Tag Archives

5 Articles
Jolla paralajmëron diçka të madhe më 19 Nëntor

Jolla paralajmëron diçka të madhe më 19 Nëntor

Jolla nuk është emër shumë i njohur kur bie fjala për smartphone, kompania ka lansuar smartphone-in e tyre të parë në fillim të këtij viti dhe si duket në ditët e ardhshme po planifikon të nisë diçka të re. Kohët e fundit, ajo ka postuar një cicërim në Twitter, që nënkupton se diçka e re do të vijë javën e ardhshme, e që është 19 Nëntori. Kompania ka filluar të numëroj kohën në ueb-faqen e saj me titull “Something BIG is about to begin.”

Nuk kanë zbuluar se çfarë do të lansojn, por ka disa supozime. Kompania posedon një pajisje të mundësuar nga softueri i tyre Sailfish OS, ka mundësi që të lansojn një version të ri të sistemit operativ ose edhe ndonjë pajisje të re phablet. Pa supozuar shumë kjo ngjarje është paralajmëruar të ndodh javën e ardhshme, kështu qe të presim edhe të shohim qfarë do të na sjellë Jolla kësaj radhe. /ameble

Sistemi Sailfish OS në smartphone Android

Sistemi Sailfish OS në smartphone Android

Smartphone-i Jolla me Sailfish OS i cili ka filluar shitjet nga muaji i kaluar, është i përshtatshëm edhe me aplikacione të Android-it dhe ju mundëson përdoruesve të instalojnë aplikacionet Android. Sistemi Sailfish OS për smartphone ka ardhur në treg në një kohë kur tregu është i dominuar nga sistemet iOS, Android dhe Windows Phone.

Jolla smartphone

Gjatë një interviste në një botim finlandez Talouselama, kryeshefi i Jolla-s, Tomi Pienimäki ka thënë se ka në plan t’u jap mundësinë përdoruesve që të instalojnë sistemin e tyre Sailfish në pajisjet Android.

Pra, ky do të jetë një hap i mirë të shohim instalimin e Jolla-s në pajisjet Android, pasi ka shumë fansa dhe zhvillues të cilët do të jenë më se të lumtur për të marrë dhe provuar këtë sistem të ri operativ. Patjetër se do t’i japë sistemit operativ ekspozim të mirë. |ameble|

SO Sailfish tani i përshtatshëm me pajisjet dhe aplikacionet Android

SO Sailfish tani i përshtatshëm me pajisjet dhe aplikacionet Android

Jolla smartphoneGrupi Jolla ka njoftuar se tani e tutje sistemi operativ të tyre Sailfish është i përshtatshëm (compatible) me harduer dhe aplikacione të Android-it duke u mundësuar përdoruesve të sistemit të tyre Sailfish të përdorin gjëra të bazuara në sistemin operativ Android.

SO Sailfish është një sistem operativ mobil nga Linux i zhvilluar nga Jolla në bashkëpunim me projektin Mer dhe i mbështetur nga Aleanca Sailfish, është i projektuar posaçërisht për pajisje mobile.

Në një raport të sotshëm Jolla ka njoftuar se “përdoruesit tani mund ta shijojnë përvojën moderne të sistemit Sailfish që do të jetë i zbatueshëm për të pranuar gjëra që janë në dispozicion përmes dyqaneve online të aplikacioneve Android. Jolla ka bërë një përparim të madh në përshtatjen e harduerit nga Sailfish me Android.”

Për më shumë informacione mbi përshtatjen e re të SO Sailfish me pajisjet Android, mund ti gjeni tek uebfaqja Jolla.

Jolla prezanton smartphone-in e parë me platformën “Sailfish”

Jolla prezanton smartphone-in e parë me platformën “Sailfish”

Kompania finlandeze për pajisje mobile Jolla, ka prezantuar smartphone-in e tyre të parë që shfaqet më platformën e re të quajtur Sailfish OS.

Ende nuk është e qartë nëse kompania ka nxjerrë një emër të saktë për ketë pajisje, por ajo ka përdorur termin “The Other Half” (gjysma tjetër), që nga mbrapa kapaku i kësaj pajisje vjen në ngjyra të ndryshme. Smartphone-i është me çmim prej 399 Euro, pa taksa.

Ky smartphone përmban ekranin 4.5 inç dhe posedon procesorin 2-bërthamor, kamerën me auto-fokus 8 megapikselë dhe hapësirën e brendshme për ruajtje do ta ketë 16GB me mundësi zgjerimi me anë të kartelës microSD. Gjithashtu përmban lidhjen 4G LTE.

Kjo pajisje është  e përshtatshëm me aplikacionet e Android-it, e cila do të jetë e aftë të përdorë aplikacionet Android, edhe pse për momentin ende nuk është e qartë se si do të funksionoj.

Siç përmendem me lartë, ky smartphone përdorë platformën Sailfish e cila është e bazuar në MeeGo. MeeGo bëri zhurmë kur filloi në smartphone-in Nokia N9. Megjithatë, Nokia atë kohë braktisi MeeGo-n dhe për smartphone-t e saj të ardhshëm zgjodhi platformën Windows Phone, që nga aj moment një grup i punëtorëve të MeeGo-s u larguan nga kompania për të filluar kompaninë e re Jolla dhe menjëherë filluan me smartphone të tyre.

Jolla synon të filloj me shitjen e smartphone-it deri ka fundi i këtij viti, mirëpo nga tani ata kanë filluar të bëjnë para-porositë për ata që dëshirojnë ta kenë. Kjo nga kompania gjithashtu do të përdoret për të vlerësuar reagimin ndaj blerësve të tyre në mënyrë që të mund të vendosin nëse ka kërkesa për të apo jo.

Numri i shteteve se ku do të transportohet kjo pajisje mbetet të zbulohet më vonë.|ameble|

[youtube id=”K4lWTsqFe6I” width=”600″ height=”350″]

Smartphone me MeeGo OS do të lansohen nga startup-i Finlandez Jolla

Smartphone me MeeGo OS do të lansohen nga startup-i Finlandez Jolla

by MiNT 0 Comments

Jolla Ltd. është një lojtar i ri në sferën e smartphone-ve i cili planifikon të vazhdojë punën aty ku u ndal Nokia. Kjo kompani ka vendosur që të zhvilloj, përpunoj dhe të hedh në treg smartphone të bazuar në sistemin operativ MeeGo. Prezantimi i pajisjeve pritet të ndodh në fund te këtij viti.

Ekipi i Jolla-s përbëhet kryesisht nga udhëheqësit dhe inxhinierët e grupit të Nokia MeeGo N9 dhe gjithashtu nga profesionist të komunitetit të MeeGo-s.

“Nokia ka krijuar diçka të mrekullueshme, smartphone-in më të mirë në botë. E meriton që të vazhdojë tutje dhe ne do ta realizojmë këtë me të gjithë mendjet e dituritë të cilët i kontribuan suksesit të MeeGo-s.” u shpreh Jussi Hurmola, CEO. Jolla zhvillon produkte të mençura që nga fundi i vitit 2011. Sistemi operativ ka evoluar prej MeeGo-s duke përdorur Mer Core dhe Qt përfshirë këtu edhe UI krejtësisht të re. Se sa serioz do të jetë ky tentim vetëm koha do të tregoj, sidomos duke pasur parasysh konkurrencën aktuale nga Google dhe Apple.

Sa për informatë, duket se Jello është në kërkim për punësim të talentve të MeeGo-s dhe Linux-it që të kontribuojnë në prodhimin e gjeneratës së ardhshme të smartphone-ve. |cdrinfo.com| [divider top=”0″]