Tag Archives

3 Articles
Prezantimi i delegacionit të ICK-së nga Kosovo në panairin CeBIT

Prezantimi i delegacionit të ICK-së nga Kosovo në panairin CeBIT

Mbështetja e bizneseve të reja të bazuara në teknologji dhe inovacion përmes këshillëdhënies së ofruar nga inkubatori i Innovation Centre Kosovo, grantet e dhëna në bashkëpunim me partnerë janë disa nga informatat e prezantuara nga delegacioni i ICK-së që po qendron në CeBIT – panairin më të madh botëror të teknologjisë që mbahet në Hanover të Gjermanisë.

Innovation Centre Kosovo në CeBIT përfaqësohet nga Safet Rama menaxher i inkubatorit të qendrës i cili shoqërohet nga Ermal Sadiku nga Zag Apps dhe Mërgim Cahani i iziSurvey, të dy këto ekipe janë pjesë e inkubatorit të Innovation Centre Kosovo (ICK).

“Këtu në shtandin e ICK-së kemi mjaft materiale promovuese për punë që ne bëjmë si qendër e inovacionit, për shërbime që iu ofrojmë ekipeve dhe normalisht kemi edhe informata mbi atë se për çka janë të specializuara ekipet e inkubatorit”, tha Rama duke falenderuar Shoqatën për Teknologji të Informacionit dhe të Komunikimit të Kosovës (STIKK) që e ka mundësuar qëndrimin e delegacionit të ICK-së në CeBIT 2014. /ICK /ameble

CeBIT 2014, perspektiva të reja për bizneset e IT-së

CeBIT 2014, perspektiva të reja për bizneset e IT-së

CEBIT 2014 gatiNgjarja CeBIT paraqet një prezantim të plotë të produkteve të reja rreth Teknologjisë së Informacionit, e cila gjithashtu bashkon kompanitë të mëdha të cilat ketë panair e shohin si një vend të mirë për të publikuar të rejat e tyre. Ky panair masiv më i madhi në Evropë për Teknologji mbahet në Hannover Messe të Gjermanisë nga 10-14 Mars 2014.

Në CeBIT marrin pjesë mbi 4000 ekspozues nga 70 vende të botës, dhe më shumë se 137700 vizitorë nga 120 vende të botës. Qindra kompani të teknologjisë në botë do të shfaqin produktet e tyre të fundit, duke përfshirë IBM, Microsoft, Intel, HP, Toshiba, Samsung si dhe shumë të tjerë.

Edhe kësaj herë, viti i pestë me radhë STIKK (Shoqata për Teknologji të Informacionit dhe të komunikimit të Kosovës) do të marrë pjesë në ketë panair, aty do të jetë me qëllim të promovimit të Kosovës si një destinacion i përshtatshëm për eksport të shërbimeve. STIKK do të jetë së bashku me AdaptivIT, Harrisia, ICK (IziSurvey dhe ZagApps). Gjate këtyre pese ditëve, kompanitë anëtare të STIKK do të kenë mundësi të takohen me partnerë/investitorë potencial, të promovojnë kompanitë si dhe sektorin e TIK të Kosovës si një destinacion potencial për eksportin e shërbimeve.

Pjesëmarrjen e STIKK-ut dhe të kompanive anëtare këtë vit e kanë përkrahur: SPARK-u, GIZ, Ministria e Punëve të Jashtme Norvegjeze si dhe APIK-u (Agjencioni për Promovim të Investimeve në Kosovë). /ameble

Izisurvey.com, platforma me e re për sondazhe

Izisurvey.com, platforma me e re për sondazhe

Sondazhet kanë një rendësi të madhe në aspektin e hulumtimeve. Në botën digjitale profesionistët në shumicën e rasteve përdorin softuer të ndryshëm si SurveyMonkey, SurveyGizmo, Qualtrics, QuestionPro, Confirmit.com, supersimplesurvey.com, etj. Njëri ndër ta, si SurveyMonkey është me i popullarizuari në botë për sondazhe, duke i ndihmuar përdoruesit që çdo ditë t’i mbledhin mbi 2 milionë përgjigje të sondazheve online.

izisurvey1

Edhe pse në treg gjenden plotë kësi lloj sondazhesh, gjithmonë ka hapësirë ​​për më shumë të cilat rrisin përvojën e përdoruesit, lehtësojnë procese dhe ofrojnë shumë mundësi. I tillë është platforma me e re iziSurvey.com, një fillim me bazë në Prishtinë, e themeluar nga Mergim Cahani, themelues i Phronesis Technologies dhe gjithashtu është Drejtor/Profesor i Shkencave Kompjuterike në Kolegjin Universum në Kosovë, Ridvan Peshkopia, Profesor në Kolegjin Universum dhe instruktor me orar të shkurtuar në Universitetin Kentucky, Alejtin Berisha, Edukator dhe Kryeshef i Kolegjit Universum dhe Edi Demaj, një emër që qëndron prapa kompanisë Solaborate , empyrewebs, bedrock, etj.

Shërbimi iziSurvey, pretendon të jetë një shërbim revolucionar në kryerjen e hulumtime të ndryshme në publikun e gjerë duke ofruar mundësi të shumta, të cilat përfshijnë analiza vizuale, sondazhe offline nga smartphone ose tablet duke kaluar pastaj në rrjete sociale. Edhe pse shërbime të ngjashme konkurruese në treg fillojnë me version falas të kufizuar, dhe kryesisht të dedikuar për student, iziSurvey.com fillon me një çmim bazë për përdorim nga 59.99 $ për muaj dhe shkon deri në 249.99 $ për kompani. Ekziston edhe një mundësi e veçantë për ndërmarrje.

iziSurvey përdorë qasje unike për mbledhjen e të dhënave nëpërmjet smartphone-ve ose tabletve Android dhe veprojnë të pavarur jashtë lidhjes së internetit dmth, mund të funksionoj online dhe offline, ndërsa menaxhimi i sondazheve, krijimi i sondazheve, raportimi i detajuar dhe eksportimi, bëhet në portalin iziSurvey.com.

Fillimisht është pjesë e inkubatorit për biznese Innovation Centre Kosovo në Prishtinë e financuar nga Ministria Norvegjeze e Punëve të Jashtme , dhe zyrtarisht është lansuar sot më 8 Janar 2013. /digjitale /ameble