Iphone 6 Plus

Shqetësuese: Ja sa është i qëndrueshëm iPhone 6 Plus!

on 24/09/2014

Disa pronarë të iPhone 6 Plus, kanë zbuluar se pajisjet e tyre kanë pësuar deformime të lehta prej përdorimit normal, d.m.th. gjatë mbajtjes në xhep. Ende nuk e dimë nëse këto janë raste të vetme, ose në qoftë se iPhone i ri nga Apple është pak a shumë i brishtë ose i thyeshëm.

Megjithatë, ka filluar të vërtetohet se me të vërtetë është lehtë i thyeshëm. Unbox Therapy kanë testuar me duart e tyre, se sa presion mund të duroj iPhone 6 Plus gjatë ndrydhjes. Në video gjithashtu tregohet se sa lehtë mund të deformohet ky smartphone.

Ndryshe nga LG G Flex i cili është fleksibël, iPhone 6 Plus nëse lakohet nuk mund të kthehet në formën e vetë fillestare. Kjo duket të jetë vërtet shqetësuese për ata që kanë blerë ose mendojnë të blejnë iPhone 6 Plus, sepse nuk duket të jetë aq i fortë. Lajmi i mirë këtu është se xhami i ekranit duket paksa me i qëndrueshëm dhe ndoshta kjo e ndihmon trupin e pajisjes që mos të thyhet tërësisht.

iPhone 6 Plus është i bërë nga alumini, dhe është smartphone-i më i madh i Apple-it ndonjëherë.

Për ketë çështje nga Apple deri më tani nuk është bërë asnjë koment. Tani shtrohet pyetja, a do ta blini një të tillë? /ameble

10 milionë iPhone të ri shiten deri në vikendin e parë

on 23/09/2014

by ihalili 0 Comments

Pas lansimit të iPhone 6 dhe iPhone 6 Plus nga Apple, janë publikuar shifrat e shitjes për vikendin e parë dhe sipas tyre është arritur rekord i ri.

Vitin e kaluar, për shitjet e vikendit të parë të iPhone 5C dhe iPhone 5S, Apple kishte njoftuar se ka shitur 9 milionë njësi, dhe në atë kohë ishte rekord i ri për kompaninë. Këtë vit Apple ka njoftuar se ka shitur 10 milionë njësi për të dy iPhone 6 dhe iPhone 6 Plus. Këto shifra e shitjes vijnë nga lansimi i kombinuar i të dy pajisjeve të reja në të gjitha shtetet si SHBA, Australi, Kanada, Francë, Gjermani, Hong Kong, Porto Riko, Singapor dhe Britani të Madhe.

“Shitjet për iPhone 6 dhe iPhone 6 Plus kanë tejkaluar pritjet tona për vikendin e parë, dhe kjo nuk do të thotë se jemi të lumtur,” tha krye-shef i Apple-it Tim Cook. “Do të doja ti falënderoja të gjithë klientët tanë që lansimin e këtyre pajisjeve e kanë bërë me të arritshmen së ndonjëherë më parë, ku gjithashtu janë thyer të gjitha rekordet e mëparshme me një diferencë të madhe në shitje.

Me 26 Shtator është raportuar së modelet e iPhone-it të ri do të dalin në shitje edhe në 20 vende tjera.

Mjerisht, dhe si zakonisht Apple nuk jap informacione se cili nga modelet e reja të iPhone-it është shitur më shumë. /ameble

Apple pranon 16 milionë para-porosi për iPhone 6

on 15/09/2014

by maliu 0 Comments

Edhe 4 ditë kanë mbetur deri tek lansimi i iPhone 6 dhe iPhone 6 Plus në treg. A do të jetë Apple në gjendje t’i mbulon të gjitha kërkesat e para-porosive të iPhone 6 dhe iPhone 6 Plus, do të kuptojmë të premten, më 19 Shtator kur edhe zyrtarisht do të dalin në shitje këto modelet e reja.

Në fundjavë kemi dëgjuar se Apple ka njoftuar për arritjen e një rekordi të ri me para-porosit e bëra për modelet iPhone 6, kështu duke tejkaluar rekordin e vitit të kaluar kur kompania kishte shitur 9 milionë iPhone 5S dhe iPhone 5C nga para-porosit.

Sipas një raporti të fundit thuhet se në 24 orët e para pas prezantimit të iPhone 6, janë bërë mbi 16 milionë para-porosi të iPhone 6 dhe iPhone 6 Plus.

Nëse këto shifra janë të sakta, atëherë kjo tregon se Apple ka arritur suksesin më të madh deri më sot, duke vërë një rekord të ri në historinë e kompanisë me 16 milion para-porosi të modelit më të ri.

Sa do të arrijë Apple t’i plotësoj kërkesat e para-porosive do të kuptojmë pas datës së 19 Shtatorit. /ameble

Apple iPhone 6 thyen rekord me para-porosi

on 13/09/2014

by sberisha 0 Comments

Apple ka konfirmuar se ka arritur me të vërtetë një numër rekord të para-porosive për iPhone 6. Lajmi është raportuar fillimisht nga CNBC. Është ende e paqartë deri më tani se cili model është më i suksesshëm.

iPhone 6 Plus gjatë para-porosisë e tregon kohen e dërgesës ku thotë rreth 3-4 javë për çdo model, edhe pse modeli i vogël iPhone 6 4.7-inç gjendet i shpërndarë nëpër depo dhe është i gatshëm të dërgohet tek blerësit nga data 19 Shtator, pra dita zyrtare e lansimit.

Apple me siguri se nuk do të publikoj shifrat përfundimtare para lansimit të pajisjeve. Vitin e kaluar, kompania kishte raportuar se ka shitur 9 milionë iPhone 5S dhe iPhone 5C, gjatë fundjavës së parë përderisa ishin në shitje të dy pajisjet. Shitjet parashikohen të jenë edhe më i madha këtë vit. /ameble

Zyrtare: Lansohen iPhone 6 dhe iPhone 6 Plus

on 09/09/2014

by maliu 0 Comments

Dhe siç ishte planifikuar, në ngjarjen e organizuar nga Apple, janë prezantuar dy modele më të reja të gjeneratës iPhone, iphone 6 dhe iPhone 6 Plus, të dy modelet të karakterizuar me ekranin Retinë HD.

iPhone 6

iPhone 6 vjen me ekranin LED-backlit IPS LCD 4.7 inç me rezolucion prej 1334 x 750 pikselëve, i përkrahur nga procesori më i ri nga Apple A8 me shpejtësi deri 25 % më të madhe të procesorit, me tri versione të hapësirës së brendshme 16GB, 64GB dhe 128GB që tregon se nuk përkrah microSD kartelën.

Karakteristikat të tjera të këtij modeli përfshijnë kamerën e pasme 8 megapikselë md 1.5μ pikselë me ƒ / 2.2 aperturë që përmban një sensor të ri me Fokus Pixels, të dizajnuara për të përmirësuar fokusin, kamera frontale 1.2 megapikselë dhe përkrahë rrjetet 2G, 3G, 4G LTE, Wi-Fi, NFC, Bluetooth versioni 4.0 dhe po ashtu vjen me sistemin më të ri nga Apple iOS8.

Dimensionet e modelit iPhone 6 janë 138.1 x 67 x 6.9 mm.

iPhone 6 versioni me 16GB do të kushtojë 199$, versioni 64GB 299$ dhe versioni 128GB do të kushtojë 399$ për përdoruesit që nënshkruajnë kontratë 2 vjeçare.

iPhone 6 Plus

iPhone 6 vjen me ekranin LED-backlit IPS LCD 5.5 inç me rezolucion prej 1080 x 1920 pikselëve, i përkrahur nga procesori më i ri nga Apple A8 me shpejtësi deri 25 % më të madhe të procesorit, me tri versione të hapësirës së brendshme 16GB, 64GB dhe 128GB që tregon se nuk përkrah microSD kartelën.

Dimensionet e modelit iPhone 6 janë 158.1 x 77.8 x 7.1 mm

iPhone 6 versioni me 16GB do të kushtojë 299$, versioni 64GB 399$ dhe versioni 128GB do të kushtojë 499$ për përdoruesit që nënshkruajnë kontratë 2 vjeçare. /ameble

Tag Archives