Windows Phone me aplikacione përballë konkurrentëve”, ndërsa Bujar Mulliqi do prezantojë mbi temën “Përparësitë dhe dobësitë e iOS”. Prezantimet do të mbyllen me Milot Shalën që do të flas mbi temën “Diskutim mbi platformën dhe aplikacionet e Android” e që realizohet përmes Skype-it. Pas prezantimeve të pranishimit do të kenë mundësinë të marrin pjesë në diskutim të hapur lidhur me temën.

Business Tuesday, është një ngjarje e organizuar nga Innovation Centre Kosovo që mbahet çdo të parën të martë të muajit përkatës, duke u fokusuar rreth një temë të caktuar, mbi të cilën thirren profesionistë të ndryshëm për të folur dhe për të ndarë përvojën e tyre me një audiencë të gjerë. Ngjarja është e orientuar kah dialogu për biznes dhe shoqërohet gjithnjë me pjesën e fundit për takime/diskutime dhe me pije/kafe për pjesëmarrësit. Business Tuesday” është i inspiruar nga praktika e ngjarjeve të ngjashme që organizohen në Skandinavi.

Nëse keni pyetje ose sygjerime, mund të na shkruani në events@ickosovo.com

Athene Prosjektledelse, nga Norvegjia dhe Shoqata për Teknologji të Informacionit dhe Komunikimit të Kosovës (STIKK), janë themeluesit e ICK-së, kurse Crimson Capital është partner kryesor bashkëpunues. ICK-ja financohet nga Ministria Norvegjeze e Punëve të Jashtme  |ickosovo| |ameble|

ICK pranohet anëtare e asociuar në EBN

ICK pranohet anëtare e asociuar në EBN

Innovation Centre Kosovo (ICK), 9 muaj pas hapjes solemne është pranuar si anëtare e asociuar në European Business Network (EBN). EBN është themeluar më 1984 si një iniciativë e përbashkët e Komisionit Evropian, kompanive lidere të industrisë evropiane dhe të qendrave të para të inovacionit në Evropë.

Innovation Centre Kosovo me pranim në EBN e ka shtrirë rrjetin e saj edhe jashtë Kosovës duke krijuar kështu edhe më shumë hapësirë dhe zhvillim edhe për ndërmarrësit kosovarë dhe idetë e tyre të bazuara në inovacion dhe teknologji. Pranimi i ICK-së në EBN është ngjarje me rëndësi ngase pjesë e saj janë kompani të ndryshme si British Steel, Cockerill-Sambre, Natwest, IRI Group, Générale de Belgique, Fiat, Control Data Corp., EVCA, Philips, Barclays, etj.

Në ceremoninë e pranimit zyrtar, e cila mbahet më 19 mars 2013 në zyret e EBN-së në Bruksel të Belgjikës, do të jetë i pranishëm Uranik Begu Drejtor Ekzekutiv i Innovation Centre Kosovo. Begu gjatë qëndrimit në Belgjikë do të zhvillojë takime me Alvaro Simon De Blas president i EBN-së  dhe me Philippe Vanrie CEO i EBN-së.

“Pranimi i Innovation Centre Kosovo në EBN është një lajm i mirë jo vetëm për qendrën por edhe për bizneset e pranishme në inkubatorin tonë sepse përmes pranisë sonë në EBN ato do të kenë mundësi të prezantohen edhe jashtë Kosovës drejt tregut  evropian”, thotë Begu.

Inkubatori i ICK-së i mbështetë ndërmarrësit dhe bizneset përmes mentorimit, konsultimit, trajnimit dhe me qasje në zyra dhe objekte për konferenca. Inkubatori ofron një ambient angazhues për komercializimin e ideve të shëndosha për biznes dhe vizibilitet në treg për ndërmarrjet e reja dhe ato ekzistuese. Innovation Centre Kosovo  është i pajisur tërësisht për zhvillim të ndërmarrësisë dhe biznesit, të fokusuar veçanërisht në teknologjinë e informimit dhe komunikimit (TIK). Deri tani në inkubatorin e ICK-së janë pranuar 26 ekipe me ide biznesi të bazuara në teknologji dhe inovacion. ICK veçmas shërbimeve të inkubatorit ofron edhe trajnime të ndryshme. Disa nga trajnimet që ofron ICK-ja janë trajnimi për programim në iOS, ueb dizajn, AutoCAD, rrjete sociale, etj. |digjitale| |ameble| [divider top=”0″]

Xiiik i Kosovës, në mesin e 15 më të mirëve në botë

Xiiik i Kosovës, në mesin e 15 më të mirëve në botë

Ekipi XIIIK i përbërë nga Leart Zogiani dhe Bardh Lohaj ka zënë vendin e dytë në raundin e parë të garës “Global Startup Battle” duke hyrë në raundin final ku janë kualifikuar 15 ekipet me më së shumti vota, prej gjithsejt 113 konkurrentëve nga anembanë bota.

XIIIK i ka fituar 4755 vota online përmes votimit në Facebook.  “Jashtëzakonisht jam i emocionuar dhe është e vështirë për të besuar se përmes votimeve edhe pse vijmë nga një vend shumë i vogël kemi mbërri vendin e dytë në nivel global”, thotë Leart Zogiani 3D artist pjesëtar i ekipit XIIIK. Ekipi XIIIK është zgjedhur fitues i edicionit të tretë të Startup Weekend Prishtina të organizuar nga Innovation Centre Kosovo.

Suksesi i ekipit nga Kosova

Ky sukses sipas Zogianit është më i madh kur dihet se Global Startup Battle është gara më e madhe e ndërmarrësisë në botë. Vendin e parë në raundin e parë e ka zënë ekipi londinez SmartWard duke mbledhur 5025 vota – vetëm 250 vota më shumë sesa XIIIK ekipi nga Kosova. Secili qytet ku është mbajtur Startup Weekend, përfshirë edhe Prishtinën, në Global Satrup Battle përfaqësohet me fituesin vendor, Në raundin e parë mes vete konkurruan ekipet fituese nga mbi 113 qytete të botës, derisa në finale garojnë 15 ekipet me më së shumti vota. Sipas burimeve nga Startup Weekend, juria ka pëlqyer mjaft shumë punën e ekipeve që janë votuar në Facebook, dhe do të shpallin fituesin gjatë javës tjetër. Juria përbëhet nga Tony Hseih, CEO I Zappos, Brad Feld drejtor menaxhues pranë Foundry Group, Leah Busque, themeluese dhe CEO e TaskRabbit.com, Chris Hollod nga A-Grade Investments dhe Jesse Draper, CEO e Valley Girl.

Shpërblimet për fituesin e Global Startup Battle

  1. Udhëtim VIP në Rio De Janeiro për Global Entrepreneurship Congress – sponzorizuar nga Global Entrepreneurship Week.
  2. Udhëtim VIP në San Francisco për vizitë në Googleplex dhe për takime me themelues, mentor dhe investitorë – sponzorizuar nga Startup Weekend dhe Google.
  3. Pako PR në vlerë prej 5,000 dollarë nga Geben Communication
  4. Shërbime dizajni në vlerë 5,000 dollarë nga Btrax
  5. Pako ligjore dhe inkorporimi në vlerë 5,000 dollarë nga Cooley LLP
  6. Kredit në vlerë 20,000 dollarë për Google App Engine nga Google.
  7. Një vit të plotë për tu krenuar se ke fituar garën më të madhe për startup në botë.

E në fund Xiiik do të ketë edhe një shpërblim prej komunitetit të ndërmarrësve dhe skenës së startup në Kosovë që do ta fus edhe në histori të kësaj skene të re, si startup i parë nga Kosova që renditet në mesin e 15 më të mirëve në botë. Përveç kësaj Xiiik është edhe i vetmi ekip nga Evropa Juglindore që është future në këtë mes, duke garuar me ekipe nga Anglia, Kanada, Meksika, Izraeli, SHBA, etj. |digjitale| [divider top=”0″]