iOS 7.1Janë bërë më shumë se një muaj që kur u lansua versioni Beta për iOS 7.1 dhe Apple tani ka lansuar ketë version të platformës së tyre edhe për publikun. Apple versionin e para-fundit Beta 5, e kishte lansuar më 4 Shkurt dhe siç kemi deklaruar edhe më parë ata në plan kishin që ky version të jetë versioni përfundimtar Beta për zhvilluesit para së të lansojn versionin iOS 7.1 Gold Master (GM). Çuditërisht, Apple ka vendosur të lë anash atë version dhe ka lansuar iOS 7.1. Sipas një raporti të mëhershëm iOS 7.1, edhe ka qenë i planifikuar që të dalë në publik diku në fillim ose në mes të muajit Mars, kështu që ka arritur në kohë.

iOS 7.1 përmban një numër të madh të ndryshimeve, duke përfshirë elemente të reja të ndërfaqes, përmirësime të gabimeve dhe shumë tjera. Ky version gjithashtu ka trajtuar disa ankesa të mëdha që kanë pasur përdoruesit e iPhone-it dhe iPad-it që nga koha kur u lansua iOS 7 nga Shtatori i kaluar.

Përdoruesit e platformes iOS me modele si iPhone 5S, iPhone 5C, iPhone 5, iPhone 4S, iPhone 4, iPad Air, iPad mini me ekran retinë, iPad mini, iPad (brezi i tretë dhe i katërt), iPad 2, dhe iPad Touch (gjenerata e pestë) munden nga tani të shkarkojnë versionin e përditësuar iOS 7.1 nëpërmes OTA ose duke përdorur iTunes. /ameble