Tag Archives

4 Articles
Kodak IM5 është smartphone i parë i kësaj kompanie

Kodak IM5 është smartphone i parë i kësaj kompanie

Kodak ka lansuar smartphone-in e tyre të parë në eventin CES 2015, Kodak IM5, që është një smartphone Android me ekran 5-inç dhe definicion të lartë e të plotë me rezolucion 1920 x 1080 pikselë. Kodak IM5 vjen me procesorë 8-bërthamor 1.7GHz, 1GB RAM, 8GB hapësirë të brendshme për ruajtjen e të dhënave, portën microSD e cili përkrah kartelat deri 32GB.

kodak-im5

 

Karakteristikat e tjera të Kodak IM5 përfshinë kamerën frontale 5-megapikselë dhe atë të pasmen 13-megapikselë me blicin flash. Smartphone-i do të jetë në dispozicion në dy ngjyra, në të zezë dhe të bardhë. Kodak IM5 është prodhuar në partneritet me BULLITT Group.

Më shumë detaje në lidhje me ketë smartphone-in e parë të Kodak-ut mund të gjeni këtu. /ameble

Kodak do të lansoj një smartphone Android me kamerë speciale

Kodak do të lansoj një smartphone Android me kamerë speciale

Kodak InstamaticKodak sapo ka njoftuar për planet e tyre për një smartphone të ri Android që pritet të lansohet në fillim të muajit të ardhshëm. Ky smartphone që si fokus e ka fotografinë, zyrtarisht do të prezantohet në ngjarjen CES 2015.

I dizajnuar në partneritet me prodhuesin Bullit Group, smartphone i ri nga Kodak premton një përvojë të lartë dhe të fundit që është i lehtë për t’u përdorur, edhe në qoftë se nuk jeni të mire në teknologji. Ky smartphone do të vijë gjithashtu i instaluar me softuerin që merr, ruan dhe shtyp fotografitë, së bashku me ndërfaqen e tyre të veçantë. Megjithatë, nuk është dhënë asnjë detaj se çfarë lloj i kamerës do të jetë brenda tij.

“Kodak është një prej emrave më të njohur në botë. Është e besueshme nga konsumatorët si një markë me kualitet dhe inovacion”, ka thënë krye-shefi i Bullit Group, Oliver Schulte.

Sidoqoftë mbetet të shihet se çfarë do të na sjell Kodak në tregun e smartphone-ve, në të njëjtën kohë kjo kompani ka deklaruar së në ngjarjen CES ka edhe pajisje tjera që pritet ti lansoj, duke përfshirë një tabletë me kamerë të lidhur. /ameble

Kodak i thotë “bye bye” punës me kamera, fokusohet në printera

Kodak i thotë “bye bye” punës me kamera, fokusohet në printera

KodakKompania Kodak viteve të fundit ka marr rrugën e falimentimit. Edhe pse, ajo ende na jap atë kujtesën e vjetër si një kompani e aparatave fotografik dhe ofrues i filmit të së kaluarës, mirëpo tani si duket po merr një qasje krejtësisht të ndryshme. Ne, në të ardhmen nuk do të shohim ndonjë kamerë të re nga Kodak, ajo tani do të fokusohet në diçka më të madhe se një kamerë apo film aparati.

Kompania do të përqendrohet në biznesin e saj të printimit (shtypit). Ajo edhe në të kaluaren ka shitur printera për konsumatorët, shumë prej tyre e kishin si fokus shtypjen e fotografive digjitale, por që kjo ende do të jetë fokusi i saj. Në vend të kësaj, ajo dëshiron të vënë një shtytje të përtërirë në ndërmarrje për printera që do të përdoren në kompani të mëdha, ka raportuar Bloomberg. Ata gjithashtu do të shesin pjesë që do të përdoren në ekranet me prekje për tablet dhe smartphone.

Kompania në të vërtetë nuk kanë shumë mundësi për zgjedhje, duke parë historinë e saj të kaluar si një kompani e fotografisë. Janë mbyllur 13 fabrika të saj dhe janë larguar nga puna rreth 50.000 punonjës që ishin të përfshirë në këto fabrika.

Pra kompania Kodak sot është shumë e zbehtë. Ajo ka vetëm 8.500 të punësuar të cilët do të kenë përgjegjësi të madhe për aq çka u ka mbetur. |ameble|

Apple dhe Google bashkohen për ofertën 500 milion $ nga Kodak

Apple dhe Google bashkohen për ofertën 500 milion $ nga Kodak

Apple dhe Google në njerën anë janë duke luftuar për dominim në tregjet e smartphone-ve dhe tabletëve, mirëpo në anën tjetër të dy kompanitë kanë vendosur të bashkohen në përpjekje për të blerë patentat Kodak në vlerë rreth 500 milion dollarësh amerikanë.

Apple dhe Google po punojnë së bashku për të blerë rreth 1.100 patenta nga Kodak, natyrisht marrëveshjes i duhet ende kohë për t’u konfirmuar zyrtarisht, dhe deri me tani as Google as Apple nuk kanë komentuar për marrëveshjen.

Kjo do të jetë shumë interesante për t’parë nëse do të funksionoj ky bashkëpunim i blerjes se 1,100 patentave, dhe gjithashtu mbetet të shihet se a do të ketë ndonjë ndikim tjetër në marrëdhëniet e tjera mes Google dhe Apple. |amble| [divider top=”0″]